அன்னப்பன்பேட்டை சுந்தரேஸ்வரர் கோயில்
| தேவாரம் பாடல் பெற்ற அருள்மிகு சுந்தரேஸ்வரர் திருக்கோயில் | |
|---|---|
 | |
| பெயர் | |
| புராண பெயர்(கள்): | கலிக்காமூர் |
| பெயர்: | அருள்மிகு சுந்தரேஸ்வரர் திருக்கோயில் |
| அமைவிடம் | |
| ஊர்: | அன்னப்பன்பேட்டை (வில்வவன நாதர்) |
| மாவட்டம்: | மயிலாடுதுறை |
| மாநிலம்: | தமிழ்நாடு |
| நாடு: | இந்தியா |
| கோயில் தகவல்கள் | |
| மூலவர்: | சுந்தரேஸ்வரர் |
| தாயார்: | அழகம்மை |
| தல விருட்சம்: | வில்வம் |
| தீர்த்தம்: | சந்திர தீர்த்தம் |
| ஆகமம்: | சிவாகமம் |
| சிறப்பு திருவிழாக்கள்: | மாசி பவுர்ணமியில் தீர்த்தவாரி, சிவராத்திரி, நவராத்திரி, ஐப்பசியில் அன்னாபிஷேகம். |
| பாடல் | |
| பாடல் வகை: | தேவாரம் |
| பாடியவர்கள்: | திருஞானசம்பந்தர் |
| வரலாறு | |
| தொன்மை: | 1000-2000 வருடங்களுக்கு முன் |
| அமைத்தவர்: | சோழர்கள் |
திருக்கலிக்காமூர் - அன்னப்பன்பேட்டை சுந்தரேஸ்வரர் கோயில் சம்பந்தர் பாடல் பெற்ற சோழ நாடு காவிரி வடகரை உள்ள சிவத்தலமாகும்.[1][2][3]
அமைவிடம்
[தொகு]இது மயிலாடுதுறை மாவட்டத்தில் சீர்காழி வட்டத்தில் அமைந்துள்ளது. பராசர முனிவர் வழிபட்ட தலமெனப்படுகிறது. தேவாரப் பாடல் பெற்ற தலங்களில் சோழ நாடு காவிரி வடகரைத் தலங்களில் இது 8வது தலம் ஆகும். சிவனின் தேவாரப்பாடல் பெற்ற 274 சிவாலயங்களில் இது 8 வது தேவாரத்தலம் ஆகும்.
ஊர்ப் பெயர்க் காரணம்
[தொகு]"கலி" (துன்பம்) நீக்கும் இறைவனான சிவபெருமான் வீற்றிருக்கும் ஊர் என்பதால் இவ்வூர், "திருக்கலிக்காமூர்' என்று அழைக்கப்படுகிறது.
தலச் சிறப்பு
[தொகு]இத்தலத்திலுள்ள சுந்தரேஸ்வரருக்கு வில்வ இலையால் அர்ச்சனை செய்து, அதையே மருந்தாக சாப்பிட்டால் தீராத நோய்கள் தீரும் என்பது நம்பிக்கையாக உள்ளது. இங்குள்ள நவக்கிரக மண்டபத்தில் அனைத்து கிரகங்களும் வாகனமின்றி நின்ற கோலத்தில் இருக்கின்றன.
தல வரலாறு
[தொகு]- தேவாரப் பாடல்: இத்தலத்திற்குத் திருஞானசம்பந்தர் நேரில் வந்து பதிகம் பாடி இறைவனை வழிபட்டுள்ளார்.
- அமைப்பு: சிறிய வடிவிலான இக்கோயில், கிழக்கு நோக்கிய சன்னதியுடன் அமைந்துள்ளது. கருவறையில் மூலவர் சுந்தரேஸ்வரர் லிங்க வடிவில் எழுந்தருளியுள்ளார். உடனமர்ந்த தாயார் சுந்தராம்பாள் தெற்கு நோக்கித் தனிச்சன்னதியில் காட்சியளிக்கிறார்.
- பிரகாரத்தில் விநாயகர், சுப்பிரமணியர், சண்டிகேஸ்வரர் மற்றும் நவகிரக சன்னதிகள் அமைந்துள்ளன.
அமைவிடம்
[தொகு]மயிலாடுதுறை மாவட்டம் சீர்காழியில் இருந்து திருவெண்காடு வழியாகக் கீழமூவர்கரை செல்லும் பேருந்துப் பாதையில் அன்னப்பன்பேட்டை அமைந்துள்ளது. பூம்புகார் மற்றும் திருவெண்காடு ஆகிய ஆன்மீகத் தலங்களுக்கு மிக அருகாமையில் இக்கோயில் அமைந்துள்ளது.
பாடல்கள்
[தொகு]திருக்கலிக்காமூர் பதிகம் மூன்றாம் திருமுறையின் 105-ஆவது பதிகமாகும், இது பழம்பஞ்சுரம் பண் அமைப்பில் 11 பாடல்களைக் கொண்டுள்ளது. இந்த பதிகம் மடல்வரை யின்மது விம்முசோலை என்ற முதல் பாடலுடன் தொடங்கி, சமணர் கொள்கையை மறுக்கும் இறுதிப் பாடல் வரை திருஞானசம்பந்தரால் பாடப்பட்டுள்ளது.
இவற்றையும் பார்க்க
[தொகு]
| திருக்கலிக்காமூர் | |||
|---|---|---|---|
| முந்தைய திருத்தலம்: தென்திருமுல்லைவாயில் |
தேவாரப்பாடல் பெற்ற சோழநாட்டு காவிரி வடகரைத் திருத்தலம் | அடுத்த திருத்தலம் திருச்சாய்க்காடு |
|
| தேவாரப்பாடல் பெற்ற சோழநாட்டு காவிரி வடகரைத் திருத்தல எண்: 8 | தேவாரப்பாடல் பெற்ற திருத்தல எண்: 8 | ||
மேற்கோள்கள்
[தொகு]- ↑
- ta:அன்னப்பன்பேட்டை சுந்தரேஸ்வரர் கோயில்
- ↑ Sri Sundareswarar temple, தினமலர்
- ↑ Ayyar, P. V. Jagadisa (1993). South Indian Shrines: Illustrated (2nd ed.). New Delhi: Asian Educational Service. p. 244. ISBN 81-206-0151-3.