தெ. அ. சரசுவதி அம்மா

கட்டற்ற கலைக்களஞ்சியமான விக்கிப்பீடியாவில் இருந்து.
தெ. அ. சரசுவதி அம்மா
பிறப்பு26 திசம்பர் 1918
இறப்பு15 ஆகத்து 2000
பணிகணிதவியலாளர்

தெ. அ. சரசுவதி அம்மா (T. A. Sarasvati Amma) (தெக்கத்து அமையான்கோட்டுகுருசி காளத்தி சரசுவதி) (26 டிசம்பர் 1918[1] - ஆகஸ்ட் 2000 15) [2] என்பவர் இந்தியாவினைச் சார்ந்த அறிஞர் ஆவார், இவர் இந்தியாவின் கேரள மாநிலத்தில், பாலக்காடு மாவட்டம் செருபுள்ளாசேரியில் பிறந்தார். பண்டைய மற்றும் இடைக்கால இந்தியாவின் வடிவியல் குறித்த தனது பணி மூலம் கணிதம் மற்றும் சமசுகிருத துறைகளில் பங்களித்துள்ளார்.[2]

வாழ்க்கை வரலாறு[தொகு]

சரசுவதி அம்மா கேரள மாநிலம் பாலக்காடு மாவட்டத்தில், உள்ள சேருபுள்ளாசேரியில் பிறந்தார். இவரது தாயார் குட்டிமாளு அம்மா மற்றும் தந்தை மாரத அச்சுத மேனன் ஆவார். இவர்களின் இரண்டாவது மகள் சரசுவதி.[2] இவர் சென்னைப் பல்கலைக்கழகத்தில் கணிதம் மற்றும் இயற்பியலில் பட்டம் பெற்றார். பின்னர் பனாரசு இந்து பல்கலைக்கழகத்தில் சமசுகிருதத்தில் முதுகலைப் பட்டம் பெற்றார். சமசுகிருத அறிஞரான முனைவர் வி. இராகவனின் வழிகாட்டுதலின் கீழ் தனது ஆராய்ச்சியை மேற்கொண்டார். சரஸ்வதி அம்மா திருச்சூர், கேரளா வர்ம கல்லூரி, மகாராஜாவின் கல்லூரி, எர்ணாகுளம் மற்றும் ராஞ்சியில் உள்ள மகளிர் கல்லூரியில் பேராசிரியராகப் பணிபுரிந்துள்ளார். இவர் ஜார்கண்ட் தன்பாத்தில் உள்ள ஸ்ரீஸ்ரீ லக்ஷ்மி நரேன் அறக்கட்டளை பெண்கள் மகாவித்யாலயாவின் முதல்வராக 1973 முதல் 1980 வரை பணியாற்றினார். தனது பணி ஓய்வுக்குப் பிறகு, தனது சொந்த ஊரான ஓட்டப்பாலத்தில் வாழ்ந்தார்.[2] இவள் 2000இல் இறந்தார். இவரது தங்கை தெ. அ. இராஜலட்சுமி மலையாளத்தில் நன்கு அறியப்பட்ட கதை-எழுத்தாளர் மற்றும் நாவலாசிரியராக இருந்தார், ஆனால் 1965இல் தற்கொலை செய்து கொண்டார்.[2]

கல்வி வாழ்க்கை[தொகு]

2002ஆம் ஆண்டில் கேரள கணித சங்கம் தனது வருடாந்திர மாநாட்டின் போது தே. அ. சரசுவதி அம்மா நினைவு சொற்பொழிவினை துவக்கியது.[2][3] சரசுவதி அம்மாவின் பண்டைய மற்றும் இடைக்கால இந்தியாவில் வடிவியல் புத்தகத்தை மதிப்பாய்வு செய்த மிச்சியோ யானோ இந்த புத்தகம் "இந்திய வடிவியல் படிப்புக்கு உறுதியான அடித்தளத்தை நிறுவியது" எனத் தெரிவித்துள்ளார்.[4]

டேவிட் மம்ஃபோர், கிம் ப்ளோஃப்கருடன் இணைந்து இந்தியாவில் கணிதம் புத்தகத்தில், "தத்தா மற்றும் சிங்கின் 1938 இந்து கணித வரலாறு ... சரசுவதியின் பண்டைய மற்றும் இடைக்கால இந்தியாவில் வடிவியல் சமமாக உள்ளது என்றும் "இந்தியக் கணிதத்தில்" பெரும்பாலான தலைப்புகளின் கண்ணோட்டத்தைப் பெறலாம்" என்று தெரிவித்தனர்.[5]

பண்டைய மற்றும் இடைக்கால இந்தியாவில் இவரது வடிவியல் புத்தகம் இந்தியாவின் சமசுகிருதம் மற்றும் பிரகார்ட் அறிவியல் மற்றும் பகுதி அறிவியல் இலக்கியம் பற்றிய ஆய்வு ஆகும். இது வேத இலக்கியத்தில் தொடங்கி 17ஆம் நூற்றாண்டின் முற்பகுதியில் முடிவடைகிறது. வேத இலக்கியத்தில் உள்ள சுல்பா சமன்பாடுகள், ஜெயினா நியதிப் படைப்புகள் மற்றும் இந்து சித்தாந்தங்களின் கணிதப் பகுதிகள் மற்றும் வானியலாளர் கணிதவியலாளர்கள் ஆரியபட்டா I & II, ஸ்ரீபதி, பாஸ்கர I & II, சங்கமகிராம மாதவ, பரமேஸ்வரர், நீலகண்டன், இவர்களுடைய சீடர்கள் மற்றும் பலரின் வடிவியல் பங்களிப்பினை விரிவாகக் கையாளப்படுகிறது. . கணிதவியலாளர்களான மகாவீரர், ஸ்ரீதரா மற்றும் நாராயண பண்டிதரின் படைப்புகள் மற்றும் பக்ஷாலி கையெழுத்துப் பிரதிகளும் ஆய்வு செய்யப்பட்டுள்ளன. இந்தியக் கணித மேதை முக்கியமாக இயற்கணிதம் மற்றும் கணக்கீடு மற்றும் சான்றுகள் மற்றும் பகுத்தறிவுகளைத் தவிர்த்தது என்ற கோட்பாட்டை முன்னெடுக்க முயல்கிறது. இயற்கணித முடிவுகளின் வடிவியல் முடிவுகளின் அடிப்படையில் மகிழ்ச்சி அடைந்த கணிதவியலாளரும் இந்தியாவிலிருந்தனர்.[6]

தேர்ந்தெடுக்கப்பட்ட பிரசுரங்கள்[தொகு]

நூல் மற்றும் ஆய்வுக் கட்டுரைகள்[தொகு]

சரசுவதி அம்மாஎழுதிய ”பண்டைய மற்றும் இடைக்கால இந்தியாவில் வடிவியல்” நூல் கணிதத்திற்கான இவரின் முக்கியமான பங்களிப்பாகக் கருதப்படுகிறது. இவர் இந்தியக் கணித வரலாறு தொடர்பாக பல்வேறு ஆய்வுக் கட்டுரைகளை வெளியிட்டுள்ளார்.

மேற்கோள்கள்[தொகு]

  1. 1094 of the Kollam Era translates to 26 December 1918. See https://www.mobilepanchang.com/malayalam/malayalam-month-calendar.html?date=26/12/1918
  2. 2.0 2.1 2.2 2.3 2.4 2.5 Gupta, R.C. (2003). "Obituary: T.A. Sarasvati Amma". Indian Journal of History of Science 38 (3): 317–320. http://www.new.dli.ernet.in/rawdataupload/upload/insa/INSA_1/2000c4df_317.pdf. 
  3. Fraser, Craig. "Report on the Awarding of the Kenneth O. May Prize". International Commission on the History of Mathematics. Archived from the original on 21 ஜூலை 2010. பார்க்கப்பட்ட நாள் 7 June 2010. {{cite web}}: Check date values in: |archive-date= (help)
  4. Yano, Michio (1983). "Review of Geometry of Ancient and Medieval India by T. A. Sarasvati Amma". Historia Mathematica 10: 467–470. doi:10.1016/0315-0860(83)90014-9. 
  5. David Mumford (March 2010). "Book Review". Notices of the AMS 57 (3). http://www.ams.org/notices/201003/rtx100300385p.pdf. 
  6. Sarasvati Amma, T. A. (1999). Book Review by Google. பன்னாட்டுத் தரப்புத்தக எண்:9788120813441. https://books.google.com/books?id=Ikfy03P7xAsC&q=T.A.+Saraswati+Amma+obituary. பார்த்த நாள்: 28 May 2010. 
"https://ta.wikipedia.org/w/index.php?title=தெ._அ._சரசுவதி_அம்மா&oldid=3783830" இலிருந்து மீள்விக்கப்பட்டது