ஜனவரி 2009

<<	ஜனவரி 2009					>>
ஞா	தி	செ	பு	வி	வெ	ச
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

MMIX

ஜனவரி 2009, 2009 ஆம் ஆண்டின் முதலாவது மாதமாகும். இம்மாதம் ஒரு வியாழக்கிழமை ஆரம்பித்து 31 நாட்களின் பின்னர் ஒரு சனிக்கிழமை முடிவடையும். தமிழ் நாட்காட்டியின் படி தை மாதம் ஜனவரி 14 இல் தொடங்கி பெப்ரவரி 15 ஞாயிற்றுக்கிழமை முடிவடையும்.

சிறப்பு நாட்கள் [தொகு]

ஜனவரி 1 - புத்தாண்டு நாள்
ஜனவரி 1 - திருவெம்பாவை ஆரம்பம்
ஜனவரி 7 - வைகுண்ட ஏகாதசி
ஜனவரி 7 - கிறிஸ்துமஸ் (மரபுவழி)
ஜனவரி 10 - பூரணை
ஜனவரி 13 - போகி
ஜனவரி 14 - பழைய புத்தாண்டு நாள் (மரபுவழி)
ஜனவரி 14 - தமிழ்ப் புத்தாண்டு நாள்
ஜனவரி 14 - தைப்பொங்கல்
ஜனவரி 15 - மாட்டுப் பொங்கல்
ஜனவரி 15 - திருவள்ளுவர் ஆண்டு (2040) பிறப்பு
ஜனவரி 16 - காணும் பொங்கல்
ஜனவரி 25 - அமாவாசை
ஜனவரி 26 - இந்தியக் குடியரசு நாள்
ஜனவரி 26 - உலக சுங்கத்துறை நாள்
ஜனவரி 26 - ஆஸ்திரேலியா நாள்
ஜனவரி 30 - மகாத்மா காந்தி நினைவு நாள்
ஜனவரி 30 - உலக தொழுநோய் ஒழிப்பு நாள்

நிகழ்வுகள் [தொகு]

செய்திகள்

மேலதிகச் செய்திகளை பார் • பேச்சு • தொகு

ஜனவரி 20: பராக் ஒபாமா ஐக்கிய அமெரிக்காவின் 44வது அதிபராகப் பதவியேற்றார். (பிபிசி)
ஜனவரி 19: 22-நாட்கள் காசாவில் இடம்பெற்ற சண்டையில் மொத்தம் 1,300 பாலஸ்தீனர்கள் கொல்லப்பட்டதாகவும் 5,400 பேர் காயமடைந்ததாகவும் அறிவிக்கப்பட்டது. (சிஎனென்)
ஜனவரி 18: இசுரேல் தனது படைகளை காசாவில் இருந்து வெளியேற்ற ஆரம்பித்தது. (சின்குவா)
ஜனவரி 17: இசுரேல் காசாவில் ஜனவரி 18 காலை 2:00 மணியில் போர் நிறுத்தத்தை அறிவித்தது. (சிஎனென்)
ஜனவரி 15:
- அமெரிக்க பயணிகள் விமானம் ஒன்று 155 பேருடன் நியூயோர்க் நகரில் அட்சன் ஆற்றில் வீழ்ந்தது. அனைவரும் உயிர் தப்பினர். (சீனென்)
- அனைத்துலக வானியல் ஆண்டு ஆரம்ப நிகழ்வுகள் பாரிசில் உள்ள யுனெஸ்கோ கட்டிடத்தில் இடம்பெற்றன. (பிரான்ஸ் 24)
ஜனவரி 14: சோமாலி கடற்கொள்ளைக்காரர்கள் கிழக்கு ஆபிரிக்காவில் தாம் பிடித்து வைத்திருந்த இரண்டு கப்பல்களை விடுவித்தனர். (சிஎனென்)
ஜனவரி 12:
- இசுரேலியப் படைகளுக்கும் ஹமாஸ் போராளிகளுக்கும் இடையில் காசா நகரில் நேரடிப் போர் மூண்டது. (ஸ்கை)
- இந்தோனீசியாவில் பயணிகள் படகு ஒன்று மூழ்கியதில் 230 பேர் கொல்லப்பட்டனர். (எம்எஸ்என்)
ஜனவரி 11: தமிழக இசையமைப்பாளர் ஏ.ஆர்.ரகுமானுக்கு 2009க்கான கோல்டன் குளோப் விருது கிடைத்தது. (கோல்டன்குளோப்)
ஜனவரி 10: பெருவில் பேருந்து ஒன்று விபத்துக்குள்ளாகியதில் 33 பேர் கொல்லப்பட்டனர். (நெதர்லாந்து வானொலி)
ஜனவரி 9:
- கொஸ்டா ரிக்காவில் 6.1-அளவு நிலநடுக்கம் ஏற்பட்டதில் 15 பேர் கொல்லப்பட்டனர். (சீஎனென்)
- மைக்ரோசாப்ட் நிறுவனம் தனது புதிய இயக்கு தளமான வின்டோஸ் 7 இன் சோதனைப் பதிப்பை வெளியிட்டது. (பிசினஸ்வீக்)
ஜனவரி 8: இங்கிலாந்து வங்கி வட்டி வீதத்தை 1.5 விழுக்காடாகக் குறைத்தது. இது 315 ஆண்டு வரலாற்றில் மிகக் குறைவானதாகும். (பிபிசி)
ஜனவரி 6: இஸ்ரேலிய ஏவுகணை ஒன்று காசாவில் ஐநா பள்ளி ஒன்றின் மீது வீழ்ந்ததில் பெரும்பாலும் சிறுவர்களடங்கிய 40 பேர் கொல்லப்பட்டனர். (சீஎனென்)
ஜனவரி 4: இந்தோனீசியாவின் மேற்கு பப்புவா மாகாணத்தில் இடம்பெற்ற தொடர் நிலநடுக்கங்களில் குறைந்தது 4 பேர் கொல்லப்பட்டு பலர் காயமடைந்தனர். (பிபிசி)
ஜனவரி 3:
- கானாவில் இடம்பெற்ற அதிபர் தேர்தல்களில் ஜோன் அட்டா மில்ஸ் மிகக்குறைந்த பெரும்பான்மையுடன் வெற்றி பெற்றார். [1]
- இஸ்ரேலிய இராணுவம் காசா கரையினுள் நுழைந்தது. (பிபிசி)
ஜனவரி 2:
- உலகில் வயதில் கூடிய மனிதர், மரீயா டி ஜீசஸ் என்ற பெண், தனது 115வது அகவையில் போர்த்துக்கலில் காலமானார். (பிபிசி)
- சோமாலியாவில் இரண்டாண்டுகளாக நிலை கொண்டிருந்த எதியோப்பியப் படைகள் திரும்ப அழைக்கப்பட்டன. (பிபிசி)
ஜனவரி 1:
- அசாம் மாநிலத்தில் குவஹாத்தியில் இடம்பெற்ற தொடர் குண்டுவெடிப்புகளில் குறைந்தது 5 பேர் கொல்லப்பட்டு 50 பேர் காயமடைந்தனர். (சீஎன்என்)
- காசா அகதி முகாம் ஒன்றில் இஸ்ரேல் வான்குண்டுத் தாக்குதலை மேற்கொண்டதில் ஹமாஸ் இயக்கத்தின் நிசார் ரயான் என்ற முக்கிய இராணுவத் தலைவரும் அவரது குடும்பத்தைச் சேர்ந்த 13 பேரும் கொல்லப்பட்டனர். (அல்ஜசீரா)
- சிலோவாக்கியா யூரோ நாணயத்தை ஏற்றுக்கொண்ட 16வது ஐரோப்பிய நாடானது. (ராய்ட்டர்ஸ்)

ஈழப்போர்

பழைய ஈழச் செய்திகளின் தொகுப்பு

மேலதிக ஈழபோர்ச் செய்திகளை பார் • பேச்சு • தொகு

ஜனவரி 31: முல்லைத்தீவு, சுதந்திரபுரம் "மக்கள் பாதுகாப்பு வலய" பகுதியில் படையினர் நடத்திய பீரங்கி மற்றும் வான் தாக்குதல்களிலும், உடையார்கட்டு மீது நடத்தப்பட்ட எறிகணைத் தாக்குதலிலும் 12 சிறுவர்கள் உட்பட 50 தமிழர்கள் படுகொலை செய்யப்பட்டுள்ளதுடன் 169 பேர் படுகாயமடைந்தள்ளனர். (தமிழ்வின்)
ஜனவரி 29: இலங்கையில் ஈழத்தமிழர் பிரச்சனை முடிவுக்கு கொண்டுவர வேண்டும் என்பதை வலியுறுத்தி தூத்துக்குடியைச் சேர்ந்த வாலிபர் கு. முத்துக்குமார் சென்னையில தீக்குளித்து இறந்தார். (தமிழ்வின்)
ஜனவரி 28: வன்னியில் இருந்து பொதுமக்களை வெளியேற்ற 48 மணி நேர காலக்கெடு அளித்திருப்பதாக அரசாங்கம் அறிவித்தது. (தமிழ்வின்)
ஜனவரி 27: இந்திய வெளியுறவுத்துறை அமைச்சர் பிரணாப் முகர்ஜி பேச்சுவார்த்தைகளுக்கென இலங்கை வந்தார். (தமிழ்வின்)
ஜனவரி 26: முல்லைத்தீவு மாவட்டத்தில் அரசாங்கம் அறிவித்த "மக்கள் பாதுகாப்பு வலய"மான - புதுக்குடியிருப்பு - சுதந்திரபுரம் சந்தி மற்றும் விசுவமடு - உடையார்கட்டு, வள்ளிபுனம், ஆகிய பகுதிகளை நோக்கி படையினர் நடத்திய அகோர பீரங்கி தாக்குதலில் ஆகக்குறைந்தது 300 பேர் வரையில் கொல்லப்பட்டுள்ளதுடன் பல நூறு பேர் படுகாயமடைந்தனர். (தமிழ்வின்)
ஜனவரி 25: முல்லைத்தீவு நகரைக் கைப்பற்றியுள்ளதாக இலங்கை இராணுவம் அறிவித்தது. (தமிழ்வின்)
ஜனவரி 24: முல்லைத்தீவு கல்மடுக்குள அணைக்கட்டு வெடிகுண்டு வைத்து தகர்க்கப்பட்டது. (தமிழ்வின்)
ஜனவரி 23: தேராவில் மற்றும் மயில்வாகனபுரம் பகுதிகள் மீது படையினர் நடத்திய எறிகணைத் தாக்குதல்களில் சிறுமி உட்பட 5 பொதுமக்கள் படுகொலை செய்யப்பட்டுள்ளதுடன் 83 பேர் படுகாயமடைந்தனர். (தமிழ்வின்)
ஜனவரி 22:
- தர்மபுரம் நெத்தலியாறுப் பகுதியிலிருந்து விசுவமடு நோக்கி படையினர் மேற்கொண்ட முன்னகர்வு நடவடிக்கையின் போது 40 படையினர் கொல்லப்பட்டு மேலும் 70 படையினர் காயமடைந்தனர். (தமிழ்வின்)
- அரசாங்கம் அறிவித்த "புதுக்குடியிருப்பு மக்கள் பாதுகாப்பு வலயம்" மற்றும் முல்லைத்தீவு மருத்துவமனை ஆகியனவற்றின் மீது படையினர் நடத்திய நடத்திய எறிகணைத் தாக்குதல்களில் 22 பொதுமக்கள் படுகொலை செய்யப்பட்டுள்ளதுடன் 106 பேர் படுகாயமடைந்தனர். (தமிழ்வின்)
ஜனவரி 21: மட்டக்களப்பில் குண்டு ஒன்று வெடித்ததில் காவற்துறை அதிகாரி உட்பட இருவர் கொல்லப்பட்டனர். (தமிழ்வின்)
ஜனவரி 20:
- வன்னிப் பகுதியில் படையினரால் நடத்தப்பட்ட எறிகணைத் தாக்குதல்களில் 5 சிறுவர்கள் உட்பட 17 பேர் படுகொலை செய்யப்பட்டுள்ளதுடன் 51 பேர் படுகாயமடைந்தனர். (தமிழ்வின்)
- இயக்குநர் சீமான் உட்பட தமிழ்தேசியவாதிகள் மூவரும் பிணையில் விடுதலை செய்யப்பட்டனர். (தமிழ்வின்)
ஜனவரி 18: விடுதலைச் சிறுத்தைகள் தலைவர் திருமாவளவன் தனது காலவரையற்ற உண்ணாநிலைப் போராட்டத்தை நான்காவது நாள் நிறுத்திக் கொண்டார். (புதினம்)
ஜனவரி 15: இலங்கையில் தமிழர் படுகொலையை நிறுத்த நடவடிக்கை எடுக்கக் கோரி விடுதலைச் சிறுத்தைகள் தலைவர் திருமாவளவன் காலவரையற்ற உண்ணாநிலைப் போராட்டத்தை தொடங்கினார். (தினமணி)
ஜனவரி 8:
- கிளிநொச்சி மாவட்டம், வட்டக்கச்சியில் இலங்கைப் படைகளின் எறிகணை வீச்சில் சிக்கி ஒரு குழந்தை உட்பட மூன்று பொதுமக்கள் கொல்லப்பட்டனர். (தமிழ்நெட்)
- த சண்டே லீடர் பத்திரிகை ஆசிரியர் லசந்த விக்கிரமதுங்க கொழும்பில் இனந்தெரியாதோரால் சுடப்பட்டுக் கொல்லப்பட்டார். (தமிழ்நெட்)
ஜனவரி 7: இலங்கையில் தமிழீழ விடுதலைப் புலிகள் அமைப்பு தடை செய்யப்பட்ட அமைப்பாக்க அறிவிக்கப்பட்டது. (தமிழ்நெட்)
ஜனவரி 4: பரந்தன்-முல்லைத்தீவு வீதியில் இடம்பெற்ற சமரில் 53 இராணுவத்தினர் கொல்லப்பட்டு 80 பேர் படுகாயமடைந்ததாக விடுதலைப் புலிகள் அறிவித்தனர். (தமிழ்நெட்)
ஜனவரி 2:
- கொழும்பு வான்படைத் தலைமை அலுவலகத்தின் முன்னால் இடம்பெற்ற குண்டுவெடிப்பில் 2 வான்படையினர் கொல்லப்பட்டு குறைந்தது 30 பேர் காயமடைந்தனர். (டெய்லிமிரர்)
- கிளிநொச்சி நகரை இலங்கை இராணுவம் கைப்பற்றியிருப்பதாக ஜனாதிபதி மகிந்த ராஜபக்ச நாட்டு மக்களுக்கு அறிவித்தார். (டெய்லிமிரர்)
ஜனவரி 1:
- கிளிநொச்சியில் ஆங்கிலப் புத்தாண்டு நாளன்று இலங்கை வான்படை மூன்று தடவைகள் நடத்திய குண்டுத் தாக்குதலில் 6 பொதுமக்கள் கொல்லப்பட்டு 28 பேர் காயமடைந்தனர். (புதினம்)
- கிளிநொச்சி மாவட்டம், பரந்தன் சந்தியைத் தமது கட்டுப்பாட்டுக்குள் கொண்டுவந்துள்ளதாக இராணுவம் அறிவித்தது. (பிபிசி)

இறப்புகள் [தொகு]

ஜனவரி 8 - லசந்த விக்கிரமதுங்க, இலங்கை ஊடகவியலாளர் (பி. 1958)
ஜனவரி 12 - புலோலியூர் தம்பையா, ஈழத்து எழுத்தாளர்
ஜனவரி 17 - கமில் சுவெலபில், செக் நாட்டுத் தமிழறிஞர் (பி. 1927)
ஜனவரி 31 - நாகேஷ், நகைச்சுவை நடிகர் (பி. 1933)

வெளி இணைப்புகள் [தொகு]

மாதாந்தர நிகழ்வுகள் (ஜனவரி 2009)

செய்திகள் காப்பகம்

ஜனவரி 2009

பொருளடக்கம்

சிறப்பு நாட்கள் [தொகு]

நிகழ்வுகள் [தொகு]

இறப்புகள் [தொகு]

வெளி இணைப்புகள் [தொகு]

வழிசெலுத்தல் பட்டி

சொந்தப் பயன்பாட்டுக் கருவிகள்

பெயர்வெளிகள்

மாற்றுக்கள் மாற்றுருவங்கள்

பார்வைகள்

செயல்கள்

தேடுக

வழிசெலுத்தல்

உதவி

தமிழ் விக்கிமீடியா திட்டங்கள்

பிற

அச்சு/ஏற்றுமதி

கருவிப் பெட்டி

மற்ற மொழிகளில்