அவரை

கட்டற்ற கலைக்களஞ்சியமான விக்கிப்பீடியாவில் இருந்து.

அவரைச் செடி

அவரை வித்து

அவரை என்பது பயன்மிக்க ஒரு கொடிவகை நிலைத்திணை(தாவரம்). இது நீண்டு வளரும் சுற்றுக்கொடி. இதன் காயே அவரைக்காய். உண்ணச் சுவையானதும் மிகுந்த சத்துள்ளதும் ஆகும். இதில் புரதச் சத்து அதிகம் உள்ளது (காயின் எடையில் சுமார் 25% விழுக்காடு புரதச்சத்து). நார்ப்பொருளும் நிறைய உள்ள ஒரு காய். இக்கொடியில் வெளிர் நீல நிறம் அல்லது வெண்ணிற பூக்கள் மலரும். இதன் நிலைத்திணையியல் அறிவியல் பெயர் லாப்லாப் பர்பூயூரிசு (Lablab purpureus). இக்கொடி நிலைத்திணை இயலில் ஃவேபேசி (Fabaceae) என்னும் குடும்பத்தைச் சார்ந்தது. இந்த அவரையிலும் பல வகைகள் உண்டு. மொச்சை அவரை என்னும் வகையின் விதைகள் படத்தில் காட்டப்பட்டுள்ளன. இந்தியாவிலிருந்தே பிற நாடுகளுக்குப் பரவியதாக கருதப்படுகிறது (நூல் துணை).