சுங்கை பூலோ சிறைச்சாலை
  சுங்கை பூலோ சிறைச்சாலை | |
| இடம் | கோலா சிலாங்கூர்-சுங்கை பூலோ சாலை, 47000 சுங்கை பூலோ, பெட்டாலிங் மாவட்டம், சிலாங்கூர், மலேசியா |
|---|---|
| அமைவு | 3°13′56″N 101°29′45″E / 3.232357°N 101.495900°E |
| நிலை | செயல்பாட்டில் உள்ளது |
| பாதுகாப்பு வரையறை | உயர் பாதுகாப்பு |
| திறக்கப்பட்ட ஆண்டு | நவம்பர் 1996 |
| நிருவாகம் | மலேசிய சிறைத் துறை |
சுங்கை பூலோ சிறைச்சாலை (ஆங்கிலம்: Sungai Buloh Prison; மலாய்: Penjara Sungai Buloh; சீனம்: 双溪毛糯监狱) என்பது மலேசியா, சிலாங்கூர், பெட்டாலிங் மாவட்டம், செலாயாங் நகராட்சியில் உள்ள ஒரு சிறைச்சாலை ஆகும். இது மலேசியாவின் மிகப்பெரிய சிறை வளாகமாகும். மலேசிய சிறைத் துறை; மற்றும் மலேசிய உள்துறை அமைச்சு; ஆகியவற்றால் இந்தச் சிறைச்சாலை நிர்வகிக்கப்படுகிறது.
மலேசிய சிறைத் துறையில், இந்தச் சிறைச்சாலையே ஒருங்கிணைந்த மின்னணு பாதுகாப்பு அமைப்புடன் கூடிய முதல் சிறைச்சாலை ஆகும்.[1]
இந்தச் சிறைச்சாலை RM 172 மில்லியன் மலேசிய ரிங்கிட் செலவில் கட்டப்பட்டது. சிறைச்சாலையின் கட்டுமானம் 1992-இல் தொடங்கப்பட்டு அக்டோபர் 1996-இல் நிறைவடைந்தது. பின்னர் நவம்பர் 1996-இல் திறக்கப்பட்டது. கோலாலம்பூரில் உள்ள புடு சிறைச்சாலைக்குப் பதிலாக, இந்தச் சிறைச்சாலை கட்டப்பட்டது. இந்தச் சிறையில் 3000 கைதிகளைச் சிறை வைக்கும் வசதி உள்ளது.[1]
பொது[தொகு]
சுங்கை பூலோ சிறை வளாகத்தில் முதன்மைச் சிறைச்சாலை, நிர்வாகத் தொகுதி, தளவாடங்களின் இருப்புத் தொகுதி, வாகன அலுவலகம், காவல் நிலையம், பணியாளர்கள் குடியிருப்பு, பல்நோக்கு மண்டபம், பணியாளர்களுக்கான ஓய்வு மையம், பணியாளர்களுக்கான தொழுகை வளாகம் மற்றும் விளையாட்டுப் பொழுதுபோக்கு மையங்கள் உள்ளன.[2]
சிறைச்சாலையில் 5 மாடிகள் உள்ளன. ஒவ்வொரு மாடியின் உயரம் 21.5 மீ (71 அடி). அவற்றுள் கைதிகள் தங்கும் 28 குடியிருப்புக் கட்டிடங்கள் உள்ளன. 2023-ஆம் ஆண்டு சுலை 22-ஆம் தேதி இந்தச் சிறைச்சாலை அதன் மறுசீரமைப்பைத் தொடங்கியது. 2024 ஆம் ஆண்டின் மத்தியில் அதன் மறுசீரமைப்பு முடிவடையும் என்று எதிர்பார்க்கப்படுகிறது.[1][3][4]
இந்தச் சிறையில் தடுத்து வைக்கப்பட்டவர்களில் டத்தோ ஸ்ரீ அன்வர் இப்ராகீம், மலேசியா டுடே வலைப்பதிவின் ஆசிரியர் ராஜா பெட்ரா கமருதீன்; அல்தான்தூயா சாரிபூ கொலைத் தொடர்பில் அப்துல் ரசாக் பகிண்டா போன்றோர் மிக முக்கியமானவர்களாக அறியப்படுகிறார்கள்.[5]
மேற்கோள்[தொகு]
- ↑ 1.0 1.1 "The prison has a 5 floors with 28 quarters buildings. the height of the buildings is 21.5 m (71 ft). it has 560 quarters. the prison has a playground, a surau and halls". www.prison.gov.my. பார்க்கப்பட்ட நாள் 24 April 2024.
- ↑ "Penjara Sungai Buloh, 47000 Sungai Buloh, Selangor". www.prison.gov.my. பார்க்கப்பட்ட நாள் 24 April 2024.
- ↑ "Sungai Buloh Prison - Penjara Sungai Buloh in Malaysia". Global Detention Project. பார்க்கப்பட்ட நாள் 24 April 2024.
- ↑ "The Prime Minister urged the Home Ministry's chief secretary to ensure the repair works are carried out as soon as possible". Pejabat Perdana Menteri. பார்க்கப்பட்ட நாள் 24 April 2024.
- ↑ Freelancer, Anonymous (23 August 2022). "6 Things I learnt from spending 2 years in Penjara Sungai Buloh". பார்க்கப்பட்ட நாள் 24 April 2024.
மேலும் காண்க[தொகு]
| சிறைச்சாலைகள் | |
|---|---|
