அருச்சுனன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

அருச்சுனன் அல்லது அர்ஜூனன் மகாபாரத காப்பியத்தில் இடம் பெறும் முக்கிய கதாப்பாத்திரங்களுள் ஒருவன். இவன் பஞ்ச பாண்டவர்களில் மூன்றாமவன். கிருஷ்ணரின் நண்பன். சிறந்த வில் வித்தைக்காரராக சித்தரிக்கப்படும் இவன், பாண்டவர் மற்றும் கௌரவர்களுக்கு குருவான துரோணரின் முதன்மையான சீடன். பகவத் கீதையானது, குருட்சேத்திரப் போரின் முன் இவனுக்கும் கிருஷ்ணருக்கும் இடையே நடைபெற்ற உரையாடலாக மகாபாரதத்தில் இடம் பெறுகிறது.

அருச்சுனனின் குடும்பம்[தொகு]

அருச்சுனனுக்கு திரெளபதி தவிர சுபத்திரை, உலுப்பி மற்றும் சித்திராங்கதை எனும் மூன்று மனைவியர்கள் மூலம் பிறந்த அபிமன்யு, அரவான் மற்றும் பாப்ருவாஹனன் எனும் மூன்று மகன்களும், திரெளபதி மூலம் ஒரு மகனும் ஆக நான்கு மகன்கள் பிறந்தனர்.

வில்லாளன்[தொகு]

குரு துரோணரின் கை மோதிரம் கிணற்றில் தவறி விழுந்துவிட்டது. அதை எடுத்துத் தருமாறு மாணவர்களைக் கேட்டார். கௌரவர்களும், பாண்டவர்களும் முயன்று முடியாத நிலையில் அருச்சுனன் அம்பு ஒன்றை செலுத்தி அம்மோதிரத்தை எடுத்துக்கொடுத்தான். மற்றொரு நாள் அதோ நிற்கும் மரத்தின் அத்தனை இலைகளையும் துளையிடுமாறு கூறினார். அனைவரும் திகைக்கும்படி அம்புகள் எய்து அத்தனை இலைகளிலும் துளை ஏற்படுத்தினான். பின்பு ஒருநாள் துரோணர் ஆற்றில் குளிக்கும் போது அவரது காலை ஒரு முதலை கவ்விக்கொண்டது. துரோணர் கதறினார். அருச்சுனன் ஒரே அம்பில் முதலையின் தலையைத் தனியாக துண்டித்து துரோணரைக் காப்பாற்றினான். துரோணர் மார்போடு அருச்சுனனை அணைத்து பிரசிரஸ் என்ற வில்லையும் அம்பை விடும் மந்திரத்தையும் கொடுத்தார்[1].

அருச்சுனனின் அடைமொழிப் பெயர்கள்[தொகு]

  • அனகன்
  • காண்டீபன்: (காண்டீபம் எனும் பெயர் கொண்ட வில்லை உடையவன்)
  • கீரிடி: (இந்திரன்) அளித்த கீரிடத்தை அணிந்தவன்
  • குடாகேசன்: (போரில் எதிரிகளை வெல்லும் வரை உறக்கத்தை உதறி தள்ளியவன்)
  • குருநந்தனன்
  • கௌந்தேயன்: (குந்தி)யின் மகன்
  • சவ்வியசாசி: (ஒரே நேரத்தில் இரண்டு கைகளால் அம்புகளை வில்லிருந்து செலுத்தக் கூடிய ஆற்றல் படைத்தவன்)
  • சுவேதவாகனன்: (வெள்ளைக்குதிரைகளை பூட்டிய தேர் கொண்டவன்)
  • தனஞ்செயன்: இராசசூய யாகத்திற்கு வடதிசை அரசர்களை வென்று பெரும்தனம் (பெருஞ்செல்வம்) கொண்டுவந்ததால் இவனுக்கு தனஞ்சயன் என்ற பெயர் ஏற்பட்டது.
  • பராந்தகன்: (எதிரிகளை வெல்வதில் மனத்திடம் உள்ளவன்)
  • பற்குணன்: (பங்குனி மாதத்தில் பிறந்தவன்)
  • பாண்டவ கபிதுவசன்
  • பார்த்தன்: ((குந்தியின்) இயற்பெயர் பிருதை என்பதால் அருச்சுனனுக்கு பார்த்தன் என்று பெயராயிற்று)
  • பாரதன்
  • வாரணக் கொடியோன்: (அனுமானின் உருவம் தாங்கிய கொடியை உடையவன்)
  • விஜயன்: (போரில் அதிக வெற்றிகளை குவித்த வீரன்)
  • ஜிஷ்ணு: (எதிர்களை வெல்பவன்)

பகவத் கீதை உபதேசம்[தொகு]

பகவான் ஸ்ரீகிருஷ்ணர், குருசேத்திரப் போர்க்களத்தில் மனம் தளர்ந்த அருச்சுனனுக்கு பகவத் கீதையை உபதேசித்து மனத்தெளிவு பெறச் செய்து போரிடுவது அருச்சுனனின் கடமை என்றும், பிறப்பின் ரகசியத்தையும் உபதேசித்து போரில் ஈடுபடச்செய்தார்.

குருசேத்திரப் போரில் அருச்சுனன் பங்கு[தொகு]

குருச்சேத்திரப் போரில் அருச்சுனன், பகவான் கிருஷ்ணரின் உதவியால் பீஷ்மர், சுசர்மன், ஜயத்திரதன் மற்றும் கர்ணன் போன்ற மாவீரர்களை அழித்ததின் மூலம் கௌரவர் படைகள் தோற்றது.

வெளி இணைப்பு[தொகு]

சான்றாவணம்[தொகு]

  1. வில்லிபுத்தூரார் எழுதிய வில்லி பாரதம்



பஞ்ச பாண்டவர்கள்
தருமன் | பீமன் | அருச்சுனன் | நகுலன் | சகாதேவன்
"http://ta.wikipedia.org/w/index.php?title=அருச்சுனன்&oldid=1738246" இருந்து மீள்விக்கப்பட்டது