தஞ்சாவூர் ராஜகோபாலசுவாமி கோயில்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ராஜகோபாலசுவாமி கோயில்
அமைவிடம்
நாடு:இந்தியா
மாநிலம்:தமிழ்நாடு
மாவட்டம்:தஞ்சாவூர் மாவட்டம்
அமைவு:தஞ்சாவூர்
கோயில் தகவல்கள்
மூலவர்:சக்கரத்தாழ்வார்

தஞ்சாவூர் ராஜகோபாலசுவாமி கோயில், தமிழ்நாடு, தஞ்சாவூர் மாவட்டம், தஞ்சாவூரில் வடக்கு வீதி அருகே ராஜகோபாலசுவாமி கோயில் தெருவில் அமைந்துள்ளது. இக்கோயிலை மதனகோபாலப் பெருமாள் கோயில் என்றும் அழைக்கின்றனர்.

ராஜகோபாலசுவாமி கோயில்[தொகு]

தஞ்சாவூர் அரண்மனை தேவஸ்தானத்திற்கு உட்பட்ட 88 கோயில்களில் இக்கோயிலும் ஒன்றாகும்.[1] இக்கோயில் கருவறை அழகிய கற்றளளியாகவும் நந்தவனங்களும், பிற்காலத்தில் எடுக்கப்பெற்ற மண்டபங்களைக் கொண்டும் ஒரே கோபுர வாயிலோடு காணப்படுகிறது.[2] கிழக்கு நோக்கிய ராஜகோபுரத்தைக் கடந்து உள்ளே செல்லும்போது மற்றொரு சிறிய கோபுரம் காணப்படுகிறது. அந்த கோபுரத்தைக் கடந்து உள்ளே செல்லும்போது பலிபீடம் உள்ளது. கருவறையில் ராஜகோபாலசுவாமி இல்லை. சக்கரத்தாழ்வார் திருமேனி உள்ளது.

இரு மண்டபங்கள்[தொகு]

இக்கோயில் வளாகத்தின் மேல் திசையில் உள்ள மண்டபத்தில் சிவேந்திரர் கோயில் உள்ளது. வடபுறம் உள்ள மண்டபத்தில் காளியம்மன் கோயில் உள்ளது.

சிவேந்திரர் கோயில்[தொகு]

திருச்சுற்றில் உள்ள சிவேந்திரர் கோயில் தஞ்சாவூர் அரண்மனை தேவஸ்தானத்திற்கு 88 கோயில்களில் ஒன்றாகும்.[1] அங்கு மராட்டியர்களின் வழிபாட்டுத்தெய்வமான சிவேந்திரர் உருவங்கள் தேவியருடன் காணப்படுகின்றன. ஒவ்வொரு சிற்பத்திற்குப் பின்னரும் மிகப்பெரிய அறுகோணம் உள்ளது.[2]

பகுளாமுகி அம்மன் சன்னதி[தொகு]

திருச்சுற்றில் ராஜகோபுரத்திற்கும் இரண்டாவது கோபுரத்திற்குமிடையே பகுளாமுகி அம்மன் எனப்படும் காளியம்மன் சன்னதி உள்ளது. இச்சன்னதியில் பகுளாமுகி அம்மன், கஜலட்சுமி, பைரவர், மார்த்தாண்ட பைரவர், சிவ துர்க்கை, கோலாப்பூர் மகாலட்சுமி, விஷ்ணு துர்க்கை, சப்த கன்னியர் உள்ளனர்.

மேற்கோள்கள்[தொகு]

  1. 1.0 1.1 தஞ்சாவூர் அரண்மனை தேவஸ்தானத்தைச் சேர்ந்த ஆலயங்கள், தஞ்சை இராஜராஜேச்சரம் திருக்குட நன்னீராட்டுப் பெருவிழா மலர், 1997, வ.எண்.53, அருள்மிகு மதனகோபால்சாமி திருக்கோயில்
  2. 2.0 2.1 குடவாயில் பாலசுப்பிரமணியன், தஞ்சாவூர், அஞ்சனா பதிப்பகம், தஞ்சாவூர், 1997, பக்.144-146