வின்ஸ்டன் சர்ச்சில்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
பெருமதிப்புக்குரிய
 சர் வின்சன்ட் சர்ச்சில் 
KG OM CH TD FRS PC PC (Can)


பதவியில்
26 அக்டோபர் 1951 – 7 ஏப்ரல் 1955
அரசர் ஐக்கிய இராச்சியத்தின் ஆறாம் ஜார்ஜ்
ஐக்கிய இராச்சியத்தின் இரண்டாம் எலிசபெத்
அந்தோனி ஈடன்
முன்னவர் கிளமன்ட் அட்லி
பின்வந்தவர் அந்தோனி ஈடன்
பதவியில்
10 மே 1940 – 27 ஜூலை 1945
அரசர் ஐக்கிய இராச்சியத்தின் ஆறாம் ஜார்ஜ்
Deputy கிளமன்ட் அட்லி
முன்னவர் நெவிலி சாம்பர்லின்
பின்வந்தவர் கிளமன்ட் அட்லி

பிரிட்டனின் நிதியமைச்சர்
பதவியில்
6 நவம்பர் 1924 – 4 ஜூன் 1929
பிரதமர் ஸ்டான்லி பால்ட்வின்
முன்னவர் பிலிப் ஸ்நோவ்டன்
பின்வந்தவர் பிலிப் ஸ்நோவ்டன்

உள்துறைச் செயலாளர்
பதவியில்
19 பிப்ரவரி 1910 – 24 அக்டோபர் 1911
பிரதமர் ஹெர்பர்ட் ஹென்றி அஸ்குயிட்
முன்னவர் ஹெர்பர்ட் கிளாட்ஸ்டோன்
பின்வந்தவர் ரெஜினால்ட் மெக்கெனா
அரசியல் கட்சி கன்சர்வேட்டிவ் கட்சி (ஐ.இரா)
(1900–1904, 1924–1964)
லிபரல் கட்சி (1904–1924)

பிறப்பு நவம்பர் 30, 1874(1874-11-30)
பெலன்ஹெய்ம், ஆக்ஸ்போர்ட்ஷயர்,
இங்கிலாந்து, ஐக்கிய இராச்சியம்
இறப்பு ஜனவரி 24, 1965 (அகவை 90)
ஹைட் பூங்கா, இலண்டன்,
இங்கிலாந்து, ஐக்கிய இராச்சியம்
சமாதி செயின்ட் மார்ட்டின் (சர்ச்)ஆலயம், பிலாடன், இங்கிலாந்து.
தேசியம் ஐக்கிய இராச்சியம்,பிரிட்டிஷ்.
வாழ்க்கைத்
துணை
கிளமன்டைன் சர்ச்சில்
உறவுகள் பமீலா ஹேரிமன், மருமகள்
பிள்ளைகள் டயானா சர்ச்சில்
ரான்டல்ப் சர்ச்சில்
சாரக் டச்சட் ஜெஸ்ஸன்
மேரிகோல்ட் சர்ச்சில்
மேரி சோம்ஸ்
இருப்பிடம் 10 டவுனிங் வீதி (உத்தியோகப்பூர்வமான இல்லம்)
சார்ட்வெல் (தனி இல்லம்)
பயின்ற கல்விசாலை ஹேரோ பள்ளி, சாண்டர்ஸ்ட் இராயல் இராணுவக் கல்விக்கழகம்
துறை பாராளுமன்ற உறுப்பினர், ஆட்சி வல்லுநர், இராணுவ வீரர், பத்திரிகையாளர், வரலாற்றியலாளர், நூலாசிரியர், வரைவாளர்
கையொப்பம் வின்ஸ்டன் சர்ச்சில்'s signature

சர் வின்ஸ்டன் லியோநார்ட் ஸ்பென்சர் சர்ச்சில் (Sir Winston Leonard Spencer-Churchill) (நவம்பர் 30, 1874 - ஜனவரி 24, 1965) என்ற முழுப்பெயர் கொண்ட இவர், சிறப்புப் பட்டயப் பதவிப் பெயர்களான ஆங்கில அரசின் உயர்தளிச் சிறப்பு சின்னம் (Order of Garter-OG), காமன்வெல்த் சிறப்புத் தகை பட்டயம் (காமன்வெல்த்- மக்கள் அதிகாரம் செலுத்தும் அரசமைப்பு) (Order of Merit-OM), பிரித்தானிய-காமன்வெல்த் தனித்துவப் பட்டயம் (Order of Companions Honour-CH), இலண்டன் அரசனுக்குகந்த சமூகப் பட்டயம் (Royal Society -for the Improvement of Natural Knowledge-FRS), கனடா அரசியாரின் ஆலோசகர் (Queen's Privy Council for Canada-PC (Can)), ஆகிய பட்டயங்களையும் கொண்டுள்ளார். இவர் பிரித்தானிய அரசியல்வாதிகளில் மிக முக்கியமானவராவார். ஐக்கிய இராச்சியத்தின் 1940 முதல் 1945 வரை மீண்டும் 1951 முதல் 1955 வரை பிரதமராக பதவி வகித்த சர்ச்சில் இரண்டாம் உலகப்போரில் ஐக்கிய இராச்சியத்தின் பெருமையை உலகுக்கு உணர்த்தியவராக கருதப்படுகிறார்.

சர்ச்சில் மிகச்சிறந்த பேச்சாளர், பிரித்தானிய இராணுவத்தின் அதிகாரி, வரலாற்றியலாளர், அவரது எழுத்திற்காக நோபல் பரிசு பெற்றவர், வரைவாளர் போன்ற சிறப்புப் பெருமைகளையும் கொண்டவர். போர் தந்திரமிக்கவர் என்பதை இராணுவத்தில் பணிபுரிந்தபோதே நிருபித்தவர். இந்தியா, சூடான், இரண்டாம் போயர் போர்களில் களம் கண்டவர். மேற்கு முன்னணியருடன் முதலாம் உலகப்போரில் பிரித்தானியா போர்புரிந்தபோது ராயல் ஸ்காட் பியூசிலர்ஸ் போரின் 6 வது படைப்பிரிவுக்குத் தலைமை தாங்கி அதன் வெற்றியில் பங்கு கொண்டார். தீடீரென தோன்றிய இரண்டாம் உலகப்போரின் போது முதல் கோமகனின் கப்பற்படைத் தலைவராக நிவிலி சாம்பர்லின் பதவி விலகலைத் தொடர்ந்து மே 10., 1940 அன்று நியமிக்கப்பட்டார். அதனைத் தொடர்ந்து ஐக்கிய இராச்சியத்தின் பிரதமாராகப் பதவியேற்று பிரித்தானிய இராணுவத்தினரை அச்சு சக்திகளுக்கு எதிராகப் பயன்படுத்தியதன் மூலம் வெற்றியை நிலைநாட்டினார்.

1945 ல் நடந்தத் தேர்தலில் தோல்வியுற்றதால் எதிர்க்கட்சித் தலைவராகப் பதவி வகித்தார். மீண்டும் 1951 தேர்தலில் வெற்றி பெற்று பிரதமரானார் 1955 ல் ஒய்வு பெறும் வரை பதவியில் தொடர்ந்தார். இரண்டாம் இராணி எலிசபெத் ஆல் இலண்டன் கோமகன் (Duke of London) பதவி வழங்க விருப்பம் தெரிவித்தார் ஆனால் சர்ச்சிலின் மகன் ராண்டால்ப் சர்ச்சில்- சர்ச்சிலின் மறைவுக்குப் பின் மரபுரிமைப் பெறுவார் என்று எழுந்த எதிர்ப்பலையால் அம்முயற்சி கைவிடப்பட்டது. இராணி சர்ச்சிலின் இறப்பை இராச்சியத்தின் துயரமாக அனுசரிக்க ஆணையிட்டு சர்ச்சிலுக்கு இறுதி மரியாதை செய்தார்.

இலக்கியத்திற்கான நோபெல் பரிசு பெற்ற ஒரே பிரித்தானியப் பிரதமர் இவரே. அதுமட்டுமன்றி ஐக்கிய அமெரிக்காவின் கௌரவக் குடியுரிமை வழங்கப்பட்ட இரண்டாவது நபரும் இவரே.

பங்கெடுத்த போர்கள்[தொகு]

இவர் இங்கிலாந்து இராணுவத்தில் பணி ஆற்றும் போது பல்வேறு போர்களில் பங்கெடுத்துள்ளார். அதில் கியூபாவிலும் இந்தியாவிலும் சூடானிலும் ஓல்டுகாமிலும் நடந்த போரிலும், மேற்குப் போர்முனையில்இரண்டாம் உலகப் போரின் போது நடந்த போரிலும் இவரது பங்கு குறிப்பிடத்தக்கது.

பேச்சாளர்[தொகு]

வின்சுடன் சர்சில் மிகச் சிறந்த பேச்சாளர்களில் ஒருவர். இவர் தான் உரையாற்றும் முன்னர் தான் பேசப்போகும் விடயங்களை பயிற்சி எடுத்துக் கொண்டே பேசும் பழக்கம் உள்ளவர். இவர் ஆற்றிய உரைகளில் சில மேற்கோள்களாகக் காட்டப்படுவது உண்டு. அதில் ஒன்று கீழே தரப்பட்டுள்ளது.

"கடலில் போரிடுவோம்; விண்ணில் போரிடுவோம்; மலைகளிலும் குன்றுகளிலும் போரிடுவோம்; பள்ளத்தாக்குகளிலும், அகழிகளிலும் போரிடுவோம்; தெருக்களில் போரிடுவோம்; சந்துக்குச் சந்து, வீட்டுக்கு வீடு போரிடுவோம்; ஆனால் ஒரு போதும் சரணாகதி அடையமாட்டோம்."

தமிழர்கள் பற்றி சர்ச்சில்[தொகு]

இந்திய விடுதலைப் போரில் இந்திய தேசிய இராணுவத்தில் அதிகம் மலேசிய இரப்பர் தோட்டத் தமிழ்த் தொழிலாளார்கள் சேர்ந்தார்கள். அதை ஏளனப்படுத்தி ஆங்கிலேயரான வின்சுடன் சர்ச்சில் பின்வருமாறு கூறினார்.

மலேசிய தோட்டத்தில் இரப்பர் பால் உறிஞ்சும் தமிழர்களின் இரத்தம் நேதாஜியின் மூளையில் கட்டியாக உறைந்து உள்ளது.

அதற்கு நேதாஜி பின்வருமாறு பதிலடி கொடுத்தார்.

அந்த தமிழர்கள் தான் நாளை ஆங்கில ஏகாதிபத்தியத்தின் இரத்தத்தைக் குடிப்பார்கள்.

"http://ta.wikipedia.org/w/index.php?title=வின்ஸ்டன்_சர்ச்சில்&oldid=1760431" இருந்து மீள்விக்கப்பட்டது