பயனர் பேச்சு:Rselvaraj

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

பொருளடக்கம்

நல்வரவு செல்வராஜ்:[தொகு]

நிச்சியமாக உங்கள் பங்களிப்பு தமிழ் விக்கிப்பீடியாவிற்கு பலம் சேர்க்கும். --Natkeeran 04:12, 8 ஜூன் 2006 (UTC)

வருக செல்வராஜ், தங்கள் வரவு நல்வரவாகுக! -- சிவகுமார் 08:18, 8 ஜூன் 2006 (UTC)

வருக செல்வராஜ். உங்கள் பத்தாமாண்டு மணநாளுக்கு என் பிந்திய வாழ்த்துக்கள். இங்கு உள்ள பட்டியலிலும் மற்றும் இங்கு உள்ள தலைப்புகளிலும் வேதியியல் மற்றும் உங்களுக்குப் பிடித்த மற்ற தலைப்புகளிலும் கட்டுரை உருவாக்க வேண்டுகிறேன். நிலுவையில் உள்ள பணிகளிலும் பங்கேர்க்கலாம். -- Sundar \பேச்சு 08:56, 8 ஜூன் 2006 (UTC)

--

நன்றி நட்கீரன், சிவகுமார், சுந்தர். பல காலம் முன்பே சேர்ந்து பங்களிக்க நினைத்திருந்தும் இயலவில்லை. சிறிது நாட்களுக்கு முன் நண்பர் நட்கீரன் எனது பதிவொன்றில் முன்னிகையிட்டு அழைத்திருந்தார். அதன் பின்னரும் வந்து பார்த்துவிட்டுப் போய் விடுவேன். காலம் தாழ்த்தியது போதும் என்று இப்போது சேர்ந்துவிட்டேன். சிறிது சிறிதாக எனது பங்களிப்பை அதிகரித்துக் கொள்கிறேன். வெகு சிலரே கடந்த சில ஆண்டுகளாய்ப் பெரும் ஈடுபாட்டோடு இப்பணியைச் செவ்வனே செய்து வருகிறீர்கள். முதலில் அதற்கான எனது பாராட்டுக்கள். நானும் பெரிதாக ஈடுபட எண்ணிக் கொண்டிருக்கிறேன், பார்க்கலாம்.
பொறியியல், குறிப்பாய் வேதிப்பொறியியல் பற்றியும் எழுத எண்ணம் உள்ளது. பிற கட்டுரைகளை மொழிபெயர்ப்பதிலும் என்னை ஈடுபடுத்திக் கொள்ள முடியும். அண்மைய காலங்களில் தமிழில் கலைச்சொற்களிலும் சிறிது ஈடுபாடு உள்ளது. அப்படியான சொற்களைத் தரப்படுத்துவதும் முக்கியமாகிறது. காட்டாக, விக்கிப்பீடியாவிலே நகர்பேசி என்று இருப்பதைப் பலரும் செல்பேசி என்று பாவிக்கின்றனர். இலத்திரனியல் என்பதை எளிதாக மின்னியல் என்று சொல்லலாமே. இதுபோல.
சிவகுமார், நீங்களும் பெருவிஜயனும் ஒரே ஆள் தானா? உங்கள் ஊரும் ஈரோடு?
சுந்தர், உங்களின் வாழ்த்துக்களுக்கும் என் நன்றி.

--செல்வராஜ் 02:25, 9 ஜூன் 2006 (UTC)

ஆம். ஒரே ஆள் தான் :-). நானும் ஈரோடு தான். தமிழ் மணத்தின் மூலம் தங்களை அறிவேன். --சிவகுமார் 13:34, 9 ஜூன் 2006 (UTC)

செல்வராஜ், உங்களை அன்புடன் வரவேற்கிறேன். நான் இங்கு புதியவன். --C.R.Selvakumar 13:53, 9 ஜூன் 2006 (UTC)செல்வா

பிசுக்குமை[தொகு]

செல்வராஜ், பிசுக்குமை பற்றிய உங்கள் குறுங்கட்டுரை நன்றாக அமைந்துள்ளது.முதல் இரண்டொரு வரிகள் சற்று எளிமைப்படுத்த வேண்டும். நாளை வந்து செய்கிறேன். தொடர்ந்து பங்காற்ற வேண்டுகிறேன். தங்களைப்ப்போன்ற நல்ல ஆர்வலர்கள், துறையறிவு உடையவர்கள் நல்லாக்கம் தர வேண்டும். நன்றி. --செல்வா 03:46, 21 ஏப்ரல் 2008 (UTC)

மிக்க நன்றி, செல்வா. நீண்ட நாட்களாகப் பங்களிக்கும் எண்ணம் இருந்தும், இயலவில்லை. வாரத்தில் ஐந்து வரிகளேனும் எழுதலாமே என்று நீங்கள் இராம.கி போன்றோரிடத்துக் கூறியதை இணையத்தில் உலாவியபோது பார்த்தேன். அதனாலும் உந்தப்பட்டு வந்தேன். அவ்வப்போது, வாரம் ஒரு முறையேனும் ஒரு குறுங்கட்டுரை ஆக்க முனைவேன். வேண்டிய திருத்தம் செய்யுங்கள் என்று பிசுக்குமை பேச்சுப் பக்கத்தில் எழுத எண்ணினேன். எப்படியும் செய்வீர்கள் என்று பிறகு விட்டுவிட்டேன். ஆங்கில விக்கிப் பக்கத்தில் இருந்து முடிந்தவரை மொழிபெயர்த்தேன். அது நீண்ட கட்டுரை. இப்போதைக்கு நான் குறுங்கட்டுரையாகவே விட்டுவைக்கிறேன். நன்றி. --செல்வராஜ் 04:36, 21 ஏப்ரல் 2008 (UTC)

மீண்டும் நல்வரவு[தொகு]

நீங்கள் எப்பொழுதாவது வருவீர்கள் என்று தெரியும். பயனர்:Vinodh.vinodh ஒரு இளம் வேதிப் பொறியிலாளரே. தீவரமாக பங்களிப்பவர். Wikipedia:விக்கித் திட்டம் பொறியியல் ஒரு முறை சென்று பாத்தால் நன்று. சுந்தவடிவேலும் வருவதாக இருக்கிறார். அவருக்கு சில நுட்ப தடைகள் இருப்பதாக சொன்னார். சில தகவல்களை அன்ப்பி இருந்தேன். விரைவில் வருவார் என்று நினைக்கிறேன். நன்றி. --Natkeeran 18:20, 23 ஏப்ரல் 2008 (UTC)

உங்களை மீண்டும் காண மகிழ்ச்சி. உங்களைப் பின்பற்றி உங்கள் நண்பர்கள், துறை வல்லுநர்கள் பலரும் விக்கிப்பீடியாவுக்கு வந்து உதவுவார்கள் என்று எதிர்ப்பார்க்கிறோம். --ரவி 11:10, 17 மே 2008 (UTC)

தலைப்பு மாற்றம் -->ஏ.பி.ஐ ஒப்படர்த்தி[தொகு]

செல்வராசு நீங்கள் விரும்பியவாறே தலைப்பை மாற்றியுள்ளேன்.--செல்வா 02:08, 16 மே 2008 (UTC)

அழுத்தம் கட்டுரை பற்றி[தொகு]

உங்கள் பாராட்டுக்கு நன்றி! --செல்வா 15:20, 22 மே 2008 (UTC)

கூகுள் திட்டம் குறித்த வாக்கும் கருத்தும் தேவை.[தொகு]

வணக்கம். கூகுள் மொழிபெயர்ப்புத் திட்டம் குறித்து ஆலமரத்தடியில் உங்கள் வாக்கையும் கருத்தையும் தெரிவித்தால் நன்றாக இருக்கும். நன்றி--ரவி 03:52, 22 ஏப்ரல் 2010 (UTC)

விக்கி மாரத்தான்[தொகு]

விக்கி மாரத்தானில் கலந்து கொள்ள வாருங்கள்--இரவி 09:30, 27 அக்டோபர் 2010 (UTC)

முதற்பக்க அறிமுகம்[தொகு]

வணக்கம் செல்வராசு. உங்களைப் பற்றிய அறிமுகத்தை முதற்பக்கத்தில் தர விரும்புகிறோம். உங்களைப் பற்றிய சிறு குறிப்பை விக்கிப்பீடியா:பங்களிப்பாளர் அறிமுகம்/செல்வராசு பக்கத்தில் சேர்க்க முடியுமா? விக்கிப்பீடியா:பங்களிப்பாளர் அறிமுகம் பக்கத்தில் உள்ள அறிமுகங்களை எடுத்துக்காட்டாக கொள்ளலாம். நன்றி--இரவி 13:51, 7 நவம்பர் 2010 (UTC)

நன்றி இரவி. ஆனால், இதைப் பிறகொரு சமயம் பார்த்துக் கொள்ளலாம். --இரா.செல்வராசு 04:02, 10 நவம்பர் 2010 (UTC)

ஒரு ஆண்டுக்கு மேலாகி விட்டது. இப்போதாவது உங்கள் அறிமுகத்தைத் தரலாமே :) --இரவி (பேச்சு) 13:01, 9 மார்ச் 2012 (UTC)

சரி, இரவி. :-) இவ்வாரம் சற்று மும்முரம். அடுத்த வாரம், பத்து நாட்களுக்குள் செய்கிறேன். --இரா. செல்வராசு (பேச்சு) 03:04, 13 மார்ச் 2012 (UTC)
தள அறிவிப்பில் பங்களிப்பாளர் அறிமுகங்களை இட்டு வரும் இந்த வேளையில், உங்களைப் பற்றிய அறிமுகம் கிடைத்தால் நன்றாக இருக்கும். உங்களைப் போன்று பணியாற்றுபவர்களை ஈர்க்க உதவும். நன்றி--இரவி (பேச்சு) 16:50, 28 சனவரி 2013 (UTC)
ஆச்சு, இரவி :-) உங்கள் விடா முயற்சிக்கு வந்தனம்.

--இரா. செல்வராசு (பேச்சு) 05:40, 29 சனவரி 2013 (UTC)

நன்றி, செல்வா. கொஞ்சம் உரை திருத்தியுள்ளேன். ஏற்றுக் கொள்வீர்கள் என்று நினைக்கிறேன்.--இரவி (பேச்சு) 06:02, 29 சனவரி 2013 (UTC)
திருத்தம் மிகவும் நன்றாக இருக்கிறது, இரவி. நன்றி. --இரா. செல்வராசு (பேச்சு) 06:25, 29 சனவரி 2013 (UTC)

பங்களிப்பு வேண்டுகோள்[தொகு]

தமிழ் விக்கிப்பீடியாவில் தங்கள் பங்களிப்புகள் அனைத்தும் சிறப்பானவை. இந்த சிறப்பான பங்களிப்பில் தங்கள் பணிகளின் காரணமாக, தற்போது சற்று இடைவெளி ஏற்பட்டிருக்கிறது என கருதுகிறேன். தங்களுக்குக் கிடைக்கும் விடுமுறை நாளில் / ஓய்வு நேரங்களில் தமிழ் விக்கிப்பீடியாவிற்கு பங்களித்து, தமிழ் விக்கிப்பீடியாவின் வளர்ச்சியில் மீண்டும் பங்கெடுக்க வேண்டுமாய் அன்புடன் வேண்டுகிறேன்.--தேனி.எம்.சுப்பிரமணி./உரையாடுக. 09:18, 21 சூலை 2011 (UTC)

உங்கள் அன்பிற்கு நன்றி. இப்போது மீண்டும் சிறிதளவு பங்களிக்க ஆரம்பித்துள்ளேன். தொடரவும் எண்ணம். --இரா. செல்வராசு 01:28, 30 ஆகத்து 2011 (UTC)

கவனத்துக்கு[தொகு]

12 படிக்கும் மாணவனுக்கான தகவல்களை நாம் கவனித்துக் கொண்டால், அது பலருக்கும் உதவியாக இருக்கும் என்று கருதுகிறேன். கலைச்சொற்கள், அல்லது கட்டுரைகள் தேவை எனின் கூறவும். என்னிடம் தமிழ் அறிவியல் களஞ்சியங்கள் உள்ளன. வருடி அனுப்ப முடியும். --Natkeeran 01:24, 30 ஆகத்து 2011 (UTC)

நற்கீரன், வணக்கம். நீங்கள் கூறுவது போலச் செய்யலாம். த.நா. பாடநூல்களும் இணையத்தில் இருப்பதைப் பார்த்திருக்கிறேன். என்னுடைய முனைப்பை முதன்மையானதாக வேதிப்பொறியியல் கட்டுரைகளில் செலுத்த நினைக்கிறேன். வேதியியலும் உடன் வரும் தான். --இரா. செல்வராசு 01:31, 30 ஆகத்து 2011 (UTC)
நன்றி. --Natkeeran 02:44, 30 ஆகத்து 2011 (UTC)

உங்களுக்குத் தெரியுமா திட்டம்[தொகு]


முதற்பக்கக் கட்டுரை[தொகு]



இயற்கை எரிவளி கட்டுரையை மேம்படுத்த வேண்டல்[தொகு]

தங்கள் துறை தொடர்புடைய இயற்கை எரிவளி கட்டுரை தமிழ் விக்கிப்பீடியா குறுந்தட்டுத் திட்டத்தில் இடம்பெற்றுள்ளது. இதனை மேம்படுத்தி உதவ வேண்டுகிறேன். நன்றி--இரவி 23:21, 19 பெப்ரவரி 2012 (UTC)

முயல்கிறேன், இரவி. இன்று இரு முறை தொகுத்துச் சிறிது சேர்த்தேன். ஆனால், உள்நுழைய மறந்துவிட்டேன் போலும். வரும் நாட்களில் இன்னும் கொஞ்சம் பார்க்கிறேன்.. --இரா. செல்வராசு 04:23, 20 பெப்ரவரி 2012 (UTC)

செல்வராசு, வேண்டுகோளை உடனே ஏற்று விரிவாக்கியமைக்கு நன்றி--இரவி 06:41, 20 பெப்ரவரி 2012 (UTC)

நுட்பத்துறைப் பதக்கம்[தொகு]

Barnstar-lightbulb3.png நுட்பத்துறைப் பதக்கம்
இரா.செல்வராசு, எரிபொருள் நுட்பத்துறையில் முழுமையான கட்டுரைகளை நல்ல முறையில் எழுதிவரும் உங்களைப் பாராட்டி இந்த நுட்பத்துறைப் பதக்கத்தை அன்புடன் அளிக்கிறேன். உங்கள் சிறப்பான பணி தொடர வாழ்த்துகள். -- சுந்தர் \பேச்சு 04:09, 23 பெப்ரவரி 2012 (UTC)

விக்கியன்பு மூலம் வழங்கப்பட்டது


மிக்க நன்றி, சுந்தர். உங்கள் அன்புக்கும் பாராட்டுக்கும். தொடர்ந்தும் இவ்வருடம் எழுதிவர முயல்வேன். --இரா. செல்வராசு 21:06, 26 பெப்ரவரி 2012 (UTC)
செல்வராசு, சுந்தரைப் போலவே நானும் என் பாராட்டுகளைத் தெரிவித்துக்கொள்கின்றேன். நீங்கள் நுட்பத்துறையில் ஆக்கிவரும் படைப்புகள் மிகவும் பயனுடையவை, விரிவானவை. தமிழ் விக்கிப்பீடியாவின் தரத்தை உயர்த்துவன. இயன்றபொழுது உதவுங்கள். தமிழுலகம் நன்றி கூறும். பலரும் பல துறைகளில் ஆக்கம் (அதுவும் உங்களைப் போல் நல்லாக்கம்) செய்யும் பொழுது பயன் பெருகும்.--செல்வா 21:13, 26 பெப்ரவரி 2012 (UTC)
நன்றி செல்வா. வேறு பக்க இழுப்புகளால் அதிகம் இங்கு எழுத இயலவில்லை என்னும் சாக்கு ஒரு புறம் இருக்க, அவ்வப்போதேனும் கொஞ்சம், வாரம் ஒருமுறை என்பது போலவேனும் வந்து எழுத எண்ணம் இருக்கிறது. பலவற்றைத் தெரிந்து கொள்ளவும் உதவும் விக்கிக்கு நம்மால் ஆனதையும் செய்து வைக்க வேண்டுமே. உங்கள் ஊக்கப்படுத்தும் வார்த்தைகளுக்கு நன்றி. --இரா. செல்வராசு 00:14, 27 பெப்ரவரி 2012 (UTC)

அரசு, பிற நிறுவனங்களுடன் தமிழ் விக்கிப்பீடியா உறவாட்டம் குறித்த கொள்கை[தொகு]

வணக்கம், செல்வா. பன்னாட்டுச் சூழல், தமிழ் தொடர்பான பல தன்னார்வ முயற்சிகளில் ஈடுபட்டுள்ளவர் என்ற முறையில் தமிழ் விக்கிப்பீடியாவுக்கு அரசும் பள்ளிச் சூழலும் நடைமுறையில் எவ்வாறு, எந்த அளவு உதவக்கூடும் என்ற உங்கள் கருத்தை அறிய விரும்புகிறேன். உங்கள் பரிந்துரைகள், ஆதரவை இங்கு தெரிவிக்குமாறு வேண்டுகிறேன். நன்றி--இரவி (பேச்சு) 16:24, 25 பெப்ரவரி 2013 (UTC)

முதற்பக்க அறிமுக வாழ்த்துகள்[தொகு]

வணக்கம், செல்வா. அடுத்த இரு வாரங்களுக்கு உங்களைப் பற்றிய அறிமுகத்தை முதற்பக்கத்தில் தருவதில் மகிழ்கிறோம். தொடர்ந்து சிறப்பாக பங்களிக்க வாழ்த்துகள்--இரவி (பேச்சு) 05:56, 24 மார்ச் 2013 (UTC)

வணக்கம் செல்வராசு. முதற்பக்கத்தில் தங்களின் அறிமுகம் கண்டு தங்களைப்பற்றித் தெரிந்துகொண்டேன். நீண்ட காலமாக விக்கிப்பீடியாவிற்குப் பங்களித்து வரும் தங்களின் பணி மேன்மேலும் சிறக்க வாழ்த்துகள். -- பார்வதிஸ்ரீ (பேச்சு) 17:19, 25 மார்ச் 2013 (UTC)
உங்கள் அறிமுகம் கண்டு மகிழ்ச்சி. தொடர்ந்து பங்களிக்க வாழ்த்துக்கள். முடிந்தால் அறிவியல் களஞ்சியத்தைப் பெற்றுக் கொள்ளுங்கள். உங்கள் அறிவியல் எழுத்துப் பணிக்கு மிக்க உதவும். --Natkeeran (பேச்சு) 00:43, 26 மார்ச் 2013 (UTC)
பார்வதிஶ்ரீ, நற்கீரன், உங்கள் வாழ்த்துகளுக்கு நன்றி. சிலகாலம் இங்கு வரமுடியாமல் இருந்தது. உங்கள் ஊக்குவிப்புகளுக்கும் நன்றி. --இரா. செல்வராசு (பேச்சு) 01:59, 5 மே 2013 (UTC)

தமிழ் விக்கிக் கூடலுக்கான வருகை விருப்பப் பதிவு[தொகு]

தமிழ் விக்கிப்பீடியாவின் பத்தாண்டு நிறைவை ஒட்டி செப்டம்பர் மாதம் சென்னையில் தமிழ் விக்கிப்பீடியா கூடல் நிகழ்வு ஒன்றை ஏற்பாடு செய்யலாமா என்று உரையாடி வருகிறோம். இதில் நீங்கள் கலந்து கொண்டால் நன்றாக இருக்கும். ஏனெனில், இது தமிழ் விக்கிப்பீடியாவின் பத்தாண்டுகளில் பலரையும் ஒரே இடத்தில் சந்தித்து உரையாடக்கூடிய அபூர்வ வாய்ப்பு. போனால் வராது :) கலந்து கொள்வதற்கான உங்கள் விருப்பம், தேவைகளைத் தெரிவித்தீர்கள் என்றால், அதன் அடிப்படையில் முடிவெடுத்துச் செயற்பட முடியும். குறிப்பாக, வெளிநாடு அல்லது வெளியூரில் இருந்து கலந்து கொள்வோருக்கான பயண உதவித் தொகை, தங்குமிடத் தேவை குறித்து அறிந்து கொண்டால் தான் அதற்கு ஏற்ப நிதி ஏற்பாடு செய்ய முடியும். உங்கள் விருப்பத்தை இங்கு தெரிவியுங்கள். நன்றி

கட்டுரைப் போட்டி[தொகு]

வணக்கம் நண்பரே! தாங்கள் விரும்பினால் கட்டுரைப் போட்டியில் பங்கெடுக்கலாமே!
விக்கிப்பீடியா:2013 தொடர் கட்டுரைப் போட்டி என்ற பக்கத்தில் உள்ள விதிகளைப் படியுங்கள். உங்கள் பெயரை பதிவு செய்யுங்கள். அதிக :கட்டுரைகளை விரிவாக்கினால், பரிசு உங்களுக்கே! அடுத்த எட்டு மாதங்களுக்கு இந்த போட்டி தொடரும். ஒவ்வொரு :மாதமும் வெற்றியாளர் அறிவிக்கப்படுவார். வெற்றி பெற வாழ்த்துகிறேன். நன்றி! --NeechalBOT (பேச்சு) 07:56, 27 அக்டோபர் 2013 (UTC)

நிருவாக அணுக்கத்தைத் திரும்பப் பெற நியமித்தல் தொடர்பான பரிந்துரைக் குழு[தொகு]

நிருவாக அணுக்கத்தைத் திரும்பப் நியமித்தல் தொடர்பான பரிந்துரைக் குழு உங்களை ஓர் உறுப்பினராக பங்களிக்க வேண்டுகிறேன். பங்களிக்க இசைவு எனில் குழு என்ற பகுதியில் உங்கள் பெயரைச் சேர்த்து விடுங்கள். நன்றி. --Natkeeran (பேச்சு) 02:22, 28 அக்டோபர் 2013 (UTC)

நற்கீரன், இதற்கு பதில் அளிக்காமலும், இசையாமலும் இருந்தமைக்கு மன்னிக்க. அப்போது பின்புலம் அதிகம் அறியாமலும், செலவிட நேரம் அதிகம் இல்லாமல் இருந்ததும் காரணங்கள். இப்போதும் விலகியே இருக்கலாம் என்றாலும் சில கருத்துகளை, எனக்குத் தோன்றியவற்றை எழுதிச் சரிநிலைக்கு மீள உதவலாம் என்றெண்ணியே அங்கங்கு கருத்துகளை எழுதுகிறேன். ஆனால் அதுவும் நீண்டுகொண்டே இருப்பதையும் நான் விரும்பவில்லை. --இரா. செல்வராசு (பேச்சு) 13:01, 15 நவம்பர் 2013 (UTC)

உங்களின் கவனத்திற்கு...[தொகு]

விக்கிப்பீடியா:நிர்வாக அணுக்கத்தைத் திரும்பப் பெறுதல் எனும் பக்கத்திற்கு இப்போது அணுக்கம் இருக்கிறதா என சரிபார்த்து சொல்லுங்கள். நன்றி! --மா. செல்வசிவகுருநாதன் (பேச்சு) 11:58, 15 நவம்பர் 2013 (UTC)

வெளியேறி, மீண்டும் உள்நுழைந்த பிறகு அணுக்கம் கிட்டியிருக்கிறது. நன்றி, செல்வசிவகுருநாதன். இப்போதைக்கு அங்கு எழுத எண்ணமில்லை. ஆனால் ஒரு பொதுக் கொள்கையாக எனக்கு அதில் வேறுபாடு இருந்தது. அதனை நிவர்த்தி செய்தமைக்கு நன்றி. --இரா. செல்வராசு (பேச்சு) 12:58, 15 நவம்பர் 2013 (UTC)

ஒரு வேண்டுகோள்[தொகு]

Crystal Clear app help index.png

வணக்கம் Rselvaraj! தமிழ் விக்கிப்பீடியாவில் உள்ள பல கட்டுரைகளில், உசாத்துணை, மேற்கோள்கள், குறிப்புகள், சான்றுகள் போன்றவை சேர்க்கப்படவில்லை. இவ்வாறு உள்ள கட்டுரைகளை தரக்கட்டுப்பாட்டின் காரணமாக தமிழ் விக்கிப்பீடியாவில் இருந்து நீக்கப்படலாம். உங்களால் முடிந்தவரை இவற்றை சேர்க்க முயற்சிக்கவும். இதைப் பற்றிய தகவல்களைப் பெற சான்று சேர்க்கும் திட்டத்தை பார்க்கவும். தமிழ் விக்கிப்பீடியாவில் தொடர்ந்து பங்களிக்க வாழ்த்துக்கள்!

--தினேஷ்குமார் பொன்னுசாமி (பேச்சு) 03:57, 17 மே 2014 (UTC)

விக்கித்திட்டம் 100, சனவரி 2015 அழைப்பு[தொகு]

அனைவரும் வருக

வணக்கம் Rselvaraj!
தமிழ் விக்கிப்பீடியாவில் சிறப்பாக பங்களித்தமைக்கும், பங்களிக்கின்றமைக்கும் எனது நன்றிகள். தமிழ் விக்கிப்பீடியாவில் ஒரு மாதம் (சனவரி 2015) 100 தொகுப்புக்கள் செய்யும் 100 பயனர்களை உருவாக்கும் இலக்கைக் கொண்ட ஓர் அரிய திட்டம் துவங்கப்பட்டுள்ளது. வரும் சனவரி மாதம் 100 தொகுப்புக்கள் செய்யும் 100 பயனர்களுள் ஒருவராக பிரகாசிக்க தங்களை அன்புடன் அழைக்கிறேன். இலக்கை அடைபவர்களுக்கு பதக்கங்களும், முதல் நாளில் இலக்கை அடைபவர்களுக்கு சிறப்புப் பதக்கங்களும் வழங்கப்படும். :) :) . மேலதிக விபரங்களுக்கு திட்டப்பக்கம் வருக. நன்றி.

--Mohamed ijazz (பேச்சு) 10:15, 30 திசம்பர் 2014 (UTC)

விக்கி மாரத்தான் 2015 - பங்கேற்க அழைப்பு[தொகு]

விக்கி மாரத்தான் 2015

வணக்கம்!

சூலை 19, 2015 அன்று நடக்கவிருக்கும் விக்கி மாரத்தான் 2015 முன்னெடுப்பில் கலந்துகொள்ளத் தங்களை அன்புடன் அழைக்கிறோம்!

தங்களின் விருப்பத்தை இங்குப் பதிவு செய்யுங்கள்; நன்றி!

--மா. செல்வசிவகுருநாதன் (பேச்சு) 19:45, 8 சூலை 2015 (UTC)

பதக்கம்[தொகு]

Science Barnstar Hires.png அறிவியல் பதக்கம்
நீங்கள் ஓர் இடைவெளிக்குப் பிறகு மீண்டும் வந்து, அறிவியல் தொடர்பான கட்டுரைகளில் பங்களிப்பதைக் கண்டு இப்பதக்கத்தை வழங்குகிறேன். தொடர்ந்து சிறப்பாகப் பங்களிக்க வேண்டுகிறேன். நன்றி. --இரவி (பேச்சு) 09:50, 24 மே 2017 (UTC)

விக்கியன்பு மூலம் வழங்கப்பட்டது (பதிகை)

👍 விருப்பம்--Kanags \உரையாடுக 07:56, 25 மே 2017 (UTC)
👍 விருப்பம்! --மா. செல்வசிவகுருநாதன் (பேச்சு) 17:21, 25 மே 2017 (UTC)
👍 விருப்பம்! வாழ்த்துகள் :) --{{|#ifexist:#invoke: ஸ்ரீகர்சன்|||}} 14:18, 27 மே 2017 (UTC)

உதவி...[தொகு]

வணக்கம். பகுப்பு பேச்சு:துப்புரவு தேவைப்படும் மே 2017 கட்டுரைகள்#இயற்பியல் என்பதனைக் கவனித்து, தங்களால் இயன்ற பங்களிப்பினை தர வேண்டுகிறேன்; நன்றி! --மா. செல்வசிவகுருநாதன் (பேச்சு) 04:06, 28 மே 2017 (UTC)

கவனித்து, உதவியமைக்கு நன்றி! --மா. செல்வசிவகுருநாதன் (பேச்சு) 01:36, 10 சூன் 2017 (UTC)

துப்புரவுப் பணியில் உதவி தேவை[தொகு]

வணக்கம். இது பலருக்கும் பொதுவான அவசரச் செய்தி. எனவே, இது தொடர்பான பணிகளில் ஏற்கனவே நீங்கள் ஈடுபட்டிருந்தாலும் இந்த அறிவிப்பைக் காண நேரிடும்.

சென்ற மாதம், தமிழ்நாடு அரசு பள்ளிக் கல்வித் துறை மூலமாக தமிழகப் பள்ளி ஆசிரியர்களுக்கான மாநிலம் தழுவிய விக்கிப்பீடியா பயிற்சிகள் நடைபெற்றன. இந்த மாதமும் நடைபெறும் என்று எதிர்பார்க்கிறோம். பெருமளவில் வரும் புதுப்பயனர்களினால் புதிய கட்டுரைகளின் எண்ணிக்கையும் அண்மைய மாற்றங்களில் தொகுப்புகளும் கூடி வருகின்றன. இவர்களுக்கு வழிகாட்ட கூடுதல் உடனடி உதவி தேவைப்படுகிறது. இது பற்றிய மேலதிக விவரங்கள் இங்கு உள்ளன. துப்புரவுப் பணிகள் பற்றி அங்கு உள்ள குறிப்புகளைக் கவனித்து மேம்படுத்துங்கள். நீங்கள் எங்கிருந்தாலும் உங்கள் சேவை உடனடியாகத் தேவை :) இந்த வாய்ப்பினைப் பயன்படுத்தி தமிழக ஆசிரியர்களுக்கு விக்கிப்பீடியா பற்றிய நட்பான நல்ல அறிமுகத்தைத் தருவதுடன் அவர்களைத் தொடர்ந்து நல்ல பங்களிப்பாளர்களாகத் தக்க வைக்கும் நோக்குடன் அரவணைத்துச் செயற்படுவோம். நன்றி.--இரவி (பேச்சு) 12:28, 7 சூன் 2017 (UTC)

உதவி...[தொகு]

வணக்கம். மீண்டும் வந்துள்ளேன்... பகுப்பு பேச்சு:துப்புரவு தேவைப்படும் சூன் 2017 கட்டுரைகள்# வேதியியல் அல்லது இயற்பியல் கட்டுரைகளை கவனித்து, தங்களால் இயன்ற பங்களிப்பினை தர வேண்டுகிறேன்; நன்றி! --மா. செல்வசிவகுருநாதன் (பேச்சு) 01:35, 10 சூன் 2017 (UTC)

கட்டுரைப் போட்டியில் பங்கேற்க அழைப்பு[தொகு]

அன்புள்ள செல்வராசு,

உடன் பங்களிப்பவன் என்ற முறையில், இது நான் உங்களுக்கும் மற்ற தமிழ் விக்கிப்பீடியர்களுக்கு எழுதும் தனிப்பட்ட மடல்.

2005ல் இருந்து தமிழ் விக்கிப்பீடியாவில் பங்களித்து வருகிறேன். அப்போது தோராயமாக 600 கட்டுரைகள் இருந்தன. இப்போது 1,15,000 கட்டுரைகள் உள்ளன. மலைப்பாக இருக்கிறது. மகிழ்ச்சியாகவும் இருக்கிறது. அதே வேளை, கடந்து வந்த பாதையையும் எண்ணிப் பார்க்கிறேன்.

இது ஒரு நெடும் பயணம். பல பேருடைய பல மணிக்கணக்கான உழைப்பைக் கொட்டிய பயணம். ஆங்கில விக்கிப்பீடியா 2001 தொடங்கி 2004 வரை அடைந்த வளர்ச்சியைக் கூட நமது 15 ஆண்டுகளில் நாம் இன்னும் எட்டிப் பிடிக்க முடியவில்லை! அப்படி என்றால், இன்னும் செல்ல வேண்டிய தொலைவோ மிக அதிகம். ஆங்கிலத்தில் ஒருவருக்குக் கிடைக்கக் கூடிய அறிவின் அளவும் தரமும் தமிழர்களுக்குக் கிடைப்பது எப்போது? தமிழர்களின் சமூக வரலாற்று, அரசியல் சூழலுக்கு உட்பட்டு, உடனடியாக கட்டற்ற அறிவைப் பெற வேண்டியது காலத்தின் கட்டாயமாக இருக்கிறது.

அதற்கு நாம் புதிய வழிமுறைகளையும் பெரும் திட்டங்களையும் தீட்ட வேண்டியுள்ளது. அப்படிச் செய்ய வேண்டுமானால் நாம் அதற்கு வலுவானவர்கள் என்று உறுதிபட நிறுவ வேண்டிய தேவை உள்ளது. ஒரு எடுத்துக்காட்டு சொல்கிறேன்:

தமிழ் விக்கிமூலத்தில் 2000 நாட்டுடைமையாக்கப்பட்ட நூல்களைச் சேர்த்துள்ளோம். இவை பல இலட்சம் பக்கங்கள் உள்ளன. இவற்றை மனித முறையில் சரிபார்ப்பது என்றால் பல பத்தாண்டுகள் ஆகலாம். ஆனால், இயந்திரம் மூலம் சரி பார்க்க முடியுமா? அதற்குப் பல மென்பொருளாளர்களை முழு நேரமாக ஈடுபடச் செய்ய முடியுமா? பெருமெடுப்பில் தன்னார்வலர்களை முழு நேரமாக ஈடுபடுத்த முடியுமா? (இப்படிச் செய்வதற்குச் சமூகத்தின் ஒப்புதலும் விக்கிமீடியா அறக்கட்டளையின் ஒப்புதலும் தேவைப்படும் என்பதைக் கவனிக்க!) அதனால், இதனை ஒரு எடுத்துக்காட்டாக மட்டுமே குறிப்பிடுகிறேன்.

நாம் ஏற்கனவே சிறப்பாகச் செயற்படுத்திய சில திட்டங்களுக்கான எடுத்துக்காட்டுகள்:

இத்தகைய வலுவான திட்டங்களின் மூலம் தமிழ் விக்கிப்பீடியாவுக்கு என்று ஒரு நற்பெயரைப் பெற்றுள்ளோம். நாம் அடுத்து கோரும் திட்டங்களுக்கு நல்ல ஆதரவு கிடைக்கும் என்று எதிர்பார்க்கலாம்.

வெகு அரிதாகவே விக்கிப்பீடியாவையும் தமிழ் கட்டற்ற அறிவுச் சூழலையும் வெளியாட்கள் புரிந்து கொள்கிறார்கள். புரிந்து கொள்ளும் ஆட்களால் நமக்கு உதவ முடிவதில்லை. உதவ முடிகிற ஆட்களோ நம்மைப் புரிந்து கொள்வதில்லை.

வயிறு பசிக்கும் மாணவனால் பள்ளிக்கு வர முடியாது என்பதை உணர்ந்து ஒரு நூற்றாண்டு முன்பே இலவச மதிய உணவுத் திட்டம் கொண்டு வந்தவர்கள் நாம். ஆனால், பில் கேட்சு போன்றவர்களே கூட இன்னும் இது பயனுள்ளது தானா என்று சில ஆப்பிரிக்க நாடுகளில் ஆய்வு நடத்திக் கொண்டிருக்கிறார்கள். இத்தகைய உலகச் சூழலில், நமக்கு என்ன தேவை என்று அறிந்து திட்டங்களை வகுக்க முடிகிற நம்முடன், மற்றவர்கள் இணைந்து கொள்ள பல ஆண்டுகள் ஆகிறது.

2010க்கு முன்பே தகவல் உழவனுக்கு நமது தனிப்பட்ட முயற்சியில் கணினி உதவி அளித்தோம். அதன் பிறகு தமிழ்க் குரிசிலுக்கு இணைய உதவி அளித்தோம். இத்திட்டங்கள் இந்தியாவுக்கே முன்னோடியாக அமைந்து இன்னும் பல இந்திய விக்கிப்பீடியர்களுக்கு உதவியது. தற்போது, இதன் நன்மையைப் புரிந்து கொண்டு விக்கிமீடியா அறக்கட்டளையும் கூகுளும் இணைந்து நூற்றுக் கணக்கானவர்களுக்கு இலவசமாக இணையத்தையும் கணினியையும் வழங்குகிறது. இத்திட்டம் பயனுள்ளது தானா என்று இன்னும் கூட சிலருக்கு ஐயமாக இருக்கலாம். ஆனால், பயன் மிக்கது என்பதில் நான் உறுதியாக இருக்கிறோம். திட்டம் முடிந்து விளைவுகளை அலசும் போது, இத்திட்டம் உலக நாடுகள் பலவற்றுக்கும் விரிவுபடுத்தப்பட்டு இன்னும் பல நாட்டு விக்கிப்பீடியருக்கு உதவும். இந்திய அளவில், உலக அளவில் இது போன்ற திட்டங்கள் எப்படி வகுக்கப் படுகின்றன என்று அருகில் இருந்து பார்த்த முறையில் சொல்கிறேன்: மாற்றம் மிகக் கடினமாக உள்ளது. நமக்கு என்ன தேவை என்று தெரிந்தும், அதனைப் பெற்று வருவது மிகச் சிரமமாக உள்ளது. நாம் இத்தகைய திட்டங்களைச் செயற்படுத்தக் கூடியவர்கள் தானா என்று ஐயுறும் போக்கு உள்ளது.

அதனால், தமிழ் உள்ளிட்ட இந்திய மொழி விக்கிப்பீடியாக்களுக்கு உதவும் இத்திட்டம் வெற்றியடையுமா, எந்த அளவு வெற்றியடையும், தமிழ் விக்கிப்பீடியா இதில் செலுத்தப் போகும் பங்கு என்ன என்பது நம் கையிலேயே உள்ளது.

இத்திட்டத்தின் முதற்பகுதியாக கணினி, இணைய உதவி வழங்கினோம். இரண்டாம் பகுதியாக கட்டுரைப் போட்டி தொடங்கியுள்ளது. கவனிக்க: இது வழமை போல் அனைவரும் பங்கு கொள்ளக்கூடிய போட்டியே. கணினி, உதவி பெற்றோருக்கு மட்டுமான போட்டி அன்று.

ஏற்கனவே, பல தமிழ் விக்கிப்பீடியா முன்னோடித் திட்டங்களில் சிறப்பாகப் பங்களித்தவர் என்ற முறையில் வேங்கைத் திட்டம் கட்டுரைப் போட்டியில் முனைப்புடன் பங்களித்து மாபெரும் வெற்றியடையைச் செய்ய உங்களைக் கேட்டுக் கொள்கிறேன்.

தமிழ் விக்கிப்பீடியர் 50 பேர் மாதம் 15 கட்டுரைகளை எழுதினாலும் 2000 கட்டுரைகள் என்ற இலக்கை இலகுவாக அடைந்து விடலாம். எனவே. உங்களுடைய வழக்கமான விக்கி பங்களிப்பு ஆர்வத்துக்கு இடையே இந்தப் போட்டியிலும் பங்கு பெறக் கோருகிறேன். உங்கள் ஒவ்வொருவராலும் பரிசுகள் வெல்ல முடியாது. அது நம் நோக்கமும் இல்லை. இங்கு பரிசு என்பது ஊக்கம் மட்டுமே. ஆனால், தனிப்பட்ட பரிசுகளைத் தாண்டி அதிகம் கட்டுரைகளை எழுதும் விக்கிப்பீடியாவுக்குச் சமூகப் பரிசு உண்டு. இது சுமார் 10,00,000 இந்திய ரூபாய் மதிப்பில் இலங்கை, இந்தியாவைச் சேர்ந்த 40 தமிழ் விக்கிப்பீடியர்களுக்குத் திறன்கள் பயிற்சி அளிக்கும் வாய்ப்பாக அமையும். இந்த வாய்ப்பைத் தட்டிச் செல்வது நமது திறன்களை மேம்படுத்திக் கொள்ளவும் மீண்டும் ஒரு முறை அனைவரும் கண்டு மகிழவும் வாய்ப்பாக அமையும்.

இந்த ஒவ்வொரு தலைப்பும் தமிழர்களுக்கு உடனடித் தேவை தானா என்று கூட உங்களுக்கு ஐயம் இருக்கலாம். ஏற்கனவே வழங்கப்பட்டிருந்த 2000 தலைப்புகள் பெரிதும் திரைப்படங்கள், நடிகர்கள், பாடகர்கள் போன்ற பரவலான ஈடுபாடுடையை தலைப்புகளை மட்டும் கொண்டிருந்தன என்பதைக் கவனத்தில் கொண்டு தற்போது கூடுதலாகப் பல புதிய தலைப்புகள் சேர்க்கப்பட்டுள்ளன. இப் புதிய பட்டியலில் பெண்கள், உடல்நலம், அறிவியல் மற்றும் நுட்பம், வரலாறு மற்றும் புவியியல், கலை மற்றும் அறிவியல் போன்ற துறைகளுக்கு முன்னுரிமை தந்து தொகுத்துள்ளோம். இவை தமிழகப் பகுதியில் இருந்து அதிகம் படிக்கப்படும் ஆங்கில விக்கிப்பீடியா கட்டுரைகள். ஆனால், இவை தமிழில் இல்லை (அல்லது போதுமான விரிவு/தரத்துடன் இல்லை). தமிழகத்தில் இருந்தாலும் ஆங்கிலம் அறிந்தால் மட்டுமே இவ்வறிவைப் பெற்றுக் கொள்ள முடியும் என்ற நிலையை மாற்றி தமிழிலேயே இவ்வறிவைத் தரும் முயற்சியே இக் கட்டுரைப் போட்டி. இத்தலைப்புகள் உங்களுக்கு ஆர்வமூட்டும் அதே வேளை சமூகத்துக்கும் பயனுடையதாக இருக்கும் என்று எதிர்பார்க்கிறேன். இது வரை கிடைத்துள்ள தரவின் அடிப்படையில் இத்தலைப்புகளின் கீழ் எழுதப்படும் கட்டுரைகள் வழமையான கட்டுரைகளைக் காட்டிலும் சராசரியாக நான்கு மடங்கு வாசகர்களைப் பெற்றுத் தருவதை அறிய முடிகிறது. உங்கள் ஆர்வத்தின் அடிப்படையில் இவ்விரண்டு பட்டியல்களில் இருந்தும் கட்டுரைகளை எழுதலாம். இந்தக் கூட்டுழைப்பு நிச்சயம் ஒரு அறிவுச் சமூகமாக நம்மை அடுத்த தளத்துக்கு இட்டுச் செல்லும்.

வழமை போல் எத்தனையோ வகையான பங்களிப்புகளில் ஈடுபடும் தாங்கள், இப்போட்டியில் கலந்து கொண்டு இத்திட்டத்தை வெற்றியடையச் செய்வீர்கள் என்றால் அதன் விளைவுகள் மிகவும் தொலைநோக்கானவையாக அமையும். தமிழ் விக்கிப்பீடியாவின் வளர்ச்சிக்கு எங்களுக்குக் கூடுதல் திட்டங்களைச் செயற்படுத்தித் தாருங்கள் என்று கேட்டு வாங்கும் வலுவான இடத்தில் நம்மை அமர்த்தும். இது வரை நான் இப்படி உங்களுக்குக் கடிதம் எழுதியது இல்லை. இப்போது எழுதுகிறேன் என்றால், கட்டுரைப் போட்டியில் உங்கள் பங்களிப்பு இப்போது தேவை என்று உரிமையோடு கேட்டுக் கொள்ளவே.

இத்திட்டம் தொடர்பாக கேள்விகள், ஐயங்கள் இருப்பின் தயங்காது கேளுங்கள்.

நன்றி.--இரவி (பேச்சு) 18:30, 18 மார்ச் 2018 (UTC)

"https://ta.wikipedia.org/w/index.php?title=பயனர்_பேச்சு:Rselvaraj&oldid=2499353" இருந்து மீள்விக்கப்பட்டது