தஞ்சாவூர் காசி விசுவநாதர் கோயில்

கட்டற்ற கலைக்களஞ்சியமான விக்கிப்பீடியாவில் இருந்து.
தஞ்சாவூர் காசி விசுவநாதர் கோயில்
அமைவிடம்
நாடு:இந்தியா
மாநிலம்:தமிழ்நாடு
மாவட்டம்:தஞ்சை மாவட்டம்
அமைவு:தஞ்சாவூர்
கோயில் தகவல்கள்
மூலவர்:காசி விசுவநாதர்

தஞ்சாவூர் காசி விசுவநாதர் கோயில், தமிழ்நாடு, தஞ்சை மாவட்டம், தஞ்சாவூரில் மேல வீதியில் அமைந்துள்ளது.

தேவஸ்தான கோயில்[தொகு]

தஞ்சாவூர் அரண்மனை தேவஸ்தானத்திற்கு உட்பட்ட 88 கோயில்களில் இக்கோயிலும் ஒன்றாகும். [1] [2]

அமைப்பு[தொகு]

இக்கோயில் ராஜகோபுரம், பலிபீடம், முன் மண்டபம், கருவறை, விமானம், வெளிச்சுற்று ஆகிய அமைப்புகளோடு விளங்குகிறது. கருவறை கோஷ்டத்தில் நர்த்தன விநாகர், தட்சிணாமூர்த்தி, லிங்கோத்பவர், பிரம்மா ஆகியோர் உள்ளனர். திருச்சுற்றில் கணபதி, சண்முகர், கஜலட்சுமி, துர்க்கை, சண்டிகேஸ்வரர் சன்னதிகள் உள்ளன. கோயிலின் இடப்புறம் சிவகாமசுந்தரி சமேத நடராஜர் சன்னதி உள்ளது. கோயிலில் பைரவர் சனீஸ்வரர், சூரியன் ஆகியோரும் உள்ளனர். நவக்கிரக சன்னதியும் இக்கோயிலில் உள்ளது.

மூலவர்[தொகு]

இக்கோயிலின் மூலவராக காசி விசுவநாதர் உள்ளார். மூலவர் சன்னதியின் இடது புறம் விசாலாட்சி சன்னதி உள்ளது.

குடமுழுக்கு[தொகு]

26 மார்ச் 1999 மற்றும் 18 மார்ச் 2012இல் குடமுழுக்கு ஆனதற்கான கல்வெட்டுகள் காணப்படுகின்றன.

மேற்கோள்கள்[தொகு]

  1. தஞ்சாவூர் அரண்மனை தேவஸ்தானத்தைச் சேர்ந்த ஆலயங்கள், தஞ்சை இராஜராஜேச்சரம் திருக்குட நன்னீராட்டுப் பெருவிழா மலர், 1997 வ.எண்.13
  2. J.M.Somasundaram Pillai, The Great Temple at Tanjore, [Tanjore Palace Devastanams, II Edn 1958] Rpt 1994, Tamil University, Thanjavur, Sl.No.13