டாட்டா ஸ்டீல்

கட்டற்ற கலைக்களஞ்சியமான விக்கிப்பீடியாவில் இருந்து.
Tata Steel Group
டாட்டா ஸ்டீல்
வகைPublic (முபச: 500470 )
நிறுவுகை1907
தலைமையகம்ஜாம்ஷெட்பூர், ஜார்கண்ட், India[1]
முக்கிய நபர்கள்ரத்தன் டாட்டா (தலைவர்)
பி முத்துராமன் (நிர்வாக இயக்குநர்)
தொழில்துறைஸ்டீல்
உற்பத்திகள்Hot and cold rolled coils and sheets
Wire and rods
கட்டுமான கம்பி
Pipes
Structurals and forging quality steel
வருமானம்Increase US$32.77 billion (2009)[2]
மொத்தச் சொத்துகள்Increase $31.16 billion (2009)
பணியாளர்86,548 (2009)[3]
தாய் நிறுவனம்டாடா குழுமம்
இணையத்தளம்TataSteel.com

முன்னதாக டிஸ்கோ முபச: 500470 

மற்றும் டாடா அயர்ன் அண்ட் ஸ்டீல் கம்பெனி என்றழைக்கப்பட்ட டாடா ஸ்டீல் வருடத்திற்கு 31 மில்லியன் டன்கள் கச்சா எஃகு கொள்திறனுடன் கூடிய உலகின் ஆறாவது மிகப்பெரிய எஃகு நிறுவனம் ஆகும். இந்தியாவின் உள்நாட்டு உற்பத்தியில் இது மிகப்பெரிய தனியார் துறை எஃகு நிறுவனமாகும். பார்ச்சூன் குளோபல் 500 இல் 258வது இடத்தைப் பிடித்த இந்த நிறுவனம் இந்தியாவின் ஜார்கண்ட் மாநிலத்தில் உள்ள ஜாம்ஷெட்பூரில் அமைந்துள்ளது.[4][5] இது டாடா குழும நிறுவனங்களின் ஒரு பிரிவாகும். 2008 ஆம் ஆண்டு மார்ச் 31 தேதி முடிவின் போது, 1,32,110 கோடி ரூபாய் வருமானத்தையும், 12,350 கோடி ரூபாய்க்கு மேல் நிகர இலாபத்தையும் ஈட்டிய இந்தியாவின் இரண்டாவது மிகப்பெரிய மற்றும் மிகவும் இலாபகரமான தனியார் துறை நிறுவனமாகும்.[6][7]

சமீபத்தில் வாங்கப்பட்டவைகளோடு அதன் முக்கிய தொழிற்சாலை ஜார்கண்டில் உள்ள ஜாம்ஷெட்பூரில் அமைந்துள்ளது என்பதுடன், அந்த நிறுவனம் பல்வேறு நாடுகளில் இயங்கி வரும் பன்னாட்டு நிறுவனம் என்ற பெருமையைக் கொண்டிருக்கிறது. ஜாம்ஷெட்பூர் தொழிற்சாலை ஹனிவெல்லால் வழங்கப்படும் டிசிஎஸ்ஸை கொண்டிருக்கிறது. டாடா ஸ்டீலின் பதிவு செய்யப்பட்ட அலுவலகம் மும்பையில் அமைந்திருக்கிறது. 2005 இல், அந்த நிறுவனம் உலகின் சிறந்த எஃகு உற்பத்தி செய்யும் நிறுவனமாக வேர்ல்ட் ஸ்டீல் டைனமிக்ஸ் ஆல் அங்கீகரிக்கப்பட்டது.[8] அந்த நிறுவனம் இந்தியாவின் தேசிய பங்குச் சந்தையிலும் மற்றும் மும்பை பங்குச் சந்தையிலும் பங்கேற்று வருவதுடன், கிட்டத்தட்ட 82,700 தொழிலாளர்களைக் (2007 ஆம் ஆண்டின் முடிவில்) கொண்டுள்ளது.[3]

வரலாறு[தொகு]

1907 இல், பார்சி வியாபாரியான ஜாம்செட்ஜி நுஸ்ஸெர்வான்ஜி டாடா (1904 ஆம் ஆண்டில், அந்தத் திட்டம் முடிவடைவதற்குள் அவர் இறந்தார்) என்பவரால் டாடா ஸ்டீல் நிறுவப்பட்டது. 1912 ஆம் ஆண்டிற்கு முன்பாக, இங்கிலாந்தில் ஒரு நாளைக்கு 12 மணி நேர வேலை என்று நிபந்தனை விதிக்கப்பட்டிருந்த நிலையில், டாடா ஸ்டீல் ஒரு நாளைக்கு 8 மணி நேர வேலையை அறிமுகப்படுத்தியது. 1920 இல், அது விடுமுறையுடன் கூடிய ஊதியத்தை அறிமுகப்படுத்தியதுடன், 1945 ஆம் ஆண்டில், அந்தத் திட்டம் இந்தியாவில் உள்ள மற்ற நிறுவனங்களால் நடைமுறைப்படுத்தப்பட்டது. அதே போன்று, 1920 ஆம் ஆண்டிற்கு முன்பாக, டாடா ஸ்டீல் தனது ஊழியர்களுக்காக வருங்கால சேமிப்பு நிதி திட்டத்தை தொடங்கியது, இதன் காரணமாக 1952 இல், அனைத்து நிறுவனங்களும் வருங்கால சேமிப்பு நிதி திட்டத்தை நடைமுறைப்படுத்துவதற்கான சட்டம் இயற்றப்பட்டது. தொழிலாளர்களின் வேலை நிறுத்தத்தின் காரணமாக டாடா ஸ்டீலின் உலைகள் ஒருபோதும் பாதிப்படைந்ததில்லை, இது பொறாமை கொள்ள வைக்கும் சாதனையாகும்.

கொள்திறன் விரிவாக்கம்[தொகு]

2015 ஆம் ஆண்டிற்குள் 100 மில்லியன் டன் கொள்திறனை அடைய டாடா ஸ்டீல் இலக்கு நிர்ணயித்துள்ளது. நிர்வாக இயக்குநரான பி. முத்துராமன் தரிசுநில தொழிலகங்கள் மற்றும் வாங்கியவற்றிற்கு இடையில் 100 மில்லியன் டன்னை 50-50 என்ற சமநிலையைத் தக்கவைக்கவிருப்பதாகக் குறிப்பிட்டிருக்கிறது.[9][10]

  • 18.2 மில்லியன் டன் மதிப்பிலான கோரஸ் நிறுவனத்தின் உற்பத்தி, 2 மில்லியன் டன் மதிப்பிலான நேட்ஸ்டீல் நிறுவனத்தின் உற்பத்தி மற்றும் 1.2 மில்லியன் டன் மதிப்பிலான மில்லீனியம் ஸ்டீல் நிறுவனத்தின் உற்பத்தி ஆகிய 21.4 மில்லியன் டன் உற்பத்தியை டாடா ஸ்டீல் நிறுவனம் வெளிநாடுகளில் வாங்கியுள்ளது. இதுபோன்ற வழிகளில் மேலும் 29 மில்லியன் டன் உற்பத்தியை வாங்க டாடா ஸ்டீல் திட்டமிட்டுள்ளது.[9][10]
  • இந்தியாவிலும், வெளிநாட்டிலும் டாடா ஸ்டீல் வைத்திருக்கும் சதுப்பு நிலத் திட்டங்கள் பின்வருமாறு [9]
  1. ஒரிசாவில் (இந்தியா) உள்ள 6 மில்லியன் டன் மதிப்பிலான தொழிற்சாலை
  2. ஜார்கண்டில் (இந்தியா) உள்ள 12 மில்லியன் டன் மதிப்பிலான தொழிற்சாலை
  3. சத்தீஸ்கரில் (இந்தியா) உள்ள 5 மில்லியன் டன் மதிப்பிலான தொழிற்சாலை
  4. ஈரானில் உள்ள 3 மில்லியன் டன் மதிப்பிலான தொழிற்சாலை
  5. வங்கதேசத்தில் உள்ள 2.4 மில்லியன் டன் மதிப்பிலான தொழிற்சாலை
  6. ஜாம்ஷெட்பூரில் உள்ள 5 மில்லியன் டன் மதிப்பிலான தொழிற்சாலை
  7. வியட்நாமில் (அதற்கான திட்டங்கள் நடைமுறைப்படுத்தப்பட்டு வருகின்றன) உள்ள 4.5 மில்லியன் டன் மதிப்பிலான தொழிற்சாலை

வாங்கப்பட்டவை[தொகு]

கோரஸ்[தொகு]

  • 2006 அக்டோபர் 20 இல் , கோரஸ் என்ற ஆங்கிலோ டச்சு நிறுவனத்தை ஒரு பங்கிற்கு 455 பென்ஸ் என்று 100 சதவிகித பங்குகளையும் வாங்கிக்கொள்வது என்ற பண பேரத்திற்கு ஒப்பந்தம் செய்திருப்பதாக டாடா ஸ்டீல் அறிவித்தது, ஒட்டுமொத்தாமாக இது ஜிபிபியில் 4.3 பில்லியன் மதிப்புள்ளது ஆகும்.
  • 2006 நவம்பர் 19 இல், கோரஸ் நிறுவனத்திற்கு காம்பேனியா சிதெரர்ஜிகா நேஷியோனல் (சிஎஸ்என்) என்ற பிரேசில் நாட்டைச் சார்ந்த எஃகு நிறுவனம் 475 பென்ஸ் மதிப்பிலான, 4.5 பில்லியன் யூரோவை அளிப்பதாக எதிர் அறிவிப்பு வெளியிட்டது.
  • 2006 டிசம்பர் 11 இல், டாடா 500 பென்ஸை அளிப்பதாக அறிவித்த ஒரு மணி நேரத்திற்குள், சிஎன்சி ஒரு பங்கிற்கு 515 பென்ஸை அளிப்பதாக அறிவித்தது, இதன் மொத்த மதிப்பு 4.5 மில்லியன் ஆகும்.

இந்த இரண்டு நிறுவனத்தில் ஒன்றைத் தேர்ந்தெடுப்பதற்கான பொறுப்பை கோரஸ் நிர்வாகம் தனது பங்குதாரர்களிடம் ஒப்படைத்தது.

  • 2007 ஜனவரி 31 இல், ஒரு பங்கிற்கு 608 பென்ஸை அளிப்பதாக அறிவித்ததைத் தொடர்ந்து டாடா ஸ்டீல் நிறுவனம் அந்த ஏலத்தில் வெற்றி பெற்றது, மேலும் டாடா அளிப்பதாக ஒப்புக்கொண்ட பங்குகளின் மொத்த மதிப்பு 6.7 பில்லியன் யூரோ ஆகும். இந்த முடிவிற்குப் பிறகு, இரண்டு நிறுவனங்களும் கூட்டாகச் செயல்பட்டது உலகிலேயே ஐந்தாவது மிகப்பெரிய எஃகு நிறுவனம் என்ற பெயரைப் பெற்றுத்தந்தது.

வாங்கப்பட்ட மற்றவை[தொகு]

  • 2004 ஆகஸ்டில், டாடா ஸ்டீல் தனது எஃகு வியாபாரத்தை சிங்கப்பூரில் விரிவாக்கம் செய்வதற்கு அந்நாட்டில் உள்ள நேட்ஸ்டீல் லிமிட்டெட் நிறுவனத்துடன் 486.4 மில்லியன் அமெரிக்க டாலர்கள் (தோராயமாக 1,313 கோடி) மதிப்பீட்டில் ஒப்பந்தம் செய்து கொண்டது.[11]
  • 2005 இல், டாடா ஸ்டீல் தாய்லாந்து நாட்டில் அமைந்துள்ள மில்லீனியம் ஸ்டீல் நிறுவனத்திடம் இருந்து 130 மில்லியன் அமெரிக்க டாலர்கள் (தோராயமாக 600 கோடி) மதிப்பிலான 40% பங்குகளை வாங்கியது.[12]
  • எஸ்எஸ்இ ஸ்டீல் லிமிட்டெட், மற்றும் வியட்நாமில் உள்ள வினவ்ஸ்டீல் லிமிட்டெட் ஆகிய இரண்டு தொழிற்சாலைகளின் பங்குகளை கையகப்படுத்திய சிங்கப்பூரை அடிப்படையாகக் கொண்ட நேட்ஸ்டீல் ஏசியா பிரைவேட் லிமிட்டெட் நிறுவனத்தை, டாடா ஸ்டீல் 2007 ஆம் ஆண்டு வாங்கியது.[13]

சர்ச்சைகள்[தொகு]

மிகப்பெரிய புகழை பெற்றபோதிலும், வளர்ச்சிக்காகவும், இலாபத்திற்காகவும் அந்த நிறுவனம் மேற்கொண்ட முயற்சிகள் அதன் சிறப்புகளைக் குறைக்கும்படியாக இருந்ததுடன், சமூக மற்றும் சுற்றுப்புறச் சூழல் சீர்கேட்டிற்கு அந்த நிறுவனத்தின் செயற்பாடுகளே காரணம் என்று பல்வேறு குற்றச்சாட்டுகள் எழுப்பப்பட்டன.[14] பசுமை இல்ல அரிப்பு, மூலப்பொருள்கள் மற்றும் நீரை வீணாக்குதல் போன்றவற்றை குறைக்கும் முயற்சியாக தான் மேற்கொண்ட சுற்றுப்புற மற்றும் ஆதாரப் பாதுகாப்புத் திட்டங்கள் குறித்து டாடா ஸ்டீல் நிறுவனம் மேற்கோள் காட்டியது. இந்த நிறுவனம் வீணாம்ச மறுபயன் மற்றும் மறு-சுழற்சி முறைகளைப் பயன்படுத்துகிறது என்பதுடன், காடுவளர்ப்பு மூலமாகக் கைப்பற்றிய சுரங்கங்கள் மற்றும் நிலக்கரி சுரங்களில் உள்ள நிலங்களை உள்ளவாறு தக்கவைக்கவும் உறுதியளித்தியிருக்கிறது. “2003-04 ஆம் ஆண்டில் மாசுக்களை குறைப்பதற்காக கிட்டத்தட்ட 400 கோடி ரூபாயை நாங்கள் முதலீடு செய்துள்ளோம்” என டாடா ஸ்டீலின் சுற்றுச்சூழல் மற்றும் தொழில்சார் சுகாதாரங்களுக்கான தலைவர் தெரிவித்தார்.[15]

தாம்ரா துறைமுகம்[தொகு]

தாம்ரா துறைமுகத்தில் லார்சன் & டியூப்ரோ மற்றும் டாடா ஸ்டீல் இரண்டும் இணைந்து மேற்கொண்ட புதிய நடவடிக்கைகளுக்கு கிரீன்பீஸ், வைல்ட் லைஃப் புரொடெக்ஸன் சொஸைட்டி ஆப் இந்தியா மற்றும் ஒரிசா டிரடிசனல் பிஷ்வொர்கர்ஸ் யூனியன் உள்ளிட்ட அமைப்புகள் எதிர்ப்பு தெரிவித்தன. அந்தத் துறைமுகம் பித்தர்கனிகா சரணாலயத்தில் இருந்து 5 கிலோமீட்டர் தொலைவில் அமைந்துள்ளது, மேலும் சதுப்பு நிலங்களில் வாழும் விலங்குகள், கடல் நீரில் வாழும் முதலைகள் மற்றும் பறவை இனங்கள் போன்றவற்றிற்கு சர்வதேச முக்கியத்துவம் வாய்ந்த ராம்சார் நன்செய் நிலம் முக்கிய புகலிடமாகக் காணப்படுகிறது. அந்தத் துறைமுகம் கடல் ஆமைகள் ஒதுங்கும் காஹிர்மதா சரணாலயம் அமைந்திருக்கும் கடற்கரையில் இருந்து ஏறத்தாழ 15 கிலோமீட்டர் தொலைவில் அமைந்துள்ளது, மேலும் கடல் ஆமைகள் துறைமுகப் பகுதிகளுக்கு அருகாமையில் பெருமளவில் காணப்படுகிறது. துறைமுகத்தின் ஒரு பகுதி கடல் ஆமைகளின் உறைவிடமாகவும், நடமாடும் இடமாகவும் காணப்படுகிறது, அதே சமயம் துறைமுகத்தின் ஈரமான மணல் பகுதி குதிரை இலாட வடிவ நண்டுகள், ஊர்வன மற்றும் நீர் நில வாழ் விலங்குகள் ஆகியவற்றிற்கு இனப்பெருக்கம் செய்யும் இடமாகக் காணப்படுகிறது. பெஜர்வர்யா கேன்கிரிவோரா என்ற நீர் நில வாழ் உயிரினம் இந்திய பெருநிலப்பகுதியில் வாழ்வது குறிப்பிடத்தக்கது. [16] [17]

லங்கா ஸ்பெஷல் ஸ்டீல்[தொகு]

2013 ஆம் ஆண்டு இலங்கையில் டாடா நிறுவனம் தனது துணை நிறுவனமாக [18] நிறுவியது. சென்ற நிதியாண்டில் இந்த நிறுவனம் ரூபாய் 84 கோடிகள் உற்பத்தி செய்தது. ஆனால் 2014 ஆம் ஆண்டு ஏப்ரல் மாதம் 2 ஆம் திகதி முதல் அதன் பங்குகளை ஈ.பி. சிரேசி என்ற இலங்கையைச்செர்ந்த நிறுவனத்திடம் விற்றுவிட்டு இலங்கையிலிருந்து வெளியேறியது.[19]

குறிப்புகள்[தொகு]

  1. ↑ "காப்பகப்படுத்தப்பட்ட நகல்" இம் மூலத்தில் இருந்து 2010-01-07 அன்று. பரணிடப்பட்டது.. https://web.archive.org/web/20100107063110/http://www.tatasteel.com/contactus/contact-details.asp. 
  2. ↑ "Tata Steel reports Consolidated Results for the Financial Year (2008)!-- Bot generated title -->" இம் மூலத்தில் இருந்து 2010-02-17 அன்று. பரணிடப்பட்டது.. https://web.archive.org/web/20100217115507/http://www.tatasteel.com/newsroom/press518.asp. 
  3. ↑ 3.0 3.1 "Tata Steel Annual Report 2008-09" இம் மூலத்தில் இருந்து 2012-04-25 அன்று. பரணிடப்பட்டது.. https://web.archive.org/web/20120425233959/http://www.tatasteel.com/investorrelations/annual-report-2008-09/annual-report-2008-09.pdf. 
  4. ↑ "நிறுவனத்தின் வரலாறு" இம் மூலத்தில் இருந்து 2008-08-21 அன்று. பரணிடப்பட்டது.. https://web.archive.org/web/20080821125514/http://www.tatasteel.com/company/profile.asp. 
  5. ↑ டாடா ஸ்டீல் மூலப்பொருளை சேமித்து வைக்கத் திட்டமிட்டுள்ளது-ஸ்டீல் இன்டியா குட்ஸ்/சிஸ்-நியூஸ் இண்டஸ்டரி நியூஸ்-தி இக்கானமிக் டைம்ஸ்
  6. ↑ "இந்த ஆண்டின் நிதி சம்பந்தமான முடிவுகள் 2008, மார்ச் 31 இல் நிறைவடையும்" இம் மூலத்தில் இருந்து 2013-06-21 அன்று. பரணிடப்பட்டது.. https://web.archive.org/web/20130621004224/http://www.tatasteel.com/investorrelations/annualresults-07-08.asp. 
  7. ↑ Corus buy hauls Tata Steel next to Reliance
  8. ↑ [7] ^ [6]
  9. ↑ 9.0 9.1 9.2 "டாடாவின் தேடல் தொடர்கிறது" இம் மூலத்தில் இருந்து 2008-02-03 அன்று. பரணிடப்பட்டது.. https://web.archive.org/web/20080203233944/http://www.tata.com/tata_steel/media/20070203.htm. 
  10. ↑ 10.0 10.1 http://www.financialexpress.com/old/fe_full_story.php?content_id=162675 Unabated appetite for global growth
  11. ↑ "டாடா ஸ்டீல் நேட் ஸ்டீலை கைப்பற்றியது" இம் மூலத்தில் இருந்து 2006-11-27 அன்று. பரணிடப்பட்டது.. https://web.archive.org/web/20061127161344/http://www.tata.com/tata_steel/media/20040817.htm. 
  12. ↑ டாடா ஸ்டீல் தாய் கார்ப்பரேஷனை 130 மில்லியன் அமெரிக்க டாலருக்கு வாங்குகிறது
  13. ↑ டாடா ஸ்டீல் வியட்நாமில் தொழிற்சாலையை நிறுவுகிறது
  14. ↑ "“டாடாவின் சுற்றுப்புறச் சூழல் சாதனை”, போபாலில் நீதியைக் கோரும் சர்வதேச அமைப்புகள் (பிப்ரவரி 09, 2007)" இம் மூலத்தில் இருந்து 2009-03-06 அன்று. பரணிடப்பட்டது.. https://web.archive.org/web/20090306071053/http://www.bhopal.net/blog_pr/archives/2007/02/ratan_tata_agen.html. 
  15. ↑ "சலோனி மேஹானி, “எ டேல் ஆப் டூ ஐடியாஸ்”, டாடா ஸ்டீல் வலைதளத்தைப் பார்க்கவும்" இம் மூலத்தில் இருந்து 2007-12-09 அன்று. பரணிடப்பட்டது.. https://web.archive.org/web/20071209092008/http://tatamail.com/0_our_commitment/environment/articles/20050121_tatasteel_environmental_consciousness.htm. 
  16. ↑ "பசுமை மாறாத நிலை: தாம்ரா துறைமுகத்தின் வாழும் பல்வேறு விலங்குகளைப் பற்றிய மதிப்பீடு" இம் மூலத்தில் இருந்து 2010-07-27 அன்று. பரணிடப்பட்டது.. https://web.archive.org/web/20100727012511/http://www.greenpeace.org/india/press/reports/greenpeace-biodiversity. 
  17. ↑ தாம்ரா துறைமுகத்தின் வலைத்தளம்
  18. ↑ இலங்கையிலிருந்து வெளியேறுகிறது டாடா ஸ்டீல்
  19. ↑ "Tata Steel divests stake in Lanka Special Steels" இம் மூலத்தில் இருந்து 2015-04-04 அன்று. பரணிடப்பட்டது.. https://web.archive.org/web/20150404050149/http://www.business-standard.com/content/b2b-manufacturing-industry/tata-steel-divests-stake-in-lanka-special-steels-115040200573_1.html. 
"https://ta.wikipedia.org/w/index.php?title=டாட்டா_ஸ்டீல்&oldid=3711141" இருந்து மீள்விக்கப்பட்டது