கமலாகரர்
கமலாகரர் (Kamalakara) (1616 – 1700) இந்திய வானியலாளரும், இந்திய கணிதவியல் அறிஞரும் ஆவார். இவர் மகாராட்டிராவில் பாயும் கோதாவரி ஆற்றின் வட கரையில் அமைந்த கோலகிராமத்தில் பிறந்தார்.[1]இவரது தந்தை நரசிம்மர் 1586ல் பிறந்தார்.[2] 1606ல் பிறந்த இவரது மூத்த சகோதரர் திவாகரர் வானியல் மற்றும் கணிதவியலில் அறிஞர் ஆவார். இவரது இளைய சகோதரர் ரங்கநாதர் ஆவார். இவர் தனது மூத்த சகோதரரிடமிருந்து வானியல் மற்றும் கணிதவியலைக் கற்றறிந்தார். கமலாகரர் வானிவியல் குறித்து ஐந்து தொகுதிகள் கொண்ட நூலை எழுதினார். பின்னர் இவரது குடும்பம் வாரணாசிக்கு இடம்பெயர்ந்தது.
முக்கியப் படைப்புகள்[தொகு]
கமலாகாரர் வாரணாசியில் 1658ம் ஆண்டில் சித்தாந்த தத்துவ விவேகம் ("Siddhāntatattvaviveka") எனும் வானவியல் குறித்த நூலை தொகுத்தார். இந்நூலை சுதாகர் திவாரி என்பவர் பதிப்பிட்டு, வெளியிட்டார். இந்நூல் 13 அத்தியாயங்களையும், 3,024 செய்யுள்களையும் கொண்டது. இவரது நூல் கீழ்கண்ட தலைப்புகளைக் கொண்டது: நேர அளவீட்டு அலகுகள்; கிரகங்களின் அசைவுகள்; கிரகங்களின் உண்மையான தீர்க்கரேகைகள்; கிரகங்களின் தினசரி சுழற்சியின் மூன்று சிக்கல்கள்; கிரகங்களின் விட்டம் மற்றும் தூரம்; பூமியின் நிழல்; சந்திரனின் தேய்பிறை, வளர்பிறை; சந்திர கிரகணம், சூரிய கிரகணம்; சூரியனின் வட்டத்தின் குறுக்கே கிரகப் போக்குவரத்துகளை விளக்குகிறது. இவரது பிற படைப்புகள் சேசவாசனா மற்றும் சௌரவாசனா ஆகும்.
பிற பங்களிப்புகள்[தொகு]
- கமலாகரர் பாரம்பரிய இந்திய வானியல், அரிஸ்டாட்டிலின் இயற்பியல் மற்றும் இஸ்லாமிய அறிவியலாளர்களால் முன்வைக்கப்பட்ட தாலமி வானியல் ஆகியவற்றை இணைத்தார்.
- சித்தாந்த-தத்துவ-விவேகத்தின் மூன்றாவது அத்தியாயத்தில், கமலாகரர் சைன் மற்றும் கோசைன் ஆகியவற்றிற்கான கூட்டல் மற்றும் கழித்தல் தேற்றங்களைப் பயன்படுத்தி இரட்டை, மூன்று, நான்கு மற்றும் ஐந்தாவது கோணங்களின் சைன்கள் மற்றும் கோசைன்களுக்கு முக்கோணவியல் சூத்திரங்களைக் கொடுத்தார். குறிப்பாக அவர் sin(A) மற்றும் sin(A/3) மற்றும் sin(A/5) ஆகியவற்றின் அடிப்படையில் sin(A/2) மற்றும் sin(A/4) ஆகியவற்றிற்கான சூத்திரங்களை வழங்குகிறார்.
- இவர் பூமியின் ஆரத்திற்கு 60 அலகுகளின் மதிப்பை ஊகித்து 1° இடைவெளியில் சைன்களுக்கான மதிப்புகளைக் கொடுத்துள்ளார்.
- கமலாகரர் ஒரு கிரகம் அதன் தீர்க்கரேகையில் இருந்து சரியான எழுச்சியைக் கண்டறிவதற்கான அட்டவணையை வகுத்துள்ளார்.
கமலாகரரின் முடிபுகள் குறித்த கட்டுரைகள்[தொகு]
- A K Bag, "Indian literature on mathematics during 1400–1800 A.D.", Indian J. Hist. Sci. 15 (1) (1980), 79–93.
- Radha Charan Gupta, "Kamalakara's mathematics and construction of Kundas", Ganita Bharati 20 (1-4) (1998), 8–24.
- Radha Charan Gupta, "Addition and subtraction theorems for the sine and the cosine in medieval India", Indian J. History Sci. 9 (2) (1974), 164–177.
- Radha Charan Gupta, "Sines and cosines of multiple arcs as given by Kamalakara", Indian J. History Sci. 9 (2) (1974), 143–150.
- Radha Charan Gupta, "Sines of sub-multiple arcs as found in the Siddhanta-tattva-viveka", Ranchi Univ. Math. J. 5 (1974), 21–27.
- David Pingree, "Islamic astronomy in Sanskrit", J. Hist. Arabic Sci. 2 (2) (1978), 315–330; 425.
- A N Singh, "Hindu trigonometry", Proc. Benares Math. Soc. 1 (1939), 77–92.
இதனையும் காண்க[தொகு]
ஆதாரங்கள்[தொகு]
- ↑ Pingree, David Erwin (1970). Census of the Exact Sciences in Sanskrit, Volume 1. American Philosophical Society. பக். 21, 386. பன்னாட்டுத் தரப்புத்தக எண்:978-0-87169-081-4. https://archive.org/details/censusofexactsci01ping.
- ↑ "Biography of Kamalakara". Archived from the original on 2012-03-31.
மேற்கோள்கள்[தொகு]
- Achar, Narahari (2007). "Kamalākara". The Biographical Encyclopedia of Astronomers. Ed. Thomas Hockey. New York: Springer. பன்னாட்டுத் தரப்புத்தக எண் 978-0-387-31022-0. (PDF version)
- G G Joseph (1991). "Mathematics in India". The Crest of the Peacock: Non-European Roots of Mathematics. London.
- Dvivedi, Sudhakar (1935). The Siddhantatattvaviveka of Kamalakara. Benares.