இலங்கை பிரதமர்

இலங்கை பிரதமர் இலங்கை அமைச்சரவையின் நிறைவேற்று அதிகாரம் உடைய தலைவர் ஆவார்.

இலங்கையின் பிரதம மந்திரிப் பதவி 1948 ஆம் ஆண்டில் இலங்கை ஐக்கிய இராச்சியத்திடம் இருந்து விடுதலை அடைந்த போது உருவாக்கப்பட்டது. பிரித்தானியாவின் வெஸ்ட்மின்ஸ்டர் அமைப்பைப் போன்ற அரசியலமைப்பு இலங்கையிலும் நடைமுறையில் இருந்தது. அதனால் இலங்கையிலும் பிரத மந்திரியே நாட்டின் அதியுயர் தலைமைப் பதவியைக் கொண்டிருந்தார். இலங்கை 1972 இல் குடியரசான போதும் பிரதம மந்திரியே நாட்டின் தலைவராக இருந்தார். ஆனால் இவ்வமைப்பு 1978இல் மாற்றப்பட்டது. 1978 ஆம் ஆண்டில் நிறைவேற்று அதிகாரம் கொண்ட சனாதிபதி பதவி அரசியலமைப்பு மாற்றத்தின் மூலம் உருவாக்கப்பட்டது. இதன்படி சனாதிபதி நாட்டின் தலைவராகவும் அரசின் தலைவராகவும் இருக்க வழிகோலப்பட்டது. அத்துடன் ஒருவர் இரு தடவைகள் மட்டுமே சனாதிபதி பதவியில் இருக்கலாம். பிரதமர் மந்திரி சனாதிபதியால் நியமிக்கப்பட்டார். பிரதமர் அமைச்சரவைக்குத் தலைவராக இருந்தார். சனாதிபதி இறக்கும் போது பிரதமர் தற்காலிக சனாதிபதியாவார். பாராளுமன்றம் புதிய சனாதிபதியைத் தேர்ந்தெடுக்கும் வரையில் அல்லது புதிய சனாதிபதி தேர்தல் நடக்கும் வரையில் தற்காலிக சனாதிபாதி பதவியில் இருக்கலாம்.

இலங்கையின் தற்போதய பிரதமர் ரட்னசிறி விக்கிரமநாயக்கா இலங்கை சனாதிபதி மகிந்த ராஜபக்சவினால் நவம்பர் 21, 200 இல் தெரிவு செய்யப்பட்டார்.

வரலாறும் அதிகாரங்களும்

முதன்மைக் கட்டுரை: இலங்கைப் பிரதமரின் நிலை

இலங்கைப் பிரதமர் பட்டியல்

1948 - 1972

படிமம்:MansionSir296.jpg

பிரதமர் அலுவலகம், கொழும்பு.

• டொன் ஸ்டீபன் சேனநாயக்க (அக்டோபர் 14, 1947 - மார்ச் 22, 1952)
• டட்லி சேனநாயக்க (மார்ச் 26, 1952 - அக்டோபர் 12, 1953)
• ஜோன் கொத்தலாவல (அக்டோபர் 12, 1953 - ஏப்ரல் 12, 1956)
• சொலமன் ரிஜ்வே டயஸ் பண்டாரநாயக்க (ஏப்ரல் 12, 1956 - செப்டம்பர் 26 1959)
• விஜயானந்த தஹநாயக்க (செப்டம்பர் 26 1959 - மார்ச் 21, 1960)
• டட்லி ஷெல்டன் சேனநாயக்க (மார்ச் 21, 1960 - சூலை 21, 1960)
• சிறிமாவோ ரத்வத்த டயஸ் பண்டாரநாயக்கா (சூலை 21, 1960 - மார்ச் 27, 1965)
• டட்லி ஷெல்டன் சேனநாயக்க (மார்ச் 27, 1965 - மே 29, 1970)
• சிறிமாவோ ரத்வத்த டயஸ் பண்டாரநாயக்கா (மே 29, 1970 - மார்ச் 22, 1972)

1972 - இற்றைவரை

• சிறிமாவோ ரத்வத்த டயஸ் பண்டாரநாயக்கா (மார்ச் 22, 1972 - சூலை 23, 1977)
• ஜூனியஸ் ரிச்சர்ட் ஜெயவர்த்தன (சூலை 23, 1977 - பெப்ரவரி 6, 1978 )
• ரணசிங்க பிரேமதாச (பெப்ரவரி 6, 1978 - மார்ச் 3, 1989)
• டிங்கிரி பண்டா விஜயதுங்கா (மார்ச் 3, 1989 - மே 7, 1993)
• ரணில் விக்கிரமசிங்க - (மே 7, 1993 - ஆகத்து 19, 1994)
• சந்திரிக்கா பண்டாரநாயக்கா குமாரதுங்க (ஆகத்து 19, 1994 - நவம்பர் 14, 1994)
• சிறிமாவோ ரத்வத்த டயஸ் பண்டாரநாயக்கா (நவம்பர் 14, 1994 - ஆகத்து 10, 2000)
• இரத்தினசிறி விக்கிரமநாயக்க (ஆகத்து 10, 2000 - டிசம்பர் 9, 2001)
• ரணில் விக்கிரமசிங்க (டிசம்பர் 9, 2001 - ஏப்ரல் 6, 2004)
• மகிந்த ராசபக்ச (ஏப்ரல் 6, 2004 - நவம்பர் 21, 2005)
• இரத்தினசிறி விக்கிரமநாயக்க - (நவம்பர் 21 2005 - ஏப்ரல் 21 2010)
• திசாநாயக்க முதியன்சேலாகே ஜயரத்ன - (ஏப்ரல் 21 2010 - இன்று)

இவற்றையும் பார்க்கவும்

• இலங்கை சனாதிபதி

உசாத்துணை

• இலங்கைப் பாராளுமன்றம் - பாராளுமன்றக் கையேடு, பிரதமர்கள்