முதற் பக்கம்

யாவராலும் தொகுக்கப்படக் கூடிய ஒரு கட்டற்ற கலைக்களஞ்சியம்.

முதற்பக்கக் கட்டுரைகள்
பியோதர் தஸ்தயெவ்ஸ்கி (1821–1881) ஒரு உருசியப் புதின எழுத்தாளரும் சிறுகதை ஆசிரியரும் கட்டுரையாளரும் பத்திரிக்கையாளரும் மெய்யியலாளரும் ஆவார். 19-ஆம் நூற்றாண்டு உருசியாவின் சிக்கலான அரசியல், சமூக, ஆன்மீகத் தளங்களில் மனித மனத்தின் ஆழங்களை இவரது படைப்புகள் ஆராய்பவை. பல்வேறு வகையான தத்துவ ஆன்மீக பின்புலங்களில் இவை முன்வைக்கப்பட்டுள்ளன. தன்னுடைய இருபதுகளில் எழுத ஆரம்பித்தவர். ‘குற்றமும் தண்டனையும்’ (1866), ‘அசடன்’ (1869), ‘அசுரர்கள்‘ (1872) ‘கரமசோவ் சகோதரர்கள்’ (1880) ஆகியன இவரது முக்கிய படைப்புகள். இலக்கிய விமர்சகர்கள் இவரை உலக இலக்கியத்தின் மிகச் சிறந்த உளவியலாளர்களில் ஒருவராகக் கூறுவதும் உண்டு. மேலும்... பாரிசின் விடுவிப்பு என்பது இரண்டாம் உலகப் போரின் மேற்குப் போர்முனையில் நடந்த ஒரு சண்டை. ஓவர்லார்ட் நடவடிக்கையின் ஒரு பகுதியான இதில் நாட்சி செருமனியின் ஆக்கிரமிப்பிலிருந்த பிரான்சின் தலைநகர் பாரிசை நேச நாட்டுப் படைகள் தாக்கிக் கைப்பற்றின. இது பாரிசு சண்டை என்றும் அறியப்படுகிறது. 1940ம் ஆண்டு பிரான்சை செருமனி தாக்கிக் கைபற்றியது. அடுத்த நான்காண்டுகள் பிரான்சு செருமனியின் ஆக்கிரமிப்பில் இருந்தது. இக்காலகட்டத்தில் அங்கு பல உள்நாட்டு எதிர்ப்பு இயக்கங்கள் உருவாகி செருமானியர்களுக்கு எதிராகப் போராடி வந்தன. மேலும்... மேலும் கட்டுரைகள்...
உங்களுக்குத் தெரியுமா?
பீடோ என்பது சாக்ரட்டீசு மரண தண்டனைப் பெற்று நஞ்சு அருந்தி சாகும் தறுவாயில், நடந்த நிகழ்வுகளையும் உரையாடல்களையும் பதிவு செய்த நூல் ஆகும். புது பாபிலோனியப் பேரரசு என்பது கிமு 626 முதல் கிமு 539 வரையான மெசொப்பொத்தேமிய வரலாற்றுக் காலப்பகுதியாகும். வடக்கின் மெருகூட்டப்பட்ட கருப்பு மட்பாண்டப் பண்பாடு (படம்) என்பது இந்தியத் துணைக்கண்டத்தின் வடமேற்கிலும், வட இந்தியா மற்றும் மத்திய இந்தியாவிலும் இரும்புக் காலத்தின் இறுதியில் கிமு 700 - 200க்கும் இடைப்பட்ட காலத்தில் செழித்திருந்த நகரப் பண்பாட்டுக் காலமாகும். தம்மபதம் பாளி மொழியில் எழுதப்பட்ட பௌத்த சமயப் புனித இலக்கியங்களுள் ஒன்றாகும். தொகுப்பு

செய்திகளில்
உருசியாவின் தலைமை அமைச்சர் திமீத்ரி மெத்வேதெவ் மற்றும் அவரது அமைச்சரவை பதவி விலகியதைத் தொடர்ந்து, மிகைல் மிசூசுத்தின் (படம்) புதிய தலைமை அமைச்சராக நியமிக்கப்பட்டார். அரபு உலகில் மிக நீண்டகாலம் ஆட்சியாளராக இருந்த ஓமான் சுல்தான் காபூசு பின் சயீது அல் சயீது தனது 79-வது அகவையில் காலமானார். ஐத்தாம் பின் தாரிக் அல் சயீது புதிய ஆட்சியாளராகப் பதவியேற்றார். ஈரான் தலைநகர் தெகுரானில் இருந்து கீவ் நோக்கிப் புறப்பட்ட உக்ரைன் பன்னாட்டு ஏர்லைன்சு பறப்பு 752 வானூர்தி புறப்பட்டு சில நிமிடங்களில் சுட்டு வீழ்த்தப்பட்டதில் அதில் பயணம் செய்த அனைத்து 176 பேரும் உயிரிழந்தனர். ஊடகவியலாளர் ஜமால் காசோகி படுகொலை தொடர்பாக சவூதி அரேபிய நீதிமன்றம் ஐந்து அதிகாரிகளுக்கு மரணதண்டனை விதித்துத் தீர்ப்பளித்தது. 2019 ஆம் ஆண்டிற்கான சிறந்த தமிழ் புதினத்துக்கான சாகித்திய அகாதெமி விருது சோ. தர்மனின் சூல் என்ற நூலுக்கு அறிவிக்கப்பட்டது. அண்மைய இறப்புகள்: சிறீகாந்தலட்சுமி அருளானந்தம் · டேனியல் செல்வராஜ் இலங்கை அரசுத்தலைவர் தேர்தல் · பிற நிகழ்வுகள் · விக்கிசெய்திகள்
இன்றைய நாளில்...
சனவரி 25: 1533 – இங்கிலாந்து மன்னர் எட்டாம் என்றி ஆன் பொலினைத் தனது இரண்டாவது மனைவியாக இரகசியத் திருமணம் புரிந்து கொண்டார். 1971 – உகண்டாவில் இடம்பெற்ற இராணுவப் புரட்சியை அடுத்து இடி அமீன் தலைவரானார். அடுத்த எட்டாண்டுகள் இவரது கடுமையான இராணுவ ஆட்சி இடம்பெற்றது. 1971 – இந்தியாவின் 18வது மாநிலமாக இமாசலப் பிரதேசம் ஏற்றுக்கொள்ளப்பட்டது. 1995 – யோசப் வாஸ் அடிகளார் (படம்) பாப்பரசர் இரண்டாம் அருளப்பர் சின்னப்பரால் முத்திப்பேறு பெற்றவராக அறிவிக்கப்பட்டார். 1998 – கண்டியில் தலதா மாளிகையில் இடம்பெற்ற தற்கொலைத் தாக்குதலில் 8 பேர் கொல்லப்பட்டு 25 பேர் படுகாயமடைந்தனர். 2005 – இந்தியாவின் மகாராட்டிராவில் கோவில் ஒன்றில் நெரிசலில் சிக்கி 258 பேர் உயிரிழந்தனர். பி. ஆர். ராஜமய்யர் (பி. 1872) · பித்துக்குளி முருகதாஸ் (பி. 1920) · செங்கை ஆழியான் (பி. 1941) அண்மைய நாட்கள்: சனவரி 24 – சனவரி 26 – சனவரி 27 தொகுப்பு

பங்களிப்பாளர் அறிமுகம்

wikiuserBalu1967

ஸ்ரீபாலசுப்ரமணியன் 2018 ஆம் ஆண்டு நடைப்பெற்ற புதுபயனர் போட்டி மூலம் விக்கிக்கு அறிமுகமாகி அப்போட்டியில் முதலிடம் பெற்றவர்.இவர் தொடர்ந்து விக்கித் திட்டங்களுக்கு சிறப்பாக பங்களித்துவருகிறார்.தமிழ்நாடு சேலம் மாவட்டம் குறிச்சியைச்சேர்ந்தவர். பள்ளிக் கல்வித்துறையில் கண்காணிப்பாளராகப் பணிபுரிகிறார். அண்மையில் நடைப்பெற்ற வேங்கை திட்டப்போட்டியிலும் முன்னணியாளராக விளங்குகிறார்.

மேலும் சில பங்களிப்பாளர்கள்...

சிறப்புப் படம்

புனித பசில் பேராலயம் உருசியத் தலைநகர் மாஸ்கோவில் செஞ்சதுக்கத்தில் அமைந்துள்ள ஒரு கிறித்தவத் தேவாலயம் ஆகும். கசான், அசுத்திரகான் நகரங்களைக் கைப்பற்றப்பட்டதன் நினைவாக இக்கோவில் உருசியப் பேரரசர் நான்காம் இவானின் ஆணைப்படி 1555 இல் கட்ட ஆரம்பிக்கப்பட்டு 1561 இல் முடிக்கப்பட்டது. 1600 இல் பேரரசர் இவான் நினைவு மணிக்கூண்டுக் கோபுரம் கட்டப்படும் வரை இக்கட்டடமே மாஸ்கோவின் உயர்ந்த கட்டடமாக இருந்து வந்தது. ஆரம்பத்தில் ஒரு நடுவில் உள்ள தேவாலயத்தைச் சுற்றிவர எட்டுக் கோவில்கள் கட்டப்பட்டன. பத்தாவது கோவில் 1588 இல் வசீலி என்ற புனிதரின் சமாதி மீது கட்டப்பட்டது. 1930களில் போல்செவிக்குகள் இக்கோவிலை இடிக்கத் திட்டமிட்டபோதும், பின்னர் அத்திட்டம் கைவிடப்பட்டது. 1991 முதல் அரச வரலாற்று அருங்காட்சியகத்தின் ஒரு பகுதி இங்கு காட்சிப்படுத்தப்பட்டுள்ளது, அத்துடன் இடையிடையே தேவாலய வழிபாடுகளும் நடைபெறுகின்றன.

படம்: அ. சாவின்
தொகுப்பு · சிறப்புப் படங்கள்

சமுதாய வலைவாசல் – திட்டம்பற்றித் தெரிந்துகொள்ள, நீங்கள் என்ன செய்ய முடியும், தேவையானவற்றை எங்கு தேட முதலியவற்றை அறிய.
உதவி – விக்கிப்பீடியாவைப் பயன்படுத்துவது தொடர்பான வினாக்களைக் கேட்க.
தூதரகம் – தமிழ் தவிர்த்த பிறமொழிகளில் விக்கிப்பீடியா குறித்த தொடர்பாடல்கள்.
ஆலமரத்தடி – விக்கிப்பீடியாவின் கொள்கை விவாதங்களும் தொழில்நுட்ப விவாதங்களும் குறித்து உரையாட.
புதியன - விக்கிப்பீடியாவின் புதிய கட்டுரைகள்.