ஆரி பாட்டர்
 ஆரி பாட்டர் சின்னம் ஐக்கிய அமெரிக்க நாடுகளில் வெளியான நாவல்களிலும், திரைப்படங்களிலும் காணப்படும் சின்னம். | |
| |
| ஆசிரியர் | ஜே. கே. ரௌலிங் |
|---|---|
| நாடு | ஐக்கிய இராச்சியம் ஐக்கிய அமெரிக்க நாடுகள் |
| மொழி | ஆங்கிலம் |
| வகை | கனவுருப் புனைவு, நாடகம், இள வயதுவந்தோர் கற்பனைகள், சாகசம், பயங்கரம், மந்திர தந்திரம் |
| வெளியீட்டாளர்கள் | புலூம்சுபெரி பப்ளிசிங் (ஐ.இ) ஆர்தர் ஏ. லீவின் புக்சு (ஐ.அ.நா.) |
| வெளியீடு | 26 சூன் 1997 – 21 சூலை 2007 (initial publication) |
| ஊடக வகை | பதிப்பு (hardback & paperback) Audiobook மின்னூல் (as of மார்ச்சு 2012[update])[1] |
| புதின எண்ணிக்கை | 7 |
ஆரி பாட்டர் என்பது பிரித்தானிய எழுத்தாளரான ஜே. கே. ரௌலிங் என்பவரால் எழுதப்பட்ட ஏழு கனவுருப் புனைவுப் புதினங்களின் தொகுப்பாகும்.
ஆக்வாட்சு மந்திரவாதப் பள்ளியில் பயிலும் ஆரி பாட்டர் (Harry Potter) மற்றும் அவன் நண்பர்களான ரோன் வீசுளி (Ronald Weasley) மற்றும் எர்மாயினி கிறேஞ்செர் (Hermione Granger) ஆகியோரின் சாகசங்களை இத்தொடர் விவரிக்கிறது.
இத்தொடரின் கதைக்கருவானது, மந்திரவாத உலகத்தை வெல்லுதல், மந்திரவாதிகள் அல்லாதோரை ஆளுதல், தன் எதிரிகளை (குறிப்பாக ஆரியை) அழித்தல், சாகாவரம் பெறுதல் ஆகியவற்றைக் குறிக்கோளாகக் கொண்ட இலோர்டு வோல்டெமோர்ட் (Lord Voldemort) என்ற கொடிய மந்திரவாதியைத் தோற்கடிக்க ஆரி மேற்கொள்ளும் முயற்சிகளை மையமாகக் கொண்டுள்ளது.
சூன் 30, 1997இல் இத்தொடரின் முதல் புதினமான ஆரி பாட்டர் அண்டு த பிலோசபர்சு இசுடோன் (Harry Potter and the Philosopher's Stone) வெளிவந்தபின்னர் இத்தொடருக்கு உலகளாவிய புகழும்,விமர்சனங்களும், வணிகரீதியான வெற்றியும் கிடைத்தது. சூலை 2013 நிலவரப்படி இப்புதினங்கள் 40 கோடி முதல் 45 கோடிப் பிரதிகள் வரை விற்று சாதனை படைத்துள்ளன. மேலும் இவை 73 மொழிகளில் மொழிபெயர்க்கப்பட்டுள்ளன.
இத்தொடரின் இறுதி நான்கு புதினங்கள், வரலாற்றிலேயே மிக விரைவாக விற்பனையான நூல்கள் என்ற சாதனையைப் படைத்தன. இத்தொடரின் இறுதிப் புதினமானது வெளிவந்த 24 மணிநேரத்தில், அமெரிக்க ஐக்கிய நாட்டில் மட்டும் ஏறத்தாழ 1.1 கோடிப் பிரதிகள் விற்றது.
இத்தொடரில் கனவுருப்புனைவு, வயதுக்கு வருதல், பிரித்தானிய பள்ளிக்கூடக் கதையியல், மர்மம், திகில், சாகசம், காதல், மரணம், பாகுபாடு, ஊழல் எனப் பல்வேறு கருத்துகள் அடங்கியுள்ளன.
கதை பிறந்த வரலாறு
[தொகு]1990 ம் ஆண்டில் ஒரு நாள் மக்கள் மிகுந்த தொடருந்தில் மான்செஸ்டரில் இருந்து லண்டன் நோக்கி எழுத்தாளர் ரெளலிங் அவர்கள் பயனித்துக் கொண்டு இருந்தபோதே இந்தக் கதைக்கான எண்ணம் அவர் மனதில் உதித்தது. இதன் போது அந்தக் கருவை மறந்து விடாமல் இருக்க தன் கைக் குட்டையில் அதை எழுதி வைத்து விடுகின்றார்.[சான்று தேவை] இது பற்றி ரெளலிங் தனது இணையத் தளத்திலும் கூறியுள்ளார்.
அதே நாள் மாலை நேரம் தனது முதலாவது புத்தகமான ஹரிபொட்டர் அன்ட் த பிலோசபர்ஸஸ் ஸ்டோன் என்ற புத்தகத்திற்கான ஆரம்ப வேலைகளை ஆரம்பிக்கின்றார். அத்துடன் தான் எழுத இருக்கும் ஏழு ஹரி பொட்டர் புத்தகங்களின் பாதையை வகுப்பதுடன் பெருமளவான கற்பனைப் பாத்திரங்களையும், கற்பனை மந்திர உலகையும் ஏற்படுத்திக் கொண்டார்.
திட்டம்
[தொகு]ஆரி போட்டர் தொடர்களின் மைய பாத்திரம்- ஆரி போட்டர் ஆகும். இவன் தன் சிறு வயதில் தன்னுடைய சகோதரன் - டட்லி, பெரியம்மா( ஆரியினுடைய அம்மாவின் உடன்பிறந்த சகோதரி)- பெடூனியா மற்றும் பெரியப்பா- வெர்னன் டர்ச்லீ ஆகியோருடன் லிட்டில் விஞ்சிங் என்னும் கற்பனை நகரில் வசித்து வருகிறான். அவனுடைய 11 ஆம் வயதில், அவன் ஒரு மந்திரவாதி என்னும் தகவலும் அவனுடைய பெற்றோரும் (ஜேம்ஸ் மற்றும் லிலி போட்டர்) புகழ் பெற்ற மந்திரவாதிகள் என்னும் தகவலும் ஆரி போட்டருக்கு தெரிய வருகிறது.
இந்தத் தகவலை அடுத்து ஆக்வார்ட்ஸ் மந்திரவாதப் பள்ளியில் சேர்கிறான் . ஆரம்பத்தில், அவனுடைய பெரியம்மாவும் பெரியப்பாவும் இந்த முடிவிற்கு அனுமதி வழங்க மறுக்கிறார்கள்; இறுதியில் தோல்வியடைகிரார்கள்.
ஆகவார்ட்ஸ் மந்திர மற்றும் சூனிய பள்ளி, ஸ்காட்லாண்டு நகரில் உள்ள ஒரு கற்பனை பள்ளிக்கூடம் ஆகும்.
ஆரி, இப்பள்ளியில் பயிலும் பொழுது பல வகையான நிகழ்வுகளை சந்திக்கிறான். அவன் இப்புத்தகத்தில் ஒரு வீரம் மிகுந்து மாணவனாகவும், நண்பர்களை நேசிக்கும் மாணவனாகவும், தன் வயதையொத்த அனைத்து குழந்தைகளும் மேற்கொள்ளும் சவால்கள், உணர்ச்சிகள், ஆசைகள், அறிவற்ற மோகம் போன்றவற்றை மேற்கொள்கிறான்.
இப்புத்தகம் 1990 களில், இருந்த ஐக்கிய நாட்டுப்புறவியல், இரசவாதம், மரபு வழி வந்த புராணங்கள் முதலியவற்றை சார்ந்திருக்கும். மந்திர உலகம் என்பதால் மந்திர கோள்கள், மந்திர எழித்துக்கூட்டுகள், மந்திர செடிகள், பறக்கும் துடைப்பங்கள், மந்திர பானங்கள் மேலும் கணக்கற்ற மந்திர படைப்பயிர்கள் இடம்பெறும்.
ஆரம்ப காலங்கள்
[தொகு]ஆரி பாட்டர் தொடர்களின் முதலாம் புத்தகம்- ஆரி போட்டர் அண்ட் த பிலாசபார்ஸ் இச்டோன்.
பரவலர் பண்பாட்டில்
[தொகு]திரைக் குறிப்பிடல்கள்
[தொகு]வெற்றிமாறன் இயக்கிய பொல்லாதவன் (2007) திரைப்படத்தின் ஒரு காட்சியில், கதைத் தலைவர் பிரபு சங்கர் (தனுஷ்) தன் காதலி ஹேமா (ரம்யா) உடனான உரையாடல் முயற்சி குறித்துத் தன் நண்பர்களிடம் நினைவுகூருகிறார். அப்போது அவர் நண்பர்களுள் ஒருவரான குமார் (கருணாஸ்) அவரிடம் அரைகுறை ஆங்கிலத்தில் "Excuse me Prabu. Girl's touching, hand problem. The same Harry Potter also deal the same problem, this chapter"[a] என்று சொல்லி தான் படித்துக்கொண்டிருக்கும் ஆரி பாட்டர் அண்டு த கோப்லட்டு ஆப் பயர் (British Adult Edition) நூலின் ஒரு பகுதியை பிரபுவுக்கும் மற்றவர்களுக்கும் தெரியும்படி நீட்டுகிறார்.[2][3] இந்த வரியின் பிற்பகுதி ("Harry Potter also deal the same problem"), ஏதேனும் ஒரு குறிப்பிட்ட சூழலில் தம்மையும் தொடர்புபடுத்திப் பார்க்கும் தமிழ் சமூக ஊடகர்களால் பரவலாக மேற்கோள் காட்டப்படும் சுட்டனாக விளங்குகிறது.[4]
சொன்னா புரியாது (2013) திரைப்பட விளம்பரப்படுத்தலின் ஒரு பகுதியாக அதன் முதன்மை நடிகர் சிவா, ஹாரி போல ஹாக்வார்ட்ஸ் சீருடையும் வட்டவடிவக் கண்ணாடியும் அணிந்து மந்திரக்கோலைப் பிடித்திருப்பது போன்ற சுவரொட்டி, அக்டோபர் 2012-இல் வெளியானது. அதில் "The wizard is back"[b] எனும் வாசகமும் இடம்பெற்றது.[5]
வேலையில்லா பட்டதாரி (2014) மற்றும் அதன் 2017 தொடர்ச்சியில், கதைத் தலைவர் இரகுவரன் (தனுஷ்) வளர்க்கும் லாப்ரடர் ரெட்ரீவர் நாயின் பெயர் 'ஹாரி பாட்டர்' ஆகும்.[6][7]
'பிரபு தேவச்சந்திரன்' எனும் கதைத் தலைவராக தனுஷ் நடித்த நிலவுக்கு என் மேல் என்னடி கோபம் (2025) திரைப்படத்தில், அவர் நண்பர் இராஜேஷும் (மேத்யூ தாமஸ்) 'ஹாரி பாட்டர்' எனும் பெயரிலேயே ஒரு நாயை வளர்க்கிறார்.[8]
கிங்ஸ்டன் (2025) திரைப்படத்தின் கதைத் தலைவராக நடித்த ஜி. வி. பிரகாஷ் குமார், அதன் கதையை ஹாரி பாட்டருடன் ஒப்பிட்டார்.[9]
திரையிசைக் குறிப்பிடல்கள்
[தொகு]| ஆண்டு | திரைப்படம் | பாடல் | கதைமாந்தர்(கள்)
[நடிகர்கள்(கள்)] |
வரியைப் பாடியவர்(கள்) | பாடலாசிரியர் | இசையமைப்பாளர் | இயக்குநர் | |
|---|---|---|---|---|---|---|---|---|
| தலைப்பு | குறிப்பிடல் வரி | |||||||
| 2014 | வேலையில்லா பட்டதாரி | "ஹாரி பாட்டர் த பெட்" | - | அனிருத் ரவிச்சந்திரன் | வேல்ராஜ் | |||
| 2017 | ஸ்பைடர் | "பூம் பூம்"[12][13] | "ஹாக்வார்ட்ஸில் பட்டம் ஏதும் வாங்கினானா கேட்டு பாத்தேன்"[14] | ஷாலினி / சார்லி | நிகிதா காந்தி | மதன் கார்க்கி | ஹாரிஸ் ஜயராஜ் | ஏ. ஆர். முருகதாஸ் |
| சக்க போடு போடு ராஜா | "வா முனிம்மா"[15] | "மேஜிக்னா ஹாரி பாட்டர் நீயா அவனோட டாட்டர் ..."[16] | சான்ட்டா (சந்தானம்) | டி. ராஜேந்தர் | சிலம்பரசன் | ஜி. எல். சேதுராமன் | ||
| 2022 | நாய் சேகர் ரிட்டர்ன்ஸ் | "அப்பத்தா"[17] | "ஹாரி பாட்டர மறந்து நா ஏறுலயே கலந்து..."[18] | 'நாய்' சேகர் | வடிவேலு | அசல் கோலார் / துரை | சந்தோஷ் நாராயணன் | சுராஜ் (இயக்குநர்) |
| 2024 | டெவில் | " கம் அண்ட் கிஸ் மீ மை பேபி..."[19] | "அந்த ஹாரி பாட்டர் போல் பாட்டர் போல் / என் கையில் வாண்ட் எடுத்து / வாண்ட் எடுத்து / ஒரு டிராகனை கூட்டி வந்து / கூட்டி வந்து / உன் பெட்டாய் ஆக்கிடுவேன்"[20] | விதார்த் |
|
மிஷ்கின் | ஆதித்யா | |
| 2026 | கான் சிட்டி | "நான்தான் கிங்கு"[21] | "ஹாரி பாட்டர் அடி பட்டா
பொடி போடு"[22] |
சரவணன் |
|
மோகன் இராஜன் | ஷான் ரோல்டன் | ஹரிஷ் துராரிராஜ் |
திறனாய்வு
[தொகு]தங்களுடைய திறன்களை வளர்ப்பதற்கும் மெருகூட்டுவதற்குமான வாய்ப்பு எல்லோருக்கும் கிடைப்பதில்லை. அவர்களுக்கு அந்த வாய்ப்புக் கிடைக்கிறதா இல்லையா என்பது பொதுவாக அவர்கள் தங்கள் சமுதாயத்தின் கற்பனையான அடுக்கதிகார அமைப்பில் எந்த அடுக்கில் இருக்கின்றனர் என்பதைச் சார்ந்திருக்கும். ஹாரி பாட்டர் இதற்கான ஒரு சிறந்த எடுத்துகாட்டாவான். தன்னுடைய பிரபலமான மாயாஜாலக் குடும்பத்திலிருந்து பிரிக்கப்பட்டு, அறிவிலிகளான மகுள்களால் வளர்க்கப்பட்ட அவன், மாயாஜாலத்தில் எந்த அனுபவமும் இல்லாமல்தான் ஹாக்வார்ட்ஸ் மாயாஜாலப் பள்ளிக்கு வருகிறான். தன்னுடைய சக்திகளைத் தன்னுடைய கட்டுப்பாட்டின்கீழ் கொண்டுவருவதற்கும் தனக்குள் இருக்கும் தனித்துவமான திறன்களை அறிந்து கொள்ளுவதற்கும் அவனுக்கு ஏழு ஆண்டுகளும் எண்ணற்ற சாகசங்களும் தேவைப்படுகின்றன எனத் தன் சேப்பியன்ஸ்: மனிதகுலத்தின் ஒரு சுருக்கமான வரலாறு (2014) நூலில் எழுதினார் இசுரேலிய வரலாற்றாசிரியர் யூவால் நுவா அராரி.[23][24]
இன்றைய நவீன ஃபேன்டஸி உலகின் சூத்ரதாரி என கவிஞர் ஷெல்லியின் மனைவி மேரி ஷெல்லியைச் சொல்லலாம். 1818-ல் அவர் எழுதிய ‘ஃப்ராங்கென்ஸ்டீன்’, மாய மனிதன் ஒருவனை உலகுக்கு அறிமுகம் செய்தது. மேரிக்குப் பிறகு பல ஃபேன்டஸி கதைசொல்லிகள் தோன்றினாலும், இரண்டு நூற்றாண்டுகளுக்குப் பின் வெளியான ‘ஹாரி பாட்டர்’ ஃபேன்டஸி நாவல்கள், ஃபேன்டஸி கதைகளை இவ்வுலகம் பார்த்துவந்த பார்வையை அடியோடு கலைத்துப்போட்டன!...சில பத்து கதாபாத்திரங்களை வெவ்வேறாக வடிக்க அவர்களின் குணாதிசயங்கள், முக வடிவமைப்பு, ஆடை, அவர்களது சிறப்பு ‘விசார்டிங் ஆற்றல்’ என ஒவ்வொன்றையும் பார்த்துப் பார்த்து ரவுலிங் செதுக்கியிருப்பதுதான் ஹாரி பாட்டர் கதைகளின் பெருவெற்றிக்குக் காரணம். ‘விசார்டிங் உலகம்’, அதன் இயங்கியல் குறித்து எதுவுமே அறியாத ‘மகிள்ஸ் உலகம்’ என இரண்டையும் ஒரே சம தட்டில், சம காலத்தில் படைத்து, இரு உலகங்களுக்குள்ளும் மந்திரவாதிகள் சஞ்சரிப்பதை ரவுலிங் அருமையாகக் காட்சிப்படுத்தி எழுதியிருப்பார். இதுவரை எழுதப்பட்ட ஃபேன்டஸி கதைகளில் இந்தச் சமன்பாடு இல்லை. என எழுதினார் தமிழ்நாட்டு எழுத்தாளர் நிவேதிதா லூயிஸ்.[25]
90’ஸ் கிட்ஸும் 2கே கிட்ஸும் பெரும்பாலான விஷயங்களில் ஒத்துப்போவதில்லை. ஆனால், அவர்கள் ஒத்துப்போகும் விஷயம் ஒன்று உண்டு. அதுதான் ‘ஹாரி பாட்டர்’.... இந்தப் புத்தகம் வெற்றி பெற்றதற்குப் பல காரணங்கள் சொல்லப்பட்டாலும், ஒருவடைய தோற்றம், பின்னணி எப்படி இருந்தாலும் அவருடைய திறமைகள், தனித்தன்மைகளுக்காக அவர் பெருமிதம் கொள்ள வேண்டும் என்பதை வலியுறுத்துவது பெரும்பாலான வாசகர்களைக் கவர்ந்திருக்கிறது. இப்படி மனித உணர்வுகளுக்கு அதிக முக்கியத்துவத்தை அளித்து ஜே.கே. ரவுலிங் கதையை வார்த்ததே, அதன் வெற்றிக்கு முக்கியக் காரணம். என எழுதினார் இந்து தமிழ் திசை நாளிதழ் பங்களிப்பாளர் காதருன்நிஷா.[26]
குறிப்புகள்
[தொகு]மேற்கோள்கள்
[தொகு]- ↑ PETER SVENSSON 2 (27 March 2012). "Harry Potter breaks e-book lockdown – Yahoo! News". News.yahoo.com. Archived from the original on 5 மார்ச் 2016. Retrieved 29 July 2013.
{{cite web}}: CS1 maint: numeric names: authors list (link) - ↑ Sun NXT (2024-07-13), Polladhavan Tea Shop Scene Comedy😂 | Dhanush | Santhanam | Sun NXT, retrieved 2026-02-16
- ↑ https://www.facebook.com/share/p/1Bq5XYpUg7/.
{{cite web}}: Missing or empty|title=(help) - ↑ U, Saradha (2022-02-15). "Enna Koduma Saravanan Idhu: Tamil film dialogues that are part of everyday lingo". The News Minute (in ஆங்கிலம்). Retrieved 2026-02-16.
- ↑ "The Harry Potter Of Kollywood - Harry Potter - Sonna Puriyadhu - Shiva - Vasundhara - Tamil Movie News - Behindwoods.com". www.behindwoods.com. Retrieved 2026-02-18.
- ↑ "‘Velaiilla Pattadhari 2’ review: a lukewarm follow-up". தி இந்து. https://www.thehindu.com/entertainment/movies/velaiilla-pattadhari-2-review/article62134449.ece.
- ↑ "Vivek – Page 2". Cinema Chaat (in ஆங்கிலம்). 2017-08-15. Retrieved 2026-02-17.
- ↑ "‘Nilavuku Enmel Ennadi Kobam’ movie review: Mathew Thomas steals the show in Dhanush’s rocky rom-com". தி இந்து. https://www.thehindu.com/entertainment/movies/nilavuku-enmel-ennadi-kobam-movie-review-mathew-thomas-dhanush-pavish-anikha-surendran-priya-prakash-varrier/article69247804.ece.
- ↑ Ramachandran, Naman (2024-07-29). "Indian Composer-Actor G.V. Prakash Kumar Channels 'Harry Potter' and 'Indiana Jones' for 'Kingston,' Reflects on Uncle A.R. Rahman's Influence (EXCLUSIVE)". Variety (in அமெரிக்க ஆங்கிலம்). Retrieved 2026-02-18.
- ↑ Harry Potter The Pet (Full Song) - Anirudh Ravichander - Download or Listen Free - JioSaavn (in அமெரிக்க ஆங்கிலம்), 2020-04-01, retrieved 2026-02-17
- ↑ Wunderbar Films (2024-06-11), Velai Illa Pattadhaari OST - Harry Potter The Pet | Dhanush | Amala Paul | Anirudh | Wunderbar Films, retrieved 2026-02-17
- ↑ AV videos (2021-08-07), Boom Boom | Spyder (Tamil) | Mahesh Babu | Harris Jeyaraj | AV Videos, retrieved 2026-02-17
- ↑ Zee Music South (2018-03-16), Boom Boom (Telugu) -FullVideo | Spyder| Mahesh Babu,Rakul Preet Singh |AR Murugadoss |Harris Jayaraj, retrieved 2026-02-17
- ↑ "Boom Boom Song Lyrics". www.tamil2lyrics.com (in அமெரிக்க ஆங்கிலம்). 2017-08-11. Retrieved 2026-02-17.
- ↑ Clear monster (2021-03-29), vaa munimma song / sakka podu podu Raja / kalakan nayakan Santhanam ,Vaibhavi Shandilya, retrieved 2026-02-17
- ↑ "Vaa Munimma Song Lyrics". www.tamil2lyrics.com (in அமெரிக்க ஆங்கிலம்). 2018-02-09. Retrieved 2026-02-17.
- ↑ Think Music India (2022-11-14), Appatha Video Song | Naai Sekar Returns | Vadivelu | Suraaj | Santhosh Narayanan | Lyca Productions, retrieved 2026-02-17
- ↑ "Appatha Song Lyrics - Naai Sekar Returns 2022 Film". www.tamil2lyrics.com (in அமெரிக்க ஆங்கிலம்). 2022-11-17. Retrieved 2026-02-17.
- ↑ Sony Music South (2024-01-05), Devil - Come And Kiss Me Baby Lyric Video | Mysskin | Vidharth, Subhashree Rayguru | Aathityaa, retrieved 2026-02-18
- ↑ "Come And Kiss Me Baby Song Lyrics - Devil 2023 Film". www.tamil2lyrics.com (in அமெரிக்க ஆங்கிலம்). 2024-01-11. Retrieved 2026-02-17.
- ↑ T-Series Tamil (2026-05-09), Naan Dhaan King - Lyric Video | Con City| Arjun Das| Anna Ben| YogiBabu|Sean Roldan| Harish Durairaj, retrieved 2026-07-11
- ↑ "Naan Dhaan King Song Lyrics - Con City Tamil Film - 2026". www.tamil2lyrics.com (in அமெரிக்க ஆங்கிலம்). 2026-05-14. Retrieved 2026-07-11.
- ↑ "Yuval Sapiens (Tamil)". pdfcoffee.com (in ஆங்கிலம்). Retrieved 2026-02-23.
- ↑ Sapiens: A Brief History of Humankind (PDF).
- ↑ செய்திப்பிரிவு (2022-06-26). "ஹாரி பாட்டர் 25 | ஹாரி பாட்டர் தலைமுறை நாம்!". Hindu Tamil Thisai. Retrieved 2026-01-17.
- ↑ காதருன்நிஷா (2022-06-28). "நீங்கள் ஹாரி பாட்டர் ரசிகர் இல்லையா?". Hindu Tamil Thisai. Retrieved 2026-01-17.
வெளி இணைப்புகள்
[தொகு]உத்தியோக பூர்வ தளங்கள்:
- ஜெ. கே ரௌலிங்கின் உத்தியோக பூர்வ வலைத்தளம்
- ஹரிபோட்டர் திரைப்பட உத்தியோக பூர்வ வலைத்தளம் (வேர்னர் பிரதர்ஸ்)
- Bloomsbury.com இல் ஹரிபோட்டர் (சர்வதேச வெளியீட்டாளர்) பரணிடப்பட்டது 2005-08-06 at the வந்தவழி இயந்திரம்
- Scholastic.com இல் ஹரிபோட்டர் (அமேரிக்க வெளியீட்டாளர்)
- Raincoast.com இல் ஹரிபோட்டர் (கனேடிய வெளியீட்டாளர்) பரணிடப்பட்டது 2004-08-04 at the வந்தவழி இயந்திரம்
ஏனைய மூலங்கள்:
- ஆரி பாட்டர் புத்தகம் தமிழில் படிக்க
- Muggles' ன் ஹரி போட்டருக்கான வழிகாட்டி
- ஹரி போட்டர் விக்கி பரணிடப்பட்டது 2006-09-01 at the வந்தவழி இயந்திரம்
- Harry Potter பற்றி ஒரு விக்கியா உள்ளது.
திறனாய்வு