உலக பாரம்பரியக் குழு

யுனெஸ்கோவின் உலக பாரம்பரியக் குழுவிற்கான இலச்சினை

உலக பாரம்பரியக் குழு (World Heritage Committee) உலகின் பல பாகங்களிலும் காணப்படும் யுனெசுக்கோ உலகப் பாரம்பரியக் களங்கள் எவை எனத் தீர்மானிப்பதற்கும், அவற்றை தொடர்ந்தும் பாதுகாப்பதற்கும், உலக பாரம்பரிய சாசனத்தை செயற்படுத்துவதற்கும் பொறுப்பாக இருக்கும் ஒரு அமைப்பாகும். இந்தக் குழுவே, குறிப்பிட்ட களங்கள் தொடர்பான மரபொழுங்குகள் கடைப்பிடிக்கப்படுவதைக் கவனித்துக் கொள்வதுடன், அது தொடர்பான நடைமுறைகளை செயற்படுத்துவதாகவும் இருக்கும். அத்துடன் உலக பாரம்பரிய நிதியத்தின் பயன்பாட்டை வரையறுப்பதுடன், குறிப்பிட்ட ஒரு நாடானது தனது எல்லைக்குள் உள்ள குறிப்பிட்ட பாரம்பரியக் களத்தைப் பாதுகாக்க நிதி உதவி கோரும் பட்சத்தில், அதனை உலக பாரம்பரிய நிதியத்திலிருந்து வழங்குவதற்கும் இக்குழுவே பொறுப்பாக இருக்கும். 21 நாட்டுக் குழுக்கள் கொண்ட இக்குழு நாட்டுக் குழுக்களின் பொது பேரவையால் நான்கு ஆண்டுகளுக்கு ஒருமுறை தேர்ந்தெடுக்கப்படுகிறது.

உலக பாரம்பரிய சாசனத்தின்படி குழுவின் உறுப்பினர் ஒருவர் ஆறு வருடங்களுக்கு தமது பணியில் இருக்கலாம் ஆயினும், பல நாடுகளும் தமது நாட்டின் குழு உறுப்பினரை நான்கு ஆண்டுகள் முடிந்த பின்னர் தாமாகவே விலக்கிக் கொன்டு, ஏனைய நாடுகளுக்கு உறுப்பினராகும் சந்தர்ப்பத்தை வழங்கி வருகின்றன. . 2005 ஆம் ஆண்டு, 15 ஆவது பொதுக் கூட்டத்தில் தெரிவு செய்யப்பட்ட, இக்குழுவிலிருந்த அனைத்து உறுப்பினர்களும் தமது ஆறு ஆண்டு பணிக்காலத்தை நான்கு ஆண்டுகளாக குறைத்துக் கொள்ள முடிவு செய்தனர்.

அமர்வுகள்

உலகப் பாரம்பரியக் குழு, ஏற்கெனவே உள்ள பாரம்பரியக் களங்களின் மேலாண்மை குறித்தும் நாடுகளிலிருந்து பெறப்பட்ட புதியக் களங்களுக்கான பரிந்துரைகளை ஏற்பது குறித்தும் கலந்துரையாட ஆண்டுக்கொருமுறை கூடுகிறது.

அமர்வு	ஆண்டு	நாள்	நடந்த நகரம்	நாட்டுக் குழு
1	1977	27 சூன்–1 சூலை	பாரிசு	பிரான்ஸ்
2	1978	5 செப்டம்பர்–8 செப்டம்பர்	வாஷிங்டன், டி.சி.	ஐக்கிய அமெரிக்கா
3	1979	22 அக்டோபர்–26 அக்டோபர்	கெய்ரோ & லுக்சார்	எகிப்து
4	1980	1 செப்டம்பர்–5 செப்டம்பர்	பாரிசு	பிரான்ஸ்
5	1981	26 அக்டோபர்–30 அக்டோபர்	சிட்னி	ஆஸ்திரேலியா
6	1982	13 திசம்பர்–17 திசம்பர்	பாரிசு	பிரான்ஸ்
7	1983	5 திசம்பர்–9 திசம்பர்	பிளாரென்சு	இத்தாலி
8	1984	29 அக்டோபர்–2 நவம்பர்	புவெனஸ் ஐரிஸ்	அர்ஜென்டினா
9	1985	2 திசம்பர்–6 திசம்பர்	பாரிசு	பிரான்ஸ்
10	1986	24 நவம்பர்–28 நவம்பர்	பாரிசு	பிரான்ஸ்
11	1987	7 திசம்பர்–11 திசம்பர்	பாரிசு	பிரான்ஸ்
12	1988	5 திசம்பர்–9 திசம்பர்	பிரசிலியா	பிரேசில்
13	1989	11 திசம்பர்–15 திசம்பர்	பாரிசு	பிரான்ஸ்
14	1990	7 திசம்பர்–12 திசம்பர்	பான்ஃப்	கனடா
15	1991	9 திசம்பர்–13 திசம்பர்	கார்த்தேஜ்	துனீசியா
16	1992	7 திசம்பர்–14 திசம்பர்	சான்டா ஃபே	ஐக்கிய அமெரிக்கா
17	1993	6 திசம்பர்–11 திசம்பர்	கார்டஜெனா	கொலம்பியா
18	1994	12 திசம்பர்–17 திசம்பர்	பூகெத்	தாய்லாந்து
19	1995	4 திசம்பர்–9 திசம்பர்	பெர்லின்	செருமனி
20	1996	2 திசம்பர்–7 திசம்பர்	மெரிடா	மெக்சிக்கோ
21	1997	1 திசம்பர்–6 திசம்பர்	நேப்பிள்சு	இத்தாலி
22	1998	30 நவம்பர்–5 திசம்பர்	குயோட்டோ	சப்பான்
23	1999	29 நவம்பர்–4 திசம்பர்	மார்ரெகெச்	மொரோக்கோ
24	2000	27 நவம்பர்–2 திசம்பர்	கெய்ர்ன்ஸ்	ஆஸ்திரேலியா
25	2001	11 திசம்பர்–16 திசம்பர்	ஹெல்சிங்கி	பின்லாந்து
26	2002	24 சூன்–29 சூன்	புடாபெஸ்ட்	அங்கேரி
27	2003	30 சூன்–5 சூலை	பாரிசு	பிரான்ஸ்
28	2004	28 சூன்–7 சூலை	சுசூ	சீன மக்கள் குடியரசு
29	2005	10 சூலை–17 சூலை	டர்பன்	தென்னாப்பிரிக்கா
30	2006	8 சூலை–16 சூலை	வில்னியசு	லித்துவேனியா
31	2007	23 சூன்–1 சூலை	கிறைஸ்ட்சர்ச்	நியூசிலாந்து
32	2008	2 சூலை-10 சூலை	குயுபெக் நகரம்	கனடா
33	2009	22 சூன்-30 சூன்	செவைல்	எசுப்பானியா
34	2010	25 சூலை-3 ஆகத்து	பிரசிலியா	பிரேசில்
35	2011	19 சூன்-29 சூன்	பாரிசு	பிரான்ஸ்
36	2012	25 சூன்-5 சூலை	சென் பீட்டர்ஸ்பேர்க்	உருசியா
37	2013	17 சூன்-27 சூன்	புனோம் பென்	கம்போடியா

உறுப்பினர்கள்

யுனெசுக்கோ உலகப் பாரம்பரியக் குழு உறுப்பினர்கள்

உறுப்பினர்	சார்பாளர்	குறிப்புகள்
அல்ஜீரியா
கம்போடியா
கொலம்பியா
எஸ்தோனியா
எதியோப்பியா
பிரான்ஸ்		உதவித்-தலைவர்
செருமனி
இந்தியா
ஈராக்
சப்பான்
மலேசியா		உதவித்-தலைவர்
மாலி
மெக்சிக்கோ	பியாட்ரிட்சு எர்னான்டெசு நர்வேசு	ஒருங்கிணைப்பாளர்/உதவி-தலைவர்
கத்தார்
உருசியா	மித்ரோபனோவா எலெனோரா	அவைத்தலைவர்
செனகல்
செர்பியா
தென்னாப்பிரிக்கா		உதவித்-தலைவர்
சுவீடன்
சுவிட்சர்லாந்து
தாய்லாந்து
ஐக்கிய அரபு அமீரகம்		உதவித்-தலைவர்
மொத்தம்	21

வெளி இணைப்புகள்

• UNESCO World Heritage portal — Official website (ஆங்கிலம்) and (பிரெஞ்சு)
• The World Heritage List — Official searchable list of all Inscribed Properties