வன்னியர்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
வன்னியர்
குறிப்பிடத்தக்க மக்கள்தொகை கொண்ட பகுதிகள்
வட தமிழகம், புதுச்சேரி
மொழி(கள்)
தமிழ்
சமயங்கள்
இந்து சமயம்

வன்னியர் (Vanniyar) அல்லது வன்னிய குல சத்திரியா (Vanniya Kula Kshatriya's) எனப்படுவோர் தமிழகத்தில் குறிப்பாக வடதமிழகத்தில் அடர்த்தியாகவும், மற்ற பகுதிகளில் குறிப்பிட்ட அளவிலும் வாழுகின்ற ஒரு மிகப்பெரிய தமிழ் சாதியினர் ஆவர்.[1] இவர்கள் புதுச்சேரி, தெற்கு கருநாடகம் மற்றும் தெற்கு ஆந்திரா போன்ற பகுதிகளிலும் வாழ்கின்றனர். இவர்கள் தமிழ்நாடு அரசின் இட ஒதுக்கீடு பட்டியலில் மிகவும் பிற்படுத்தப்பட்ட வகுப்பில் உள்ளனர்.[2] இவர்கள் முன்னொரு காலத்தில் பள்ளி என்ற பெயரால் அறியப்பட்டனர்.

சொற்பிறப்பு

வன்னியருக்கான பல சொற்பிறப்பியல் கருத்துகள் உள்ளன, சமசுகிருதத்தில் வன்னி என்னும் சொல்லுக்கு (நெருப்பு/தீ) என்று பொருள்[3][4] மற்றும் திராவிடத்தில் (வலிமை) என்பதாகும்.[5] பள்ளி என்னும் சொல்லுக்கு சமசுகிருதத்தில் வனம் (காடு) என்பதாகும்.[6]

வன்னி என்னும் பெயரிலிருந்து வன்னியர்கள் தங்கள் சாதி பெயரைப் பெறுகிறார்கள் என்று அல்ஃப் ஹில்ட்பெடில் குறிப்பிடுகிறார்.[4] வன்னி என்ற வார்த்தை சமசுகிருத மொழியில் நெருப்பு என்று கருதப்படுகிறது. ஆனால் தமிழ் மொழியில் இது ஒரு முக்கியமான மரத்தின் பெயராகும். இது முனிவரின் தொடர்பு, மேலும் புராணங்களுடன் தொடர்புகளுக்கு இது வழிவகுக்கிறது.[7]

வன்னியர் குல பட்டங்கள்

படையாட்சி, பள்ளி, கவுண்டர், நாயக்கர், சம்புவரையர், காடவராயர், கச்சிராயர், காலிங்கராயர், மழவரையர், உடையார், சோழிங்கர் போன்ற 500க்கும் மேற்பட்ட பட்டங்களை கொண்ட சாதியினர் ஆவார்.[8]

வன்னியர்களின் அடையாளமாக வன்னி மரம் கருதப்படுகிறது.[சான்று தேவை] வன்னிமரம் தல விருட்சமாக தஞ்சை பெரிய கோயிலிலும் மற்றும் கங்கைகொண்டசோழபுரம் கோயிலிலும் உள்ளது.

மக்கள் தொகை

தமிழகத்தில் 1989 ஆம் ஆண்டு கணக்கீட்டின் படி வன்னியர்கள் 65 லட்சத்து 4 ஆயிரத்து 855 பேர் வசிக்கின்றனர். தமிழகத்தில் மக்கள் தொகை அடிப்படையில், இவர்களே மிகப்பெரிய சமுதாயத்தினர் ஆவார்.[9]

தற்போது

வன்னியர்கள் 1980 ஆம் ஆண்டுகளில் தமிழ்நாட்டில் 10 சதவீதத்திற்கு அதிகமாக இருந்தனர். குறிப்பாக செங்கல்பட்டு, வட ஆற்காடு, தென் ஆற்காடு மற்றும் சேலம் ஆகிய மாவட்டங்களில் 25 சதவீதத்திற்கு அதிகமான மக்கள் இருந்தனர். வன்னியர்கள் பெரும்பாலானோர் விவசாயம் செய்து வருகின்றனர். ஆனால் இவர்கள் அரசியல் செல்வாக்கு மற்றும் அமைப்பிலிருந்து பெருமளவில் பயனடைகிறார்கள். தமிழ்நாடு அரசு இடவொதுக்கீட்டு பட்டியல் பிற்படுத்தப்பட்டோர் பட்டியலில் இருந்த இவர்கள், 1980 ஆம் ஆண்டுகளில் பல போராட்டங்களைத் தொடர்ந்து, அதில் வெற்றிக் கண்டு தற்போது மிகவும் பிற்படுத்தப்பட்ட பட்டியலில் உள்ளனர்.

இந்த சமுதாயத்திற்காக உருவாக்கப்பட்ட வன்னியர் சங்கமானது, பின்னாளில் பாட்டாளி மக்கள் கட்சி என்னும் அரசியல் கட்சியாக வளர்ந்து, தமிழகத்தில் தற்போது முக்கியமான அரசியல்கட்சிகளில் ஒன்றாக உள்ளது.

குறிப்பிடத்தக்க நபர்கள்

இதனையும் காண்க

மேற்கோள்கள்

  1. Barnett, Marguerite Ross (2015). The Politics of Cultural Nationalism in South India. Princeton University Press. பக். 61. பன்னாட்டுத் தரப்புத்தக எண்:978-1-40086-718-9. https://books.google.co.uk/books?id=YFF9BgAAQBAJ&pg=PA61. 
  2. "The Vanniyar separatism".
  3. Dewaraja, Lorna Srimathie (1972). A study of the political, administrative, and social structure of the Kandyan Kingdom of Ceylon, 1707-1760. Lake House Investments. பக். 189. https://books.google.com/books?id=j5w5AQAAIAAJ. 
  4. 4.0 4.1 Alf Hiltebeitel (1991). The cult of Draupadī: Mythologies : from Gingee to Kurukserta. 1. Motilal Banarsidass. பக். 35. https://books.google.com/books?id=VncomfRVVhoC&pg=PA35. 
  5. Alf Hiltebeitel (1991). The Cult of Draupadī: Mythologies: From Gingee to Kurukserta. Motilal Banarsidass. பக். 38. பன்னாட்டுத் தரப்புத்தக எண்:978-81-208-1000-6. https://books.google.com/books?id=VncomfRVVhoC&pg=PA38. 
  6. Gopalakrishnan, Subramanian (1988). The Nayaks of Sri Lanka, 1739-1815: Political Relations with the British in South India. New Era Publications. பக். 134. https://books.google.com/books?id=bG1uAAAAMAAJ. 
  7. Hiltebeitel, Alf (1991) (in en). The cult of Draupadī: Mythologies : from Gingee to Kurukserta. Motilal Banarsidass. பக். 36. பன்னாட்டுத் தரப்புத்தக எண்:9788120810006. https://books.google.com/books?id=VncomfRVVhoC&pg=PA36. 
  8. "Vanniyan In India".
  9. "மீண்டும் சாதி சங்கமாக கூனிக் குறுகும் பாமக-கருணாநிதி". ஒன் இந்தியா தமிழ் (09 சூலை, 2009)

வெளி இணைப்புகள்

"https://ta.wikipedia.org/w/index.php?title=வன்னியர்&oldid=2700615" இருந்து மீள்விக்கப்பட்டது