சத்னா மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
சத்னா மாவட்டம்
सतना जिला
Madhya Pradesh district location map Satna.svg
சத்னாமாவட்டத்தின் இடஅமைவு மத்தியப் பிரதேசம்
மாநிலம் மத்தியப் பிரதேசம், இந்தியா
நிர்வாக பிரிவுகள் ரேவா கோட்டம்
தலைமையகம் சத்னா
பரப்பு 7,502 km2 (2,897 சது மை)
மக்கட்தொகை 2,228,935 (2011)
மக்கள்தொகை அடர்த்தி 297/km2 (770/சது மை)
நகர்ப்புற மக்கட்தொகை 21.28%
படிப்பறிவு 72.26
பாலின விகிதம் 926
வட்டங்கள் 10
மக்களவைத்தொகுதிகள் 1 (சத்னா)
சட்டமன்ற உறுப்பினர் எண்ணிக்கை 7
சராசரி ஆண்டு மழைபொழிவு 817.6 மிமீ mm
அதிகாரப்பூர்வ இணையத்தளம்

சத்னா மாவட்டம், மத்திய இந்தியாவின் மத்தியப் பிரதேச மாநிலத்தின் ஐம்பத்து ஒன்று மாவட்டங்களில் ஒன்றாகும். இம்மாவட்டத்தின் நிர்வாகத் தலைமையிட நகரம் சத்னா ஆகும். இது ரேவா கோட்டத்தில் அமைந்துள்ளது. சத்னா மாவட்டம் 900 சதுர மைல் காட்டுப் பரப்பு கொண்டது. உடையது.

இதிகாச வரலாறு[தொகு]

மத்தியப் பிரதேச மாநில பந்தல்கண்ட் பகுதியில் சத்னா மாவட்டத்தில் அமைந்த சிறு நகரம் சித்திரகூடம் ஆகும். இராமாயணம் இதிகாசத்தில் குறிப்பிடப்படும் சித்திரகூடம் ஒரு அடர்ந்த காட்டுப் பகுதியாக இருந்தது. இராமன் பதினான்கு காடுறை வாழ்வின் போது சீதை மற்றும் இலக்குவன் உடன் சித்திரகூட காட்டுப் பகுதியில் 11 ஆண்டு ஆறு மாதங்கள் கழித்தனர். அத்ரி, அனுசுயா, மார்கண்டேயர், போன்ற முனிவர்கள் சித்திரகூட காட்டில் தவமியற்றியதாக இராமாயணம் குறிப்பிடுகிறது.

மாவட்ட நிர்வாகம்[தொகு]

சத்னா மாவட்டம் சத்னா, நகோட், ராம்பூர், பகேலான், அமர்பட்டினம், மைஹர், மஜ்காவான், ராம்நகர், உஞ்சேரா, கோடார், வீர்சிங்பூர் என பத்து வருவாய் வட்டங்களைக் கொண்டது. சத்னா மாவட்டத்தில் 2125 கிராமங்களும், 704 பஞ்சாயத்து கிராமங்களும் உள்ளது.

பொருளாதாரம்[தொகு]

இந்தியாவில் பொருளாதாரத்தில் மிகவும் பின் தங்கிய 250 இந்திய மாவட்டங்களில் ஒன்றாக சத்னா மாவட்டம், இந்திய அரசின் பஞ்சாயத்து ராஜ் அமைச்சகத்தால் 2006-ஆம் ஆண்டில் அறிவிக்கப்பட்டது.

இதனால் இம்மாவட்டத்தின் ஊரக வளர்ச்சி திட்டங்களுக்கும் இந்திய அரசின் நிதி உதவி இம்மாவட்டத்திற்கு ஆண்டு தோறும் வழங்கப்படுகிறது.[1]

மக்கள் தொகையியல்[தொகு]

2011 ஆம் ஆண்டு இந்திய மக்கள் தொகை கணக்கெடுப்பின் படி இம்மாவட்டத்தின் மொத்த மக்கள் தொகை 2,228,935 2,228,935 ஆக உள்ளது. கிராமப்புறங்களில் 78.72% மக்களும்; நகரப்புறங்களில் 21.28% மக்களும் வாழ்கின்றனர். கடந்த பத்தாண்டுகளில் (2001-2011) மக்கள் தொகை வளர்ச்சி விகிதம் 19.19% ஆக உயர்ந்துள்ளது. மக்கள் தொகையில் 1,157,495 ஆண்களும் மற்றும் 1,071,440 பெண்களும் உள்ளனர். பாலின விகிதம் ஆயிரம் ஆண்களுக்கு 926 926 பெண்கள் வீதம் உள்ளனர். 7,502 சதுர கிலோ மீட்டர் பரப்பளவு கொண்ட இம்மாவட்டத்தின் மக்கள் தொகை அடர்த்தி ஒரு சதுர கிலோ மீட்டர் பரப்பளவில் 297 மக்கள் வாழ்கின்றனர். இம்மாவட்டத்தின் சராசரி படிப்பறிவு 72.26% ஆகவும், ஆண்களின் படிப்பறிவு 81.37 % ஆகவும், பெண்களின் படிப்பறிவு 62.45 % ஆகவும் உள்ளது. ஆறு வயதிற்குட்பட்ட குழந்தைகளின் எண்ணிக்கை 330,661 ஆக உள்ளது. [2]

சமயம்[தொகு]

இம்மாவட்டத்தில் இந்து சமயத்தவரின் மக்கள் தொகை 2,158,623 (96.85 %) ஆகவும், இசுலாமிய சமய மக்கள் தொகை 59,471 (2.67 %) ஆகவும், கிறித்தவ, சீக்கிய, சமண, பௌத்த சமய மக்கள் தொகை கணிசமாக உள்ளது.

மொழிகள்[தொகு]

மத்தியப் பிரதேச மாநிலத்தின் ஆட்சி மொழியான இந்தி மொழியுடன், உருது மற்றும் வட்டார பழங்குடியின மொழிகளும் இம்மாவட்டத்தில் பேசப்படுகிறது.

மேற்கோள்கள்[தொகு]

  1. Ministry of Panchayati Raj (September 8, 2009). "A Note on the Backward Regions Grant Fund Programme". National Institute of Rural Development. பார்த்த நாள் September 27, 2011.
  2. Satna District : Census 2011 data

வெளி இணைப்புகள்[தொகு]

  • [1] list of places in Satna

மாவட்ட எல்லைகள்[தொகு]


ஆள்கூற்று: 24°20′24″N 80°33′00″E / 24.34000°N 80.55000°E / 24.34000; 80.55000

"https://ta.wikipedia.org/w/index.php?title=சத்னா_மாவட்டம்&oldid=2431039" இருந்து மீள்விக்கப்பட்டது