மேலாண்மை பொன்னுசாமி
மேலாண்மை பொன்னுச்சாமி | |
|---|---|
 2006இல் பொன்னுச்சாமி | |
| பிறப்பு | மேலாண்மறைநாடு |
| இறப்பு | (அகவை 66) சென்னை |
| தொழில் | எழுத்தாளர் |
| குறிப்பிடத்தக்க விருதுகள் | சாகித்திய அகாதமி விருது 2017 |
மேலாண்மை பொன்னுசாமி (1951 - 30 அக்டோபர் 2017) தமிழக சிறுகதை, மற்றும் புதின எழுத்தாளர்.[1] இவர் எழுதிய மின்சாரப்பூ என்ற சிறுகதைத் தொகுப்பு நூல் 2007 ஆண்டிற்கான சாகித்திய அகாதமி விருதைப் பெற்றது.[2][3]
வாழ்க்கைச் சுருக்கம்
[தொகு]விருதுநகர் மாவட்டம் மேலாண்மறைநாடு என்ற கிராமத்தில் பிறந்தவர் பொன்னுசாமி. ஏழைக் குடும்பத்தில் பிறந்த இவர் வறுமையின் காரணமாக 5-ம் வகுப்புக்கு மேல் படிக்க முடியவில்லை.
இவருக்கு 10 வயதானபோது தந்தை இறந்துவிட்டார். அப்போதே குடும்பப் பொறுப்பு முழுவதையும் ஏற்றுக்கொண்டார். சகோதரர் கரிகாலனுடன் சேர்ந்து கூட்டுக் குடும்பமாகவே வசித்தார். கிராமத்தில் உள்ள சிறிய மளிகைக் கடையை நடத்தி வந்தார். இவருக்கு மனைவி பொன்னுத்தாய் மற்றும் 2 மகள்கள், 1 மகன்.
5ஆம் வகுப்புக்கு மேல் படிக்க முடியாவிட்டாலும் நூல்களை வாசிப்பதை இவர் நிறுத்தவில்லை. குறிப்பாக இலக்கிய நூல்களை அதிகம் படித்தார். இடதுசாரி இலக்கிய அமைப்புகளுடன் ஏற்பட்ட தொடர்பால் இவர் எழுதத் தொடங்கினார்.
மேலாண்மை பொன்னுசாமி 36 புத்தகங்களை எழுதியுள்ளார். இவற்றில் 22 சிறுகதைத் தொகுப்புகள்; 6 நாவல்கள்; 6 குறுநாவல் தொகுப்புகள் ஆகியவை அடங்கும். ஒரு கட்டுரைத் தொகுப்பையும் எழுதினார்.
இவரது கதைகள் பல்வேறு இலக்கிய பத்திரிகைகள் மட்டுமின்றி, ஜனரஞ்சக பத்திரிகைகளிலும் வெளியாகின.
தமிழ்நாடு முற்போக்கு எழுத்தாளர் சங்கத்தை தொடங்கியதில் முக்கியப் பங்கு வகித்த இவர் அச்சங்கத்தின் பொதுச் செயலாளராக இருந்தார். இவரது புனைப்பெர்கள் அன்னபாக்கியன், அன்னபாக்கியச்செல்வன், ஆமார்நாட்டான்.
மறைவு
[தொகு]எழுத்தாளர் மேலாண்மை பொன்னுசாமி உடல்நலக் குறைவால் பாதிக்கப்பட்டிருந்த நிலையில் 2017 அக்டோபர் 30 அன்று சென்னையில் காலமானார்.[4]
முக்கிய சிறுகதைத் தொகுப்புகள்
[தொகு]- சிபிகள்
- பூக்காத மாலை
- பூச்சுமை
- மானுடப் பிரவாகம்
- காகிதம்
- கணக்கு
- மனப் பூ
- தழும்பு
- தாய்மதி
- உயிர்க்காற்று
- என்கனா
- மனப்பூ
- ஒருமாலைப் பூத்து வரும்
- அன்பூவலம்
- வெண்பூமனம்
- மானாவாரிப்பூ
- இராசாத்தி
குறுநாவல்
[தொகு]- ஈஸ்வர...
- பாசத்தீ
- தழும்பு
- மரம்
- கோடுகள்
நாவல்
[தொகு]- முற்றுகை
- அச்சமே நரகம்
- ஆகாய சிறகுகள்; 1995இல் கல்கியில் வெளிவந்த தொடர்.
- மின்சாரப்பூ
- ஊர்மண்
- முழுநிலா
பரிசுகள்
[தொகு]- 2007 சாகித்திய அகாதமி விருது
- கல்கி சிறுகதை போட்டியில் இரண்டு முறை முதல் பரிசு
- தமிழ் அரசி சிறுகதை போட்டியில் முதல் பரிசு
- ஆனந்த விகடன் பவழ விழா ஆண்டில் முத்திரை பரிசுகள் உள்ளிட்ட பல பரிசுகள்
விருதுகள்
[தொகு]- மனப் பூ தொகுப்புக்கு தமிழக அரசின் இலக்கிய விருது
- வட அமெரிக்கத் தமிழ் சங்கப் பேரவையின் "மாட்சிமைப் பரிசு" என்ற கேடயம்.
- உயிர்க் காற்று தொகுப்புக்கு பாரத ஸ்டேட் வங்கியின் இலக்கிய விருது உள்ளிட்ட ஏராளமான விருதுகள்.
சிறப்புகள்
[தொகு]- சிபிகள் தொகுப்பு மதுரை காமராஜர் பல்கலைக் கழகத்தில் பாட நூலாக இடம் பெற்றது.
- பாட்டையா சிறுகதை பணிரெண்டாடம் வகுப்பு பாடமாக இடம்பெற்றது.
- 10க்கும் மேற்பட்டோர் இவரது படைப்புகளை ஆய்வு செய்து 10க்கும் மேற்பட்டோர் எம்.பில் பட்டம் பெற்றது. நான்கு பேர் முனைவர் பட்டம் பெற்றது.
நாட்டுடைமை
[தொகு]இவரது நூல்கள் 2018ஆம் ஆண்டு தமிழ்நாட்டு அரசால் நாட்டுடைமை யாக்கப்பட்டது.[5]
மேற்கோள்கள்
[தொகு]- ↑ "The novelist who captures the rural life in its pristine form". The Hindu. Archived from the original on 2009-02-01. Retrieved 22 திசம்பர் 2013.
- ↑ "Book on culture of Marxists politicians". The Hindu. Archived from the original on 2010-10-11. Retrieved 22 திசம்பர் 2013.
- ↑ "Tributes paid to Dr. Reddy". The Hindu. Archived from the original on 2009-08-11. Retrieved 22 திசம்பர் 2013.
- ↑ எழுத்தாளர் மேலாண்மை பொன்னுசாமி காலமானார், தி இந்து
- ↑ "எழுத்தாளர் மேலாண்மை பொன்னுச்சாமி, முனைவர்கள் தமிழ்க்குடிமகன், பொன்.சவுரிராசன் ஆகியோரின் நூல்கள் நாட்டுடைமையாக்கப்படும் என்று தமிழ் வளர்ச்சித் துறை". தினமணி. 14 சூன் 2018. Retrieved 2025-04-18.
வெளி இணைப்புகள்
[தொகு]- எழுத்தாளர் மேலாண்மை பொன்னுசாமிக்கு சாகித்ய அகாடமி விருது[தொடர்பிழந்த இணைப்பு]
- மேலாண்மை பொன்னுசாமிக்கு சாகித்திய அகாடமி விருது
- சமரசமற்ற போர்குணம் மிக்கப் படைப்புகளே எனது லட்சியம்: மேலாண்மை பொன்னுச்சாமி கீற்று
- தீண்டிய தீ மேலாண்மை பொன்னுச்சாமி சூத்திரம் பரணிடப்பட்டது 2013-02-14 at the வந்தவழி இயந்திரம்