புக்கிட் மெர்தாஜாம் தொடருந்து நிலையம்

புக்கிட் மெர்தாஜாம் தொடருந்து நிலையம்
Bukit Mertajam Railway Station
; புக்கிட் மெர்தாஜாம் தொடருந்து நிலையம்; Bukit Mertajam Railway Station
	புக்கிட் மெர்தாஜாம் தொடருந்து நிலையம்
பொது தகவல்கள்
அமைவிடம்	புக்கிட் மெர்தாஜாம், பினாங்கு
ஆள்கூறுகள்	5°21′40″N 100°27′39″E / 5.361111°N 100.460833°E
உரிமம்	மலாயா தொடருந்து நிறுவனம்
தடங்கள்	மேற்கு கடற்கரை தொடருந்து வழித்தடம் ; 1 பாடாங் ரெங்காஸ் வழித்தடம் (கேடிஎம் கொமுட்டர் வடக்கு பிரிவு); 2 பாடாங் பெசார் வழித்தடம் (கேடிஎம் கொமுட்டர் வடக்கு பிரிவு); ETS கேடிஎம் இடிஎஸ்
நடைமேடை	2 தீவு மேடைகள்
இருப்புப் பாதைகள்	4
கட்டமைப்பு
தரிப்பிடம்	உண்டு
மாற்றுத்திறனாளி அணுகல்
மின்சாரமயம்	2015
சேவைகள்
அமைவிடம்
	புக்கிட் மெர்தாஜாம் தொடருந்து நிலையம்

புக்கிட் மெர்தாஜாம் தொடருந்து நிலையம் (ஆங்கிலம்: Bukit Mertajam Railway Station மலாய்: Stesen Keretapi Bukit Mertajam); சீனம்: 大山脚火车站) என்பது தீபகற்ப மலேசியா, பினாங்கு, மத்திய செபராங் பிறை மாவட்டம், புக்கிட் மெர்தாஜாம் நகரில் உள்ள ஒரு தொடருந்து நிலையம் ஆகும். இந்த நிலையம் புக்கிட் மெர்தாஜாம் மற்றும் அதன் சுற்றுப்புறங்களுக்குச் சேவை செய்கிறது.^[1]

மலாயா மேற்கு கடற்கரை தொடருந்து வழித்தடம் எனும் தீபகற்ப மலேசிய மேற்கு கரை வழித்தடத்தில் (KTM Wast Coast Railway Line), பினாங்கு மாநிலத்தின் புக்கிட் மெர்தாஜாம் நகரில் இந்த நிலையம் உள்ளது. ^[2]

பொது[தொகு]

ஈப்போ - பாடாங் பெசார் மின்மயமாக்கல்; மற்றும் இரட்டை தண்டவாளத் திட்டத்தின் ஒரு பகுதியாக 2013-ஆம் ஆண்டில், புக்கிட் மெர்தாஜாம் நகரில் புதிய தொடருந்து நிலையம் கட்டப்பட்டது. 2015-இல் செயல்படத் தொடங்கிய இந்த நிலையம், கேடிஎம் இடிஎஸ்; கேடிஎம் கொமுட்டர் நிறுவனங்களின் தொடருந்துகளால் சேவை செய்யப் படுகிறது.

பழைய நிலையத்திற்கு மேற்கே பெர்மாத்தாங் ராவா (Permatang Rawa) புறநகர்ப் பகுதியில் புதிய நிலையம் அமைந்துள்ளது. புக்கிட் மெர்தாஜாம் தொடருந்து நிலையத்திற்கு மின்சார தொடருந்து சேவை 11 சூலை 2015-இல் அறிமுகம் செய்யப்பட்டது.

கோலாலம்பூரில் இருந்து வரும் தொடருந்துகள் மதியம் 1:05 மணிக்கும், பாடாங் பெசாரில் இருந்து வரும் தொடருந்துகள் மாலை 5:15 மணிக்கும் வரும். புக்கிட் மெர்தாஜாம் தொடருந்து நிலையத்தின் தெற்கில் பாரிட் புந்தார் தொடருந்து நிலையம்; வடக்கில் சுங்கை பட்டாணி தொடருந்து நிலையம்; மேற்கில் பட்டர்வொர்த் தொடருந்து நிலையத்திற்கான கிளைப் பாதையும் உள்ளன.^[3]

புக்கிட் மெர்தாஜாம் நகரம்[தொகு]

புக்கிட் மெர்தாஜாம் (Bukit Mertajam) பினாங்கு, மத்திய செபராங் பிறை மாவட்டத்தில் அமைந்துள்ள நகரம். மலேசியாவில் தமிழர்கள் வரலாற்றுத் தடம் பதித்த முக்கியமான இடங்களில் இதுவும் ஒன்றாகும். 1900-ஆம் ஆண்டுகளில் இங்கு வாழ்ந்த தமிழர்கள் இந்த நகரத்தை சுங்குரும்பை என்று அழைத்தார்கள்.

சுங்கை (Sungei) என்றால் மலாய் மொழியில் ஆறு; ரும்பை (Rumbai) என்றால் உயர்ந்த வகை வாசனைச் செடி. இத்தகைய வாசனைச் செடிகள் ஆற்றங்கரை ஓரங்களில் அதிகமாக இருந்ததால் சுங்குரும்பை என்று பெயராகியது. பிரித்தானியர்களும், சீனர்களும் புக்கிட் மெர்தாஜாம் என்று அழைத்தனர்.

செரோக் தெக்குன் கல்வெட்டு[தொகு]

செபராங் பிறை மாவட்டத்தின் நிர்வாக மையமாக விளங்கும் புக்கிட் மெர்தாஜாம்; அண்மைய காலங்களில் அபிரிதமான வளர்ச்சி கண்டு வருகிறது. அதே சமயத்தில் மக்கள் தொகையும் பெருகி வருகிறது. 2019-ஆம் ஆண்டில் அதன் மக்கள் தொகை 212,300. ^[4]

இங்குதான் 1845-ஆம் ஆண்டில் செரோக் தெக்குன் கல்வெட்டு நினைவுச் சின்னம் (Cherok Tok Kun Inscription) கண்டுபிடிக்கப்பட்டது. பல்லவம்; தமிழ்; சமஸ்கிருதம் ஆகிய மூன்று மொழிகளில் எழுதப்பட்ட கி.பி. 600-ஆம் ஆண்டுக் காலத்துக் கருங்கல் கல்வெட்டு. ரமணிபரன் எனும் ரமவுனிபா பல்லவ மன்னர் ஆட்சி செய்ததை அந்தக் கல்வெட்டு நினைவூட்டுகிறது. ^[5]

புக்கிட் மெர்தாஜாம் எனும் பெயர் மெர்தாஜாம் மலை எனும் பெயரில் இருந்து மருவியதாகச் சொல்லப் படுகிறது. மலாய் மொழியில் மெர்தாஜாம் என்றால் கூர்மை என்று பொருள். புக்கிட் மெர்தாஜாம் என்றால் கூர்மையான மலை என்று பொருள்.^[6]^[7] மெர்தாஜாம் மலையின் உச்சிப் பாகம் மிக கூர்மையான நிலப்பரப்பைக் கொண்டு இருந்ததால் அதற்கு அந்தப் பெயர் வந்ததாகச் சொல்லப் படுகிறது.^[6]