உள்ளடக்கத்துக்குச் செல்

சந்திர நாட்காட்டி

கட்டற்ற கலைக்களஞ்சியமான விக்கிப்பீடியாவில் இருந்து.
தமிழர்
தமிழர் வரலாறு
தமிழர் பண்பாடு
தமிழர்
சமயம்
அரசியல்

சந்திர நாட்காட்டி (Lunar Calendar) சந்திரனின் பிறைகளை அடிப்படையாகக் கொண்ட நாட்காட்டியாகும். மிகவும் பரவலாக பயன்படுத்தப்படும் முழுமையான சந்திர நாட்காட்டி இசுலாமிய நாட்காட்டி அல்லது ஹிஜிரி நாட்காட்டி ஆகும். இந்த நாட்காட்டி எப்போதுமே 12 சந்திர மாதங்கள் கொண்டது. இத்தகைய சந்திர நாட்காட்டிகளின் முதன்மை விடயம் இவை பருவகாலங்களுடன் ஒத்துக்கொள்ளாமையும் ஒவ்வொரு ஆண்டும் 11 நாட்கள் (நெட்டாண்டுகளில் 12 நாட்கள்)தள்ளிப்போவதும் ஆகும். சூரிய நாட்காட்டியுடன் ஏறத்தாழ 33 ஆண்டுகளுக்கு ஒருமுறை ஒருங்கிணையும், இது பெரும்பான்மையும் சமய வழிபாடுகளுக்கு மட்டுமே பாவித்தாலும் சவுதி அரேபியாவில் வணிக பயன்பாட்டிற்கும் பாவிக்கப்படுகிறது.

ஓர் சந்திர ஆண்டில் 354.37 நாட்கள் உள்ளன.

இசுலாமிய நாட்காட்டியைத் தவிர்த்து பிற சந்திர நாட்காட்டிகளும் உண்மையில் சூரியசந்திர நாட்காட்டிகள் ஆகும். அதாவது மாதங்கள் சந்திரனின் பிறைகளைக் கொண்டு அமைக்கப்பட்டிருந்தாலும், கூடுதலான இடைச்செருகல் மாதத்தை கொண்டு சூரிய ஆண்டுடன் ஒருங்கிணைக்கின்றன.

சீன, எபிரேய, இந்து நாட்காட்டிகள் சூரியசந்திர நாட்காட்டிகளாகும்.

விழாக்கள்

[தொகு]

பன்னாட்டு அளவில் அன்றாட பயன்பாட்டுக்குக் கிரெகொரியின் நாட்காட்டியே பயன்படுகின்றது. எனினும், மதம் சார்ந்த பண்டிகைகள்/விழாக்களுக்கு, உலக அளவில் சந்திர நாட்காட்டி அல்லது சூரியசந்திர நாட்காட்டியையே பின்பற்றுகின்றனர். உதாரணத்திற்கு

ஆண்டு துவங்கும் சந்திர மாதம்

[தொகு]

எந்த நாள் ஆண்டின் முதல்நாள் என்பதில் ஒவ்வொரு நாட்காட்டியும் மாறுபடுகிறது.

சீன நாட்காட்டி போன்ற சிலவற்றில் சந்திரனின் பிறை குறிப்பிட்ட நேரவலயத்தில் நேரும் நிகழ்வு மாதத்தின் முதல்நாளாகக் கொள்ளப்படுகிறது.

பெரும்பான்மையான சந்திரநாட்காட்டிகளில், சந்திரனின் பிறைநிலை முதலில் காணப்படும் நேரத்தில் துவங்குகிறது.

ஆண்டுகளின் ஒப்பீடு

[தொகு]

வானியலிலும் அன்றாட வாழ்விலும் பயன்படுத்தப்படும் பல்வேறு வகையான ஆண்டுகளின் ஒப்பீடு கீழே தரப்பட்டுள்ளது. பொதுவான பயன்பாட்டில் உள்ளவை அட்டவணையின் மேல்பகுதியில் வரிசைப்படுத்தப்பட்டுள்ளன.

பல்வேறு வகையான ஆண்டுகளின் ஒப்பீடு
ஆண்டு வகை ஆங்கிலத்தில் கால அளவு (நாட்கள்) விளக்கம்
சாதாரண ஆண்டு Common Year 365 பிப்ரவரி 28 நாட்களைக் கொண்ட ஒரு சாதாரண நாட்காட்டி ஆண்டு.
நெட்டாண்டு (லீப் ஆண்டு) Leap Year 366 பருவகாலங்களுடன் நாட்காட்டியை இணைக்க ஒரு கூடுதல் நாள் (பிப் 29) சேர்க்கப்படும் ஆண்டு.
கிரெகொரியின் ஆண்டு Gregorian Year 365.2425 நவீன நாட்காட்டியின் சராசரி ஆண்டு நீளம்.
சூரிய ஆண்டு Solar Year ~365.242 பூமி சூரியனை ஒருமுறை சுற்றி வர ஆகும் பொதுவான காலம். (வெப்பமண்டல ஆண்டைக் குறிக்கும்.)
வெப்பமண்டல ஆண்டு Tropical Year 365.24219 இரு அடுத்தடுத்த வசந்தகால சம இரவுப் பகல் நிலைகளுக்கு இடைப்பட்ட காலம் (பருவக்காலங்களின் அடிப்படை).
விண்மீன் ஆண்டு Sidereal Year 365.25636 நிலையான விண்மீன்களைப் பொறுத்து பூமி சூரியனை ஒருமுறை சுற்றி வர ஆகும் காலம்.
ஜூலியன் ஆண்டு Julian Year 365.25 வானியலில் ஒளியாண்டு போன்றவற்றை கணக்கிடப் பயன்படும் நிலையான அலகு.
சந்திர ஆண்டு Lunar Year ~354.37 12 முழு நிலவுச் சுழற்சிகளைக் (Synodic months) கொண்ட காலம். (சூரிய ஆண்டை விட சுமார் 11 நாட்கள் குறைவு).
அண்மைநிலை ஆண்டு Anomalistic Year 365.25964 பூமி சூரியனுக்கு மிக அருகில் வரும் நிலையிலிருந்து அடுத்த அதே நிலை வரையிலான காலம்(Perihelion).
கிரகண ஆண்டு Eclipse / Draconic Year 346.62007 சூரியன் மீண்டும் அதே நிலவுக்கணுவை (Lunar node) வந்தடைய ஆகும் காலம். (கிரகண காலங்களை கணிக்க பயன்படும்).
சோதிக் ஆண்டு Sothic Year ~365.25 சிரியசு (Sirius) விண்மீன் மீண்டும் தோன்றும் இடைவெளி (பண்டைய எகிப்து முறை).
பெஸலியன் ஆண்டு Besselian Year ~365.2422 ஒரு குறிப்பிட்ட சூரிய தீர்க்கரேகையை அடிப்படையாகக் கொண்ட பழைய வானியல் அளவு.
காசியன் ஆண்டு Gaussian Year 365.25690 காசியன் ஈர்ப்பு மாறிலியை அடிப்படையாகக் கொண்ட ஒரு தத்துவார்த்த ஆண்டு.
விண்மீன் மண்டல ஆண்டு Galactic Year ~22.5 - 25 கோடி ஆண்டுகள் சூரிய குடும்பம் பால்வெளி மண்டலத்தின் மையத்தை ஒருமுறை சுற்றி வர ஆகும் காலம். (பிரபஞ்ச ஆண்டு / பால்வெளி ஆண்டு என்றும் அழைக்கப்படுகிறது).

தமிழ் மாதங்கள்

[தொகு]
வரிசை எண் தமிழ் சூரிய மாதம் ஆங்கில தேதிகள் தமிழ் மாதம் (ஆங்கிலம்) சந்திர மாதம் (சமஸ்கிருதம்) சூரிய மாதம் (இராசி) இராசி அடையாளம் முக்கிய நட்சத்திரம் சூரிய அடிப்படையிலான திருவிழாக்கள் சந்திர அடிப்படையிலான திருவிழாக்கள்
1 சித்திரை ஏப் 14 –
மே 14 		Chithirai சைத்ர மேழம் (மேஷம்) வருடை (ஒரு வகை ஆடு) சித்திரை நட்சத்திரம் தமிழ்ப் புத்தாண்டு, சித்திரைத் திருவிழா இராம நவமி, சித்திரா பௌர்ணமி
2 வைகாசி மே 15 – ஜூன் 14 Vaikasi வைசாக விடை (ரிஷபம்) காளை அல்லது ஆண் மாடு விசாகம் நட்சத்திரம் வைகாசி விசாகம் நரசிம்ம ஜெயந்தி
3 ஆனி ஜூன் 15 – ஜூலை 16 Aani ஜ்யேஷ்ட ஆடவை (மிதுனம்) இரட்டைகள் அனுசம் ஆனி திருமஞ்சனம் குரு பூர்ணிமா
4 ஆடி ஜூலை 17–
ஆக 16 		Aadi ஆஷாட கடகம் நண்டு பூராடம் / உத்திராடம் ஆடிப்பெருக்கு ஆடி அமாவாசை, வரலட்சுமி நோன்பு
5 ஆவணி ஆக 17 – செப் 16 Avani ஷ்ராவண சிங்கம் / மடங்கல் (சிம்மம்) சிங்கம் திருவோணம் ஆவணி அவிட்டம் கிருஷ்ண ஜெயந்தி, விநாயக சதுர்த்தி
6 புரட்டாசி செப் 17 – அக் 17 Purattasi பத்ரபாத கன்னி கன்னிப்பெண் பூரட்டாதி / உத்திரட்டாதி புரட்டாசி சனிக்கிழமை விரதம் நவராத்திரி நோன்பு, விஜயதசமி
7 ஐப்பசி அக் 18 – நவ 16 Aippasi அஸ்வின துலை (துலாம்) இருபக்கத்திற்கும் நடுநிலையில் இருக்கும் துலாபாரம் அச்சுவினி அன்னாபிசேகம் தீபாவளி, கந்த சஷ்டி
8 கார்த்திகை நவ 17 –
டிச 15 		Karthikai கார்திக நளி (விருச்சிகம்) தேள் கிருத்திகை கார்த்திகை விளக்கீடு கார்த்திகை பூர்ணிமா
9 மார்கழி டிச 16 – ஜன 13 Margazhi மார்கஷீர்ஷ தனுசு வில் மற்றும் அம்பு சேர்ந்திருக்கும் ஒரு சிலை மிருகசீரிடம் வைகுண்ட ஏகாதசி திருவாதிரை நோன்பு
10 தை ஜன 14 – பிப் 12 Thai பௌஷ சுறவம் (மகரம்) ஆடு பூசம் தைப்பொங்கல் ரத சப்தமி
11 மாசி பிப் 13 –
மா 13 		Masi மக குடம் (கும்பம்) ஒரு பானையிலிருந்து பெருகியோடும் நீர் மகம் மாசி மகம் மகா சிவராத்திரி
12 பங்குனி மா 14 –
ஏப் 13 		Panguni பல்குண மீனம் இரு மீன்கள் உத்தரம் பங்குனி உத்திரம் ஹோலிகா தகனம்

இவற்றையும் பார்க்கவும்

[தொகு]

வெளியிணைப்புகள்

[தொகு]
"https://ta.wikipedia.org/w/index.php?title=சந்திர_நாட்காட்டி&oldid=4472959" இலிருந்து மீள்விக்கப்பட்டது