கல்லாவி

கல்லாவி
—  நகரம்  —
ஆள்கூறு
நாடு	இந்தியா
மாநிலம்	தமிழ்நாடு
மாவட்டம்	கிருஷ்ணகிரி
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	சி. தினேஷ்குமார், இ. ஆ. ப
நேர வலயம்	இந்திய சீர் நேரம் (ஒ.ச.நே + 05:30)
குறியீடுகள் • அஞ்சல் குறியீட்டு எண் • 635304

கல்லாவி (Kallavi) என்பது கிருஷ்ணகிரி மாவட்டம், ஊத்தங்கரை ஊராட்சி ஒன்றியத்தைச் சேர்ந்த ஊராட்சியாகும். இது சிறு நகரமாகும், ஊத்தங்கரை சட்டமன்ற தொகுதிக்குட்பட்டதாக இருக்கிறது. கல்லாவியில் சேலம் - சென்னை செல்லும் தொடருந்துப் பாதையில் தாசம்பட்டி என்ற பெயரில் இரயில் நிலையம் அமைந்துள்ளது. இங்கு அரசு மேல்நிலைப்பள்ளி, அரசு மருத்துவமனை, அரசு நூலகம் அமைந்திருக்கிறது. இந்தியன் ஓவர்சீஸ் வங்கி, இந்தியன் வங்கி மற்றும் கூட்டுறவு வங்கி செயல்படுகிறது.

அமைவிடம்

கல்லாவியானது ஊத்தங்கரையில் இருந்து 12 கி.மீ. தொலைவிலும், போச்சம்பள்ளியில் இருந்து 15 கி.மீ மற்றும் மொரப்பூரில் இருந்து 16 கி.மீ. தொலைவிலும், சாமல்பட்டியில் இருந்து 9 கி.மீ தொலைவிலும் ஒசூரில் இருந்து 100 கி.மீ தொலைவிலும், மாவட்ட தலைநகரான கிருஷ்ணகிரியிலிருந்து 46 கிலோமீட்டர் தொலைவிலும், மாநிலத் தலைநகரான சென்னையில் இருந்து 252 கிலோமீட்டர் தொலைவிலும் உள்ளது.

தொல்லியல் எச்சங்கள்

கல்லாவி ஊருக்கு அருகில் ஏறத்தாழ 20 ஏக்கர் பரப்பளவில் வாழ்விட மேடு உள்ளது. இங்கு பெருங்கற்காலத்தைச் சேர்ந்த பொருட்கள் கிடைத்துள்ளன.

உள்ளூர் மக்களால் கல்லுக்குட்டை என்று அழைக்கபடும் ஈமக் காட்டானது கல்லாவியில் இருந்து இரண்டு கிலோமீட்டர் தொலைவில் பேருந்து செல்லும் சாலையை ஒட்டியே அமைந்துள்ளது. இந்த இடம் பழைய கோட்டை மேட்டுத் தெரு என்றும் அழைக்கப்படுகிறது. இங்கு கல் வட்ட வகை பெருங்கற்கால ஈமச்சின்னங்கள் உள்ளன. பெரும்பாலான கல் வட்டங்கள் சேதப்படுத்தபட்டுள்ளன.

கோயில்

• வேணுகோபால சுவாமி கோயில்
• வேடியப்பன் கோயில்
• தீப்பாஞ்சி அம்மன் கோவில் கல்லாவி
• பெருமாளப்பன் சுவாமி திருக்கோவில்
• வீரபத்திரன் சுவாமி திருக்கோயில்
• முருகர் சுவாமி திருக்கோயில்