பெண்
பெண் என்னும் சொல் பல பொருள்களில் பயன்படுகின்றது. பால் பகுப்பில் பெண் பால் எல்லா உயிரினங்களினதும் பெண் பாலாரை வயது வேறுபாடின்றிக் குறிக்கப் பயன்படுகின்றது.
பொருளடக்கம் |
தாவரங்களிலும் விலங்குகளிலும் பெண் என்னும் சொல் [தொகு]
பெண் பனை, ஆண் பனை என்று தாவரங்களிலும், பெண் யானை ஆண் யானை என்று விலங்குகளிலும் பெண் என்னும் சொல் பெண் பாலைக் குறிக்கப் பயன்படுகின்றது.
வயது வேறுபாடு இல்லா சொற்கள் [தொகு]
மனித இனத்திலும், பெண்ணுரிமை, பெண்ணியம் போன்ற சொற்கள் வயது வேறுபாடு இன்றி எல்லாப் பெண்களையும் குறிப்பதையும் கவனிக்கலாம். எனினும் பொது வழக்கில் பெண் எனும்போது அது வளர்ச்சியடைந்த மனித இனத்துப் பெண்பாலாரையே பெரும்பாலும் குறிக்கும். இக் கட்டுரை அப்பொருளிலேயே எழுதப்பட்டுள்ளது.
வயதும் பெண்களைக் குறிக்கும் சொற்களும் [தொகு]
தமிழில், மனிதப் பெண்களின் பல்வேறு பருவங்களைக் குறிக்க வெவ்வேறான சொற்கள் இருந்தன எனினும் தற்போது இத்தகைய சொற்கள் பயன்பாட்டில் இல்லை.
- பேதை (07 வயதுக்குக் கீழ்)
- பெதும்பை(07 - 11 வயது)
- மங்கை(11 - 13 வயது)
- மடந்தை(13 - 19 வயது)
- அரிவை(19 - 25 வயது)
- தெரிவை(25 - 31 வயது)
- பேரிளம்பெண்(31 - 40வயது)
இப் பிரிவுகள் உடலியல் மாற்றங்களையும், சமுதாய நிலைகளையும் அடிப்படையாகக் கொண்டவை.
நிலைகள் --- சிறுமி-கன்னி-பெண் [தொகு]
இவை தவிர சிறுவயதுப் பெண்ணைப் பொதுவாகச் சிறுமி என்றும், திருமணம் ஆகாத பெண்களைக் கன்னி என்றும் குறிப்பது உண்டு. பொதுவாகச் சிறுமி நிலையைத் தாண்டியவர்கள் பெண்கள் எனலாம்.
