ஏ. ஆர். ரகுமான்

கட்டற்ற கலைக்களஞ்சியமான விக்கிப்பீடியாவில் இருந்து.
(ஏ. ஆர். ரஹ்மான் இலிருந்து வழிமாற்றப்பட்டது)
அ. இர. ரகுமான்
பின்னணித் தகவல்கள்
இயற்பெயர்ஏ.சே.திலீப்குமார்
பிறப்புசனவரி 6, 1967 (1967-01-06) (அகவை 57)
பிறப்பிடம்சென்னை, தமிழ்நாடு, இந்தியா
இசை வடிவங்கள்திரைப்பட, மேடை இசை
தொழில்(கள்)இசையமைப்பாளர், இசை தயாரிப்பாளர், இசை இயக்குனர், பாடகர், இசைக்கருவி இசைப்பவர், நிரலாக்கர்
இசைக்கருவி(கள்)மின்னணு இசைப்பலகை (கீபோர்டு), குரலிசை, கிட்டார், பியானோ, ஆர்மோனியம், தாளம், ஏனைய
இணைந்த செயற்பாடுகள்சூப்பர்ஹெவி
இணையதளம்அலுவல்முறை இணையத் தளம்

அ. இர. இரகுமான் (அல்லா இரக்கா இரகுமான், பிறப்பு: 6 சனவரி 1967), புகழ் பெற்ற இந்தியத் திரைப்பட இசையமைப்பாளர் ஆவார். மணிரத்தினம் இயக்கத்தில் 1992ஆம் ஆண்டு வெளிவந்த ரோஜா திரைப்படத்தின் மூலம் இசையமைப்பாளராக அறிமுகமானார். தமிழ், இந்தி , ஆங்கிலம் போன்ற பல மொழித் திரைப்படங்களுக்கு இசையமைத்த இவர் இசைப்புயல் என அழைக்கப்படுகிறார். ஆஸ்கார் விருது, கோல்டன் குளோப் விருது , பாஃப்டா விருது , தேசியத் திரைப்பட விருது போன்ற புகழ் பெற்ற விருதுகளைப் பெற்றவர். ஹாலிவுட் திரைப்படமான ஸ்லம் டாக் மில்லியனியர் என்ற ஆங்கிலத் திரைப்படத்திற்கு இசையமைத்தமைக்காக ஆஸ்கார் விருதுகளை வென்றிருக்கிறார். மேலும் இத்திரைப்பட இசைக்காக இவருக்கு 2008 ஆம் ஆண்டுக்கான கோல்டன் குளோப் விருதும் , பாஃப்டா விருதும் கிடைத்தன. இவ்விரு விருதுகளைப் பெற்ற முதலாவது இந்தியரும் இவரேயாவார். இவருக்கு 2010-ஆம் ஆண்டில் இந்திய அரசின் பத்ம பூசண் விருது அளிக்கப்பட்டது. இவர் ஆசியாவின் மொசார்ட் என்றும் அழைக்கப்படுகிறார்[1].

2009 ஆம் ஆண்டு 81ஆம் ஆஸ்கார் விருதுகளுக்காக அமைத்த மாபெரும் மேடையில் இவரது தாய் மொழியான தமிழில் 'எல்லாப் புகழும் இறைவனுக்கே' என்று இவர் அடிக்கடி உச்சரிக்கும் மந்திரச் சொல்லைப் பாடினார்.[2] 2017 ஆம் ஆண்டு இவருக்கு தமிழ் ரத்னா விருது வழங்கி அமெரிக்கா தமிழ் சங்கம் கவுரவித்துள்ளது.[3]

இவர் மேற்கத்திய இசைக் கருவிகளை கையாளும் திறன்படைத்த மாஸ்டர் தன்ராஜிடம் மேற்கத்திய இசையைப் பயின்றவர்.

வாழ்க்கைக் குறிப்பு[தொகு]

ரகுமான் 1966 சனவரி 6 ஆம் திகதி தமிழ்நாட்டில் சென்னையில் பிறந்தவர். அருணாச்சலம் சேகர் திலீப் குமார் என்பது இவரது இயற்பெயர் ஆகும். அம்மா பெயர் கஸ்தூரி. அக்கா பெயர் ஏ. ஆர். ரைஹானா. அக்கா மகன் ஜி. வி. பிரகாஷ்குமார் (நடிகர்). தங்கை பாத்திமா, இஷ்ரத் மற்றும் சகலை ரகுமான் (நடிகர்). இசையுலகப் பயணத்தை 1985 இல் ஆரம்பித்தார். இவரின் குடும்பம் இசை சார்ந்தது. இவரின் தந்தை ஆர். கே. சேகர் மலையாளத் திரைப்படத்துறையில் பணியாற்றியவர். சிறு வயதிலேயே தந்தையை இழந்தார். அதன் பின் குடும்பத்தில் வருமானம் இல்லாத நிலையில் தன் தந்தையின் இசைக்கருவிகளை வாடகைக்குவிட்டு அந்த வருமானத்தில் பியானோ, ஆர்மோனியம் மற்றும் கித்தார் வாசிக்கக் கற்று கொண்டார். தன்ராஜ் மாஸ்டரிடம் முறைப்படி இசை கற்றுக் கொண்டார். 11 வயதில் இளையராஜா இசைக்குழுவில் கீபோர்டு வாசிப்பதற்காகச் சேர்ந்தார். பின்னர் எம். எஸ். விஸ்வநாதன், ரமேஷ் நாயுடு, ஜாகீர் உசேன் மற்றும் குன்னக்குடி வைத்தியநாதன் உள்ளிட்ட பல இசையமைப்பாளர்களிடம் பணியாற்றினார். டிரினிட்டி காலேஜ் ஆப் மியூசிக் கல்லூரியில் கிளாசிக்கல் மியூசிக்கில் பட்டம் பெற்றார்.

இவரது மனைவி பெயர் ஷெரினா பானு. காதிஜா, கீமா ரகுமானியா, அமின் என மூன்று பிள்ளைகள் உள்ளனர்.

1992 இல் தனது வீட்டிலேயே இசைக் கலையகத்தை அமைத்தார். இதே ஆண்டு வெளியான மணிரத்தினத்தின் ரோஜா திரைப்படம், இவருடைய வாழ்க்கையில் திருப்புமுனையாக அமைந்தது. இப்படத்தின் பாடல்கள் அனைத்தும் பிரபலமாயின. இவருக்கு முதல் தேசியவிருது வாங்கித் தந்தது. பின்னர் 1997 இல் மின்சாரக் கனவும், 2002 லகான் இந்தி படமும், 2003-இல் கன்னத்தில் முத்தமிட்டால் படமும் இவருக்குத் தேசிய விருதுகள் வாங்கித் தந்தன.

முத்து திரைப்படம் சப்பானில் வெற்றி பெற்று, இவரது புகழ் உலகமெங்கும் பரவத் தொடங்கியது. 2012 இல் இவரால் வாங்கப்பட்ட ஏ.எம் ஸ்டுடியோ ஆசியாவிலேயே நவீன தொழில்நுட்ப ரெகார்டிங் ஸ்டுடியோவாக உள்ளது.

இசையில் ஆரம்பகாலம்[தொகு]

ரகுமான் தனது ஒன்பதாவது வயதில் தந்தையை இழந்ததால், விளம்பரங்களுக்கு இசையமைத்தார். திரிலோக் மற்றும் சாரதா ஆகியோருடன் இணைந்து விளம்பரப் படங்களை இவர் தயாரித்தார். அதன் மூலம் ரகுமான் வெகுவாக அறியப்பட்டார். பூஸ்ட், ஏசியன் பெயின்ட்ஸ், ஏர்டெல், லியோ காபி ஆகிய 300 இக்கும் மேற்பட்ட விளம்பரப்படங்களுக்கு ரகுமான் இசையமைத்தார்.

திரைப்படங்கள்[தொகு]

திரைப்பட இசையமைப்புகள்[தொகு]

ஆண்டு தமிழ் தெலுங்கு ஹிந்தி ஆங்கிலம் விருதுகள்
1992 ரோஜா ரோஜா ரோஜா "சிறந்த இசையமைப்பாளர் - தேசிய விருது, பிலிம்பேர்"
1993 ஜென்டில்மேன் ஜென்டில்மேன் தி ஜென்டில்மேன் "சிறந்த இசையமைப்பாளர் - தமிழ்நாடு மாநில விருது, பிலிம்பேர்"
கிழக்குச்சீமையிலே
புதிய முகம்
திருடா திருடா டொங்கா டொங்கா ச்சோர் ச்சோர்
உழவன்
1994 டூயட்
காதலன் ஹம்ஸே ஹே முக்காப்லா "சிறந்த இசையமைப்பாளர் - தமிழ்நாடு மாநில விருது, பிலிம்பேர்"
கருத்தம்மா
மே மாதம்
புதிய மன்னர்கள்
வண்டிச்சோலை சின்னராசு
பவித்ரா
சூப்பர் போலீஸ்
கேங் மாஸ்டர்
1995 பம்பாய் பம்பாய் பம்பாய்
இந்திரா
முத்து
ரங்கீலா ரங்கீலா
1996 இந்தியன் பாரதீயடு ஹிந்துஸ்தானி
காதல் தேசம் பிரேம தேசம் துனியா தில்வாலோன் கீ
லவ் பேர்ட்ஸ்
மிஸ்டர் ரோமியோ
1997 இருவர்
மின்சார கனவு மெருப்பு கலலு சப்னே "சிறந்த இசையமைப்பாளர் - தேசிய, தமிழ்நாடு மாநில மற்றும் பிலிம்பேர் விருதுகள்"
ரட்சகன் ரக்ஷடு
தவுட்
1998 ஜீன்ஸ் ஜீன்ஸ் ஜீன்ஸ்
உயிரே ஹிருதயாஞ்சலி தில் சே
தோலி சஜா கே ரக்ஹ்னா
கபி நா கபி
1999 முதல்வன் ஒக்கே ஓக்கடு நாயக்
தாஜ் மஹால்
சங்கமம்
காதலர் தினம் பிரேமிகுலு ரோஜு
ஜோடி
தாளம் தாள்
என் சுவாசக் காற்றே
படையப்பா
1947 எர்த்
தக்ஷக்
புக்கார்
2000 அலைபாயுதே சகி சாத்தியா
கண்டுகொண்டேன் கண்டுகொண்டேன் ப்ரியலு பிலிச்சிந்தி
ரிதம் ரிதம்
தெனாலி தெனாலி
தில் ஹே தில் மே
2001 ஸ்டார்
பார்த்தாலே பரவசம் பரவசம்
அல்லி அர்ஜூனா
சுபைதா
ஒன் 2 கா 4
லவ் யூ ஹமேஷா
லகான்
2002 கன்னத்தில் முத்தமிட்டால் அம்ருதா
பாபா பாபா (தெலுங்கு)
காதல் வைரஸ்
தி லெஜன்ட் ஆஃப் பகத் சிங்
சாத்தியா
2003 உதயா
பரசுராம்
பாய்ஸ் பாய்ஸ்
வாரியர்ஸ் ஆப் ஹெவென் அண்ட் எர்த்
எனக்கு 20 உனக்கு 18 நீ மனசு நாக்கு தெலுசு
கண்களால் கைது செய்
தெஹ்ஜீப்
2004 ஆய்த எழுத்து யுவா யுவா
நியூ நானி
தேசம் ஸ்வதேஸ்
லகீர்
மீனாக்சி - எ டேல் ஆஃப் 3 சிட்டீஸ்
தில் நே ஜிஸே அப்னா கஹா
கிஸ்னா
2005 போஸ் - தி ஃபர்காட்டன் ஹீரோ
மங்கள் பாண்டே - தி ரைஸிங்
அ ஆ
வாட்டர்
2006 ரங் தே பசந்தி
சில்லுனு ஒரு காதல்
வரலாறு (காட்பாதர்)
2007 குரு குரு குரு
ப்ரோவோக்டு
சிவாஜி
அழகிய தமிழ் மகன்
எலிசபெத்: தி கோல்டென் ஏஜ்
2008 ஜோதா அக்பர்
ஜானே து யா ஜானே நா
அடா : எ வே ஆப் லைப்
சக்கரக்கட்டி
யுவ்ராஜ்
கஜினி
ஸ்லம் டாக் மில்லியனியர்
2009 டில்லி 6
ப்ளூ
பாசேஜ்
கபுள்ஸ் ரிட்ரீட்
2010 விண்ணைத்தாண்டி வருவாயா யே மாய சேசாவே ஏக் தீவானா தா
ராவணன்
எந்திரன் ரோபோ ரோபோ
ஜ்ஹூதா ஹீ சஹி
127 ஹவர்ஸ் கோல்டன் க்லோபுக்கு பரிந்துரை செய்யப்பட்டுள்ளது
கொம்மாரம் புலி
2011 ராக் ஸ்டார்
2012 ' பீப்பிள் லைக் அஸ்
ஜப் தே கே ஜான்
கடல் கடலி '
2013 மரியான்
அம்பிகாபதி ராஞ்சனா
2014 ஹை வே
கோச்சடையான் (திரைப்படம்) விக்கிரமசிம்ஹா கோச்சடையான்
மில்லியன் டாலர் ஆர்ம்
காவியத் தலைவன்
லிங்கா லிங்கா லிங்கா
2015 ஐ (திரைப்படம்)
2016 24
அச்சம் என்பது மடமையடா
2017 மெர்சல் (திரைப்படம்)
2018 சர்கார் (2018 திரைப்படம்)
2018 2.0 (திரைப்படம்)
2019 பிகில்
2022 கோப்ரா (2022)
2022 வெந்து தணிந்தது காடு
பொன்னியின் செல்வன் 1
  • குறிப்பு: "ஆண்டு", பன்மொழித் திரைப்படமாயின், எந்த மொழியில் அத்திரைப்படம் முதலில் வெளியானதோ, அந்த ஆண்டைக் குறிக்கும்.

பின் வரும் பிற மொழித் திரைப்படங்களுக்கும் இசையமைத்துள்ளார்:

திரைப்படமல்லாத இசையமைப்புகள்[தொகு]

  • Return of the Thief of Baghdad (2003)
  • தீன் இசை மாலை (1989) (திலீப் குமார் என்ற பெயரில்)
  • செட் மீ ஃப்ரீ (1991)
  • வந்தே மாதரம் (1997)
  • ஜன கண மன (2000)
  • பாம்பே ட்ரீம்ஸ் (2002) (இசை நாடகம்)
  • இக்னைட்டட் மைன்ட்ஸ் (2003) (இசைத்தொகுப்பு வெளியிடப்படாத நேரடி இசை நிகழ்ச்சி)
  • ராகாஸ் டான்ஸ்(2004) (வனேசா மே நடனத்திலிருந்து)

இவர் பெற்ற விருதுகள்[தொகு]

  • இசைத்துறையில் ஏ.ஆர். ரகுமானின் 20 ஆண்டுகாலப் பங்களிப்பைப் பெருமைப்படுத்தும் வகையில் அவருக்கு, அமெரிக்காவின் பெர்க்லீ இசைப் பல்கலைக்கழகம் மதிப்புறு முனைவர் பட்டம் வழங்க உள்ளது[4].
  • 2008 ஆம் ஆண்டுக்கான சிறந்த இசையமைப்பாளருக்காகவும் சிறந்த பாடலுக்காகவும் ஆஸ்கார் விருதுகளைப் பெற்றுள்ளார்.
  • இவர் மொரீசியசு நாட்டின் விருது, மலேசிய விருது, லாரன்ஸ் ஆலிவர் விருது, தேசிய திரைப்பட விருது, இந்தியாவின் உயரிய விருதுகளில் ஒன்றான பத்மஸ்ரீ விருது, தமிழக அரசு திரைப்பட விருது (ஆறு முறை), பிலிம்பேர் விருது (13 முறை), பிலிம்பேர் சவுத் விருது (12 முறை - அதில் 9 முறை தொடர்ந்து பெற்றார்), ஸ்டேன்போர்டு பல்கலைக்கழகத்தின் சிறப்பு விருது, 2009ஆம் ஆண்டு வெளியான "ஸ்லம்டாக் மில்லினியர்" படத்திற்காக கோல்டன் குளோப் விருது, பெப்டா விருது ஆகியவற்றையும் பெற்றுள்ளார்.
  • மிடில்செக்ஸ் பல்கலைக்கழகமும் அலிகார் முஸ்லிம் பல்கலைக்கழகமும் வழங்கிய மதிப்புறு முனைவர் பட்டத்தையும் பெற்றுள்ளார்.
  • ரங் தே பசந்தி, லகான், சாத்தியா, தால் ஆகிய திரைப்படங்களுக்காக ஐ.ஐ.எஃப்.ஏ விருது பெற்றுள்ளார்.
  • சிகரமாக, இந்தியக் குடிமக்களுக்கான மூன்றாம் உயரிய விருதான பத்ம பூசண் விருது 2010-ஆம் ஆண்டு இவருக்கு அளிக்கப்பட்டது. 2010ஆம் ஆண்டில் இவருக்கு இந்திரா காந்தி தேசிய ஒருமைப்பாடு விருதும் வழங்கப்பட்டது.
  • ஸ்வரலயா யேசுதாஸ் விருது(2006), மத்தியப்பிரதேச அரசின் லதா மங்கேஷ்கர் விருது (2004) ஆகிய மாநில விருதுகளைப் பெற்றுள்ளார்.
  • ஸ்டேன்போர்டு பல்கலைக்கழகம் இவருக்கு உலகப் பங்களிப்புக்கான மதிப்புறு விருதை வழங்கியுள்ளது.

இந்திய அணியின் நல்லெண்ணத் தூதர்[தொகு]

ரியோ டி ஜனேரோ 2016 ஓலிம்பிக் விளையாட்டுக்கள் போட்டியில் பங்கேற்கும் இந்திய அணிக்காக ஏ. ஆர். ரகுமான் இந்திய அணியின் நல்லெண்ணத் தூதராக நியமிக்கப்பட்டார்.[5]

மேற்கோள்கள்[தொகு]

  1. மனோரமா இயர்புக் 2010.பக்கம்-16
  2. "காப்பகப்படுத்தப்பட்ட நகல்". Archived from the original on 2009-02-24. பார்க்கப்பட்ட நாள் 2009-02-23.
  3. https://tamil.oneindia.com/art-culture/essays/a-r-rahman-honored-with-tamil-ratna-award-260422.html
  4. "காப்பகப்படுத்தப்பட்ட நகல்". Archived from the original on 2014-07-20. பார்க்கப்பட்ட நாள் 2014-07-19.
  5. "ஒலிம்பிக் தூதராக ஏ.ஆர்.ரஹ்மான் நியமனம்". தமிழ் இந்து. பார்க்கப்பட்ட நாள் May 13, 2016.

வெளி இணைப்புகள்[தொகு]

"https://ta.wikipedia.org/w/index.php?title=ஏ._ஆர்._ரகுமான்&oldid=3775932" இலிருந்து மீள்விக்கப்பட்டது