படியெடுப்பு

கட்டற்ற கலைக்களஞ்சியமான விக்கிபீடியாவில் இருந்து.

ஆணின் விந்தும் பெண்ணின் முட்டையும் கலப்பின் போது இணைவதால் உருவாகும் தனிக்கலமே பின்னர் பெருக்கமடைந்து முழு உயிராக பிரசவமாகிறது. இது விலங்குகளின் பொதுவான இயற்கை கருத்தரிப்பாகும். இவ்வாறான கருத்தரிப்பின் போது தாயினதும் தந்தையினதும் இணைந்த குணங்களும் தோற்றங்களும் மரபு வழியாக குழந்தைக்கு கடத்தப்படுகிறது.

படியெடுப்பு (cloning) இனப்பெருக்கம் எனும் போது கலப்பின் மூலமாக உருவாகும் உயிர்க்கலம் போலல்லாமல் நேரடியாக முதலாமவரின் உயிர்க்கலமொன்றை அவரின் உடலின் ஏதேனுமோர் பகுதியிலிருந்து பிரித்தெடுத்து அடுத்ததோர் பெண்ணின் கருவறையினுள் கருக்கட்டச் செய்வதாகும். இதனால் கருவைச் சுமக்கும் பெண்ணின் பரம்பரை அம்சங்களில் எதுவும் வாரிசுக்கு கடத்தப்படாது.மாறாக 100 வீதமும் முதலாமவரைப் ஒத்த உயிராகவே வளரும்.

பொருளடக்கம் 1 படியெடுப்பு இனப்பெருக்கத்தின் அடிப்படை 2 டொலி உருவாக்கம். 3 சமூக சர்ச்சைகள் 4 இவற்றையும் பார்க்க

[தொகு] படியெடுப்பு இனப்பெருக்கத்தின் அடிப்படை

கருவறையில் உருவாகும் முதல் நுகக்கலமே பின்னர் ஒன்றையொன்று முற்றிலும் ஒத்த இயல்புடைய உயிர்க்கலங்களை இனப்பெருக்கம் செய்கிறது. இச்செயற்பாடு கருவறை, பிரசவம் என தொடங்கி மரணம் வரையும் பயணிக்கிறது. உதாரணத்திற்கு கிள்ளி எடுக்கப்படும் நுண்ணிய சதையில் உள்ள ஆயிரக்கணக்கான உயிர்க்கலங்களில் ஒன்றை ஆராய்ச்சிக்குட்படுத்தும் போது அது, ஆணின் விந்தணுவும் பெண்ணின் முட்டையும் இணைந்து உருவான முதல் நுகக்கலத்தை முற்றிலும் ஒத்திருப்பதை காணலாம். இவ்வாறு ஒவ்வொரு உயிர்க்கலமும் நுகக்கலத்தின் அனைத்து இயல்புகளையும் கொண்டிருந்தாலும் அவைகள் வெவ்வேறு தொழில்களை செய்யுமாறே இசைவாக்கமடைந்துள்ளன. மாற்றமாக ஒரு தொகுதியிலுள்ள உயிர்க்கலம் அடுத்த தொகுதியிலுள்ள வேலைகளை செய்வதில்லை. (குடற்கலங்கள் நாவுக்கலங்களின் வேலைகளை செய்வதில்லை)

• நுகக்கலத்தை முற்றிலும் ஒத்தவைகளே சகல உயிர்க்கலங்களும் என்பதால் அனைத்து உயிர்க்கலங்களும் அனைத்து தொழில்களையும் செய்யக்கூடியதாகவே இருக்கவேண்டும் என்ற அனுமானமே படியெடுப்பு இனப்பெருக்கம்(Cloning) எனும் எண்ணத்திற்கு வழியமைத்தது.

உடலின் ஏதேனுமோர் பகுதியில் சீராக இயங்கிக்கொண்டிருக்கும் உயிர்க்கலமொன்றைதூண்டலுக்குள்ளாக்கி மீண்டும் நுகக்கலமாக மாற்ற முடியும் என்பதுவே படியமுறை இனப்பெருக்கத்தின் அடிப்படை. அதாவது "X என்ற நபரின் ஏதேனும் பகுதியிலிருந்து பெறும் நுண்ணிய சதையிலிருந்து (கலத்திலிருந்து) இன்னுமொரு X என்ற நபரை உருவாக்கலாம்" என்ற கருதுகோளிலேயே ஆராய்ச்சிகளை விஞ்ஞானம் மேற்கொண்டு வந்தாலும் இன்னுமும் இந்த அடிப்படை முயற்சியில் வெற்றி கிடைக்கவில்லை.

படியமுறை இனப்பெருக்கத்தின் வெற்றியாக தற்போது அறியப்படுவது,ஒரு உயிரினத்தின் உடலிலிருந்து நுகக்கலத்தின் தொழில்களை செய்வதற்கு இசைவாக்கமடந்த உயிர்க்கலமொன்றை சிறப்பாக தேடிப்பெற்று அதன் கருவை(பரம்பரை தகவல்கள் சேமிக்கப்பட்டுள்ள இடம்.) நீக்கி சாதாரண உயிர்க்கலமொன்றின் கருவை அதனுள் செலுத்தி கருவறையினுள் வளரச்செயும் முறையே ஆகும்.(தொடரும் காலங்களில் அடிப்படை அனுமானத்தில் வெற்றி ஏற்படலாம்.)

[தொகு] டொலி உருவாக்கம்.

பெண் செம்மறியாடொன்றின் நுகக்கலத்தை ஒத்த கலமொன்று அதன் சினை முட்டைக் கூட்டத்திலிருந்து கண்டு பிடிக்கப்பட்டது. பின்னர் அதன் கரு நீக்கப்பட்டு உடலின் வேறோர் பகுதியிலிருந்து பெறப்பட்ட உயிர்க்கலமொன்றின் கரு அதனுள் செலுத்தப்பட்டது. இவ்வாறு உருவாக்கப்பட்ட நுகக்கலம் அதே செம்மறியாட்டின் கருவறைக்குள்ளேயே வளர்க்கப்பட்டது. இதனால் ஆணின் துணை இல்லாமல் 100 வீதமும் தாயை ஒத்த உயிரின் உருவாக்கம் சாத்தியமானதை விஞ்ஞான உலகம் நிரூபித்துக்காட்டியது.

[தொகு] சமூக சர்ச்சைகள்

படியெடு உயிரித்தொழில்நுட்பம் பல சீரிய சமூக சர்ச்சைகளை, கேள்விகளை முன்வைத்துள்ளது.

• இயற்கையாக நடைபெறும் இனப்பெருக்க முறைகளுடன் இடையூறு செய்வது எவ்வகை பின் விளைவுகளை ஏற்படுத்தும்?
• ஒரு பெண் தனது உயிர்க்கலத்தை கொண்டே ஆணின் தேவையின்றி தனது குழந்தையை உருவாக்கிகொள்லாம், அப்படியானால் ஆண்களின் தேவை என்ன?
• ஒரு ஆணின் உயிர்க்கலத்தை ஒரு பெண்ணின் முட்டையில் படியெடுத்து, பின்னர் இன்னொரு பெண்ணின் மூலம் குழந்தை பெற செய்தால், குழந்தைக்கு எத்தனை பெற்றோர்? குழந்தை யாருக்கு சொந்தம்?

[தொகு] இவற்றையும் பார்க்க

• உயிர்க்கலம்
• குருத்துத் திசுள்

மரபியல் உட்பிரிவுகள்
செம்மரபியல் | சூழல் மரபியல் | மூலக்கூறு மரபியல் | உயிர்த்தொகை மரபியல் | Quantitative genetics
Related topics: Genomics | Reverse genetics

பொதுவான உயிரியல் உட்பிரிவுகள்
உள்ளமைப்பு (விலங்கியல்) | வான் உயிரியல் | உயிர்வேதியியல் | Bioinformatics | தாவரவியல் | திசுள் உயிரியல் | சூழலியல் | வளர் உயிரியல் | பரிணாம உயிரியல் | மரபியல் | Genomics | கடல் உயிரியல் | மனித உயிரியல் | நுண்ணுயிரியல் | மூலக்கூறு உயிரியல் | உயிர்த்தோற்றம் | தொல்லுயிர் எச்சவியல் | ஒட்டுண்ணியியல் | உடலியங்கியல் | வகைபாட்டியல் | விலங்கியல்

ar:استنساخ

bg:Клониране bn:ক্লোনিং bs:Kloniranje ca:Clonació cs:Klonování da:Kloning de:Klonen el:Κλωνοποίηση en:Cloning eo:Klonado es:Clonación fa:همتاسازی fi:Kloonaus fr:Clonage gl:Clonación he:שיבוט hr:Kloniranje ia:Clonage id:Kloning it:Clonazione (genetica) ja:クローニング jbo:mivyfu'i ka:კლონირება ml:ക്ലോണിംഗ് nl:Klonen no:Kloning pl:Klonowanie pt:Clonagem ru:Клонирование (биотехнология) sh:Kloniranje sr:Клонирање su:Kloning sv:Kloning tr:Klonlama ur:تنسیل zh:克隆