வீரேந்தர் சேவாக்

வீரேந்தர் சேவாக் இந்தியா (IND)
துடுப்பாட்ட வகை	வலதுகை
பந்துவீச்சு வகை	வலதுகை வலச்சுழல்
அணியில் பணி	மட்டையாளர்
	தேர்வு	ஒ.ப.து
ஆட்டங்கள்	87	236
ஓட்டங்கள்	7694	7760
ஓட்ட சராசரி	53.43	35.11
100கள்/50கள்	22/27	14/37
அதிக ஓட்டங்கள்	319	219
பந்துவீச்சுகள்	3249	4230
இலக்குகள் (விக்கெட்டுகள்)	39	92
பந்துவீச்சு சராசரி	42.12	40.39
ஆட்டத்தில் 5 இலக்குகள்	1	0
ஆட்டத்தில் 10 இலக்குகள்	0	பொருந்தாது
சிறந்த பந்துவீச்சு	5/118	4/6
பிடிகள்/ ஸ்டம்பிங்குகள்	67/0	87/0
ஏப்ரல் 06, 2011 நிலவரப்படி ஆதாரம்: Cricinfo.com

வீரு என்ற செல்லப்பெயரால் அழைக்கப்படும் வீரேந்தர் சேவாக் (பி. அக்டோபர் 20, 1978) இந்தியாவின் துடுப்பாளர். வலதுகைத் துடுப்பாளரான இவர் இந்திய அணியின் துவக்கத் துடுப்பாளராகக் களமிறங்குபவர். 1998 இல் ஒருநாள் போட்டிகளிலும் 2001 இல் டெஸ்ட் போட்டிகளிலும் இந்திய சார்பாக அறிமுகமானார். இந்தியா சார்பாகத் தேர்வுத் துடுப்பாட்டத்தில் ஓர் இன்னிங்ஸில் அதிகூடிய ஓட்டங்களைப் பெற்ற சாதனையாளர் இவர். 2004 மார்ச்சில் பாகிஸ்தானுக்கு எதிராக முல்தானில் 309 ஓட்டங்களையும் 2008 மார்ச்சில் தென்னாபிரிக்காவுக்கு எதிராக சென்னையில் 319 ஓட்டங்களையும் பெற்றார்.

தென்னாபிரிக்காவுக்கெதிராக 278 பந்துகளில் 300 ஓட்டங்களைப் பெற்றமை தேர்வுத் துடுப்பாட்டத்தில் அதிவேகமான முச்சதச் சாதனையாகும்; மேலும் இலங்கைக்கு எதிராக டிசம்பர் 2009 மும்பை பிராபோன் அரங்கத்தில் 207 பந்துகளில் அடித்த 250 ஓட்டங்கள் டெஸ்ட் கிரிக்கெட் வரலாற்றில் அதிவேகமானதாகும். டிசம்பர் 8, 2011 அன்று மேற்கிந்தியத் தீவுகளுக்கு எதிராக இந்தூரில் நடந்த ஒரு நாள் போட்டியில் 149 பந்துகளுக்கு 219 ஓட்டங்கள் எடுத்து ஒரு நாள் ஆட்டங்களில் 200 ஓட்டங்களுக்கு மேல் எடுத்த சாதனையை சச்சின் டெண்டுல்கருக்கு அடுத்ததாகப் பெற்றார். தற்போதைக்கு ஒரு நாள் போட்டிகளில் அதிக ஓட்டங்கள் எடுத்து உலகசாதனை புரிந்தவராக உள்ளார்.

துவக்க கால வாழ்க்கை

கிருஷ்ணன் (சேவாக்கின் அப்பா), கிருஷ்ணா (அம்மா) சேவாக் தம்பதிக்கு மூத்த மகனாக அக்டோபர் 20, 1978 அன்று பிறந்தார் வீரேந்தர் ; அவருடன் பிறந்தவர்கள் மூன்று பேர். டெல்லியின் புறநகர்ப் பகுதியான நஜவ்கட்டில் கோதுமை, அரிசி, வயல் விதைகள் ஆகியவற்றை வணிகம் செய்து வருகின்றது சேவாக்கின் குடும்பம்.

வெளி இணைப்புகள்

• கிறிக் இன்ஃபோ தளத்தில் வீரேந்த்தர் சேவாக்