விக்கிப்பீடியா:உங்களுக்குத் தெரியுமா/பரிந்துரைகள்

பரிந்துரைகளுக்கான தகுதிகள்

1. இங்கு பரிந்துரைக்கும் தகவல் தமிழ் விக்கிப்பீடியாவில் ஏதாவது ஒரு கட்டுரையில் இடம் பெற்றிருக்க வேண்டும். குறுங்கட்டுரையாக இருப்பினும் ஏற்றுக் கொள்ளப்படும்.
2. பரிந்துரைக்கப்படும் தகவல் எந்தத் தலைப்புடன் (துறையுடன்) தொடர்புடையதோ அந்தத் தலைப்பின் (துறையின்) கீழாக இடம் பெறச் செய்ய வேண்டும்.
3. தமிழ்/தமிழர் சார்ந்த தகவல் ஒன்று ஒவ்வொரு வாரமும் இடம் பெறுவதால் அது குறித்த பரிந்துரைக்கு ஒவ்வொரு வாரமும் முக்கியத்துவமளிக்கப்படுகிறது. பிற தலைப்புகளிலான தகவல்கள் காட்சிப்படுத்தப்படுவதில் சிறிது காலதாமதமாகலாம்.
4. பரிந்துரைக்கும் தகவல் இதற்கு முன்பாகவே உங்களுக்குத் தெரியுமா? பகுதியில் இடம் பெற்றிருக்கக் கூடாது. எனவே, பரிந்துரைக்கும் தகவல் இதற்கு முன்பு இடம் பெறவில்லை என்பதை உங்களுக்குத் தெரியுமா? காப்பகம் மற்றும் அக்கட்டுரையின் பேச்சுப் பக்கத்தையும் பார்த்து உறுதி செய்து கொள்ள வேண்டும்.
5. பரிந்துரைக்கும் தகவல்கள் மாறுபட்ட செய்திகளைக் கொண்டதாக இருப்பது விரும்பப்படுகிறது. ஒரே செய்தியை அடிப்படையாகக் கொண்டதாக பல்வேறு தகவல்கள் இருக்கும் நிலையில் அதிலிருந்து ஒரு தகவல் மட்டும் காட்சிப்படுத்தப்படும். தொடர்புடைய பிற தகவல்கள் காட்சிப்படுத்தப்படுவதில் அதிகமான காலதாமதம் ஏற்படலாம் அல்லது காட்சிப்படுத்தாமலே விடப்படலாம்.
6. பரிந்துரைக்கும் தகவலுக்கான மேற்கோள் அக்கட்டுரையில் இடம் பெற்றிருக்க வேண்டும்.
7. பரிந்துரைக்கும் தகவலுக்கான படம் முக்கியத்துவம் பெற்றிருப்பின் அதற்கான படத்தையும் பரிந்துரையில் இணைக்கலாம்.
8. தகவல் சுருக்கமாகவும் (1-2 வரிகள்), தெளிவாகவும் இருக்க வேண்டும்.
9. முறையான வசன அமைப்புத் தேவை (எழுவாய், பயனிலை).

குறிப்பு: தடித்த எழுத்துக்கள் உள்ள தகுதிகள் கட்டாயமனவை.

---

அறிவியல்

உயிரியல்

• அடர் சுருட்டை வால் குரங்குகள் கொட்டகளை உடைக்க கற்களை சுத்தியல் கருவியாக பயன்படுத்துகின்றன.

• சாம்பல் உப்புக் கொத்தி ஆர்க்டிக் பகுதியில் இனப்பெருக்கத்தில் ஈடுபட்டு உலகம் முழுக்க வலசை போகும் பறவை ஆகும்.

• உலகில் பறக்கக்கூடிய பறவைகளில் எடை மிகுந்தது கானமயில் ஆகும்.

• சுடலைக் குயில் இந்தியப் பழங்கதையியலில் சாதகப் பறவை என்ற அழைக்கபட்டது
• புடு மான் உலகின் சிறிய மான் இனம்.

• மதுரை வாலாட்டிப்பாம்பு மேற்குத்தொடர்ச்சி மலைகளின் தென்பகுதியில் பழநி மலைத்தொடர் உள்ளிட்ட சில இடங்குகளில் மட்டுமே காணும் உள்ளக விலங்கு.

• எண்ணெய்த் திமிங்கிலம் தன் உடலிலின் செரிமாண உறுப்பிலிருந்து வெளியேற்றிய திமிங்கில வாந்தி, அம்பர்கிரிஸ் எனும் வாந்தி நறுமணப் பொருள்களை தயாரிக்க பயனுள்ளதாக இருக்கிறது.

• வாலாபி என்பது கங்காரு போன்ற விலங்கு ஆகும். இது கங்காருவை விட வடிவத்திலும், எடையிலும் சிறியவையாகும்.

• யானை மூஞ்சூறு, இதனை குதிக்கும் மூஞ்சூறு என்றும் அழைப்பர். இதன் மூக்கு யானையின் தும்பிக்கை போன்று நீண்டு இருப்பதால் இதற்கு யானை மூஞ்சுறு எனப்பெயராயிற்று. இவைகள் தென்மேற்கு ஆப்பிரிக்காவின் நமீப் பாலைவனம் முதல் தெற்கு ஆப்பிரிக்கா வரை பரவியுள்ளது.

வானியல், அண்டவியல், புவியியல்

• ரூப் குண்டம், இமயமலையின் பனி சூழ்ந்த நந்த குந்தி மலை மற்றும் திரிசூலி மலையடிவாரத்திற்கு இடையே அமைந்த மிகச்சிறிய ஏரி ஆகும். இந்த ஏரியைச் சுற்றிலும் பனிமலைகள் சூழ்ந்த இந்த ரூப் குண்டத்தை உள்ளூர் மக்கள் மர்ம ஏரி அல்லது எலும்புக் கூடு ஏரி என்று அழைப்பர்.

திரைத்துறை

• தியாகராஜ சுவாமிகள் வாழ்க்கை வரலாறு பக்த ஸ்ரீ தியாகராஜா என்ற பெயரில் திரைப்படமாக 1937ஆம் ஆண்டு வெளியானது.
• 1936ஆம் ஆண்டு ஒய். வி. ராவ் இயக்கத்தில் வெளியான சதி சுலோச்சனா கன்னட மொழியின் முதல் பேசும் படமாகும்.
• 1939 இல் வெளியான சிரிக்காதே திரைப்படம் இந்தியாவின் முதல் தொகைத் திரைப்படம் ஆகும்.
• 1984 இல் வெளியான மைடியர் குட்டிச்சாத்தான் இந்தியாவின் முதல் 3டி திரைப்படமாகும்
• 1935 இல் வெளியான மேனகா தமிழில் வெளியான முதல் சமூகத் திரைப்படம் ஆகும்

சமயம் / மெய்யியல் / தத்துவம்

1. வில்லியம் தொபியாஸ் ரிங்கல்தௌபே என்பவர் தென்னிந்தியாவின் முதல் சீர்திருத்தத் திருச்சபை மறைப்பணியாளர் ஆவார்.

பண்டைய வரலாறு

• இரண்டாம் ராமேசஸ் - புது எகிப்திய இராச்சியத்தை ஆண்ட 19வது வம்சத்தின் முன்றாவது பார்வோன் ஆவார். இவர் பண்டைய எகிப்தை கிமு 1279 முதல் கிமு 1213 முடிய 66 ஆண்டுகள் ஆட்சிபுரிந்தார். இவர் 14 சேத் திருவிழாக்களை கொண்டாடியவர். இவரது சிறந்த ஆட்சிக் காலத்தை ராமேசியம் காலம் என்பர்.

கலைகள், பண்பாடு, தொல்லியல்

• லலித்கிரி, இந்தியாவின் ஒடிசா மாநிலத்தில் புவனேஸ்வர் நகரத்தின் அருகில் உள்ள மலையில் அமைந்த பண்டைய பௌத்த தூபிகள், சைத்தியங்கள், விகாரைகள், புத்தரின் சிற்பங்கள் கொண்ட தொல்லியல் வளாகம் ஆகும். உதயகிரி, கந்தகிரி குகைகளுக்கு அருகில் உள்ள லலித்கிரியில் பண்டைய பௌத்த புஷ்பகிரி பல்கலைக்கழகம் அமைந்திருந்தது.
• பர்குட் - இந்தியாவின், மத்தியப் பிரதேச மாநிலத்தின் சத்னா மாவட்டத்தின், பர்குட் கிராமத்தில் கிமு 200 - 300க காலத்தில் பௌத்தக் கட்டிடக் கலையில் நிறுவப்பட்ட தூபிகளும், தோரணங்களும், நுழைவு வாயில்களும், சிற்பங்களும், கல்வெட்டுகளும் கொண்டுள்ளது.

சமூகம்

• நுஜூத் அலி உலகில் மிகச்சிறிய வயதில் (10 வயதில்) மணமுறிவு பெற்ற பெண்