புத்ராஜாயா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

புத்திராசெயா என்பது மலேசியாவில் திட்டமிட்டுக் கட்டப்பட்ட ஒரு நவீன நகரம். 1999-ஆம் ஆன்டு முதல் மலேசியாவின் கூட்டாட்சி நிர்வாகத் தலைநகராகச் செயல்படுகிறது. கோலாலம்பூரின் தெற்கே அமைந்துள்ள இந்த நகரம், மலேசிய அரசாங்கத்தின் அலுவல் மையமாகும். 2005-ஆம் ஆண்டு முதல் அனைத்து அமைச்சுகளும் கோலாலம்பூர் மாநகரத்தில் இருந்து புத்ராஜெயாவிற்கு மாற்றம் செய்யப் பட்டன.

புத்ராஜெயா எனும் பெயர் மலேசிய நாட்டின் முதல் பிரதமர் துங்கு அப்துல் ரகுமான் அவர்களை நினைவுகூறும் வகையில் தேர்ந்தெடுக்கப்பட்டது. ‘புத்ரா’ என்னும் சொல் சமஸ்கிருத மொழியில் அரசு புத்திரர் என பொருள் படும். ‘ஜெயா’ எனும் சொல் வெற்றியைக் குறிக்கின்றது.

Putrajaya signage
புத்ராஜெயா அடையாளம்

வரலாறு[தொகு]

1920-ஆம் ஆண்டுகளில் காடுகளாக இருந்த இந்தப் பகுதி, பிரித்தானியர் ஆட்சிக் காலத்தின் பொது, ரப்பர் தோட்டப் பகுதிகளாக உருவாக்கப்பட்டது. இந்தத் தோட்டப் பகுதியை பெராங் பெசர் (Prang Besar) என்று அழைத்தனர். பிரிட்டனின் முதலாம் உலகப்போரின் வீரர்களால் உருவாக்க பட்டதால் இந்தத் தோட்டத்திற்கு பெராங் பெசர் (பெரிய போர்) எனும் பெயர் சூட்டப்பட்டது.[1]

1975-ஆம் ஆண்டு வரை இந்தப் பகுதி உலு லங்காட் மாவட்டத்தின் கீழ் செயல்பட்டது. பின்னர் காஜாங் மாவட்டத்தின் அதிகாரத்திற்கு மாற்றப்பட்டது.

பின்னர் மலேசியாவின் நான்காவது பிரதமரான மகாதீர் பின் முகமது, நெரிசலான கோலாலும்பூர் மாநகரத்தில் இருந்து அரசாங்க அலுவலகங்களை வேறு இடத்திற்கு மற்ற திட்டமிட்டார். அதற்காக இரண்டு இடங்கள் முன்மொழியப்பட்டு பின்னர் பெராங் பெசர் தேர்தெடுக்கப்பட்டது.[2]

புத்ராஜாயா சின்னம்

அதனைத் தொடர்ந்து 1990-ஆம் ஆண்டுகளில் மலேசிய கூட்டரசு, சிலாங்கூர் மாநில அரசிடமிருந்து 11,320 ஏக்கர் பரப்பளவு (45.8 கி.மீ.2) கொண்ட பெராங் பெசர் பகுதியை வாங்கியது.

புத்ராஜெயா நிர்மாணிப்பு[தொகு]

புத்ராஜெயா நிர்மாணிப்பு பணிகள் 1995-ஆம் ஆண்டு ஆகஸ்டு மாதம் தொடங்கியது. அந்தக் காலகட்டத்தில் இது மலாயாவில் மட்டுமன்றி தென்கிழக்கு ஆசியாவில் மிகப் பெரிய கட்டிடப் பணியாகக் கருதப்பட்டது.

இதன் நிர்மாணிப்புகள் அனைத்தும் உள்ளூர் நிபுணர்களால் திட்டமிடப்பட்டு, கட்டுமானப் பணிகள் தொடங்கப் பட்டன. கட்டுமானத்தின் பொழுது 10 விழுக்காட்டுப் பொருட்கள் மட்டுமே வெளியூரில் இருந்து இறக்குமதி செய்யப்பட்டன. மற்றவை அனைத்தும் உள்ளூரில் தயாரிக்கப்பட்ட பொருட்கள்..

1997-ஆம் ஆண்டு பொருளாதார வீழ்ச்சின் பொழுது கட்டுமானப் பணிகள் பெரும் சவால்களை எதிர்நோக்கியதோடு சில மேம்பாட்டு பணிகளும் நிறுத்தப்பட்டன.

போக்குவரத்து தொடர்புமுறை[தொகு]

புத்ராஜெயாவை சாலை மற்றும் இரயில் வழிகளில் வந்து அடையலாம். கோலாலம்பூரையும் புத்ராஜெயாவையும் இணைக்க மேக்ஸ் (MEX Highway) நெடுஞ்சாலை கட்டப்பட்டது.

2002-ஆம் ஆண்டு முதல் கே.எல்.ஐ.ஏ. டிரான்சிட் (KLIA Transit) என அழைக்கப்படும் இரயில் சேவை தொடங்கப்பட்டது. இதன் வழி கே.எல்.ஐ.ஏ. (KLIA) அனைத்துலக விமான நிலையத்தையும் கோலாலம்பூர் மாநகரையும் எளிதில் சென்று அடைய முடியும்.

மக்கள் தொகை[தொகு]

2017-ஆம் ஆண்டில் புத்ராஜெயாவின் மக்கள் தொகை 87,000 ஆகும். இவரில் மலாய்காரர்கள் 82,500 பேர் , சீனர்கள் 500 பேர் , இந்தியர்கள் 1,200 பேர், மற்ற இனத்தவர்கள் 100 பேர், அந்நிய நாட்டினார் 3300 பேர் என கணக்கிடப்பட்டது.[3]

சுகாதாரம்[தொகு]

புத்ராஜெயா மருத்துவமனை மற்றும் தேசியப் புற்றுநோய் மையம் ஆகியவை புத்ராஜெயாவில் உள்ள முக்கிய மருத்துவ மையங்கள் ஆகும். புத்ராஜெயா மருத்துவமனை 2005-ஆம் ஆண்டு செயல் படத் தொடங்கியது. தேசியப் புற்றுநோய் மையம் 2013 செப்டம்பர் மாதம் 2-ஆம் தேதி செயல் படத் தொடங்கியது.[4]

அரசாங்கக் கட்டிடங்கள்[தொகு]

• பெர்டானா புத்ரா - பிரதம மந்திரி அலுவலகம்

• ஸ்ரீ பெர்டான - பிரதம மந்திரியின் அதிகாரபுர இல்லம்

• ஸ்ரீ சத்ரிய - துணை பிரதமரின் அதிகாரபுர இல்லம்

• புத்ராஜெயா உயர் நீதிமன்றம்

• மேலவாதி அரண்மனை

• டாருல் ஏசான் அரண்மனை

• புத்ராஜெயா அனைத்துலக கலந்துரையாடல் மையம்

• புத்ராஜாயா மசூதி

புத்ராஜெயாவில் செயல்படும் அமைச்சுக்கள்[தொகு]

• மலேசிய நிதி அமைச்சு

• மலேசிய வெளியுறவு அமைச்சு

மலேசிய சுகாதார அமைச்சு

மலேசிய கல்வி அமைச்சு

• மலேசிய உள்துறை அமைச்சு

• மலேசிய பாதுகாப்பு அமைச்சு

• மலேசிய வீடமைப்பு மற்றும் உள்ளூராட்சி மன்ற அமைச்சு

• மலேசிய கிராமப்புற மேம்பாட்டு அமைச்சு

• மலேசிய போக்குவரத்து அமைச்சு

• மலேசிய தொலைதொடர்பு மற்றும் பல்லூடக அமைச்சு

• மலேசிய மனிதவள அமைச்சு

• மலேசிய விவசாயம் மற்றும் விவசாயம் சார்ந்த தொழில் அமைச்சு

• மலேசிய இளைஞர் மாற்றும் விளையாட்டு அமைச்சு

• மலேசிய தொழில்முனைவர் மேம்பாட்டு அமைச்சு

• மலேசிய நீர், நிலம் மற்றும் இயற்கைவள அமைச்சு

• மலேசிய பெண்கள், குடும்பம் மற்றும் சமூக அமைச்சு

• கூட்டரசு பிரதேச அமைச்சு

• மலேசிய சுற்றுலா, கலை மற்றும் பண்பாடு அமைச்சு

• மலேசிய பொருளாதார விவகார அமைச்சு

மேலும் கவனிக்க[தொகு]

பேர்பாடணன் புத்ராஜாயா வாரியம்

வெளி இணைப்புகள்[தொகு]

  1. "The Story of Prang Besar Estate". ARABIS. 3 June 2019 அன்று பார்க்கப்பட்டது.
  2. "DARI PRANG BESAR KE PUTRAJAYA". 4 ஏப்ரல் 2019 அன்று மூலம் பரணிடப்பட்டது. 3 June 2019 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  3. "காப்பகப்படுத்தப்பட்ட நகல்". 4 ஜூன் 2019 அன்று மூலம் பரணிடப்பட்டது. 3 June 2019 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  4. "Latarbelakang". Institut Kanser Negara. 3 June 2019 அன்று பார்க்கப்பட்டது.
"https://ta.wikipedia.org/w/index.php?title=புத்ராஜாயா&oldid=3391651" இருந்து மீள்விக்கப்பட்டது