புளிச்சக்கீரை

புளிச்சகீரை
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்கும் தாவரம்
தரப்படுத்தப்படாத:	ஒருவித்திலையி
தரப்படுத்தப்படாத:	ரோசிதுகள்
வரிசை:	Malvales
குடும்பம்:	மால்வேசியே
பேரினம்:	Hibiscus
இனம்:	H. cannabinus
இருசொற் பெயரீடு
Hibiscus cannabinus L
வேறு பெயர்கள்
Abelmoschus congener Walp. Abelmoschus verrucosus Walp. Furcaria cannabina Ulbr. Furcaria cavanillesii Kostel. Hibiscus malangensis Baker f. Hibiscus vanderystii De Wild. Hibiscus vitifolius Mill. no. illeg.

புளிச்சகீரை (அல்லது) புளிச்சைக்கீரை (Kenaf (or) HIBISCUS SURATTENSIS) இது மால்வேசியே குடும்பத்தைச் சார்ந்த செம்பருத்தி இனத்தாவரம் ஆகும். இதிலிருந்து கிடைக்கும் இழை கொண்டு புளிச்சைநார்க் கயிறு திரிக்கப்படுகிறது. பொதுவாக இந்தியப் பகுதிகளில் அதிக அளவு காணப்படுகிறது.

உணவுப் பயன்பாடு

இந்தியா முழுவதும் புளிச்ச கீரை உணவுக்கு பயன்படுத்தப்படுகிறது என்றாலும். ஆந்திரப் பிரதேசத்தில் மிகுதியாகப் பயன்படுத்தப்படுகிறது. ஆந்திரப் பகுதியில் புளிச்சக்கீரை கோங்குரா என்ற பெயரில் புகழ்பெற்றதாக உள்ளது. அங்கு கோங்குரா சட்னி, துவையல், பச்சடி, ஊறுகாய், ஜாம் போன்ற தொடு உணவு வகைகளும், கோங்குரா சோறு, கோங்குரா புளியோதரை, கோங்குரா பருப்புச்சோறு, போன்றவையாகவும் பிரபலமாக பயன்படுத்தப்படுகின்றன. உணவுப் பொருட்களுக்கு இயற்கை நிறமூட்டியாக புளிசக்ச்கீரை பயன்படுத்தப்படுகிறது.