கெப்பால், மைசூர்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
மைசூர் இன்போசிஸ் நிறுவனம்
ஹம்பி வட்டம், விஜயநகர்
கெப்பல் வட்டச்சாலை சந்தி, மைசூர்
கவுடா வட்டம், சிஐடிபி சந்தி

கெப்பல் (Hebbal) என்பது இந்தியாவின் மைசூர் நகரத்தின் ஒரு தொழில்துறை பகுதியாகும். 21 ஆம் நூற்றாண்டின் முதல் தசாப்தத்தில் தகவல் தொழில்நுட்பம் தொடர்பான தொழில்துறையின் வளர்ச்சியின் விளைவாக பெங்களூருக்கு அடுத்ததாக கர்நாடக மாநிலத்தில் இரண்டாவது பெரிய மென்பொருள் ஏற்றுமதி நகரம் உருவெடுத்துள்ளது.

வரலாறு[தொகு]

பாரம்பரியமாக, மைசூர் மாவட்டம் நெசவு, சந்தனம் செதுக்குதல், வெண்கல வேலை, மற்றும் சுண்ணாம்பு மற்றும் உப்பு உற்பத்தி போன்ற தொழில்களுக்கு சொந்தமானது. [1] 1911 இல் நடைபெற்ற மைசூர் பொருளாதார மாநாட்டில் நகரம் மற்றும் மாநிலத்தின் திட்டமிட்ட தொழில்துறை வளர்ச்சி முதலில் எதிர்பார்க்கப்பட்டது. [2] இது 1917 இல் மைசூர் சந்தன எண்ணெய் தொழிற்சாலை மற்றும் 1920இல் சிறி கிருட்டிணராசேந்திர ஆலை போன்ற தொழில்களை நிறுவ வழிவகுத்தது. [3] [4]

புள்ளிவிவரங்கள்[தொகு]

2001 இந்திய மக்கள் தொகை கணக்கெடுப்பின்படி,[5] கெப்பாலின் மக்கள் தொகை 1471 பேர் என்ற அளவில் இருந்தது. இதில் ஆண்கள் 52 சதவீதமும் பெண்கள் 48 சதவீதமாகவும் உள்ளனர். கெப்பாலின் சராசரி கல்வியறிவு விகிதம் 71 சதவீதம் ஆகும், இது தேசிய சராசரியான 59.5 சதவீதத்தை விட அதிகமாகும்: ஆண் கல்வியறிவு 72 சதவீதம், மற்றும் பெண் கல்வியறிவு 71 சதவீதம். கெப்பாலின், 18 சதவீத மக்கள் 6 வயதிற்குட்பட்டவர்கள்.

தொழில்துறை புறநகர்[தொகு]

இந்தியா டுடேயின் வணிகப் பிரிவான பிசினஸ் டுடே 2001 இல் நடத்திய ஒரு கணக்கெடுப்பில், மைசூர் இந்தியாவில் ஐந்தாவது சிறந்த நகரமாகவும், வணிகத்தை நடத்தும் இந்தியாவின் இரண்டாவது தூய்மையான நகரமாகவும் இடம் பெற்றது. (சண்டிகர் மட்டுமே தூய்மையான நகரத்தில் முதலிடத்தைப் பிடித்தது.) [6] மைசூர், கர்நாடகாவின் சுற்றுலாத் துறையின் மையமாக உருவெடுத்து 2006 ல் சுமார் 2.5 மில்லியன் சுற்றுலாப் பயணிகளை ஈர்த்தது. [7] தெற்கே 40-60 மைல் தொலைவில் உள்ள தேசிய பூங்காக்களில் பந்திப்பூர் தேசியப் பூங்கா மற்றும் முதுமலை தேசியப் பூங்கா ஆகியவை இந்தியக் காட்டெருது, புள்ளிமான், யானைகள் மற்றும் வங்காள புலிகள், இந்திய சிறுத்தைகள் மற்றும் அச்சுறுத்தப்பட்ட பிற உயிரினங்களுக்கு ஒரு சரணாலயமாக விளங்குகிறது .

நகரத்தின் தொழில்துறை மேம்பாட்டிற்காக, கர்நாடக தொழில்துறை பகுதிகள் மேம்பாட்டு வாரியம் மைசூர் மற்றும் அதைச் சுற்றியுள்ள நான்கு தொழில்துறை பகுதிகளை நிறுவியுள்ளது . மேலும் அவை பெலகோலா, பெலவாடி, கெப்பால் (மின்னணு நகரம்) மற்றும் ஊட்டஅள்ளி பகுதிகளில் அமைந்துள்ளன. [8] மைசூரில் உள்ள முக்கிய தொழில்களில் பி.இ.எம்.எல், ஜே.கே. டயர்ஸ், விப்ரோ, எஸ்.பி.ஐ, பால்கன் டயர்கள், எல் அண்ட் டி, தியரம் இந்தியா நிறுவனம் மற்றும் இன்போசிஸ் ஆகியவை அடங்கும். [9]

2003 ஆம் ஆண்டு முதல், தகவல் தொழில்நுட்ப நிறுவனங்கள் மைசூரில் தங்கள் தளங்களை உருவாக்கி வருகின்றன. 2007-2008 நிதியாண்டில் கர்நாடகாவின் தகவல் தொழில்நுட்ப ஏற்றுமதியில் நகரம் ரூ.1100 கோடி (220 மில்லியன் அமெரிக்க டாலர்) பங்களித்துள்ளது. [10] இன்போசிஸ் உலகின் மிகப்பெரிய தொழில்நுட்ப பயிற்சி மையங்களில் ஒன்றை நிறுவியுள்ளது. மேலும் விப்ரோ தனது உலகளாவிய சேவை மேலாண்மை மையத்தை மைசூரில் நிறுவியுள்ளது. [11] [12] தகவல் தொழில்நுட்பம் தொடர்பான சேவைகள் மற்ற நாடுகளிலிருந்து மைசூரில் உள்ள நிறுவனங்களுக்கு சேவை செய்ய ஒதுக்கீடு செய்யப்பட்டுள்ளன. [13]

வளர்ச்சியில் மந்தம்[தொகு]

தானியங்கி உற்பத்தியாளர் ஐடியல் ஜாவா மற்றும் சிறிகிருட்டிணராசேந்திர ஆலை ஆகியவை தங்கள் நடவடிக்கைகளை மூடியபோது நகரத்தில் தொழில்துறை துறை பின்னடைவை சந்தித்தது. [14] கிருட்டிணராசேந்திர ஆலைகளை அட்லாண்டிக் ஸ்பின்னிங் மற்றும் வீவிங் ஆலை நிறுவனம் கையகப்படுத்தி புத்துயிர் அளிக்க முயற்சிகள் மேற்கொள்ளப்பட்டுள்ளன. ஆனால் இந்த முயற்சிகள் மற்ற சிக்கல்களில் தள்ளிவிட்டது. [15]

2011 ஆம் ஆண்டில், இன்போசிஸ் கர்நாடக தீயணைப்பு மற்றும் அவசர சேவைகள் துறைக்கு 4.5 கோடி டாலர் செலவில் 21,417 சதுர மீட்டர் (230,530 சதுர அடி) தீயணைப்பு நிலையத்தை கெப்பாலில் கட்டியது..

எமரால்டு என்க்ளேவ்[தொகு]

எமரால்டு என்க்ளேவ் என்பது திரு வி. ஆர் . வேணுகோபால் என்பவர் கிட்டத்தட்ட 25 ஆண்டுகளுக்கு முன்பு தரிசு நிலத்தில் இருந்து உருவாக்கிய ஒரு தனியார் குடியிருப்புப் பகுதியாகும். இன்று இந்தக் குடியிருப்பு ஐம்பதாயிரம் மரங்கள் மற்றும் பல்வேறு வகையான தாவரங்கள் மற்றும் விலங்குகள் மற்றும் சுவாரஸ்யமான குடியிருப்பாளர்களைக் கொண்டுள்ளது.

படத் தொகுப்பு[தொகு]

குறிப்புகள்[தொகு]

  1. Ravi Sharma. "A city in transition". மூல முகவரியிலிருந்து 17 October 2007 அன்று பரணிடப்பட்டது.
  2. "Mokshagundam Visvesvaraya". மூல முகவரியிலிருந்து 4 June 2007 அன்று பரணிடப்பட்டது.
  3. Hayavadana Rao (1929), p278
  4. Hayavadana Rao (1929), p270
  5. "Census of India 2001: Data from the 2001 Census, including cities, villages and towns (Provisional)". Census Commission of India. மூல முகவரியிலிருந்து 2004-06-16 அன்று பரணிடப்பட்டது.
  6. "India's Best Cities For Business, 2001" (2001-12-23). மூல முகவரியிலிருந்து 17 October 2007 அன்று பரணிடப்பட்டது.
  7. R. Krishna Kumar (2007-08-17). "Mysore Palace beats Taj Mahal in popularity".
  8. "KIADB Industrial Areas". மூல முகவரியிலிருந்து 2 October 2007 அன்று பரணிடப்பட்டது.
  9. "Cauvery verdict: bandh total, peaceful in Mysore city" (2007-02-13). மூல முகவரியிலிருந்து 2007-02-16 அன்று பரணிடப்பட்டது.
  10. "Heads of IT firms keep their fingers crossed Public eye". 2008, The Hindu (2008-11-26). மூல முகவரியிலிருந்து 2012-11-03 அன்று பரணிடப்பட்டது.
  11. Vishwanath Kulkarni (2006-05-02). "Infosys to expand Mysore training centre".
  12. "Mysore city emerging as alternative IT destination" (2006-03-17). மூல முகவரியிலிருந்து 2006-09-05 அன்று பரணிடப்பட்டது.
  13. Martha Neil (2007-11-12). "Hollywood Outsourcing Higher End Legal Work to India". மூல முகவரியிலிருந்து 16 January 2013 அன்று பரணிடப்பட்டது.
  14. "When Yezdis and Jawas vroomed past the streets" (2007-07-10). மூல முகவரியிலிருந்து 2007-10-17 அன்று பரணிடப்பட்டது.
  15. "Forced labour reports slanderous" (2000-07-14).
"https://ta.wikipedia.org/w/index.php?title=கெப்பால்,_மைசூர்&oldid=3241332" இருந்து மீள்விக்கப்பட்டது