தொழினுட்பம்

கட்டற்ற கலைக்களஞ்சியமான விக்கிப்பீடியாவில் இருந்து.
(தொழில்நுட்பம் இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
20 ஆம் நூற்றாண்டின் நடுப்பகுதியில், மனிதன் புவியைவிட்டுக் கிளம்பி வான்வெளியில் உலாவரும் அளவுக்குத் தொழில்நுட்ப வளர்ச்சியைப் பெற்றான்.

தொழினுட்பம் அல்லது தொழில் நுட்பம் என்பது, பொருட்கள் அல்லது சேவைகள் உற்பத்தி செய்ய பயன்படும் அறிவியல் நுட்பங்களின் தொகுப்பு. தொழினுட்பம் கருவிகள், கைவினைகள் முதலியவற்றின் பயன்பாட்டுடனும், அவை எவ்வாறு அவற்றைப் பயன்படுத்துவோர் தமது சூழலைக் கட்டுப்படுத்தவும், அதனோடு இயைந்து வாழவும் கூடிய தகுதியில், தாக்கத்தை ஏற்படுத்துகின்றன என்பதுடனும் தொடர்புள்ள ஒரு பரந்த கருத்துரு ஆகும். எனினும் ஒரு இறுக்கமான வரைவிலக்கணம் இதற்குக் கொடுக்க முடியாது. தொழினுட்பம் பொறிகள், வன்பொருட்கள், பயன்பாட்டுப் பொருட்கள் போன்ற மனித இனத்துக்குப் பயன்படும் பொருள்களைக் குறிக்கக்கூடும். ஆனால் இது இன்னும் பரந்த முறைமைகள், அமைப்பு முறைகள், நுட்பங்கள் என்பவற்றையும் குறிக்கக்கூடும். இச் சொல்லைப் பொதுப் பொருளில் ஆள்வதுடன், குறிப்பிட்ட துறைகள் சார்பாகவும் பயன்படுத்தலாம். எடுத்துக்காட்டாக, கட்டுமானத் தொழினுட்பம், மருத்துவத் தொழினுட்பம் போன்ற பயன்பாடுகள் குறிப்பிட்ட துறைகள் சார்ந்தவையாகும்.

அறிவியல் எ.க பொறியியல் எ.க தொழில்நுட்பம்[தொகு]

அறிவியல், பொறியியல் மற்றும் தொழில்நுட்பம் ஆகிய இம்மூன்றும் ஒன்றுக்கொண்று நெருங்கிய தொடர்பு கொண்டிருந்தாலும், இம்மூன்றும் வெவ்வாறனவை..[1] தியோடர் வோன் கர்மான் அவர்களின் பிரபலமான கூற்றின்படி:'அறிவியல் இவ்வுலகம் எப்படி இருக்கிறது/உருவானது என்பதை விளக்குகிறது; பொறியலானது அறிவியல் கூற்றின்படி இதுவரை இல்லாத உலகை/பொருளை/செய்முறையை உருவாக்குகிறது'. தொழில்நுட்பம் என்பது பொறியியல் கருவிகள், உபகரணங்கள் செயல்முறைகள் அனைத்தையும் உள்ளடக்கியது.

அறிவியலானது பொதுவான உண்மைகளையும் விதிகளையும் உள்ளடக்கியது, அறிவியல் என்பது உலகினை கவனித்தலின் மூலமாக பெறக்கூடிய ஞானமாகும்; பொறியியல் என்பது அறிவியலால் பெறப்பட்ட அறிவினை கொண்டு இதுவரை இல்லாத ஒரு பொருளினையோ/உலகினையோ வடிவமைப்பு மற்றும் உருவாக்ககூடிய முறையாகும். தொழில்நுட்பம் என்ற சொற்றொடர் ஒப்புமை அளிக்கப்பட்ட அனைத்துவிதமான பொறியியல் கருவிகள்/செய்முறைகளை திரும்ப திரும்ப பயன்படுத்தலின் மூலமாக உருவாகிறது.[2]

அறிவியலாளர்கள் வழக்கத்திலிருக்கும் அறிவு மற்றும் உபகரணங்களை கொண்டு மின்கடத்தியில் எதிர்மின்னியின் ஒட்டம் எவ்வாறு இருக்கிறது என்பதை கண்டறிகின்றனர், இந்தப் புதிய அறிவு மற்றும் கண்டுபிடிப்புகளை அடிப்படையாக வைத்து பொறியியலாளர்கள் புதிய உபகரணங்கள்க மற்றும் கருவிகளான குறைக்கடத்தி, கணினியை கண்டுபிடிக்கின்றனர்.

வரலாறு[தொகு]

பழங்கால வெட்டி

பழைய கற்காலத்தில் மனிதர்களின் கருவிகள் பயன்பாடு தொழில்நுட்பத்தின் கண்டுபிடிப்பு மற்றும் பரிமாண வளர்ச்சியின் அடிப்படையில் இருந்தது. ஆதிமனிதன் கற்களை கொண்டு ஆயுதம் செய்தான்; சுமார் 75000 ஆண்டுகளுக்கு முந்தைய ஆரம்பகால கல்கருவிகள் ஒரு சிதறடிக்கப்பட்ட பாறைகளை விட சற்று பெரியதாக இருந்தன.[3] பின்பு தீயின் கண்டுபிடிப்பு மற்றும் பயன்பாடானது எளிமையான ஆதார சக்தியாக மட்டுமில்லாமல், மனிதகுலத்தின் தொழில்நுட்ப வளர்ச்சியில் ஏற்பட்ட ஒரு முக்கிய திருப்புமுனையாகும்.[4] தீ கண்டுபிடிக்கப்பட்ட ஆண்டின் விவரம் சரியாத தெரியாதபொழுதும், மனிதகுலத்தின் தொட்டில் என்றழைக்கப்படும் பகுதியில் அகழ்வராய்ச்சியின் பொழுது எடுக்கப்பட்ட எரிந்த விலங்குகளின் எலும்புகள் ஆதாரங்கள், வீட்டு உபயோகத்தில் தீ தோரயமாக 1MA ஆண்டுகளுக்கு முன்பே பயன்பாட்டிற்கு வந்திருக்கவேண்டும் என்பதை கூறுகிறது.;[5] சுமார் 500000 மற்றும் 400000(400Ka) ஆண்டுகளில் ஹோமா எரக்டஸ் மனித இனம் தீயை கட்டுபடுத்தியதாக அறிஞர்கள் ஒருமித்தவாறு சுட்டிக்காட்டுகின்றனர்.[6][7] ஆரம்பகால மனிதர்கள் தங்கள் உணவை சமைப்பதற்கும், அதன் செரிமானத்தை அதிகரிக்கவும், ஊட்டச்சத்து மதிப்புகளை மேம்படுத்தவும், சாப்பிடக்கூடிய உணவுகளின் எண்ணிக்கையை அதிகரிக்கவும், மரம் மற்றும் நிலக்கரி கொண்டு எரியச்செய்யும் 'தீயானது' அனுமதித்தது.[8] பண்டைய கற்காலத்தின்போது ஏற்பட்ட பிற தொழில்நுட்ப முன்னேற்றங்கள் ஆடை மற்றும் தங்குமிடம் ஆகியனவாகும்; இவ்விரு தொழில்நுட்பங்களின் பயன்பாட்டு காலத்தினைச் சரியாகத் தேதியிட முடியாது, ஆனால் அவை மனித முன்னேற்றத்திற்கான முக்கியமான கண்டுபிடிப்புகள் ஆகும். பண்டைய கற்கால வளர்ச்சியின்பொழுது, இருப்பிடமானது பெரியதாகவும், நவீனமாகவும் மாறியது. 380000(380ka) ஆண்டுகளில், மனிதர்கள் மரக்கட்டைகளை கொண்டு இருப்பிடங்களை கட்டினர்.[9][10] ஆடையானது, வேட்டையாடப்பட்ட மிருகங்களின் மென்மையான மயிர்க்கால்களிலிருந்தும்(முடிகள்), தோல்களிலிருந்தும் செய்யப்பட்டது; இது மனித குலத்தினை குளிர்பிரதேசங்களிலும் விரிவுபடுத்த உதவியது. 200000(200ka) ஆண்டுகள்வாக்கில், மனிதகுல இனம் தெற்கு ஆப்பிரிக்காவிலிருந்து ஐரோவாசியாவிற்கு இடம்பெயர்ந்தனர்.[11]

தொழினுட்பத்தின் தொடர்ச்சியான வளர்ச்சியின் காரணமாக உலை மற்றும் துருத்தியின் கண்டுபிடிப்பால், இயற்கையில் கிடைக்கும் தங்கம், செம்பு, இரும்பு மற்றும் காரீயம் போன்ற உலோகங்களை உருக்கி(smelt), கலந்து(forge) உலோக கருவிகள் செய்யப்பட்டன.[12]

கி.மு 4000ல் சக்கரம் கண்டுபிடிக்கப்பட்டது.

இடைக் கற்காலத்தில் மனிதர்கள் பிற ஆற்றல்களை தங்களுக்கு பயன்பாட்டிற்கு ஏற்ப மாற்றக் கற்கத்தொடங்கியிருந்தனர், காற்றின் சக்தியை அறிந்து பாய்மர கப்பலை செலுத்த துவங்கியிருந்தனர், நைல் நதியில் பாய்மர கப்பல் சென்றதற்கான ஆதாரம் இடைக்கற்காலமான கி.மு 8-ஆம் நூற்றாண்டினைச் சார்ந்த கல்வெட்டினில் காணலாம்.[13] இடைக்கற்காலத்தில் தொழில்னுட்ப வள்ர்ச்சியின் காரணமாக சக்கரம் கண்டுபிடிக்கப்பட்டது.

புதிய கற்காலத்தில் மனிதர்கள் 'கூர்மையான கல் கோடாரியை' கண்டறிந்த பிறகு காடழிப்பு என்பது எளிதானது, பெரிய பரப்பளவில் விவசாய நிலங்கள் உருவானது; விவசாயம் அதிகப்படியான மக்களுக்கு உணவளித்தது, அதன் காரணமாக பண்பாட்டு மானிடவியல் மாறியது, மனிதர்கள் ஒரே இடத்தில் நெடுங்காலம் வசிப்பவர்களாக மாறினர், குழந்தை பிறப்பு அதிகரித்தது, நாடோடிகளாக இருந்தபொழுது குழந்தைகளை சுமந்து திரியவேண்டும், ஆனால் குழந்தைகள் இப்பொழுது தொழிலாளர்களாக மாறி விவசாயத்திற்கு உதவினர்.[14][15]

நடுக்காலத்திலும் புதிய கண்டுபிடிப்புகள் தொடர்ந்தன, உரோமைப் பேரரசுவின் வீழ்ச்சிக்குப் பிறகு பட்டு, குதிரைச்சேணம் போன்றவை கண்டுபிடிக்கப்பட்டன. பின்பு சிறிய உபகரணங்களான நெம்புகோல், திருகாணி மற்றும் கப்பி போன்றவை கண்டறியப்பட்டு பின்பு சிக்கலான கருவிகளான ஒற்றைச் சில்லு வண்டி, காற்றாலை மற்றும் கடிகாரம் செய்ய உதவின. 14ஆம் நூற்றாண்டு முதல் 17ஆம் நூற்றாண்டு வரையிலான மறுமலர்ச்சி காலத்தில் அச்சு இயந்திரம் போன்ற பல புதிய கண்டுபிடிப்புகள் உருவாகின

பயன்பாடுகள்[தொகு]

மனித இனத்தின் தொழினுட்பப் பயன்பாடு, இயற்கை வளங்களை எளிமையான கருவிகளைச் செய்வதற்குப் பயன்படுத்தியதுடன் தொடங்குகிறது. வரலாற்றுக்கு முந்திய கண்டுபிடிப்புக்களான, தீயைக் கட்டுப்படுத்திப் பயன்படுத்தல், உணவு வளங்களைப் பெருக்கிக் கொள்ளவும், சில்லின் கண்டுபிடிப்பு போக்குவரத்துச் செய்வதற்கும், சூழலைக் கட்டுப்படுத்துவதற்கும் உதவின. பிந்திய காலக் கண்டுபிடிப்புக்களான, அச்சியந்திரம், தொலைபேசி, இணையம் என்பன தொடர்புகளுக்கான ஸ்தூலமான தடைகளை இல்லாமலாக்கியதுடன், மனிதர்கள் உலக அளவில் எளிதாக தொடர்பு கொள்ள வழி வகுத்தன.

சவால்கள்[தொகு]

தொழில் நுட்பங்கள் அனைத்தும் ஒட்டுமொத்த மனித இனத்தின் நலனுக்காகவோ அல்லது உலக அமைதிக்காகவோ பயன்படுகின்றன என்பதில்லை. கொலை ஆயுதங்களின் வளர்ச்சிக்கு வரலாறு முழுவதும் தொழினுட்பம் பயன்பட்டிருக்கிறது. எளிமையாக கத்தி முதல், அணுவாயுதங்கள் வரை அதிகரித்துவரும் அழிப்பு ஆற்றலுடன் கூடிய ஆயுதங்கள் உருவாக்கப்பட்டுள்ளன. தொழினுட்பம் சமூகத்தையும், அதன் சுற்றாடலையும் பல வழிகளில் பாதித்துள்ளது. பல சமுதாயங்களில், உயர்ந்த பொருளாதாரத்தை வளர்த்துக் கொள்வதற்குத் தொழினுட்பம் உதவியுள்ளது. பல தொழில்நுட்பச் செயல்முறைகள், மாசுறுதல் போன்ற தேவையற்ற பக்க விளைவுகளை உருவாக்குவதுடன், இயற்கை வளங்களையும் அளவு மீறிச் சுரண்டுகிறது.

சான்றுகள்[தொகு]

  1. "Science" (2016).
  2. "Intute: Science, Engineering and Technology". Intute. பார்த்த நாள் 17 February 2007.
  3. Bower, Bruce (October 29, 2010). "Stone Agers Sharpened Skills 55,000 Years Earlier Than Thought". WIRED. https://www.wired.com/2010/10/stone-tool-sharpening/. 
  4. Crump, Thomas (2001). A Brief History of Science. Constable & Robinson. p. 9. ISBN 1-84119-235-X. 
  5. "Fossil Hominid Sites of Sterkfontein, Swartkrans, Kromdraai, and Environs". UNESCO. பார்த்த நாள் 10 March 2007.
  6. "Stone Age Man". History World. பார்த்த நாள் 13 February 2007.
  7. James, Steven R. (February 1989). "Hominid Use of Fire in the Lower and Middle Pleistocene". Current Anthropology 30 (1): 1–26. doi:10.1086/203705. 
  8. Stahl, Ann B. (1984). "Hominid dietary selection before fire". Current Anthropology 25 (2): 151–68. doi:10.1086/203106. 
  9. O'Neil, Dennis. "Evolution of Modern Humans: Archaic Homo sapiens Culture". Palomar College. பார்த்த நாள் 31 March 2007.
  10. Villa, Paola (1983). Terra Amata and the Middle Pleistocene archaeological record of southern France. Berkeley: University of California Press. p. 303. ISBN 0-520-09662-2. 
  11. Cordaux, Richard; Stoneking, Mark (2003). "South Asia, the Andamanese, and the Genetic Evidence for an 'Early' Human Dispersal out of Africa" (PDF). American Journal of Human Genetics 72 (6): 1586–90; author reply 1590–93. doi:10.1086/375407. பப்மெட் 12817589. PMC 1180321. http://site.voila.fr/rcordaux/pdfs/04.pdf. 
  12. Cramb, Alan W. "A Short History of Metals". Carnegie Mellon University. பார்த்த நாள் 8 January 2007.
  13. "The oldest representation of a Nile boat". Antiquity 81. 
  14. University of Chicago Press Journals (January 4, 2006). "The First Baby Boom: Skeletal Evidence Shows Abrupt Worldwide Increase In Birth Rate During Neolithic Period". ScienceDaily. https://www.sciencedaily.com/releases/2006/01/060103114116.htm. 
  15. Sussman, Robert W.; Hall, Roberta L. (April 1972). "Child Transport, Family Size, and Increase in Human Population During the Neolithic". Current Anthropology (University of Chicago Press) 13 (2): 258–67. doi:10.1086/201274. 
"https://ta.wikipedia.org/w/index.php?title=தொழினுட்பம்&oldid=2262737" இருந்து மீள்விக்கப்பட்டது