ஜனநாயக செயல் கட்சி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஜனநாயக செயல் கட்சி
ஆலோசகர்
தற்காலிகத் தலைவர்
துணைத் தலைவர்
லிம் கிட் சியாங்
டான் கோக் வேய்
உதவித் தலைவர்கள் எம். குலசேகரன்
சொங் சிஏங் ஜென்
சோவ் கோன் யாவ்
அரிபின் ஒமர்
பொதுச் செயலாளர் லிம் குவான் எங்
துணை பொதுச் செயலாளர்கள் இராமசாமி பழனிச்சாமி
சொங் எங்
ஙா கூ ஹாம்
தொடக்கம் 1965
தலைமையகம் கோலாலம்பூர், மலேசியா
செய்தி ஏடு ராக்கெட்
இளைஞரமைப்பு சோசலிச இளைஞர்
கொள்கை சோசலிச ஜனநாயகம்
அரசியல் நிலைப்பாடு இடது-மையம்
தேசியக்கூட்டணி மக்கள் யோசனை (1989–1996)
மாற்று பாரிசான் (1999–2004)
பாக்காத்தான் ராக்யாட் (2008–present)
நிறங்கள் வெள்ளை, சிவப்பு, நீலம்
மக்கள் சபை
38 / 222
மாநில சட்டமன்றங்கள்
105 / 576
இணையதளம்
dapmalaysia.org

ஜனநாயக செயல் கட்சி (Democratic Action Party) அல்லது சுருக்கமாக ஜ.செ.க என்பது மலேசியாவின் முக்கிய மூன்று எதிர்க் கட்சிகளில் ஒன்றாகும்.[1] ஜ.செ.க என்று சுருக்கமாக அழைக்கப்படும் ஜனநாயக செயல் கட்சி, மற்ற இரு எதிர்க் கட்சிகளான மக்கள் நீதிக் கட்சி, மலேசிய இஸ்லாமிய கட்சிகளுடன் கூட்டு சேர்ந்து பாக்காத்தான் ராக்யாட் எனும் ஓர் அரசியல் அமைப்பை உருவாக்கி, மலேசியத் தேர்தல்களில் போட்டியிட்டு வருகின்றது.

அண்மைய தேர்தல்களில் ஆளும் கட்சியாக விளங்கும் பாரிசான் நேசனல் கூட்டணிக்கு, இந்த மக்கள் கூட்டணி கடும் சவால்களைக் கொடுத்து வருகின்றது. மலேசியர்களுக்கு மலேசியா எனும் கொள்கையின் அடிப்படையில், மலேசியாவில் உள்ள பல்வேறு இனங்கள், சமயங்கள், கலாசாரங்களை ஒன்றிணைக்கும் முயற்சியில் ஜனநாயக செயல் கட்சி தீவிரமாக ஈடுபட்டு வருகின்றது.

மக்களாட்சியைப் பேணி மலேசிய மக்கள் அனைவருக்கும் சரிசமமான வாய்ப்புகளும் வசதிகளும் வழங்கப்பட வேண்டும் என்று அந்தக் கட்சி போராடி வருகின்றது.[2] இக்கட்சியின் கோட்டைகளாக பினாங்கு, பேராக் மாநிலங்களும் கோலாலம்பூர் கூட்டரசுப் பகுதியும் விளங்குகின்றன.

ஜனநாயக செயல் கட்சியின் தலைவர்கள்[தொகு]

இராமசாமி பழனிச்சாமி[தொகு]

பேராசிரியர் இராமசாமி பழனிச்சாமி மலேசியாவின் பினாங்கு மாநிலத் துணை முதல்வர் மற்றும் ஜனநாயக செயல் கட்சியின் பினாங்கு பிறை சட்டமன்றத் தொகுதியின் உறுப்பினர் ஆவார்.

2008-ஆம் ஆண்டு நடைபெற்ற மலேசியப் பொதுத் தேர்தலில், பேராசிரியர் இராமசாமி ஜனநாயக செயல் கட்சியின் சார்பில் பினாங்கு பத்து காவான் நாடாளுமன்றத் தொகுதியிலும், பிறை சட்டமன்றத் தொகுயிலும் போட்டியிட்டு வெற்றி பெற்றார். பத்து காவான் நாடாளுமன்றத் தொகுதியில், அவர் அப்போதைய பினாங்கு முதலமைச்சர் கோ சு கூன்னைத் தோற்கடித்தார்.[3] பேராசிரியர் இராமசாமி, தற்சமயம் ஜனநாயக செயல் கட்சியின் துணைப் பொதுச் செயலாளர் பதவியை வகித்து வருகிறார்.[4]

சிவகுமார் வரதராஜன்[தொகு]

வி. சிவகுமார் என அழைக்கப்படும் சிவகுமார் வரதராஜன் மலேசியாவின் ஜனநாயக செயல் கட்சியின் பேராக் பத்து காஜா தொகுதியின் நாடாளுமன்ற உறுப்பினர் ஆவார். இவர் பேராக் மாநிலத்தின் முன்னாள் சபாநாயகரும் ஆவார். 2008-ஆம் ஆண்டு பொதுத் தேர்தலுக்குப் பின், பேராக் மாநிலத்தை ஆட்சி செய்து வந்த பாக்காத்தான் ராக்யாட், இவரை பேராக் மாநிலச் சட்டமன்றத்தின் சபாநாயகராக்கியது.

மலேசிய அரசியல் வரலாற்றில், தமிழர் ஒருவர் மலேசிய மாநிலத்தின் சபாநாயகர் பதவியை வகிப்பது அதுவே முதல் முறையாகும். தற்சமயம் கட்சியின் அனைத்துலகச் செயலாளர் பதவியை வகித்து வருகிறார்.[5]

எம். குலசேகரன்[தொகு]

எம். குலசேகரன் 2008-ஆம் ஆண்டு நடைபெற்ற மலேசியப் பொதுத் தேர்தலில், பேராக் மாநிலத்தின், மேற்கு ஈப்போ நாடாளுமன்றத் தொகுதியில், மலேசிய சீனர் சங்கத்தைச் சேர்ந்த இக் பூய் ஹோங் (Yik Phooi Hong) என்பவரை எதிர்த்துப் போட்டியிட்டு வெற்றி பெற்றார். எம். குலசேகரன் ,ஜனநாயக செயல் கட்சியின் தேசியத் உதவித் தலைவர் ஆவார்.[6]

கஸ்தூரி பட்டு[தொகு]

2013 மலேசிய பொதுத் தேர்தலில், பேராசிரியர் இராமசாமி நாடாளுமன்றத்திற்கு போட்டியிடவில்லை. அவருக்குப் பதிலாக ஜனநாயக செயல் கட்சியின் கஸ்தூரி பட்டு பினாங்கு பத்து காவான் நாடாளுமன்றத்திற்குப் போட்டியிட்டு வெற்றி பெற்றார். இவர் மலேசிய நாடாளுமன்றத்தில், எதிர்க்கட்சியைச் சார்ந்த முதல் தமிழ்பெண் ஆவார்.[7]

காணொளிகள்[தொகு]

மேற்கோள்கள்[தொகு]

  1. DAP Website: About Us: The Party. Retrieved 12 Feb. 2008.
  2. The vision of the party is to establish a peaceful and prosperous social democracy that can unite its disparate races and diverse religions and cultures. Retrieved 12 Jan. 2015.
  3. Known to many in the state as “Prof”, DAP deputy secretary-general Ramasamy Palanisamy achieved what was thought the unthinkable in the 2008 general election. He stood in the parliamentary seat of Batu Kawan against then chief minister of Penang Tan Sri Dr Koh Tsu Koon, who had helmed the state for 18 years, and won by a majority of 9,485. Retrieved 12 Jan. 2015.
  4. Prof. P. Ramasamy, Deputy Secretary-General. Retrieved 12 Jan. 2015.
  5. The 2009 Perak constitutional crisis was a political dispute in Malaysia regarding the legitimacy of the Perak state government formed in February 2009.
  6. M. Kula Segaran, Vice Chairman. Retrieved 12 Jan. 2015.
  7. Kasthuriraani a/p Patto Pusat Khidmat Rakyat Parlimen Batu Kawan Retrieved 12 Jan. 2015.

வெளி இணைப்புகள்[தொகு]

"http://ta.wikipedia.org/w/index.php?title=ஜனநாயக_செயல்_கட்சி&oldid=1786008" இருந்து மீள்விக்கப்பட்டது