மக்களவை (மலேசியா)

கட்டற்ற கலைக்களஞ்சியமான விக்கிப்பீடியாவில் இருந்து.
(டேவான் ராக்யாட் இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
மக்களவை
டேவான் ராக்யாட்
Dewan Rakyat
House of Representatives
13-ஆவது நாடாளுமன்றம்
270px
தலைமை
நாடாளுமன்ற சபாநாயகர் பண்டிக்கார் அமின் மூலியா, பாரிசான் நேசனல் - அம்னோ
5 மே 2013 முதல்
அமைப்பு
அங்கத்தவர்கள் 222 உறுப்பினர்கள்
12th Dewan Rakyat of Malaysia.svg
அரசியல் குழுக்கள்

(6 மே 2013)      பாரிசான் நேசனல் (133)      பாக்காத்தான் ராக்யாட் (89)      சபா முற்போக்கு கட்சி (0)      மலேசிய சோசலிச கட்சி (0)

     சுயேட்சைகள் (0)
கடைசிப் பொதுத் தேர்தல் மலேசியப் பொதுத் தேர்தல், 2013
கூடும் இடம்
மலேசிய நாடாளுமன்றம், கோலாலம்பூர், மலேசியா
வலைத்தளம்
www.parlimen.gov.my



மலேசியா
Coat of arms of Malaysia.svg

டேவான் ராக்யாட் (மலாய்: Dewan Rakyat, House of Representatives) என்பது மலேசிய நாடாளுமன்றத்தின் மக்களவையைக் (கீழவை) குறிக்கும் மலாய்ச் சொல் ஆகும். டேவான் என்றால் அவை. ராக்யாட் என்றால் மக்கள். மலேசியாவின் அனைத்துச் சட்ட மசோதக்களும் இங்குதான் விவாதிக்கப்பட்டு, இயற்றப்படுகின்றன.[1]

அவ்வாறு இயற்றப்படும் சட்ட மசோதாக்கள், மக்களவையில் இருந்து நாடாளுமன்ற மேலவையின் சம்மதத்திற்குக் கொண்டு செல்லப்படுகின்றன. அதன் பின்னர், மலேசிய பேரரசர் ஒப்புதல் அளித்த பின்னர் அந்த மசோதாக்கள் சட்டங்களாகின்றன. நாடாளுமன்ற மேலவை டேவான் நெகாரா என்று அழைக்கப்படுகிறது.

டேவான் ராக்யாட்டின் உறுப்பினர்களைப் பொதுவாக, நாடாளுமன்ற உறுப்பினர்கள் என்றே அழைக்கின்றனர். மலேசியத் தலைநகரமான கோலாலம்பூரில் நாடாளுமன்ற மாளிகை உள்ளது. அங்குதான் நாடாளுமன்றக் கூட்டங்கள் நடைபெறுகின்றன.

அமைப்பு[தொகு]

மலேசிய நாடாளுமன்றம் என்பது மலேசியாவின் ஆக உயர்ந்த சட்டப் பேரவையாகும். சட்டங்களை இயற்றுவதும், சட்டங்களை மாற்றித் திருத்தி அமைப்பதும் அதன் தலையாய பண்பு நலன்களாகும். மலேசிய பேரரசர் நாட்டுத் தலைவராக இருந்தாலும், அவருக்குச் சார் நிலையான தகுதியில், மலேசிய அரசியலமைப்பின் 39வது விதிகளின்படி மலேசிய நாடாளுமன்றம் இயங்கி வருகிறது.[2]

ஒரு நாடாளுமன்ற உறுப்பினர் சத்தியப் பிரமாணம் எடுத்துக் கொண்டதும், அவருக்கு நாடாளுமன்ற சட்ட விலக்களிப்பு (ஆங்கிலம்:Parliamentary immunity) அதாவது நாடாளுமன்ற தடைக்காப்பு வழங்கப்படுகிறது. நாடாளுமன்றத்தில் தன் கருத்துகளைச் சொல்வதில் முழு உரிமை வழங்கப்படுகிறது. ஆனால், இனத் துவேச, அரசுப் பகையை மூட்டிவிடும் விசயங்களைப் பற்றி பேசுவதில் அல்லது எழுதுவதில் இருந்து நாடாளுமன்ற உறுப்பினர்கள் தடை செய்யப்படுகின்றனர்.

13 மே இனக்கலவரம், பூமிபுத்ராகளின் சிறப்புரிமைகள் பற்றி பேசுவதற்கும், விவாதிப்பதற்கும் நாடாளுமன்ற உறுப்பினர்களுக்கு அனுமதி இல்லை. தவிர, மலேசியப் பேரரசரையும், நீதிபதிகளையும் குறை சொல்வதில் இருந்து நாடாளுமன்ற உறுப்பினர்கள் தடை செய்யப்படுகின்றனர்.[3]

ஒரு சட்டம் எப்படி இயற்றப்படுகிறது[தொகு]

மலேசிய நாடாளுமன்றத்தில் ஒரு மசோதா எப்படி சட்டம் ஆக்கப்படுகிறது. அதன் பின்னணி:

  • அந்த வரைவோலையைப் பற்றி மலேசிய அமைச்சரவை முதலில் விவாதிக்கிறது.
  • அமைச்சரவை சம்மதம் தெரிவித்ததும், வரைவோலை எனப்படுவது ஒரு மசோதா எனும் தகுதியைப் பெறுகிறது.
  • அந்த மசோதா நாடாளுமன்றத்தில் சமர்ப்பிக்கப்படுகிறது. நாடாளுமன்றத்தின் அனைத்து உறுப்பினர்களுக்கும் ஒரு நகல் மசோதா விநியோகிக்கப்படுகிறது.
  • டேவான் ராக்யாட்டில் மூன்று கட்டங்களில் அந்த மசோதாவின் வாசிப்பு நடைபெறுகிறது. முதல் கட்டமாக அமைச்சர் அல்லது ஒரு துணையமைச்சர், அந்த மசோதாவை நாடாளுமன்றத்தில் தாக்கல் செய்வது.
  • இரண்டாவது கட்டமாக, அந்த மசோதா நாடாளுமன்ற உறுப்பினர்களால் கலந்துரையாடப்பட்டு விவாதிக்கப்படுகிறது.
  • மூன்றாவது கட்டமாக, அந்த மசோதா நாடாளுமன்ற உறுப்பினர்களின் அனுமதி பெறுவதற்காக, அவர்களின் வாக்களிப்பிற்குச் செல்கின்றது. மசோதா நிறைவேறுவதற்கு நாடாளுமன்றத்தின் மூன்றுக்கு இரண்டு பெரும்பான்மை தேவை. சில சமயங்களில் ஓர் அறுதிப் பெரும்பான்மை இருந்தாலும் போதும்.
  • அந்த மசோதாவிற்கு பெரும்பான்மை கிடைத்ததும், டேவான் நெகாரா (மலாய்: Dewan Negara) எனும் மேலவைக்கு அனுப்பப்படுகிறது. டேவான் ராக்யாட்டில் எப்படி மூன்று கட்டங்களில் அந்த மசோதாவின் வாசிப்பு நடைபெற்றதோ, அதே போல இங்கேயும் மூன்று கட்டங்களில் வாசிப்பு நடைபெறும்.
  • அந்த மசோதா நிறைவேற்றப்படுவதில் இருந்து டேவான் நெகாரா தடைவிதிக்கலாம். அல்லது ஒப்புதல் அளிக்காமல் போகலாம். ஆனால், அது காலதாமதத்தை தான் ஏற்படுத்தும். ஒரு மாதம் அல்லது ஒரு வருடத்திற்கு காலதாமதம் செய்யலாம். அதற்குப் பின்னர், டேவான் நெகாராவின் சம்மதம் இல்லாமலேயே, அந்த மசோதா நிறைவேற்றப்பட்டதாகக் கருதப்படும்.
  • அந்த மசோதா மலேசிய பேரரசரின் பார்வைக்கும், சம்மதத்திற்கும் அனுப்பி வைக்கப்படுகிறது. 30 நாள்கள் கால அனுமதி வழங்கப்படுகிறது.
  • பேரரசர் சம்மதிக்கவில்லை என்றால் மாற்றங்களைச் செய்யச் சொல்லி அவர் அந்த மசோதாவை மறுபடியும் நாடாளுமன்றத்திற்கே திருப்பி விடுவார்.
  • அடுத்து வரும் 30 நாள்களுக்குள், நாடாளுமன்றம் அந்த மசோதாவில் மாற்றங்கள் அல்லது திருத்தங்கள் செய்து, மறுபடியும் பேரரசரின் சம்மதத்திற்கு அனுப்பி வைக்க வேண்டும்.
  • இதன் பின்னர் 30 நாள்களுக்குள் பேரரசர் சம்மதம் தெரிவிக்க வேண்டும். அவர் சம்மதிக்கிறாரோ இல்லையோ அதன் பிறகு அந்த மசோதாவை ஒரு சட்டமாக ஆக்குவதற்கான ஏற்பாடுகள் மேற்கொள்ளப்படும்.
  • அரசாணையில் (ஆங்கிலம்:Government Gazette) இடம்பெறும் வரையில் அந்த மசோதா ஒரு சட்டமாகக் கருதப்பட மாட்டாது. அல்லது ஒரு சட்டமாகச் செயல்படவும் முடியாது.

நாடாளுமன்றச் சபாநாயகர்[தொகு]

ஒருவர் நாடாளுமன்ற உறுப்பினர் ஆவதற்கான குறைந்த வயது 21. நாடாளுமன்றத்தின் தலைவரை சபாநாயகர் என்று அழைக்கிறார்கள். ஐந்தாண்டுகளுக்கு ஒருமுறை நாடாளுமன்றம் முதல் முறையாகக் கூடும் போது, நாடாளுமன்ற உறுப்பினர்களால் சபாநாயகர் தேர்வு செய்யப்படுகிறார். அவரைத் தவிர இரு துணைச் சபாநாயகர்களும் தேர்ந்தெடுக்கப்படுகின்றனர்.

டேவான் ராக்யாட்டின் அன்றாட அலுவல்களைக் கவனித்துக் கொள்வதற்காக நாடாளுமன்ற அலுவலகம் இருக்கிறது. இதன் தலைவரை பேரரசர் நியமனம் செய்கிறார். அவரைப் பதவியில் இருந்து பேரரசர் அல்லது நீதிபதிகள் மட்டுமே நீக்க முடியும்.

தேர்தல் முடிவுகள் 2013[தொகு]

[உரை] – [தொகு]
மலேசியாவில் 2013 மே 5 இல் நடந்த மக்களவைத் தேர்தல் முடிவுகள்
கட்சி (கூட்டணி) வாக்குகள் வாக்கு % இடங்கள் வாக்கு % +/–
தேசிய முன்னணி BN 5,237,699 47.38 133 59.91 Red Arrow Down.svg7*
அம்னோ UMNO 3,252,484 29.42 88 39.64 Green Arrow Up Darker.svg9
மலேசிய சீனர் சங்கம் MCA 867,851 7.85 7 3.15 Red Arrow Down.svg8
மலேசிய இந்திய காங்கிரசு MIC 286,629 2.59 4 1.80 Green Arrow Up Darker.svg1
ஐக்கிய பாரம்பரிய பூமிபுத்ரா கட்சி PBB 232,390 2.10 14 6.31 Straight Line Steady.svg
மலேசிய மக்கள் இயக்கக் கட்சி Gerakan 191,019 1.73 1 0.45 Red Arrow Down.svg1
சரவாக் ஐக்கிய மக்கள் கட்சி SUPP 133,603 1.21 1 0.45 Red Arrow Down.svg5
ஐக்கிய சபா கட்சி PBS 74,959 0.68 4 1.80 Green Arrow Up Darker.svg1
சரவாக் மக்கள் கட்சி PRS 59,540 0.54 6 2.70 Straight Line Steady.svg
சரவாக் முற்போக்கு ஜனநாயக கட்சி SPDP 55,505 0.50 4 1.80 Straight Line Steady.svg
ஐக்கிய பாசோக்மோமோகான் கடாசான் மூருட் அமைப்பு UPKO 53,584 0.48 3 1.35 Red Arrow Down.svg1
Liberal Democratic Party LDP 13,138 0.12 0 0.00 Red Arrow Down.svg1
ஐக்கிய சபா மக்கள் கட்சி PBRS 9,467 0.09 1 0.45 Straight Line Steady.svg
மக்கள் முற்போக்குக் கட்சி PPP 7,530 0.07 0 0.00 Straight Line Steady.svg
மக்கள் கூட்டணி PR 5,623,984 50.87 89 40.09 Green Arrow Up Darker.svg7
மக்கள் நீதிக் கட்சி PKR 2,254,328 20.39 30 13.51 Red Arrow Down.svg1
ஜனநாயக செயல் கட்சி DAP 1,736,267 15.71 38 17.12 Green Arrow Up Darker.svg10
மலேசிய இஸ்லாமிய கட்சி PAS 1,633,389 14.78 21 9.46 Red Arrow Down.svg2
மாநில சீர்திருத்தக் கட்சி STAR 45,386 0.41 0 0.00 Straight Line Steady.svg
அகில மலேசிய இஸ்லாமிய முன்னணி Berjasa 31,835 0.29 0 0.00 Straight Line Steady.svg
சரவாக் தொழிலாளர் கட்சி SWP 15,630 0.14 0 0.00 Straight Line Steady.svg
சபா முற்போக்கு கட்சி[lower-alpha 1] SAPP 10,099 0.09 0 0.00 Red Arrow Down.svg2
Love Malaysia Party PCM 2,129 0.02 0 0.00 Straight Line Steady.svg
மலேசிய மக்கள் பொதுநலக் கட்சி KITA 623 0.01 0 0.00 Straight Line Steady.svg
மலேசிய ஐக்கிய மக்கள் கட்சி பெர்சமா 257 0.00 0 0.00 Straight Line Steady.svg
சுயேட்சைகள் IND 86,935 0.79 0 0.00 Straight Line Steady.svg
செல்லுபடியான வாக்குகள் 11,054,577
பழுதடைந்த வாக்குகள்|202,570
மொத்த வாக்குகள் (84.84%) 11,257,147 100.0 222 100.0 Straight Line Steady.svg
வாக்களிக்காதோர் 2,010,855
பதிவு செய்த வாக்காளர்கள் 13,268,002
சாதாரண வாக்காளர்கள் 12,885,434
தொடக்க வாக்காளர்கள் 235,826
அஞ்சல் வாக்குகள் 146,742
வாக்கு வயது (21 இற்கும் மேற்பட்டோர்) 17,883,697
மலேசிய மக்கள் தொகை 29,628,392

மூலம்: Election Commission of Malaysia
மூலம்: Nohlen et al. [1]

  1. 2008 தேர்தலின் பின்னர் சபா முற்போக்கு கட்சி தேசிய முன்னனியில் இருந்து விலகியதனால், 2 மேலதிக இடங்கள் இழப்பு ஏற்பட்டது.

சான்றுகள்[தொகு]

  • Means, Gordon P. (1991). Malaysian Politics: The Second Generation, pp. 14, 15. Oxford University Press. ISBN 0-19-588988-6.
  • HOUSES OF PARLIAMENT (PRIVILEGES AND POWERS) ACT 1952 - Incorporating all amendments up to 1 January 2006
  • Shuid, Mahdi & Yunus, Mohd. Fauzi (2001). Malaysian Studies, pp. 33, 34. Longman. ISBN 983-74-2024-3.

மேற்கோள்கள்[தொகு]

"https://ta.wikipedia.org/w/index.php?title=மக்களவை_(மலேசியா)&oldid=1893318" இருந்து மீள்விக்கப்பட்டது