பத்மினி
பத்மினி (ஜூன் 12, 1932 - செப்டம்பர் 24, 2006) பிரபல இந்திய நடிகை ஆவார். தமிழ், தெலுங்கு, மலையாளம், கன்னடம், இந்தி ஆகிய மொழிப்படங்களில் நடித்தும் நாட்டியமாடியும் புகழ் பெற்றவர். நாட்டியப் பேரொளி எனப் பெயர் எடுத்தவர்.
பொருளடக்கம் |
[தொகு] வாழ்க்கைக் குறிப்பு
திருவனந்தபுரத்தில் பீஜாப்பூரில் பிறந்த பத்மினியின் பெற்றோர் தங்கப்பன் பிள்ளை, சரஸ்வதி அம்மா ஆவர். இவரது மூத்த சகோதரி லலிதா, இளையவர் ராகினி இருவரும் புகழ்பெற்ற நாட்டிய நடிகைகள். இவர்கள் திருவாங்கூர் சகோதரிகள் என அழைக்கப்பட்டனர். இவரது சகோதரர் பெயர் சந்திரசேகர் ஆகும். 1961 ஆம் ஆண்டு, டாக்டர் இராமச்சந்திரன் என்பவரை மணந்தார். பிறகு 1977ல் அமெரிக்காவில் நியூ ஜெர்சியில் குடியேறினார். அங்கு பத்மினி ஸ்கூல் ஆஃப் ஃபைன் ஆர்ட்ஸ் என்ற அமைப்பை நிறுவி நாட்டியம் பயிற்றுவித்தார்.
[தொகு] கலையுலக வாழ்வு
பத்மினி, நான்கு வயதில் நாட்டியம் ஆடப்பயின்றார். பத்து வயதில் அரங்கேறி, ஏறக்குறைய 64 ஆண்டுகள் நாட்டிய உலகில் புகழோச்சி நாட்டியப் பேரொளி என அழைக்கப்பட்டார். குச்சிப்புடி, மோகினியாட்டத்திலும் வல்லவர். 17 வயதில் திரையுலகில் புகுந்தார். கல்பனா என்ற இந்தி மொழிப் படத்தில் முதலில் தோன்றிய[1] பத்மினி 250 படங்களுக்கு மேல் நடித்தார். தமிழில் முதன் முதலில் வேதாள உலகம் படத்தில் நாட்டியம் ஆடினார். என். எஸ். கிருஷ்ணன் தயாரித்த "மணமகள்" என்ற படம் தான் அவரது முதல் தமிழ்த் திரைப்படம். தமிழில் சிவாஜி கணேசன், எம். ஜி. இராமச்சந்திரன், ஜெமினி கணேசன் என அனைத்து முன்னணி நடிகர்களுடனும் இவர் நடித்திருக்கிறார். சிவாஜியுடன் மட்டும் 59 படங்களில் நடித்துள்ளார். தில்லானா மோகானாம்பாள், இவரின் நடிப்புக்கு சிறந்த எடுத்துக்காட்டாக சொல்லத்தக்க திரைப்படம் ஆகும். இத்திரைப்படத்தில் சிக்கல் சண்முகமாக சிவாஜி கணேசனும், மோகனாங்கியாக பத்மினியும் நடித்தனர். வஞ்சிக்கோட்டை வாலிபனில் பத்மினிக்கும், வைஜயந்திமாலாவிற்கும் நடக்கும் நாட்டியப்போட்டிக் காட்சி புகழ் பெற்றது.
[தொகு] விருதுகள்
- சிறந்த நடிகை விருது (Film Fans Association in 1954, 1959, 1961 and 1966)
- கலைமாமணி விருது (தமிழ் நாடு அரசு, 1958)
- The Best Classical Dancer Award from Moscow Youth Festival in 1957.
- பிலிம் பெயார் விருது (1985).
- சோவியத் ஒன்றியம் அஞ்சல் தலை வெளியிட்டு கௌரவித்தது.
[தொகு] இறப்பு
பத்மினி, செப்டம்பர் 24, 2006 அன்று இரவு மாரடைப்பால் சென்னையில் காலமானார்.
[தொகு] குறிப்பிடத் தக்க திரைப்படங்கள்
[தொகு] குறிப்புகளும் மேற்கோள்களும்
- ↑ "நாட்டியப் பேரொளி பத்மினி மறைவு", பிபிசி, 26 செப்டம்பர், 2006. 2006-11-08 அன்று தகவல் பெறப்பட்டது.(தமிழ்)
[தொகு] வெளி இணைப்புக்கள்
- Padmini
- தில்லானா மோகனாம்பாள் திரைக்காட்சிகள்
- நடிகை பத்மினியின் வாழ்க்கைப் பாதை - சூரியன்.காம் கட்டுரை (தமிழில்)
- நாட்டிய பேரொளி பத்மினி மறைவு - BBCகட்டுரை (தமிழில்)
- சென்னையில் பத்மினி உடல் தகனம்-MSN கட்டுரை (தமிழில்)
- பத்மினி நினைவலைலகள் - MSN தமிழ் கட்டுரை (தமிழில்)
|
|||||||||||
