வெட்சி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
வெட்சி
Ixora coccinea
Ixora coccinea
உயிரியல் வகைப்பாடு
திணை:
(இராச்சியம்)
தாவரம்
(தரப்படுத்தப்படாத): பூக்கும் தாவரம்
(தரப்படுத்தப்படாத) இருவித்திலைத் தாவரம்
(தரப்படுத்தப்படாத) ஆஸ்ரரிட்ஸ்
வரிசை: Gentianales
குடும்பம்: ரூபியேசியே
துணைக்குடும்பம்: Ixoroideae
Tribe: Ixoreae
பேரினம்: Ixora[1]
L.
Wikispecies-logo.svg
விக்கியினங்கள் தளத்தில் பின்வரும் தலைப்பில் தகவல்கள் உள்ளன:

வெட்சி (இட்லிப் பூ அல்லது இட்லி பூ) என்பது ரூபியேசியேக் குடும்பத்தைச் சேர்ந்த தாவரமாகும். என்றும் பசுமையான மலர்ச்செடிகளான ரூபியேசியே குடும்பத்தில் 529 சிற்றினங்கள் காணப்படுகின்றன.[2]

உலகெங்கிலுமுள்ள அயன மண்டலம், உப அயன மண்டல நாடுகளில் தோன்றினாலும் அயன மண்டல் ஆசியா, குறிப்பாக இந்தியா இதன் பல்வகைமை செறிந்து காணப்படும் நாடாகும்.[2] இப்போது ஐக்கிய அமெரிக்கா நாடுகளிலும் வெட்சி வளர்க்கப்படுகிறது.

இத்தாவரம் 3-6 அங்குலம் நீளமுள்ள தோல் போன்ற இலையையும் சிறு பூக்களின் கொத்துக்களால் ஆனது. அமில மண்ணுக்கு பொருத்தமான இத்தாவரம் பொன்சாய் செய்கைக்கு ஏற்றது.

சங்கநூல் செய்திகள்[தொகு]

வெட்சி என்பது ஒருவகைக் காட்டுப்பூ.
இக்காலத்தில் அழகுக்காக வீடுகளிலும் வளர்க்கப்படுகிறது.
இது ஊசி போல் அரும்பு விடும்.
வெண்ணிற வெட்சி அதியமானின் குடிப்பூ.
செந்நிற வெட்சி போருக்குச் செல்வோர் சூடும் பூ. முருகனை வழிபடுவோரும் அவன் நிறமான செந்நிற வெட்சிப்பூவை அணிந்துகொள்வர்.

  • குறிஞ்சிநிலக் கோதையர் குவித்து விளையாடிய மலர்களில் ஒன்று வெட்சி. [3]
  • வெண்ணிற வெட்சி
வெட்சி மலர் வெள்ளை நிறத்தில் ஊசிபோல் பூக்கும். அதியமான் போர்க்கோலம் பூண்டபோது போந்தை(பனை), வெட்சி, வேங்கை ஆகிய மூன்று பூக்களையும் கலந்து கட்டிய கண்ணியைத் தலையில் சூடியிருந்தான். [4]
  • செந்நிற வெட்சி
முருகப்பெருமானை வழிபட்ட சூரர மகளிர் சூடியிருந்த மலர்களில் சிவந்த காம்பினைக் கொண்ட வெட்சியும் இருந்தது. [5]
  • காடைப் பறவையின் கால்நக முள் போல வெட்சிப்பூ முதிரும். [6]
  • வெட்சிக்கானத்தில் வேட்டுவர் கடம்பு மானைத் துரத்திப் பிடிப்பர். [7]
  • வையையில் நீரீடச் சென்ற மகளிர் வெட்சிப் பூவைத் தலையில் அணிந்திருந்தனர். [8]
  • ஏறு தழுவச் சென்றபோது, இடையர் குலக் காளையர் சூடியிருந்த பன்மலர்க் கண்ணியில் வெட்சிப்பூ அதன் இலைகளுடன் சேர்த்துத் தொடுக்கப்பட்டிருந்த்து. [9]
  • வெட்சித்திணையானது குறிஞ்சித்திணையின் புறத்திணை. [10]

இவற்றையும் காண்க[தொகு]

சங்ககால மலர்கள்

படங்கள்[தொகு]

மேற்கோள்கள்[தொகு]

  1. "Genus Ixora". Taxonomy. UniProt. பார்த்த நாள் 2010-02-13.
  2. 2.0 2.1 "WCSP". World Checklist of Selected Plant Families. பார்த்த நாள் 2010.
  3. குறிஞ்சிப்பாட்டு 63
  4. உச்சிக் கொண்ட ஊசி வெண்தோட்டு வெட்சி மாமலர் - புறநானூறு 100-5
  5. செங்கால் வெட்சி - திருமுருகாற்றுப்படை 21
  6. இதல் முள் ஒப்பின் முகை முதிர் வெட்சி - அகநானூறு 133-14
  7. புறநானூறு 202-1
  8. ஈர் அமை வெட்சி இதழ் புனை கோதையர் - பரிபாடல் 22-22
  9. புல்லிலை வெட்சி - கலித்தொகை 103-2
  10. தொல்காப்பியம் 3-59-3
"http://ta.wikipedia.org/w/index.php?title=வெட்சி&oldid=1617057" இருந்து மீள்விக்கப்பட்டது