தனுஷ்கோடி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
தனுஷ்கோடி
தனுஷ்கோடி தேவாலயத்தின் இடிபாடுகள்
தனுஷ்கோடி
இருப்பிடம்: தனுஷ்கோடி
, தமிழ்நாடு , இந்தியா
அமைவிடம் 9°10′49″N 79°24′54″E / 9.180228, 79.415016அமைவு: 9°10′49″N 79°24′54″E / 9.180228, 79.415016
நாடு இந்தியாவின் கொடி இந்தியா
மாநிலம் தமிழ்நாடு
மாவட்டம் இராமநாதபுரம்
ஆளுநர் கொனியேட்டி ரோசையா

[1]

முதலமைச்சர் ஜெ. ஜெயலலிதா[2]
மாவட்ட ஆட்சியர்
நேர வலயம் IST (ஒ.ச.நே.+5:30)
பரப்பளவு

உயரம்


2 மீற்றர்கள் (6.6 ft)

தனுஷ்கோடி (Dhanushkodi) தமிழ் நாட்டில் இராமநாதபுரம் மாவட்டம் இராமேஸ்வரம் தீவின் தென் கோடியில் உள்ள ஊர். இது பாம்பனுக்கு தென் கிழக்கே உள்ளது.

இங்குள்ள வங்கக் கடலும் இந்தியப் பெருங்கடலும் கூடுமிடம் புகழ் பெற்றது. இங்கு குளித்தால்தான் காசி யாத்திரை முடிவுறுவதாக இந்துக்கள் நம்புகின்றனர்.

  • வில்லைப் போன்று வளைந்த கடற்கரையைக் கொண்டிருப்பதால் இதனைத் தனுஷ்கோடி என்றனர். இது சங்க காலத்துக்குப் பிந்திய வழக்கு. (வில் = தனுஷ்)
  • கோடி என்பது முனை. வானைத் தொடும் முனை 'கோடு'. அதுபோலக் கடலில் அமைந்துள்ள நிலமுனை இந்தக் 'கோடி'
  • 'கோடி' என்பது இதன் சங்க காலப் பெயர். 'தொன்முது கோடி' என்று அது சிறப்பிக்கப்பட்டுள்ளது.

சங்ககாலத்தில்[தொகு]

கவுரியர் ஆட்சி
இது 'வென்வேற் கவுரியர்' என்று போற்றப்பட்டுள்ள அக்காலப் பாண்டியருக்கு உரியது.
விழாவில் மகளிர் தழையாடை
அவ்வூரில் வாழ்ந்த அக்கால மகளிர் விழாக் காலங்களில் தங்களது ஆடைக்கு மேல் பூந்தழை ஆடை அணிந்துகொள்வார்களாம். அதில் நீண்ட காம்போடு கோத்த நெய்தல் பூக்கள் தொங்குமாம்.
கானலம்பெருந்துறை
அங்குக் 'கானலம் பெருந்துறை' என்று வழங்கப்பட்ட இடத்தில் ஞாழல் மரமும், புன்னை மரமும் பூத்துக் குலுங்குமாம். அப்பகுதி காதலர் மகிழும் இடமாகவும் திகழ்ந்திருக்கிறது.
இராமன் ஆலமரத்தடியில் தவம்
அங்கிருந்த ஓர் ஆலமரத்து விழுதுகளுக்கிடையே அமர்ந்துகொண்டு வெல்போர் இராமன் அருமறை மந்திரங்களை ஒரு காலத்தில் சொல்லிக்கொண்டிருந்தானாம். அப்போது அங்கே அமைதி நிலவிற்றாம். பறவைகள் கூட ஒலிக்கவில்லையாம்.
  • ஒருத்தி சொல்கிறாள் \ திமிலில் ஏறிப் பரதவர் கடலில் வேட்டைக்குப் போய் வலை போட்டுப் பிடித்துவந்த மீன்களை, இலை தனித்தனியாகப் போட்டு மகளிர் பகுத்துக்கொண்டிருந்தபோது இந்த ஒருத்தியின் கள்ள உறவைப்பற்றிப் பேசிக்கொண்டார்களாம். அவர்கள் வாயடைந்துபோவார்கள் என்கிறாள் அவள். அவளது திருமணத்துக்குப் பின்னர் இராமன் மறை சொன்னபோது வாயடைந்த பறவைகளைப்போல வாயடைந்து போவார்களாம்.[3]

1964 புயல்[தொகு]

1964 ஆம் ஆண்டு டிசம்பர் 23 இல் மன்னார் வளைகுடாவில் ஏற்பட்ட புயல் கரையை கடந்த போது ராட்சத அலைகள் எழுந்து ஊருக்குள் புகுந்தது. தனுஷ்கோடி நகரமே கடலால் மூழ்கடிக்கப்பட்டது. தனுஷ்கோடியையும் பாம்பனையும் இணைத்த இருப்புப்பாதை வீசிய கடும் புயலில் அடித்து செல்லப்பட்டது. இதன்போது சென்னையில் இருந்து இராமேஸ்வரம் சென்று கொண்டிருந்த தொடருந்து அடித்துச் செல்லப்பட்டதில் அதில் சென்று பயணித்த 123 பேரும் கொல்லப்பட்டனர்.[4]. அதிகாலையில் நடந்த இந்த கோர தாண்டவத்தில் மொத்தம் 2000 பேர் வரை உயிரிழந்தனர். அதன் பின்னர் தமிழ் நாடு அரசு இந்த ஊரை வாழத்தகுதியற்றதாக அறிவித்தது.

தனுஷ்கோடியில் அழிந்த நிலையில் உள்ள ஒரு தேவாலயம்

புயல் வந்து புரட்டிப் போட்டதன் அடையாளமாக இன்றும் மிச்சமிருப்பது சிதிலமடைந்த ஒரு தேவாலயம். சில கட்டடங்கள் மட்டுமே. தனுஷ்கோடியைப் புதுப்பிக்க அரசுகள் ஏனோ மறந்து போய் விட்டன. இருப்பினும் தனுஷ்கோடியில் இன்றும் சில மீனவ குடும்பங்கள் வசிப்பதைக் காணலாம். அவர்களும் கூட தனுஷ்கோடிக்கு வரும் சுற்றுலாப் பயணிகளை நம்பியே வாழ்ந்து வருகின்றனர். சுடச் சுட மீன் சுட்டுத் தருவது உள்ளிட்டவற்றை செய்து வருகின்றனர். ஒரு காலை கடலுக்குள்ளும், இன்னொரு காலை கடல் மண்ணிலுமாக வைத்து தனுஷ்கோடி தடம் மாறிப் போய்க் கிடக்கிறது. தனுஷ்கோடியின் ரயில் நிலையத்தை கடல் கொண்டு விட்டது. ரயில் தண்டவாளம் மட்டும் பாதி கடலுக்குள் சென்றபடி காட்சி அளிக்கிறது.

தற்போதைய நிலை[தொகு]

Dhanushkodi by ArunElectra.jpg
மீண்டும் எழுச்சி உருவாகி வருகிறது.

மேற்கோள்கள்[தொகு]

  1. http://www.tn.gov.in/government/keycontact/197
  2. http://www.tn.gov.in/government/keycontact/18358
  3. கடுவன் மள்ளனார் பாட்டு \ அகநானூறு 70
  4. Gallery of Wrecks Crashes & Derailments Danushkodi, India 1964

வெளி இணைப்புகள்[தொகு]

"http://ta.wikipedia.org/w/index.php?title=தனுஷ்கோடி&oldid=1681191" இருந்து மீள்விக்கப்பட்டது