முதுமலை தேசியப் பூங்கா
| முதுமலை தேசியப் பூங்கா | |
|---|---|
| முதுமலை புலிகள் உய்வகம் | |
ஐயுசிஎன் வகை II (தேசிய வனம்) | |
 முதுமலை யானை முகாமில் வளர்ப்பு யானை | |
   | |
| அமைவிடம் | நீலகிரி மாவட்டம், தமிழ் நாடு, இந்தியா |
| அருகாமை நகரம் | கூடலூர், நீலகிரி |
| ஆள்கூறுகள் | 11°35′N 76°33′E / 11.583°N 76.550°E |
| பரப்பளவு | 321 km2 (124 sq mi) |
| ஏற்றம் | 850–1,250 m (2,790–4,100 அடி) |
| நிறுவப்பட்டது | 1940 |
| நிருவாக அமைப்பு | தமிழ்நாடு வனத்துறை |
| வலைத்தளம் | https://www.forests.tn.gov.in/ |
முதுமலை தேசிய பூங்கா அல்லது முதுமலை வனவிலங்கு காப்பகம் (Mudumalai National Park) ஆனது தமிழ்நாட்டின் நீலகிரி மாவட்டத்தின் வடமேற்கில் கர்நாடகம் மற்றும் கேரள மாநில எல்லையில் அமைந்துள்ளது. 1940-இல் தொடங்கப்பட்ட இதுவே தென்னிந்தியாவின் முதல் வனக்காப்பகம் ஆகும்.
தொடக்கத்தில் 60 சதுர கி.மீ. பரப்பு கொண்டதாக இக்காப்பகம் இருந்தது. பின் 1956-ஆம் ஆண்டு 295 கி.மீ.2 ஆக விரிவுபடுத்தப்பட்டது. இது மேலும் விரிவுபடுத்தப்பட்டு தற்போதுள்ள 321 கி.மீ.2 பரப்பளவை அடைந்துள்ளது. மேலும் இந்த தேசியப் பூங்கா யுனெஸ்கோ அமைப்பால் உலகப்பாரம்பரியச் சின்னங்களில் ஒன்றாக அறிவிக்கப்பட்டுள்ளது.[1]
வரலாறு
[தொகு]முதுமலை சங்ககாலத்தில் முதிரமலை என வழங்கப்பட்டது. குமணன், இளங்குமணன் ஆகிய வள்ளல்கள் மன்னர்களாகவும் விளங்கி இந்த நிலப்பகுதியை ஆண்டுவந்தனர்.
தேசிய வனப்பூங்கா
[தொகு]இக்காப்பகத்தில் முதுமலை தேசிய வனப்பூங்கா 103 கி.மீ.2 பரப்பில் அமைக்கப்பட்டுள்ளது.
இதன் தொடர்ச்சி
[தொகு]இதன் தொடர்ச்சியாக கர்நாடகத்தில் பந்திப்பூர் தேசியப் பூங்காவும் கேரளாவில் வயநாடு வனவிலங்கு காப்பகமும் உள்ளன.
யானைகள் முகாம்
[தொகு]முதுமலை வனவிலங்கு காப்பகம் உதகமண்டலத்ததிலிருந்து மைசூர் செல்லும் சாலையில் உள்ளது.
மோயாறு, இக்காப்பகத்தின் ஊடாக செல்லுகிறது. இங்குள்ள யானைகள் முகாம் பார்வையாளர்களைக் கவரும் ஒன்றாகும்.
விலங்குகள்
[தொகு]
யானை, காட்டெருமை, புலி, சிறுத்தை, கரடி, மான், பறக்கும் அணில், பெரிய இந்திய சிவப்பு அணில், காட்டு நாய், காட்டுப்பன்றி, முள்ளம்பன்றி, நரி, காட்டு முயல், முதலை, கீரி, கழுதைப்புலி, மலைப்பாம்பு போன்ற பல்வேறு வகையான விலங்குகள் இங்கு உள்ளன.
பறவைகள்
[தொகு]
மயில், பல்வேறு வகையான காட்டுக்கோழிகள், புறா, கழுகு, தேன் பருந்து, பருந்து, வல்லூறு போன்ற பல்வேறு வகையான பறவைகள் இங்கு உள்ளன.
தாவரங்கள்
[தொகு]இங்கு மூன்று வகையான காடுகள் காணப்படுகின்றன. அவை:
- வெப்பமண்டல ஈர இலையுதிர் காடுகள்
- வெப்பமண்டல உலர் இலையுதிர் காடுகள்
- தென் வெப்பமண்டல் புதர் காடுகள்.
இந்த தேசியப் பூங்காவில் மழைப் பொழிவு அதிகமுள்ள மேற்குப் பகுதியில் ஈர இலையுதிர் காடுகளும், மழைப் பொழிவு குறைந்த கிழக்குப் பகுதியில் உலர் இலையுதிர் காடுகளும் காணப்படுகிறது.
மேற்கோள்கள்
[தொகு]- ↑ UNESCO, World Heritage sites, Tentative lists, Western Ghats sub cluster, Niligiris. retrieved 4/20/2007 World Heritage sites, Tentative lists
வெளி இணைப்பு
[தொகு]
- http://www.access-india.com/india-wildlife-mudumalaisanctuary.htm பரணிடப்பட்டது 2008-02-05 at the வந்தவழி இயந்திரம்
- http://www.nationalgeographic.co.in/explore/otbt/mudumalai_national_park.aspx பரணிடப்பட்டது 2008-03-02 at the வந்தவழி இயந்திரம்
- A Day In Nilgiri Biosphere Reserve - A Lifescape To Experience. Wild Channel Productions. 2016. Archived from the original on 2021-12-21.
- "Wildfire destroys over 10,000 acres of Bandipur forest". The Indian Express. 2019. http://www.newindianexpress.com/states/karnataka/2019/feb/25/wildfire-destroys-over-10k-acres-of-bandipur-forest-1943317.html.
- "Mudumalai Sanctuary". UNEP World Conservation Monitoring Centre. 1988. Archived from the original on 2007-08-04. Retrieved 2023-02-26.
- Suvarna, P.; Raghunath, A. (2021). "Illicit tourism extracts its cost from nature". டெக்கன் ஹெரால்டு. https://www.deccanherald.com/specials/insight/illicit-tourism-extracts-its-cost-from-nature-948459.html.
- Palaniappan, V. S.; Sudhakar, P. (2016). "Pros and cons of notification on tiger reserves". தி இந்து. https://www.thehindu.com/news/national/tamil-nadu/pros-and-cons-of-notification-on-tiger-reserves/article3796160.ece.
- "Photos taken in Theppakadu". Greenwaysroad. Archived from the original on 1 May 2008.
