வலைவாசல்:புவியியல்

தமிழ் | தமிழர் | பண்பாடு | கலை | சமயம் | வரலாறு | அறிவியல் | கணிதம் | புவியியல் | சமூகம் | தொழினுட்பம் | மக்கள்

தொகு   புவியியல் என்பது புவி, அங்குள்ள நிலம், பல்வேறு அம்சங்கள், அதிலுள்ள உயிர் வகைகள் மற்றும் தோற்றப்பாடுகள் என்பவற்றை விளக்கும் ஒரு துறையாகும். இச்சொல்லை நேரடியாக மொழி பெயர்க்கும்போது அது புவியைப்பற்றி விளக்குவது அல்லது எழுதுவது என்பதைக் குறிக்கும். புவியியல் ஆய்வில் வரலாற்று ரீதியாக நான்கு மரபுகள் காணப்படுகின்றன. 1) இயற்கை மற்றும் மனிதத் தோற்றப்பாடுகள் தொடர்பிலான இடம்சார் பகுப்பாய்வு, இது பரம்பல் அடிப்படையிலான புவியியல் ஆய்வு. 2) நிலப்பரப்பு ஆய்வு, இது இடங்களும், நிலப்பகுதிகளும் தொடர்பானது. 3) மனிதனுக்கும், நிலத்துக்குமான தொடர்பு பற்றிய ஆய்வு. 4) புவி அறிவியல்கள் தொடர்பான ஆய்வு. ஆனால், தற்காலப் புவியியல், எல்லாவற்றையும் ஒருங்கே தழுவிய ஒரு துறை. இது புவியையும் அதிலுள்ள எல்லா மனித மற்றும் இயற்கைச் சிக்கல்களையும் புரிந்துகொள்ள முயல்கிறது. எங்கெங்கே பொருள்கள் இருக்கின்றன என்பதை மட்டுமன்றி, அவை எவ்வாறு மாறுகின்றன, எப்படித் தற்போதைய நிலையை அடைந்தன என்பவற்றை அறிவது தற்காலப் புவியியலின் நோக்கமாகும். மனிதனுக்கும், இயற்பு அறிவியலுக்கும் இடையே உள்ள தொடர்பாக அமைவதால், புவியியல் துறையானது, மானிடப் புவியியல், இயற்கைப் புவியியல் என இரு பிரிவுகளாகப் பிரிக்கப்பட்டுள்ளது. தொகு   சிறப்புக் கட்டுரை தமிழ்நாடு இந்தியாவின் 28 மாநிலங்களில் ஒன்றாகும். தமிழ்நாடு, தமிழகம் என்றும் பரவலாக அழைக்கப்படுகிறது. இதன் தலைநகராக சென்னை உள்ளது. தமிழ்நாடு இந்தியத் துணைக்கண்டத்தின் தென்முனையில் அமைந்துள்ளது. இதன் ஆட்சிப்பகுதி எல்லைகளாக மேற்கிலும் வடக்கிலும் கேரளா, கருநாடகம் மற்றும் ஆந்திர மாநிலங்கள் உள்ளன. புதுச்சேரி ஒன்றியப் பகுதியின் புதுச்சேரி, காரைக்கால் பகுதிகளைச் சுற்றிலும் தமிழ்நாடு மாநிலம் எல்லைகளைக் கொண்டுள்ளது. புவியியல் எல்லைகளாக வடக்கே கிழக்குத் தொடர்ச்சி மலைத்தொடரும், மேற்கே மேற்குத் தொடர்ச்சி மலைத்தொடரின் நீலமலை வீச்செல்லை, ஆனை மலை வீச்செல்லை, பாலக்காடு கணவாய் ஆகியவையும் கிழக்கில் வங்காள விரிகுடாக் கடலும், தென்கிழக்கில் மன்னார் வளைகுடா, பாக்கு நீரிணை ஆகியவையும் தெற்கில் இந்தியப் பெருங்கடலும் உள்ளன. தமிழகம் ஆங்கிலத்தில் மெட்ராஸ் ஸ்டேட் என்றும் தமிழில் சென்னை மாகாணம் என்றும் அழைக்கப்பெற்றது. இதனை தமிழ்நாடு என்று மாற்றக்கோரி போராட்டங்கள் நடைபெற்றன. சங்கரலிங்கனார் என்பவர் 76 நாட்கள் உண்ணாவிரதம் இருந்து உயிர்துறந்தார். பின்னர் மதராசு ஸ்டேட் என்று இருந்த பெயர் 1969 ஆம் ஆண்டு தமிழ்நாடு என்று மாற்றப்பட்டது. தொகு   சிறப்புப் படம் எரிகற்குழம்பு எரிகற்குழம்பு (லாவா) என்பது எரிமலை குமுறும் போது வெளிவரும் உருகிய பாறைக் குழம்பைக் குறிக்கும். இது எரிமலையின் துளையில் இருந்து வெளிவருகையில் இதன் வெப்பநிலை 700 °C முதல் 1200 °C வரை இருக்கும். இக்குழம்பின் பாகுநிலை நீரினை விட சுமார் $1,00,000$ மடங்கு அதிகமாக இருப்பினும், இக்கொதிக்கும் பாறைக் குழம்பு வெகுதூரம் உறையாமல் ஓடக்கூடியது. படத்தில் கிட்டத்தட்ட 10 மீ உயரத்தில் பீய்ச்சி அடிக்கும் எரிகற்குழம்பு காட்டப்பட்டுள்ளது. தொகு   செய்திகளில் புவியியல் மே 21, 2013: ஓக்லகோமா சூறைப்புயலில் சிக்கி குறைந்தது 91 பேர் உயிரிழப்பு. மே 16, 2013: மகசென் சூறாவளி வங்காளதேசத்தின் தெற்குக் கரையைத் தாக்கியது. மே 7, 2013: பிலிப்பைன்சின் மயோன் எரிமலை வெடித்ததில் ஐந்து மலையேறிகள் உயிரிழப்பு. ஏப்ரல் 23, 2013: சீனாவின் யாங்சி ஆற்றின் வயது 23 மில்லியன் ஆண்டுகள் என அறிவியலாளர்கள் கண்டுள்ளனர். ஏப்ரல் 21, 2013: சீனா சிக்குவான் மாகாண நிலநடுக்கம்: உயிரிழப்புகள் 200 ஐத் தாண்டியது. ஏப்ரல் 20, 2013: ஆப்பிரிக்காவின் நமீப் பாலைவனத்தில் உள்ள 'விசித்திர வளையங்களுக்கு' கறையான்களே காரணம். தொகு   புவியியலாளர்கள்‎ பியெரி பெர்தியர் ( Pierre Berthier: ஜூலை 3, 1782- ஆகஸ்ட் 24, 1861) பிரான்சு நாட்டுப் புவியியலாளர் மற்றும் சுரங்கப்பொறியாளர். பிரான்சின் தெற்குப் பகுதியில் உள்ள லெஸ்-பாக்ஸ்-டி-புரொவென்சி எனும் கிராமத்தில் பணியாற்றிக்கொண்டிருந்த போது அங்கு கிடைக்கப்பெற்ற ஒரு கனிமத்தைக் கண்டறிந்து, அதற்கு அவ்வூரின் பெயரான பாக்சைட் (Bauxite) பெயரிட்டார். இதிலுள்ள உலோகம் அலுமினியம் எனக் கண்டறிந்து அதனைப் பிரித்தெடுத்தார். மேலும் இவர் பெர்தியரைட் என இவர் பெயரால் அழைக்கப்படும் கனிமத்தையும் கண்டறிந்தார். பெர்தியர் பிரான்சு அறிவியல் கழகத்தின் உறுப்பினராக தேர்ந்தெடுக்கப்பட்டார். பிரான்சு நாட்டின் உயரிய விருதான செவாலியர் விருது பெர்தியருக்கு வழங்கப்பட்டது தொகு   உங்களுக்குத் தெரியுமா... ... ஒன்சூ தீவு சப்பான் நாட்டின் மிகப்பெரியதும், உலகில் பரப்பளவின் படி ஏழாவது மிகப்பெரியதும், மக்கள் தொகையின் படி இரண்டாவது மிகப்பெரிய தீவும் ஆகும். ... உலகில் பல்லுயிர் வளம் மிக்க எட்டு இடங்களில் மேற்குத் தொடர்ச்சி மலையும் ஒன்றாகும். ... நகரும் கற்கள் என்பது கற்கள் அல்லது பாறைகள் மனிதனதோ அல்லது எந்தவொரு விலங்கினதோ தலையீடின்றி ஒரு நீண்ட நேரான பாதைக்குத் தடத்துடன் நகரும் ஒரு நிலவியல் தோற்றப்பாடு ஆகும். ... காபோன் நாட்டின் ஓக்லோ என்ற இடத்தில் மாந்தர்களின் துணை ஏதுமில்லாமல் இயற்கையிலேயே தன்நேர்வாக யுரேனியம் அணு உலைகள் தொடங்கி மிக மிக நெடுங்காலமாக, அதாவது 600,000 ஆண்டுகள் முதல் 1,500,000 ஆண்டுகள் வரையும், இயங்கி வந்திருக்க வேண்டும் எனக் கண்டு பிடித்திருக்கிறார்கள். ... இந்தியாவின் மலைத்தொடர்களில் மிகப்பழமையானது ஆரவல்லி மலைத்தொடர். இது ராஜஸ்தான், ஹரியானா, குசராத், பஞ்சாப், சிந்த் ஆகிய பகுதிகளின் ஊடே செல்கிறது. தொகு   இதே மாதத்தில் மேலும் சில... தொகு   புவியியல் கண்டங்கள் அன்டார்க்டிக்கா ஆப்பிரிக்க-யூரேசியா அமெரிக்காக்கள் ஆத்திரேலியா (கண்டம்) ஆப்பிரிக்கா யூரேசியா வட அமெரிக்கா ஓசியானியா ஐரோப்பா ஆசியா தென் அமெரிக்கா அமாசியா கோண்டுவானா • இலெமூரியா • பாஞ்சியா தொகு   பகுப்புகள் புவியியல் குறுங்கோள்களின் புவியியல் நாடு வாரியாக புவியியல் புவியியல் தொடர்பான பட்டியல்கள் கண்டம் வாரியாகப் புவியியல் இடங்கள் இயற்கை அழிவுகள் ஊரியல் எரிமலைகள் கடற்கரைகள் கடற்கரைப் புவியியல் கண்டங்கள் கணவாய்கள் காலநிலை குகைகள் குடாக்கள் சமவெளிகள் சுற்றுலா சூழலியல் தமிழர் புவியியல் திசைகள் தீவுக்கூட்டங்கள் தீவுகள் துருவங்கள் புவியியல் தொழில்நுட்பம் நகரங்கள் நகரப் புவியியல் நாட்டின் துணைப்பிரிவுகள் நாடுகள் நில அமைப்புகள் நில அளவியல் நிலநேர்க்கோடுகள் நிலப்படங்கள் நிலப்படவரைவியல் நிலம்சூழ் நாடுகள் நிலவியல் நீர்நிலைகள் நீரியல் புவியியல் நூல்கள் பள்ளத்தாக்குகள் பனியாறுகள் பாதுகாக்கப்பட்ட பகுதிகள் பாலைவனங்கள் பீடபூமிகள் புவியியல் தொடர்பான குறுங்கட்டுரைகள் புவியியலாளர்கள் பெருங்கடல் ஆய்வியல் மலைகள் மாநிலங்கள் மூவலந்தீவுகள் வட்டாரங்கள் வடிநிலங்கள் வெந்நீரூற்றுகள் வெப்ப மண்டலங்கள் தொகு   நீங்களும் பங்களிக்கலாம் புவியியல் தொடர்பான கட்டுரைகளில் {{வலைவாசல்|புவியியல்}} வார்ப்புருவை இணைக்கலாம். புவியியல் தொடர்பான புதிய கட்டுரைகளை உருவாக்கலாம். புவியியல் தொடர்பான குறுங்கட்டுரைகளை மேம்படுத்தி உதவலாம். புவியியல் தொடர்பான படிமங்களை பதிவேற்றலாம். புவியியல் தேவைப்படும் கட்டுரைகள் பகுதியில் கோரப்பட்டுள்ள கட்டுரைகளை உருவாக்கலாம். தொகு   விக்கித்திட்டங்கள் தாய்த் திட்டம் விக்கித் திட்டம் புவியியல் துணைத் திட்டம் விக்கித் திட்டம் நாடுகள் பிற விக்கித்திட்டங்கள் தொகு   தொடர்பான தலைப்புகள் அறிவியல் இயற்பியல் உயிரியல் சமூக விஞ்ஞானம் பயன்பாட்டு அறிவியல் பல்துறைமை தொகு   தொடர்புடைய வலைவாசல்கள் தமிழ்நாடு அறிவியல் இந்தியா உயிரியல் சூழலியல் தமிழ்நாடு அறிவியல் இந்தியா உயிரியல் சூழலியல் தொகு   பிற விக்கிமீடிய திட்டங்கள் வலைவாசல் என்றால் என்ன? ·  · வலைவாசல்களை அமைப்பது எப்படி?