நிறம் மாறாத பூக்கள்
| நிறம் மாறாத பூக்கள் | |
|---|---|
 | |
| இயக்கம் | பாரதிராஜா |
| கதை | பஞ்சு அருணாசலம் (வசனம்) |
| இசை | இளையராஜா |
| நடிப்பு | சுதாகர் ராதிகா விஜயன் ரதி |
| ஒளிப்பதிவு | பி.எஸ்.நிவாஸ் |
| படத்தொகுப்பு | ஆர்.பாஸ்கரன் |
| கலையகம் | லேனா புரொடக்ஷன்ஸ் |
| வெளியீடு | Error: All values must be integers (help) |
| நாடு | இந்தியா |
| மொழி | தமிழ் |
நிறம் மாறாத பூக்கள் (Niram Maaratha Pookkal) 1979 இல் வெளிவந்த இந்தியத் தமிழ்த் திரைப்படம் ஆகும்.[1] இத்திரைப்படத்தை பாரதிராஜா எழுதி இயக்கியுள்ளார். லேனா புரொடக்சன்சு நிறுவனம் சார்பில் தயாரிக்கப்பட்டது. இத்திரைப்படத்திற்கு இளையராஜா இசையமைத்துள்ளார். சுதாகர், ராதிகா, ரதி, விஜயன் ஆகியோர் முக்கியக் கதாபாத்திரத்தில் நடித்துள்ளனர்.[2]
கதை
[தொகு]சுதாகர் வேலை தேடிக்கொண்டிருக்கும் ஒரு ஏழை பட்டதாரி. ஒரு நாள், ஒரு பொது தொலைபேசி மையத்தில், பணக்காரத் தொழிலதிபரான செல்லத்துரையின் ஒரே மகளான ராதிகாவுடன் அவனுக்கு வாக்குவாதம் ஏற்படுகிறது. சுதாகர் தொலைபேசி மையத்தில் தவறி விட்டுச் சென்ற நாட்குறிப்பின் மூலம், அவன் வேலை தேடிக்கொண்டிருக்கிறான் என்பதை ராதிகா அறிந்துகொள்கிறாள். அவள் அவனைத் தன் தந்தையின் நிறுவனத்தில் மேலாளராகப் பணியமர்த்துகிறாள், விரைவில் அவர்கள் இருவருக்கும் இடையில் காதல் மலர்கிறது. வர்க்க உணர்வு கொண்ட ராதிகாவின் தந்தை துவக்கத்தில் இந்தத் திருமணத்தை எதிர்க்கிறார். ஆனால் பின்னர் மனமில்லாமல் சம்மதிக்கிறார். அவருக்கு பல உதவிகளைச் செய்த வியாபார நண்பரான சிவராமன் அவரைச் சந்திக்க வந்து, ராதிகாவை சிவராமனின் மகன் விஜயனுக்குத் திருமணம் செய்து வைப்பதாக அவர் அளித்த பழைய வாக்குறுதியை நினைவூட்டும்போது நிலைமை மாறுகிறது. அதன் பிறகு விரைவில், சுதாகர் அலுவலகப் பணத்தில் ஐந்து லட்சம் ரூபாயுடன் பம்பாய் செல்லும் வழியில் காணாமல் போகிறார், மேலும் அவர் தலைமறைவாகிவிட்டதாகக் கருதப்படுகிறது. ராதிகா மனமுடைந்து போகிறாள். அவளின் தந்தை அவளைச் சிறிது காலம் ஓய்வெடுப்பதற்காக உதகையில் உள்ள சிவராமனின் தோட்டத்திற்கு அழைத்துச் செல்கிறார்.
ஊட்டியில், ராதிகாவும் அவளின் தந்தையும் விஜயனுக்கு அறிமுகமாகிறார்கள். அவர் மிகவும் மனச்சோர்வடைந்தும், குடிகாரராகவும் இருக்கிறார். அவன் பெரும்பாலும் ஆற்றங்கரையில் நின்று, ஒரு பெண் பாடிய இனிமையான பாடலைத் தனது ஒலிநாடாப் பதிவில் கேட்டுக் கொண்டிருக்கிறான். சில நாட்கள் கழித்த பிறகு, பல உரையாடல்களுக்குப் பின், விஜயனும் ராதிகாவும் ஒருவருக்கொருவர் அறிமுகமாகி, நெருங்கிய நண்பர்களாகின்றனர். அப்போது விஜயன் தன் முன்னாள் காதலியான ரதியைப் பற்றி அவளிடம் மனம் திறந்து பேசுகிறான். விஜயன் அழகான ரதியைப் பார்த்து முதல் பார்வையிலேயே காதலில் விழுந்து, அவள் தன் காதலை ஏற்கும் வரை இடைவிடாமல் அவளைப் பின்தொடர்ந்து இறுதியில் அதில் வெற்றிபெறுகிறான். ரதி குதிரை சவாரி, கார் ஓட்டுதல் போன்ற விஷயங்கள் தெரிந்திருந்தும், தனக்குத் தெரியாது என்று விஜயனிடம் அடிக்கடி விளையாட்டுத்தனமாகப் பொய் சொல்லி ஏமாற்றுகிறாள். ஏப்ரல் முட்டாள் நாளன்று, தனக்கு நீந்தத் தெரியாது என்று அவள் கூறுகிறாள். விஜயன் அவள் மீண்டும் தன்னை ஏமாற்றுவதாக நினைத்து, விளையாட்டாக அவளை ஆற்றில் தள்ளிவிடுகிறான். ஆனால் அவள் நீரில் மூழ்கி இறந்துவிடுகிறாள். இந்த நிகழ்வு விஜயனுக்கு தற்கொலை எண்ணத்தை உருவாக்குகிறது. அவன் தன் கோட்டில் நஞ்சை வைத்திருந்தாலும், தன் தந்தையின் பொருட்டு அதை அருந்தாமல் இருக்கிறான். மாறாக, அவன் மது என்ற மெதுவான விஷத்தைத் தேர்ந்தெடுக்கிறான். ராதிகாவிற்கும் கடந்த காலத்தில் ஒரு தோல்வியுற்ற காதல் அனுபவம் இருந்ததை விஜயன் அறிந்துகொண்டபோது, இருவரும் ஒரே நிலையில் இருப்பதாக உணர்ந்ததால், அவளுக்கு மேலும் நெருக்கமாக உணர்ந்தான்.
நாட்கள் செல்லச் செல்ல, விஜயனும் ராதிகாவும் நெருக்கமாகி, இறுதியில் திருமணம் செய்துகொள்ள ஒப்புக்கொள்கின்றனர். இது அவர்களின் தந்தைகளுக்கு மிகுந்த மகிழ்ச்சியை அளிக்கிறது. ஆனால், ஒரு நாளில் எதிர்பாராதவிதமாக, ராதிகா ஒரு தோட்டத்தில் தோட்டக்காரராகப் பணிபுரியும் சுதாகரைச் சந்திக்கிறாள். தன்னை விட்டுப் பிரிந்து சென்றதற்காக அவனை கோபமாக கடிந்துகொண்டு ராதிகா அங்கிருந்து செல்கிறாள். ஆனால் விஜயன் உண்மையை அறிந்துகொள்வதில் உறுதியாக இருக்கிறான். ராதிகாவை விஜயனுக்குத் திருமணம் செய்து வைப்பதற்காக, ராதிகாவின் தந்தையே சுதாகரை வற்புறுத்தி, ஊரை விட்டுச் செல்லும்படி கட்டாயப்படுத்தினார் என்பது தெரியவருகிறது. அவர்களின் திருமணம் நடக்கவிருந்த நாளில், விஜயன் ராதிகாவை சுதாகருடன் சேர்த்து வைத்து, அவர்கள் இருவரும் ஊரை விட்டுச் செல்லும்படி செய்கிறான். பின்னர், ராதிகாவிடம் மது குடிப்பநை விட்டுவிடுவதாக வாக்குறுதி அளித்த விஜயன், அதற்குப் பதிலாகத் தன் சட்டைப் பையில் வைத்திருந்த விஷத்தைக் குடித்துவிட்டு, ஒரு காலத்தில் தன் காதலி ரதியை விழுங்கிய அதே ஆற்றுக்குள் நடந்து சென்று மூழ்குகிறான்.
கதை மாந்தர்கள்
[தொகு]பாடல்கள்
[தொகு]இத்திரைப்படத்திற்கு இளையராஜா இசையமைத்திருந்தார்.[3][4] "இரு பறவைகள்" என்ற பாடல் மோகன இராகத்தில் அமைந்தது.[5][6]
| பாடல் | பாடகர்(கள்) | வரிகள் | நீளம் |
|---|---|---|---|
| "ஆயிரம் மலர்களே" | மலேசியா வாசுதேவன், எஸ். பி. சைலஜா, ஜென்சி அந்தோனி | கண்ணதாசன் | 5:13 |
| "இரு பறவைகள்" | ஜென்சி | கங்கை அமரன் | 4:24 |
| "முதன் முதலாக" | எஸ். பி. பாலசுப்பிரமணியம், எஸ். ஜானகி | பஞ்சு அருணாசலம் | 4:15 |
| "நிறம் மாறப் பூக்களே" (தலைப்புப் பாடல்) | ஜென்சி | பஞ்சு அருணாசலம் | 2:48 |
| "இரு பறவைகள்" (சோகம்) | எஸ். பி. சைலஜா | கங்கை அமரன் | 2:00 |
வெளியீடும், வரவேற்பும்
[தொகு]இத்திரைப்படம் 1979 ஆகத்து 31 அன்று திரையரங்குகளில் வெளியிடப்பட்டது.[7] கல்கி இதழின் கௌசிகன் இப்படத்திற்கு எதிர்மறையான விமர்சனம் அளித்து, சுதாகர், ராதிகாவிற்காக மட்டுமே படத்தை பார்க்கலாம் என்று குறிப்பிட்டார்.[8] அண்ணா இதழின் நாகை தருமன் நடிப்பு, இசை, இயக்கம் ஆகியவற்றைப் பாராட்டினார்.[9]
மேற்கோள்கள்
[தொகு]- ↑ "1979 - ல் அதிக படங்களில் நடித்த நடிகர் யார் தெரியுமா?", Hindu Tamil Thisai, 2019-09-11, retrieved 2024-11-02
- ↑ வி. ராம்ஜி (31 அகத்து, 2020). ’மெட்ராஸ் கேர்ள்’, ‘ஃபிப்டி பைஸே’, ‘ஆயிரம் மலர்களே மலருங்கள்’ பாட்டு; 41 ஆண்டுகளாகியும் மணம் வீசுது பாரதிராஜாவின் ‘நிறம் மாறாத பூக்கள்’. இந்து தமிழ் திசை.
{{cite book}}: Check date values in:|date=(help) - ↑ "Niram Maratha Pookkal (1979)". Raaga.com. Archived from the original on 15 November 2020. Retrieved 1 October 2013.
- ↑ "Niram Maratha Pookal Tamil Film EP Vinyl Record by Ilayaraaja". Mossymart. Archived from the original on 28 January 2022. Retrieved 28 January 2022.
- ↑ "இளையராஜா 75". தினமணி. 17 June 2018. Archived from the original on 3 February 2023. Retrieved 23 April 2024.
- ↑ Sundararaman (2007) [2005]. Raga Chintamani: A Guide to Carnatic Ragas Through Tamil Film Music (2nd ed.). Pichhamal Chintamani. p. 133. கணினி நூலகம் 295034757.
- ↑ ராம்ஜி, வி. (31 August 2020). "'மெட்ராஸ் கேர்ள்', 'ஃபிப்டி பைஸே', 'ஆயிரம் மலர்களே மலருங்கள்' பாட்டு; 41 ஆண்டுகளாகியும் மணம் வீசுது பாரதிராஜாவின் 'நிறம் மாறாத பூக்கள்'" (in ta). Hindu Tamil Thisai இம் மூலத்தில் இருந்து 15 November 2020 அன்று. பரணிடப்பட்டது.. https://web.archive.org/web/20201115161433/https://www.hindutamil.in/news/cinema/tamil-cinema/572601-41-years-of-niram-maaradha-pookkal.html.
- ↑ கெளசிகன் (16 September 1979). "நிறம் மாறாத பூக்கள்". Kalki. p. 61. Archived from the original on 4 February 2023. Retrieved 4 February 2023.
- ↑ தருமன், நாகை (9 September 1979). "நிறம் மாறாத பூக்கள்" (in ta). Anna: pp. 4 இம் மூலத்தில் இருந்து 27 May 2025 அன்று. பரணிடப்பட்டது.. https://web.archive.org/web/20250527131412/https://images.eap.bl.uk/EAP372/EAP372_6_23_3_320/4.jp2/full/1000,1347/0/default.jpg.
