இசுலாமிய நாட்காட்டி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

இசுலாமிய நாட்காட்டி அல்லது முஸ்லிம் நாட்காட்டி அல்லது ஹிஜ்ரி நாட்காட்டி (அரபு மொழி: التقويم الهجري; அத்-தக்வீம் அல்-ஹிஜ்ரீ; பாரசீகம்: تقویم هجری قمری ‎ தக்வீமே ஹெஜிரே கமரீ) இது ஓர் சந்திர நாட்காட்டி ஆகும். இது ஆண்டிற்கு 12 சந்திர மாதங்களைக் கொண்டு 354 அல்லது 355 நாட்களைக் கொண்டுள்ளது. இந்த நாட்காட்டி கிரெகொரியின் நாட்காட்டியுடன் பல முஸ்லிம் நாடுகளில் நிகழ்வுகளைப் பதிய பயன்படுத்தப்பட்டு வருகிறது. இசுலாமிய சமய புனிதநாட்களையும் பண்டிகைகளையும் கணக்கிட முஸ்லிம்கள் உலகெங்கும் இந்த நாட்காட்டியை பயன்படுத்தி வருகின்றனர். இந்த நாட்காட்டியின் துவக்கம் ஹிஜிரா, அதாவது இசுலாமிய இறைதூதர் முகம்மது நபி அவர்கள் சவூதி அரேபியாவில் உள்ள மக்காவிலிருந்து மதீனாவிற்கு இடம் பெயர்ந்த ஆண்டாகும். 'ஹிஜிரத்' என்ற அரபி வார்த்தைக்கு 'இடம் பெயர்தல்' எனப் பொருள்படும். ஹிஜிரி ஆண்டு H - ஹிஜ்ரி அல்லது AH (இலத்தீனத்தில் Anno Hegirae என்பதன் சுருக்கம்) எனவும் ஹிஜிராவிற்கு முந்தைய ஆண்டுகள் BH (Before Hegirae) எனவும் வழங்கப்படும்.[1]

நாட்காட்டியின் அடிப்படை[தொகு]

இசுலாமிய நாட்காடியை சந்திரனின் ஓட்டத்தை கொண்டு நிர்ணயம் செய்வதால் இந்த முறை மிகவும் இயற்கையானது. இதில் எந்த ஒரு பிழையும் ஏற்ப்பட வாய்ப்புகள் இல்லை. ஆயினும், இன்றய இசுலாமியர்கள் போதிய குர்ஆன் மற்றும் ஹதீஸ்களின் விளிர்ப்புணர்வு இல்லாத காரணத்தால், இந்த நாட்க்காட்டியை அவர்களால் சரியாக நடைமுறைப் படுத்த முடியா கட்டத்தில் உள்ளனர். வெவ்வேறு காலக்கட்டத்திலும், இசுலாமிய நாட்க்காட்டியின் அணுகுமுறைகள் வேறுபட்டுக் காணப்படுகிறது. குறிப்பாக முந்தய காலங்களில் மாதங்களை துவங்கும் அல்லது முடிக்கும் நாட்களில் பல்வேறு குழப்பங்கள் நிகழ்ந்துள்ளன. காரணம் சந்திரனின் படித்தலத்தை வைத்து இந்த நாட்க்காட்டி அமைந்துள்ளதால் ஒரு தரப்பினர் அதன் முதல் பிறையை பார்த்து தான் அடுத்த மாதத்தை ஆரம்பம் செய்யவேண்டும் என்றும் மற்றொரு தரப்பினர் நாட்களை கணக்கிடுவதற்கும் இசுலாமில் அனுமதித்துள்ளதால், கணக்கிட்டு முன்கூட்டியே நிர்ணயம் செய்யவேண்டும் என்றும் இருவேறு கருத்துக்களை வைக்கின்றனர். ஆயினும் உலகில் வாழும் அனைத்து மக்களுக்கும் பொதுவாக ஒரு நாட்க்காட்டி வேண்டும் என்றால் சந்திரனின் படித்தலங்களை அறிவியல் துணையோடு கணக்கிட்டு நாட்களை முன்கூட்டியே நிர்ணயம் செய்வது தான் இயற்கையாக அமையும்.

சந்திர கணக்கீட்டின் படி தற்போதைய இசுலாமிய ஆண்டு 1433 AH - நவம்பர் 26, 2011 முதல் நவம்பர் 13, 2012 வரை ஆகும்.

மாதங்கள்[தொகு]

இசுலாமிய மாதங்களின் நாட்கள் அனைத்தும் சந்திர ஓட்டத்தை வைத்தே அமைய வேண்டும். இவ்வாறு சந்திரனின் படித்தலங்களை வைத்துத்தான் நாட்களை எண்ணிக் கொள்ளவேண்டும் என்று இறைவன் திருக்குரானில் கட்டளையிடுகிறான். முகம்மது (சல்) அவரளிடம் அக்காலத்து மக்கள் வளர்ந்து தேய்ந்து வரும் பிறைகளைப் பற்றி கேட்டனர். அப்பொழுதுதான் பின்வரும் இறைவசனம் அருளப்பட்டது,

  • "(நபியே! தேய்ந்து, வளரும்) பிறைகள் பற்றி உம்மிடம் கேட்கிறார்கள் நீர் கூறும்: "அவை மக்களுக்குக் காலம் காட்டுபவையாகவும், ஹஜ்ஜையும் அறிவிப்பவையாகவும் உள்ளன. வீடுகளுக்குள் மேற்புறமாக வருவதில் புண்ணியம் இல்லை. ஆனால் இறைவனுக்கு அஞ்சி நற்செயல் புரிவோரே புண்ணியமுடையயோராவர். எனவே வீடுகளுக்குள் (முறையான)வாசல்கள் வழியாகவே செல்லுங்கள். நீங்கள் வெற்றியடையும் பொருட்டு அல்லாஹ்வை, அஞ்சி நடந்து கொள்ளுங்கள்." (திருக்குர்ஆன் 02:189 )

மேலும் கீழ்வரும் வசனங்களும் இவற்றை குறிக்கின்றன.

  • "அவன் தான் சூரியனைச் (சுடர்விடும்) பிரகாசமாகவும், சந்திரனை ஒளிவுள்ளதாகவும் ஆக்கினான். ஆண்டுகளின் எண்ணிக்கையையும், காலக்கண்கையும் நீங்கள் அறிந்து கொள்ளும் பொருட்டு(ச் சந்திரனாகிய) அதற்கு, மாறி மாறி வரும் பல படித்தரங்களை உண்டாக்கினான்; அல்லாஹ் உண்மை(யாக தக்க காரணம்) கொண்டேயல்லாது இவற்றைப் படைக்கவில்லை – அவன் (இவ்வாறு) அறிவுள்ள மக்களுக்குத் தன் அத்தாட்சிகளை விவரிக்கின்றான்." (திருக்குர்ஆன் 10:5)
  • "இன்னும் (உலர்ந்த வளைந்த) பழைய பேரீத்த மட்டையைப் போலாகும் வரையில் சந்திரனுக்கு நாம் பல மன்ஸில்களை (நிலைகளை) ஏற்படுத்தி இருக்கிறோம்." (திருக்குர்ஆன் 36:39)
குறிப்பிடத்தக்க இசுலாமிய நாட்காட்டி; இசுலாமிய நாள் : 1, சனிக்கிழமை; இசுலாமிய மாதம் : முஹர்ரம்; இசுலாமிய ஆண்டு : 1433AH; பயன்பாடு : பன்னாட்டு பொது சந்திர நாட்காட்டி; மொழிகள் : தமிழ், ஆங்கிலம் & மலையாளம்; ஒத்த கிரெகொரியின் நாட்காட்டி நாட்கள் : 26.11.2011 (சனிக்கிழமை) முதல் 24.12.2011 (சனிக்கிழமை) வரை ; மொத்த நாட்கள் : 29
  • "வானங்களையும், பூமியையும் படைத்த நாளிலிருந்தே அல்லாஹ்விடம் அவனுடைய பதிவெட்டில் மாதங்களின் எண்ணிக்கை பன்னிரண்டு ஆகும். அவற்றில் நான்கு தடுக்கப்பட்டவை. அதுவே நிலையான மார்க்கம். எனவே, அந்த மாதங்களில் உங்களுக்கு நீங்களே அநீதி இழைத்துக் கொள்ளாதீர்கள்..." (திருக்குர்ஆன் 09:36)

இசுலாமிய மாதங்களின் பெயர்கள்:[2][தொகு]

  1. முஹர்ரம் محرّم
  2. சஃபர் صفر
  3. ரபி உல் அவ்வல் ربيع الأول
  4. ரபி உல் ஆகிர் (அ) தானி ربيع الآخر أو ربيع الثاني
  5. ஜமா அத்துல் அவ்வல் جمادى الاول
  6. ஜமா அத்துல் ஆகிர் (அ) தானி جمادى الآخر أو جمادى الثاني
  7. ரஜப் رجب
  8. ஷஃபான் شعبان
  9. ரமலான் رمضان (அல்லது ரம்ஜான்)
  10. ஷவ்வால் شوّال
  11. துல் கஃதா ذو القعدة
  12. துல் ஹிஜ்ஜா ذو الحجة

ரமலான் மாதம் மிகவும் புனிதமான மாதமாகக் கருதப்படுகிறது. அதில் தான் நோன்பு நோற்கப்படுகின்றது. நோன்பின் பொழுது முஸ்லிம்கள் அதிகாலை முதல் அந்திமாலை வரை உணவு, தண்ணீர் உட்பட சாறுகள் மற்றும் உடலுறவை முற்றிலும் தவிர்க்கின்றனர். நோயாளிகள் மற்றும் வெளியூர் பயனிகளுக்கு நோன்பை விடுவதற்கு அனுமதியுன்டு. ஆயினும், இவ்வாறு விடப்பட்ட நோன்புகளை பின்னர் நோற்றுக்கொள்ள கட்டளையிடடப்பட்டுள்ளனர்.

இசுலாமிய மாதங்களில் ஷவ்வால் மற்றும் துல் ஹஜ் ஆகிய இரண்டு மாதங்களும் பெருநாள் கொண்ட (ஈதுடைய) மாதங்களாகும். ஷவ்வால் முதல் நாளன்று ஈதுல் ஃபித்ர் எனப்படும் ரம்ஜான் பண்டிகையும் , துல் ஹஜ் பத்தாம் நாளன்று ஈதுல் அள்ஹா எனப்படும் பக்ரீத் பண்டிகையும் கொண்டாடப்படுகிறது. துல் ஹஜ் ஒன்பதாம் நாள் அரஃபாவுடைய நாளாகும். அன்று தான் சவூதி அரேபியாவில் உள்ள அரஃபா மைதானத்தில் ஹாஜிகள் எனப்படும் புனித ஹஜ் பயனிகள் அனைவரும் ஒன்று திரலுவார்கள்.

முஹர்ரம், ரஜப், துல் கஃதா மற்றும் துல் ஹஜ் ஆகிய நான்கு மாதங்களும் போர் செய்யத் தடை செய்யப்பட்ட மாதங்களாகும்.

நாட்கள்[தொகு]

இசுலாமிய நாட்காட்டி சந்திரனின் அடிப்படையில் அமைந்ததாலும், முகம்மது நபி (சல்) அவர்களின் அறிவிப்பின் படி ஒரு மாதம் என்பது 29 அல்லது 30 நட்களை கொண்டதாக இருக்கும். சந்திரனின் ஓட்டத்தை வைத்தே ஒரு மாதத்தில் 29 நாட்களா அல்லது 30 நாட்களா என்பது முடிவாகும். பின்வரும் நபிமொழி அதனை உறுதிப்படுத்துகிறது.

முகம்மது நபி (சல்) அவர்கள் கூறினார்கள்: "நாம் (அன்றய கால மக்கள்) உம்மி சம்தாயமாவோம். எழுதுவதையும் அறிய மாட்டோம், விண் கலையையும் அறிய மாட்டோம். மாதம் என்பது இப்படியும் அப்படியும் இருக்கும்;அதாவது சில வேலை இருபத்தொன்பது நாட்களாகவும் சில வேலை முப்பது நாட்களாகவும் இருக்கும் !"

பார்க்க:- ஹதீஸ் நூல்: சகீ அல் புகாரி; ஹதீஸ் எண்: 1913 ; அறிவிப்பவர்: இப்னு உமர்(ரலி)

இசுலாமிய கிழமைகளின் பெயர்கள்:[தொகு]

எண் இசுலாமிய நாள் தமிழ் நாள்
1 வது யௌமுல் அஹத் ஞாயிற்றுக் கிழமை
2 வது யௌமுல் இஸ்னைண் திங்கட் கிழமை
3 வது யௌமுல் ஸுலஸா செவ்வாய்க் கிழமை
4 வது யௌமுல் அருபா புதன் கிழமை
5 வது யௌமுல் கமைஸ் வியாழக் கிழமை
6 வது யௌமுல் ஜுமுஆ வெள்ளிக் கிழமை
7 வது யௌமுல் ஸப்த் சனிக் கிழமை

அஹத் என்றால் அரபியில் 'முதல்' அல்லது 'ஒன்று' என பொருள் படும். ஆதலால் இங்கு 'யவ்முல் அஹத்' என்பதை முதல் நாளாக குறிப்பிடப்பட்டுள்ளது. இசுலாமிய அடிப்படியில் சனிக்கிழமை வாரத்தின் முதல் நாளாகும். வெள்ளிக்கிழமை வாரத்தின் கடைசி நாளாகும்.

நாளின் ஆரம்பம்:[தொகு]

இஸ்லாமிய மக்களின் நம்பிக்கையின் படி ஒரு நாளின் ஆரம்பம் சூரியன் மறையும் நேரமாகும். அதாவது ஒரு நாளின் முதல் பகுதி இரவு பின்னர் தான் பகல் என்று நம்புகின்றனர். முகம்மது நபியவர்களின் போதனைகளும் இதையே தெளிவு படுத்துகின்றன. எடுத்துக் காட்டாக, அரபா நாளின் தொடக்கத்திலேயே தக்பீர் சொல்ல வேண்டும் என்பது அன்றைய பகற் பொழுதுக்கு முந்திய சூரியன் மறையும் நேரத்துடனான முன்னிரவு வேளையிலேயே தொடங்கப்படுவது வழமை. முதற் பிறையானது மறையும் நேரம் சூரியன் மறைந்து சில நிமிடங்களுக்கு பின்னர் இருப்பதால் முதல் பிறையை பார்த்த பின் தான் மாதத்தின் முதல் நாள் ஆரம்பம் ஆகுகின்றது என்பது அவரகளது நம்பிக்கையாக உள்ளது.

ஆனால் குர்ஆன் மற்றும் ஹதீஸ்களின் அடிப்படையில் நாளின் ஆரம்பம் இரவு தான் என்பதற்கு எந்த ஒரு ஆதாரமும் இல்லை என்பது இசுலாமில் நாளின் ஆரம்பம் பகல் தான் எனக் கூறும் ஒரு சிலரிரின் கருத்தாகும்[சான்று தேவை].

பிறை பார்த்தல்:[தொகு]

பிறை குறித்த சர்ச்சைகள்:[தொகு]

வெவ்வேறு நாட்களில் பெருநாள் தினங்கள்:[தொகு]

ஒரு நாளுக்கு ஒரே கிழமை ஒரே தேதி:[தொகு]

மேற்கோள்கள்[தொகு]

  1. Watt, W. Montgomery "Hidjra". Encyclopaedia of Islam Online. Ed. P.J. Bearman, Th. Bianquis, C.E. Bosworth, E. van Donzel and W.P. Heinrichs. Brill Academic Publishers. ISSN 1573-3912. 
  2. B. van Dalen; R.S. Humphreys; A.K.S Lambton, et al. "Tarikh". Encyclopaedia of Islam Online. Ed. P.J. Bearman, Th. Bianquis, C.E. Bosworth, E. van Donzel and W.P. Heinrichs. Brill Academic Publishers. ISSN 1573-3912. 

External links[தொகு]

Date converters[தொகு]


"http://ta.wikipedia.org/w/index.php?title=இசுலாமிய_நாட்காட்டி&oldid=1461737" இருந்து மீள்விக்கப்பட்டது