வல்லாரை

வல்லாரை
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்குந்தாவரம்
தரப்படுத்தப்படாத:	மெய்யிருவித்திலையி
தரப்படுத்தப்படாத:	Asterids
வரிசை:	Apiales
குடும்பம்:	Mackinlayaceae
பேரினம்:	Centella
இனம்:	C. asiatica
இருசொற் பெயரீடு
Centella asiatica (லி.) உர்பான்
வேறு பெயர்கள்
Hydrocotyle asiatica லி. Trisanthus cochinchinensis லொரைரோ.

வல்லாரை சாறு

வல்லாரை (Centella asiatica) அல்லது சரஸ்வதி கீரை (Asiatic pennywort, Indian pennywort) ஒரு மருத்துவ மூலிகைப் பயன்பாடுடைய கீரை வகைத்தாவரமாகும். ஆசியா, ஆஸ்திரேலியா போன்ற பகுதிகளுக்கு உரியதாகும்.

வாழிடம்

இது நீர் நிறைந்த பகுதிகளில் தானாக வளரும் தாவரம். இதன் இலைப்பகுதிகள் உணவாகப் பயன் படுவதால் இத்தாவரம், கீரையினங்களுள் அடங்கும்.

வல்லமை மிக்க கீரை, சரசுவதிக் கீரை

வல்லமை மிக்க கீரை என்பதால் வல்லாரை எனப்பெயர் பெற்றது. சரசுவதிக் கீரை யென்றும் அழைக்கின்றனர்.

சத்துக்கள்

இக்கீரையில் இரும்புச்சத்து, சுண்ணாம்புச்சத்து, உயிர்சத்து 'எ', உயிர்சத்து 'சி' மற்றும் தாதுஉப்புக்கள் ஏராளமாக அடங்கியுள்ளன. இரத்தத்திற்கு தேவையான சத்துக்களை, சரிவிகித அளவில் கொண்டுள்ளது.

மூளை நன்கு செயல்படத் தேவையான ஊட்டச்சத்துக்களை, தகுந்தமுறையில் பெற்றிருக்கிறது. எனவே தான், இதனை சரசுவதிக் கீரை யென்றும் அழைக்கின்றனர்.

மருத்துவ குணங்கள்

• இரத்த சுத்திகரிப்பு வேலையைச் செவ்வனே செய்யும்.
• உடல்புண்களை ஆற்றும், வல்லமைக் கொண்டது.
• தொண்டைக்கட்டு, காய்ச்சல், உடற்சோர்வு, பல்நோய்கள் மற்றும் படை போன்ற தோல் நோய்களை வேரறுக்கும் வல்லமைக் கொண்டது.
• மனித ஞாபகசக்தியை வளர்க்கும் வல்லமை கொண்டது.
• இதனைக் கொண்டு பல்துலக்கினால், பற்களின் மஞ்சள் தன்மை நீங்கும்.
• சளி குறைய உதவுகிறது.

உண்ணும் முறை

• காலைவேளையில், பறித்த சில மணி நேரங்களில், பச்சையாக நன்கு மென்று விழுங்கி வந்தால், மூளை மிகுந்த செயலாற்றல் பெறும்.
• காலைவேளையில், பறித்த சில மணி நேரங்களில், ஒரு கைப்பிடியளவுக் கீரையைப் பச்சையாக நன்கு மென்று விழுங்கிய பின், பசும்பால் உண்டு வர, மாலைக்கண் நோய் குணமாகும்.
• காலைவேளையில், பறித்த சில மணி நேரங்களில் மிளகுடன் உண்டு வர உடற்சூடு தணியும்.

• இக்கீரையை, தினமும் சமைத்து உண்ணலாம். இதன் சத்துக்கள் முழுமையாகக் கிடைக்க, சித்த மருத்துவம் கீழ்கண்டவற்றை உரைக்கிறது.

• இதனை உண்ணும் காலங்களில் மாமிச உணவுகள், அகத்திக் கீரை, பாகற்காய் ஆகியவற்றினை உண்ணக்கூடாது.
• புளி மற்றும் காரத்தினை மிகக் குறைவாகவே உண்ண வேண்டும்.
• சிறுவர் அடிக்கடி உண்ணுதல் மிக்க நல்லது.
• இக்கீரையை, சித்த மருத்துவர்கள் லேகியம், சூரணம், மாத்திரை போன்ற வடிவங்களில் பக்குவப்படுத்தி பயன்படுத்துகிறார்கள்.

வெளியிணைப்புகள்

1. நூலகம் தளத்தின் வல்லாரை குறித்த மின்நூல் பக்கம்
2. தமிழ்வாணனின் வல்லாரை(பிரம்மி) குறித்த விளக்கப் பக்கம்
3. ஆறாம்திணை இணையத்தளபக்க விவரங்கள்
4. தூயாவின் வல்லாரைச் சமையலறை விளக்க பக்கம்
5. தமிழ்குடும்பத்தின் சமையல் வல்லாரை சம்பல்