பரத்வாஜ்

பரத்வாஜ்
பின்னணித் தகவல்கள்
பிறப்பு	7 மார்ச்சு 1960 (1960-03-07)
இசை வடிவங்கள்	திரையிசை
தொழில்(கள்)	திரைப்பட இசையமைப்பாளர், பாடகர்
இசைத்துறையில்	1998–தற்போதுவரை

பரத்வாஜ் தமிழ் திரைப்படத்துறையில் உள்ள முன்னணி இசையமைப்பாளர்களில் ஒருவராவார். இவர் தமிழ், தெலுங்கு, கன்னடம், மலையாளம் ஆகிய மொழிகளில் ஐம்பதுக்கும் மேற்பட்ட திரைப்படங்களுக்கு இசையமைத்திருக்கிருக்கிறார். 2008-ம் ஆண்டில் தமிழக அரசின் கலைமாமணி விருதைப் பெற்றார். இவர் தனது 17 ஆவது வயதிலேயே தூர்தர்ஷன் மற்றும் அனைத்திந்திய வானொலி நிலையத்தின் பல நிகழ்ச்சிகளுக்கு இசையமைத்தவர்.

வாழ்க்கை வரலாறு

திருநெல்வேலி மாவட்டத்தில் உள்ள ராவணசமுத்திரத்தில் பிறந்த இவர் தனது பள்ளிப் படிப்பையும் கல்லூரி படிப்பையும் தில்லியில் பயின்றார். இவரது தந்தை ஒரு அரசு அதிகாரி ஆவார்.இந்துஸ்தானி இசை, கருநாடக இசை, மற்றும் மேற்கத்திய இசைகளை இவர் முறைப்படி தில்லியில் கற்றவர். பரத்வாஜ் இசையமைக்க வரும் முன்பாகவே அவர் சி.ஏ எனப்படும் பட்டயக் கணக்கறிஞர் தகுதி பெற்றிருந்தார் என்பது குறிப்பிடத்தக்கது.

திருக்குறளுக்கு இசை

திருவள்ளுவரின் உலக பொதுமறையான 1330 திருக்குறளுக்கும் இசைவடிவம் கொடுத்து பாடல்களாக உருவாக்கியுள்ளார்.

பாடல்கள்

சரணுடன் இணைந்து இசையமைத்த குறிப்பிடத்தக்க பாடல்கள்

• 1998 காதல் மன்னன் - உன்னை பார்த்த பின்பு நான்
• 1999 அமர்க்களம் - மகாகணபதி, சத்தமில்லாத தனிமை கேட்டேன்
• 2000 பார்த்தேன் ரசித்தேன் - பார்த்தேன் பார்த்தேன், கிடைக்கல கிடைக்கல
• 2002 ஜெமினி - ஓ! போடு.. ஓ! போடு
• 2003 ஜே ஜே - ஜீ பூம்பா, நீ சூரியனை சுட்டுவிடும்
• 2004 வசூல்ராஜா எம்.பி.பி.எஸ் - சீனா தானா டோய்
• 2004 அட்டகாசம் - அட்டகாசம், 'தெக்கு சீமையில, தல போல வருமா
• 2009 அசல் - ஏ துஷ்யந்தா, தெட்டொடேய்ங்

மற்ற இயக்குனர்களுடன் இணைந்து இசையமைத்த குறிப்பிடத்தக்க பாடல்கள்

• அனைத்து பாடல்களும் - பாண்டவர் பூமி
• ஆப்பிள் பெண்ணே - ரோஜாக்கூட்டம்
• ஒவ்வொரு பூக்களுமே - ஆட்டோகிராப்

இசையமைத்த திரைப்படங்கள்

காதல் மன்னன் திரைப்படத்தில் அறிமுகமான பரத்வாஜ் இதுவரை ஐம்பதுக்கும் மேற்பட்ட திரைப்படங்களுக்கு இசையமைத்திருக்கிறார். அஜித் குமார் நடிப்பில் வெளிவந்த அட்டகாசம் இவரது 25-வது திரைப்படமாகவும் இயக்குனர் சரணின் இயக்கத்தில் வெளிவந்த அசல் திரைப்படம் இவரது 50-வது திரைப்படமாகவும் அமைந்தது.

ஆண்டு	தமிழ்	மற்ற மொழிகள்	குறிப்புகள்
1998	காதல் மன்னன்		முதல் திரைப்படம்
	பூவேலி
1999	அமர்க்களம்
	ரோஜாவனம்
2000	பார்த்தேன் ரசித்தேன்
2001	பாண்டவர் பூமி
	பெண்கள்
2002	ரோஜாக்கூட்டம்
	ஜெமினி		சிறந்த இசையமைப்பாளருக்கான பிலிம்பேர் விருது - தமிழ்
	தமிழ்
	தயா
	ராஜ்ஜியம்
	ஜங்ஷன்
	ஐ லவ் யூ டா
2003	ஜே ஜே
	காதல் டாட் காம்
	காலாட்படை
	அன்பே அன்பே
2004	வசூல்ராஜா எம்.பி.பி.எஸ்
	ட்ரீம்ஸ்
	ஜனனம்
	ஒரு முறை சொல்லிவிடு
	ஆட்டோகிராப்		சிறந்த இசையமைப்பாளருக்கான பிலிம்பேர் விருது - தமிழ்
	அட்டகாசம்
2005	ஐயா
	பிரியசகி
	குண்டக்க மண்டக்க
	பிப்ரவரி 14
2006	இதயத் திருடன்
	திருப்பதி
	ஜாம்பவான்
	உள்ள கடத்தல்
		மை ஆட்டோகிராப் (கன்னடம்)
	திருட்டுப் பயலே
	வட்டாரம்
2007	பள்ளிக்கூடம்
	ஒன்பது ரூபாய் நோட்டு
		விகாரி (தெலுங்கு)
		நம்பர்.73, சாந்தி நிவசா (கன்னடம்)
	முனி
2008	வல்லமை தாராயோ
2009	நாளை நமதே
	சொல்ல சொல்ல இனிக்கும்
	காதலுக்கு மரணமில்லை		திரைப்படம் வெளியாகவில்லை
	அசல்
2010	களவாடிய பொழுதுகள்
	நந்தி
2014	அதிதி
	அரண்மனை
	அழகிய பாண்டிபுரம்
2016	ஆயிரத்தில் இருவர்		படப்பிடிப்பில்

வெளி இணைப்புகள்

• ஐ.எம்.டி.பி இணையத்தளத்தில் Bharathwaj