மு. மேத்தா

கட்டற்ற கலைக்களஞ்சியமான விக்கிப்பீடியாவில் இருந்து.
(மு.மேத்தா இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
மு. மேத்தா
பிறப்பு முகமது மேத்தா
செப்டம்பர் 5, 1945(1945-09-05)
பெரியகுளம், தமிழ்நாடு,  இந்தியா
தொழில் கவிஞர்
பாடலாசிரியர்

மு. மேத்தா (முகமது மேத்தா, பிறப்பு: செப்டம்பர் 5, 1945) பெரியகுளத்தில் பிறந்தார். இவர் சென்னை மாநிலக்கல்லூரியில் தமிழ்ப் பேராசிரியராகப் பணியாற்றி ஓய்வு பெற்றவர். புதுக்கவிதைக்கு ஏற்றம் தந்த கவிஞர்களுள் இவரும் ஒருவராவார்.

உவமை உருவகங்களில் பழமையையும் புதுமையையும் இணைத்த மு.மேத்தா, வளமான கற்பனை, எளிய நடை, எளிய சொல்லாட்சி, மனித உணர்வுகளின் படப்பிடிப்புகளால் மக்கள் உள்ளத்தைக் கவர்ந்தவர். இவரைப் பின்பற்றி இளைஞர்கள் பலர் கவிதை எழுத ஆர்வம் கொண்டனர். இவரது முதற் கவிதைத்தொகுப்பு கண்ணீர்ப் பூக்கள். காதல் சோகமும், தமிழ்த் தாகமும் இழையோடும் அவரது கவிதைகள் அவ்வப்போது கூர்மையான சமூக விமர்சனங்களிலும் இறங்குவதுண்டு. சமூக விமர்சனத் தொனியில் அமைந்த "தேச பிதாவுக்கு ஒரு தெருப் பாடகனின் அஞ்சலி" என்ற கவிதை மு.மேத்தாவுக்கு புகழ் தேடித் தந்த கவிதை ஆகும். மரபுக்கவிதைகள், புதுக்கவிதைகள், சிறுகதை, நாவல், கட்டுரைகள் முதலியவற்றைப் படைப்பதிலும் வல்லவரான மு. மேத்தா அத்துறைகளில் பதினைந்திற்கும் மேற்பட்ட நூல்களை வெளியிட்டுள்ளார். அவருடைய நூல்களுள் "ஊர்வலம்" தமிழக அரசின் முதற்பரிசினைப் பெற்ற கவிதை நூலாகும். இவரது "சோழ நிலா" என்னும் வரலாற்று நாவல் ஆனந்த விகடன் இதழ் நிகழ்த்திய பொன்விழா இலக்கியப் போட்டியில் முதல் பரிசு பெற்றது ஆகும். இவர் திரைப்படத் துறையிலும் பாடல்கள் எழுதி வருகிறார்.

"நான் வெட்ட வெட்டத் தழைப்பேன்

இறப்பினில் கண் விழிப்பேன்

மரங்களில் நான் ஏழை

எனக்கு வைத்த பெயர் வாழை"

போன்ற வரிகள் இவர் போக்கினைக் காட்டும்.

"வானம்பாடி" என்ற புதுக்கவிதை ஏட்டின் வாயிலாக அறிமுகம் ஆன கவிஞர்களுள் மு.மேத்தா முன்னணியில் நிற்பவர்.

படைப்புக்கள்[தொகு]

கவிதை நூல்கள்[தொகு]

  1. கண்ணீர்ப் பூக்கள்
  2. மனச் சிறகு (1978)
  3. ஊர்வலம்
  4. திருவிழாவில் ஒரு தெருப்பாடகன்
  5. நந்தவன நாட்கள்
  6. வெளிச்சம் வெளியே இல்லை
  7. ஆகாயத்துக்கு அடுத்த வீடு
  8. மு.மேத்தா கவிதைகள்
  9. ஒற்றைத் தீக்குச்சி
  10. என் பிள்ளைத் தமிழ்
  11. புதுக்கவிதைப் போராட்டம் (2004)
  12. பித்தன்

கட்டுரை நூல்கள்[தொகு]

  1. திறந்த புத்தகம்

நாவல்கள்[தொகு]

  1. சோழ நிலா

சிறுகதை தொகுப்புகள்[தொகு]

  • கிழித்த கோடு
  • மு.மேத்தா சிறுகதைகள்
  • பக்கம் பார்த்து பேசுகிறேன் (2008)

பரிசுகளும் விருதுகளும்[தொகு]

  • "ஊர்வலம்" (கவிதை நூல்) தமிழக அரசின் முதற்பரிசு
  • "சோழ நிலா" (நாவல்) ஆனந்த விகடன் பொன்விழா இலக்கியப் போட்டியில் முதல் பரிசு

திரைப்படப் பட்டியல்[தொகு]

ஆண்டு திரைப்படம் இசையமைப்பாளர் குறிப்பு
1981 அனிச்சமலர் சங்கர் கணேஷ் முதல் திரைப்படம்
1982 ஆகாய கங்கை இளையராஜா தேனருவியில் நனைந்திடும் மலரோ
1985 நான் சிகப்பு மனிதன் இளையராஜா பெண் மானே சங்கீதம்
1985 இதயக் கோயில் இளையராஜா யார் வீட்டில் ரோஜா
1985 உதயகீதம் இளையராஜா பாடு நிலாவே
1985 உன்னை விடமாட்டேன் ஞாயிறு ஒளி மழையில்
1986 மரகத வீணை இளையராஜா
1987 ரெட்டை வால் குருவி இளையராஜா ராஜராஜ சோழன் நான்
1987 வேலைக்காரன் இளையராஜா அனைத்து பாடல்களும்
1988 தாய்ப்பாசம் சந்திரபோஸ்
1989 ௭ம்புருஷன்தான் ௭னக்குமட்டுந்தான் இளையராஜா
1990 கேளடி கண்மணி இளையராஜா கற்பூர பொம்மையொன்று
1992 உன்னை வாழ்த்தி பாடுகிறேன் இளையராஜா
1994 பிரியங்கா இளையராஜா
1996 பூமணி இளையராஜா
1997 சூரிய வம்சம் எஸ். ஏ. ராஜ்குமார் நட்சத்திர சன்னலில்
1998 கும்பகோணம் கோபாலு இளையராஜா
1999 ராஜஸ்தான் இளையராஜா
2000 பாரதி இளையராஜா
2001 காசி இளையராஜா
2002 இவன் இளையராஜா
2010 நந்தலாலா இளையராஜா

வெளிஇணைப்புகள்[தொகு]

மேற்கோள்கள்[தொகு]

"https://ta.wikipedia.org/w/index.php?title=மு._மேத்தா&oldid=2151774" இருந்து மீள்விக்கப்பட்டது