முதற் பக்கம்

யாவராலும் தொகுக்கப்படக் கூடிய ஒரு கட்டற்ற கலைக்களஞ்சியம்.

முதற்பக்கக் கட்டுரைகள்
சிங்கப்பூர் என்பது தென்கிழக்காசியாவில் அமைந்துள்ள ஒரு தீவு நாடும் நகர அரசும் ஆகும். சிங்கப்பூர் அதன் தொடக்க கால வரலாற்றில் துமாசிக் என்று அறியப்பட்டது. அந்தக் கட்டத்தில் சிங்கப்பூர் ஒரு கடல்சார் வணிக மையமாகத் திகழ்ந்தது. இதன் சமகால வரலாறு 1819-ஆம் ஆண்டில் தொடங்குகிறது. இசுடாம்போர்டு இராஃபிள்சு என்பவர் பிரித்தானியப் பேரரசிற்குச் சொந்தமாக ஒரு வணிகப் பணியிடமாகச் சிங்கப்பூரை நிறுவினார். 1867-இல் சிங்கப்பூர், நீரிணைக் குடியேற்றங்களின் பகுதியாக, பிரித்தானியாவின் நேரடிக் கட்டுப்பாட்டின் கீழ் வந்தது. 1959-இல் சிங்கப்பூர் சுயாட்சி பெற்றது. 1963-இல் மலாயா, வடக்கு போர்னியோ மற்றும் சரவாக் ஆகியவற்றுடன் இணைந்து மலேசியாவின் ஒரு புதிய கூட்டமைப்பின் ஒரு பகுதியாக உருவானது. இரண்டு ஆண்டுகள் கழித்து கொள்கை வேறுபாடுகளின் காரணமாக, மலேசிய கூட்டமைப்பில் இருந்து சிங்கப்பூர் வெளியேற்றப்பட்டது. 1965-ஆம் ஆண்டு சிங்கப்பூர் ஒரு சுதந்திரமான இறையாண்மையுள்ள நாடாக உருவானது. தொடக்க கால அமைதியற்ற ஆண்டுகளுக்குப் பிறகு, நான்கு ஆசியப் புலிகளில் ஒன்றாக உருவாகும் அளவிற்கு இந்த நாடு துரிதமாக வளர்ச்சி அடைந்தது. மேலும்... குத்புத்தீன் ஐபக் என்பவர் கோரி சுல்தான் முகம்மது கோரியின் ஒரு தளபதி ஆவார். 1206இல் முகம்மது கோரியின் அரசியல் கொலைக்குப் பிறகு இவர் தில்லி சுல்தானகத்தை (1206–1526) நிறுவினார். மம்லூக் அரசமரபை தொடங்கினார். இது சுல்தானகத்தை 1290 வரை ஆண்டது. தில்லியில் குதுப் மினாரைக் கட்டும் பணியைத் தொடங்கி வைத்ததற்காக ஐபக் அறியப்படுகிறார். முகம்மது கோரி இவருக்கு அதிக ஆதரவு அளித்தார். 1192-இல் இரண்டாம் தரைன் போரில் கோரி வெற்றிக்குப் பிறகு இந்திய நிலப்பரப்புக்கு பொறுப்பாளராக ஐபக்கை முகம்மது கோரி நியமித்தார். மார்ச் 1206-இல் முகம்மது கோரியின் அரசியல் கொலைக்குப் பிறகு வட மேற்கு இந்தியாவில் கோரி நிலப் பரப்புகளின் கட்டுப்பாட்டுக்காக மற்றொரு முன்னாள் அடிமை தளபதியான தாசல்தீன் இல்திசுவுடன் ஐபக் சண்டையிட்டார். தன்னுடைய தலைநகரை லாகூரில் அமைத்தார். முகம்மது கோரிக்கு பின் பதவிக்கு வந்த கியாசுதீன் மகுமூதுவின் முதன்மை நிலையை இவர் பெயரளவுக்கு ஏற்றுக் கொண்டார். இந்தியாவின் ஆட்சியாளராக ஐபக்கை மகுமூது அதிகாரப்பூர்வமாக அங்கீகரித்தார். மேலும்... மேலும் கட்டுரைகள்...
உங்களுக்குத் தெரியுமா?
துட்டு என்பது தற்போது வழக்கில் இல்லாத குறைந்த மதிப்பு கொண்ட பழைய டச்சு செப்பு நாணயம் ஆகும். இது தமிழில் குறைந்த மதிப்புள்ள பணத்தைக் குறிக்கும் ஒரு பேச்சு வழக்காக உள்ளது. இந்தியாவிலேயே கேரளாவிலும் தமிழ்நாட்டிலும் மட்டும் தான் பணியாளர்கள் உட்கார்ந்து பணியாற்றுவதற்கான உரிமை சட்டப்படி உறுதிசெய்யப்பட்டுள்ளது. மீனா நாராயணன் (படம்) தென்னிந்தியாவின் முதல் பெண் திரைப்பட ஒலிப்பதிவுக் கலைஞர் ஆவார். இறகுப் பந்தாட்ட விளையாட்டின் ஆங்கிலப் பெயரான Badminton என்பது இங்கிலாந்தில் உள்ள Badminton மாளிகை என்னும் இடத்தின் காரணமாக அப்பெயரைப் பெற்றது. மறைந்த திருத்தந்தை பிரான்சிசு தான் கடந்த 1200 ஆண்டுகளில் ஐரோப்பாவிற்கு வெளியில் இருந்து தெரிவான முதல் திருத்தந்தை ஆவார். தொகுப்பு

செய்திகளில்
அமெரிக்காவில் பிறந்த கர்தினால் இராபர்ட் பிரான்சிசு பிரீவோசுட் திருத்தந்தை பதினான்காம் லியோ (படம்) என்ற பெயரில் கத்தோலிக்கத் திருஅவையின் 267ஆம் திருத்தந்தையாகத் தேர்ந்தெடுக்கப்பட்டார். பிரதமர் அந்தோனி அல்பனீசி தலைமையிலான ஆத்திரேலியத் தொழில் கட்சி நாடாளுமன்றத் தேர்தலில் பெரும்பான்மையைப் பெற்று மீண்டும் ஆட்சியில் அமர்ந்தது. இந்திய நிர்வாகத்திற்குட்பட்ட சம்மு காசுமீரில், கிளர்ச்சியாளர்கள் சுற்றுலாப் பயணிகள் மீது நடத்திய தாக்குதலில் குறைந்தது 28 பேர் கொல்லப்பட்டனர். திருத்தந்தை பிரான்சிசு தனது 88-ஆவது அகவையில் இறந்தார். அண்மைய இறப்புகள்: கி. கஸ்தூரிரங்கன் • குமரி அனந்தன் • மனோஜ் பாரதிராஜா தொடர் நிகழ்வுகள்: இலங்கை உள்ளூராட்சித் தேர்தல்கள் • இசுரேல்-அமாசு போர் • பிற நிகழ்வுகள்
இன்றைய நாளில்...
மே 12: உலக செவிலியர் நாள் 1784 – பாரிசு உடன்படிக்கை அமுலுக்கு வந்தது. 1888 – தென்கிழக்காசியாவில், வடக்கு போர்னியோ பிரித்தானியாவின் நேரடி ஆட்சியின் கீழ் வந்தது. 1937 – ஆறாம் ஜோர்ஜ் (படம்), எலிசபெத் மகாராணி பிரித்தானியாவின் ஆட்சியாளர்களாக முடிசூடினர். 1941 – உலகின் முதலாவது நிரலொழுங்கு, தானியங்கிக் கணினி Z3 அறிமுகப்படுத்தப்பட்டது. 1965 – சோவியத் ஒன்றியத்தின் லூனா 5 விண்கலம் சந்திரனில் மோதியது. 1982 – போர்த்துகலில் திருத்தந்தை இரண்டாவது ஜோன் போலைக் கொலை செய்ய எடுக்கப்பட்ட முயற்சி தோல்வியடைந்தது. 2008 – சீனாவின் சிச்சுவான் மாகாணத்தில் 8.0 அளவு நிலநடுக்கம் ஏற்பட்டதில் 69,000 பேர் உயிரிழந்தனர். வெ. துரையனார் (பி. 1891) · மாயவரம் வி. ஆர். கோவிந்தராஜர் (பி. 1912) · சேக் சின்ன மௌலானா (பி. 1924) அண்மைய நாட்கள்: மே 11 – மே 13 – மே 14 தொகுப்பு

பங்களிப்பாளர் அறிமுகம்

மோனிஷா செல்வராஜ் சென்னையைச் சேர்ந்த ஒரு புதின எழுத்தாளர் ஆவார். இவர் இணையத்திலும் அச்சு வடிவிலுமாகச் சேர்த்து முப்பது புதினங்களை எழுதியுள்ளார். இவரது பெரும்பாலான படைப்புகளின் மையக் கருத்துகளாக பெண்ணியமும், சூழலியல் விழிப்புணர்வும் அமைந்துள்ளன. மார்ச் 2025 துவக்கத்திலிருந்து தமிழ் விக்கிப்பீடியாவில் கட்டுரைகள் எழுதி வருகிறார். பெண்ணியமும் நாட்டார் மரபும் என்கிற விக்கிப்பீடியாப் போட்டியில் கலந்துகொண்டு பெண் சாதனையாளர்களைப் பற்றிய கட்டுரைகளை எழுதியுள்ளார். மீனா நாராயணன், அபுஷா பீபி மரைக்காயர், கமலா கிருஷ்ணமூர்த்தி, தபிதா பாபு,தி இந்தியன் லேடீஸ் மேகசின் முதலியவை இவர் உருவாக்கிய கட்டுரைகளில் சில.

மேலும் சில பங்களிப்பாளர்கள்...

சிறப்புப் படம்

மத்திர நாட்டு அரசின் இளவரசியும், சல்லியனின் தங்கையும், பாண்டுவின் இரண்டாவது மனைவியுமான மாதுரியின் ஓவிய அச்சுப்பிரதி.

ஓவியர்: ரவி வர்மா
தொகுப்பு · சிறப்புப் படங்கள்

சமுதாய வலைவாசல் – திட்டம்பற்றித் தெரிந்துகொள்ள, நீங்கள் என்ன செய்ய முடியும், தேவையானவற்றை எங்கு தேட முதலியவற்றை அறிய.
உதவி – விக்கிப்பீடியாவைப் பயன்படுத்துவது தொடர்பான வினாக்களைக் கேட்க.
தூதரகம் – தமிழ் தவிர்த்த பிறமொழிகளில் விக்கிப்பீடியா குறித்த தொடர்பாடல்கள்.
ஆலமரத்தடி – விக்கிப்பீடியாவின் கொள்கை விவாதங்களும் தொழில்நுட்ப விவாதங்களும் குறித்து உரையாட.
புதியன - விக்கிப்பீடியாவின் புதிய கட்டுரைகள்.