அ. கணேசமூர்த்தி

கட்டற்ற கலைக்களஞ்சியமான விக்கிப்பீடியாவில் இருந்து.
(ஏ. கணேசமூர்த்தி இலிருந்து வழிமாற்றப்பட்டது)
அ. கணேசமூர்த்தி
நாடாளுமன்ற மக்களவை உறுப்பினர்
பதவியில்
2019-தற்போது வரை
முன்னவர் எஸ். செல்வகுமார சின்னையன்
தொகுதி ஈரோடு
நாடாளுமன்ற மக்களவை உறுப்பினர்
பதவியில்
2009-2014
பின்வந்தவர் எஸ். செல்வகுமார சின்னையன்
தொகுதி ஈரோடு
நாடாளுமன்ற மக்களவை உறுப்பினர்
பதவியில்
1998-1999
முன்னவர் ச. கு. கார்வேந்தன்
பின்வந்தவர் பழனியப்ப கவுண்டர் குமாரசாமி
தொகுதி பழனி
சட்டமன்ற உறுப்பினர்
பதவியில்
1989-1991
முன்னவர் எஸ். பாலகிருஷ்ணன்
பின்வந்தவர் கவிநிலவு தர்மராஜ்
தொகுதி மொடக்குறிச்சி
தனிநபர் தகவல்
பிறப்பு 10 சூன் 1947 (1947-06-10) (அகவை 76)
உலகபுரம், ஈரோடு, சென்னை மாகாணம், பிரித்தானிய இந்தியா
தேசியம் இந்தியர்
அரசியல் கட்சி மறுமலர்ச்சி திராவிட முன்னேற்றக் கழகம்
வாழ்க்கை துணைவர்(கள்) பாலமணி (இறப்பு)
பிள்ளைகள் 2
பெற்றோர் அவினாசி கவுண்டர்
சாராதாம்பாள்[1]
இருப்பிடம் குமாரவலசு, சென்னிமலை ஒன்றியம், பெருந்துறை வட்டம், ஈரோடு, தமிழ்நாடு
பணி விவசாயம்
அரசியல்வாதி

அ. கணேசமூர்த்தி (பிறப்பு:10 சூன் 1947) ஒரு தமிழகத்தைச் சேர்ந்த அரசியல்வாதியும், நாடாளுமன்ற உறுப்பினரும் ஆவார். மறுமலர்ச்சி திமுகவின் மூத்த தலைவர்களில் ஒருவரான இவர் அக்கட்சியின் பொருளாளராக பதவி வகிக்கிறார். 1978-இல் திமுக மாணவரணி பொறுப்பில் இருந்த இவர் பின்னர் ஒருங்கிணைந்த பெரியார் (ஈரோடு) மாவட்ட திமுக செயலாளராக பொறுப்பு வகித்தார். 1993-இல் திமுகவிலிருந்து வைகோ வெளியேற்றப்பட்ட போது அவருக்கு ஆதரவு தெரிவித்து வெளியேறிய ஒன்பது மாவட்ட செயலாளர்களில் கணேசமூர்த்தியும் ஒருவர். மறுமலர்ச்சி திமுக தொடங்கியதிலிருந்து ஈரோடு மாவட்ட செயலாளராக பொறுப்பு வகித்த இவர் 2016 முதல் மறுமலர்ச்சி திமுக பொருளாளராக உள்ளார். இவர் 1998 ஆம் ஆண்டு பொதுத்தேர்தலில் பழநி தொகுதியில் போட்டியிட்டு வென்றார். பின்னர் 2009, 2019ஆம் ஆண்டு நடைபெற்ற மக்களவைத் தேர்தலில், ஈரோடு தொகுதியிலிருந்து ம.தி.மு.க சார்பில் போட்டியிட்டு, இந்திய நாடாளுமன்றத்திற்குத் தேர்ந்தெடுக்கப்பட்டார்.[2] இவர் 2009 பொதுத் தேர்தலில் மதிமுக சார்பாக வென்ற ஒரே வேட்பாளரும் இவரே.[3]

போட்டியிட்ட தேர்தல்களும் முடிவுகளும்[தொகு]

மொத்தம் 25 பேர் தேர்தலில் போட்டியிட்ட 15வது ஈரோடு மக்களவைத் தொகுதிக்கான தேர்தலில், காங்கிரசு கட்சியை சார்ந்த ஈ.வே.கி.ச. இளங்கோவனை 49,336 வாக்குகள் வேறுபாட்டில் தோற்கடித்து, ஈரோடு மக்களவைத் தொகுதியின் முதல் உறுப்பினராக தேர்வுபெற்றார்.

பின்னர் 2019 ஆம் ஆண்டு நடந்த இந்திய மக்களவைத் தேர்தலில், ஈரோடு தொகுதியிலிருந்து, மறுமலர்ச்சி திராவிட முன்னேற்றக் கழகம் சார்பாக வேட்பாளராக நிறுத்தப்பட்டாலும், திமுக சின்னமான உதயசூரியன் சின்னத்தில் போட்டியிட்டு, இந்திய நாடாளுமன்றத்திற்குத் தேர்ந்தெடுக்கப்பட்டார்.[4]

ஆண்டு தொகுதியின் பெயர் மக்களவை / சட்டமன்றம் முடிவு
1989 மொடக்குறிச்சி சட்டமன்றம் வெற்றி
1998 பழனி மக்களவைத் தொகுதி மக்களவை வெற்றி
2006 வெள்ளக்கோயில் (சட்டமன்றத் தொகுதி) சட்டமன்றம் தோல்வி
2009 ஈரோடு மக்களவைத் தொகுதி மக்களவை வெற்றி
2014 ஈரோடு மக்களவைத் தொகுதி மக்களவை தோல்வி
2019 ஈரோடு மக்களவைத் தொகுதி மக்களவை வெற்றி

மேற்கோள்கள்[தொகு]

  1. ↑ "ஈரோடு தொகுதி மதிமுக வேட்பாளர் கணேசமூர்த்தி.. யார் இவர்?". https://tamil.oneindia.com/news/chennai/ganesamoorthy-is-going-contest-erode-ls-344109.html.  ஒன்இந்தியா (மார்ச் 16, 2019)
  2. ↑ "Statistical Reports of Lok Sabha Elections". Election Commission of India இம் மூலத்தில் இருந்து 2 அக்டோபர் 2012 அன்று. பரணிடப்பட்டது.. https://web.archive.org/web/20121002190555/http://eci.nic.in/eci_main/archiveofge2009/Stats/VOLI/11_ListOfSuccessfulCandidate.pdf. பார்த்த நாள்: 17 September 2011. 
  3. ↑ "Statistical Reports of Lok Sabha Elections". Election Commission of India. http://eci.nic.in/eci_main/archiveofge2009/Stats/VOLI/11_ListOfSuccessfulCandidate.pdf. பார்த்த நாள்: 17 September 2011. 
  4. ↑ "ஈரோடு: திமுக வேட்பாளர் அ.கணேசமூர்த்தி வெற்றி". https://www.dailythanthi.com/News/State/2019/05/23232309/Erode-DMK-candidate-AKanesamurthy-wins.vpf.  தினத்தந்தி (மே 23, 2019)
"https://ta.wikipedia.org/w/index.php?title=அ._கணேசமூர்த்தி&oldid=3585845" இருந்து மீள்விக்கப்பட்டது