லடாக் மலைத்தொடர் (காஷ்மீர்)

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
லடாக் மலைத்தொடர்

லடாக் மலைத்தொடர்[தொகு]

காரகோரம் மலைத்தொடரின் ஒரு பகுதியான லடாக் மலைத்தொடர் தென்கிழக்கே 230 மைல்களுக்கு (370 கி.மீ), லடாக் பகுதியில் உள்ள சியோக் நதியின் முகத்துவாரப் பகுதியிலிருந்து திபத்தியன் எல்லை வரை நீண்டுள்ளது. முகடு உச்சி 20,000 அடி(6,100 மீ) கொண்ட இம் மலைத்தொடர் சிந்து நதியின் வடகிழக்கு கரைக்கு இணையாக அமைந்துள்ளது. செம்மறி ஆடு மற்றும் காட்டெருமைகளை நம்பி லடாக் மலைத்தொடரில் பிழைப்பை நடத்துகின்றனர் சங்ப்பா என்ற நாடோடிகள். உயரமான, வறண்ட பாலைவனத்திற்குள் துணிச்சலாக நுழைந்து பார்க்கும் போது தான் அவர்களின் வாழ்க்கையின் அபாயம் புரிகிறது.

திபெத்தின் சங் டங் சமவெளி, இமயமலையின் மிகவும் தொலைவான பகுதி, மிக மிக உயரமான நாடு, இங்கே உள்ள பள்ளத்தாக்குகள் கடல் மட்டத்திலிருந்து 14,000 அடி அளவிற்கு உயரம் கொண்டவை. மொராரி ஏரி (பசுமையான சோலை) மற்றும் டோக் காங்கிரி( உயரமான சிகரங்களில் ஒன்று) போன்ற பகுதிகளுக்கு சென்று புத்த மடாலயங்களை சுற்றி பார்க்கலாம் (லே நகரம்).

லடாக் என்பது ஒரு அழகான் பாலைவனப்பகுதி ஆகும். கலாச்சாரம் மற்றும் புவியியல் வகையில் திபெத் நாடுடன் மிகவும் நெருங்கிய தொடர்பு கொண்டது. மிகத் தீவிரமான காலநிலையுடன் மிகக் குறைவான வள ஆதாரங்களை கொண்டிருந்தாலும், புத்த லடாக்கியர்கள் தங்கள் சுற்றுச்சூழல் பற்றிய பாரம்பரியம் மற்றும் நுட்பமான அறிவின் மூலம் சிறப்பாக மட்டுமல்லாமல் வளமாகவும் வாழ்கிறார்கள்.

பல நூற்றாண்டுகள் படையெடுப்புகளால், மங்கோலியர்கள்(மத்திய ஆசியாவிலிருந்து), பால்டிஸ் (மேற்கிலிருந்து), தோங்கராஸ் (தெற்கிலிருந்து) மற்றும் திபத்தியர்கள் (கிழக்கிலிருந்து) அங்குள்ள மக்களின் முகங்களில் பல இன கலவை பிரதிபலிக்கிறது.

லடாக்கின் முக்கிய நகரம்(லே), பல நுற்றாண்டுகளாக பாஷ்மினா கம்பளி ஆடைகளுக்கு வணிக மையமாக இருந்துள்ளது. கம்பளி ஆடு மற்றும் குதிரை வண்டிகள் பாஷ்மினாவை திபெத்திலிருந்தும், இரத்தினம், பவளம் மற்றும் வெள்ளியை யார்கந்து மற்றும் காஷ்கரிலிருந்தும், நறுமணப் பொருட்கள் மற்றும் துணிகள் இந்தியாவிலிருந்தும் காஷ்மீர்லிருந்தும் கொண்டுவரப்பட்டன.

இரண்டு ஆங்கில ஆய்வாளர்கள் வில்லியம் மூர்கிராப்ட்மற்றும் ஜார்ஜ் டிரிபெக் 1820-ல் லே-வை சுற்றி பார்க்க வந்த போது, இத்தனை வளங்களையுடைய ஒரு நகரம் ஒரு வறண்ட பாலைவனத்திற்கு நடுவில் இருப்பதை கண்டு வியப்பில் ஆழ்ந்தனர்.

லடாக் மலைத்தொடரின் நீட்சியாக சீனாவில் இருப்பது கைலாஷ் மலைத்தொடர் ஆகும். லாடாக்கில் தான் இந்தியாவின் மிக குளிரான பாலைவனமான லே இருக்கிறது.

மேற்கோள்கள்:

[1]

  1. https://en.wikipedia.org/wiki/Ladakh_Range