தினமலர்

தினமலர்
வகை	தினசரி நாளிதழ்
வடிவம்	பத்திரிகை, இணையத்தளம்
உரிமையாளர்கள்
தொடக்கம்	1951
மொழி	தமிழ்
தலைமையகம்	சென்னை, தமிழ்நாடு
இணையம்: http://www.dinamalar.com

தினமலர் இந்தியாவின் தமிழகத்திலிருந்து வெளிவரும் தமிழ் நாளிதழ்களில் ஒன்றாகும். இந்நாளிதழ் டி.வி.இராமசுப்பையர் என்பவரால் 1951 ஆம் ஆண்டு செப்டம்பர் 6 ஆம் நாள் தொடங்கப்பட்டது.

சென்னை, புதுச்சேரி, வேலூர், கோவை, சேலம், ஈரோடு, திருச்சி, மதுரை, நெல்லை, நாகர்கோயில் ஆகிய இடங்களில் இதன் பதிப்புகள் வெளிவருகின்றன.

தமிழகத்தில் அதிகம் விற்பனையாகும் முதல் இரண்டு நாளிதழ்களில் இதுவும் ஒன்று.

வரலாறு

தேதி	நிகழ்வு
செப்டம்பர் 9, 1951	தினமலர் தொடக்கம். திருவனந்தபுரத்தில் முதல் பதிப்பு.
ஏப்ரல் 16, 1957	திருவனந்தபுரத்திலிருந்து நெல்லைக்கு பதிப்பு மாற்றம்
டிசம்பர் 15, 1966	திருச்சி பதிப்பு தொடக்கம்
ஏப்ரல் 29, 1979	சென்னை பதிப்பு தொடக்கம்.
டிசம்பர் 26, 1980	மதுரை பதிப்பு தொடக்கம்
ஏப்ரல் 4, 1982	வாரமலர் தொடக்கம்
மார்ச் 16, 1984	ஈரோடு பதிப்பு தொடக்கம்
நவம்பர் 22, 1985	சிறுவர்மலர் தொடக்கம்
அக்டோபர் 19, 1988	கதைமலர் தொடக்கம்
ஏப்ரல் 15, 1991	புதுச்சேரி பதிப்பு தொடக்கம்
டிசம்பர் 23, 1992	கோவை பதிப்பு தொடக்கம்
டிசம்பர் 13, 1993	வேலூர் பதிப்பு தொடக்கம்
ஜனவரி 13, 1994	வேலைவாய்ப்புக் கல்விமலர் தொடக்கம்

தினமலர் பகுதிகள்

தினமலர் நாளிதழில் தினம் இடம் பெறுகின்ற பகுதிகள்.

• பக்க வாத்தியம்
• டீ கடை பெஞ்சு
• அக்கம் பக்கம்
• பேச்சு, போட்டி, அறிக்கை
• இது உங்கள் இடம்
• டவுட் தனபாலு
• உரத்த சிந்தனை

தினமலர் இணைப்புகள்

தினமலர் நாளிதழுடன் இலவச இணைப்புகளாக புத்தகங்களும், வரிவிளம்பரம் போன்ற பகுதிகளும் கொடுக்கப்படுகின்றன.

• தினமலர் வாரமலர் - ஞாயிற்று கிழமைகளில் இலவச இணைப்பாக தினமலர் நாளிதழுடன் தரப்படுகின்ற பல்சுவை இதழ்.
• தினமலர் சிறுவர் மலர் - வெள்ளி கிழமைகளில் இலவச இணைப்பாக தினமலர் நாளிதழுடன் தரப்படுகின்ற சிறுவருக்கான இதழ்.
• தினமலர் ஆன்மீக மலர் - சனி கிழமைகளில் இலவச இணைப்பாக தினமலர் நாளிதழுடன் தரப்படுகின்ற ஆன்மீக இதழ்.
• தினமலர் கம்பியூட்டர் மலர்
• தினமலர் வருடமலர்
• தினமலர் பொங்கல் மலர்

• வரி விளம்பரங்கள்
• அங்காடித் தெரு
• அக்கம் பக்கம்

இணையத்தில் தினமலர்

தினமலர் கோவில்கள்

தினமலர் கோவில்கள் பகுதியில் பகவத் கீதை, மாவட்ட கோயில்கள், 12 திருமுறைகள், முக்கிய ஊர்களில் உள்ள கோயில்கள், 108 திவ்ய தேசம், 274-சிவாலயம், விஷ்ணு கோயில், சிவன் கோயில்,12 ஜோதிர் லிங்கம், விநாயகர் கோயில், அம்மன் கோயில், சக்தி பீடங்கள், முருகன் கோயில், அறுபடைவீடு, நவக்கிரக கோயில், 27 நட்சத்திர கோயில், பிற கோயில், தனியார் கோயில், கோயில் முகவரிகள், வெளி மாநில கோயில்,வெளிநாட்டு கோயில், சிறப்பு வீடியோ, ஐயப்ப தரிசனம், வழிபாடு, காந்தி - சுய சரிதை, பாரதியார் கவிதைகள் போன்றவை உள்ளன.

மொபைல் நாளிதழ்

தினமலர் மொபைல் நாளிதழ் என்பது தினமலர் நாளிதழ் வழங்கும் நகர்பேசி சேவையாகும். கடந்த 2009 ஆம் ஆண்டு இச்சேவை துவங்கப்பட்டது. . இந்த சேவையை பெறுவதற்கு ஜி.பி.ஆர்.எஸ்., வசதி உடைய நகர்பேசி தேவை. இந்த சேவையை நியூஸ்ஹன்ட் என்ற நிறுவனத்துடன் இணைந்து தினமலர் வழங்குகிறது .

செய்தி பிரிவுகள்

• முக்கியச் செய்திகள்
• அரசியல்
• பொது
• சம்பவம்
• 'இதபடிங்க முதல்ல'
• சினிமா
• கிரிக்கெட் லைவ்
• தங்கம் வெள்ளி நிலவரம்
• வாரமலர்
• கேலரி உள்ளிட்ட பகுப்புகள்.

வெளி இணைப்புக்கள்

• தினமலர் இணையப் பதிப்பு.
• விளையாட்டு செய்திகள் .
• வர்த்தகம் .
• உலக தமிழர் செய்திகள் .
• சினிமா .
• புத்தக மதிப்புரை .
• தினமலர் தமிழக கோயில்கள் .