ராமராஜன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

ராமராஜன் ஒரு தமிழ் திரைப்பட நடிகர். இவர், அ. இ. அ. தி. மு. க-வின் தலைமை கழக பேச்சாளராக பொறுப்பு வகிக்கிறார். இவர் 1998ல் திருச்செந்தூர் மக்களவைத் தொகுதியிலிருந்து தேர்ந்தெடுக்கப்பட்டு நாடாளுமன்ற உறுப்பினராகவும் மக்கள் பணியாற்றி உள்ளார்.

திரைப்படத் துறை பங்களிப்புகள்[தொகு]

எண்பதுகளின் இறுதியில் உச்சத்தில் இருந்தவர். இவர் நடித்த படங்கள் தமிழகத்தில் நன்கு விற்பனை ஆகின. முதலில் உதவி இயக்குனராகவும், பிறகு இயக்குனராகவும் இருந்து பிறகு முழுநேர நடிகரானவர். இவர் நடித்த கரகாட்டக்காரன் திரைப்படம் மதுரையில் ஒரு திரையரங்கில் ஒரு வருடம் ஓடி சாதனை படைத்தது.

கங்கை அமரன், ரங்கராஜன் ஆகியோர் இவரது இயக்குனர்களாக இருந்தனர்

இவர் நடித்த புகழ்பெற்ற ஏனைய திரைப்படங்கள் - எங்க ஊரு பாட்டுக்காரன், தங்கமான ராசா, ஊருவிட்டு ஊருவந்து, என் ராசாவின் மனசிலே, வில்லுபாட்டுக்காரன், நம்ம ஊரு நல்ல ஊரு, ரயிலுக்கு நேரமாச்சு மற்றும் பல.

தனிப்பட்ட வாழ்க்கை[தொகு]

இவர் திரைப்பட நடிகை நளினியை திருமணம் செய்து கொண்டார். அருண், அருணா ஆகிய இரு வாரிசுகள் உள்ளன. சில ஆண்டு மண வாழ்க்கைக்கு பிறகு இப்போது விவாகரத்து பெற்று வாழ்ந்து வருகிறார்.

அரசியல் வாழ்க்கை[தொகு]

திசம்பர் 12, 2010 அன்று அதிமுக பரப்புரைக்காக திருநெல்வேலி செல்லும் போது மதுரை அருகே நல்லம்ம நாயக்கன் பட்டியில் சாலை ஓர பொருளில் மோதி இவர் சென்ற மகிழுந்து விபத்துக்குள்ளானதில் இவருக்கு தலையிலும் காலிலும் கடுமையான காயம் ஏற்பட்டது. மகிழுந்து ஓட்டுநர் விபத்து நடந்த இடத்திலேயே இறந்தார். [1][2]

மேற்கோள்கள்[தொகு]

  1. "Famous Tamil film hero Ramarajan injured in a road accident: Driver killed on the spot". asiantribune. பார்த்த நாள் 18 மார்ச் 2014.
  2. "Actor Ramarajan injured in accident". thehindu. பார்த்த நாள் 18 மார்ச் 2014.
"http://ta.wikipedia.org/w/index.php?title=ராமராஜன்&oldid=1752743" இருந்து மீள்விக்கப்பட்டது