ஊழல்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
2014 ஆம் ஆண்டு Transparency International என்னும் அமைப்பினால் வெளியிடப்பட்ட, ஊழல் சுட்டெண் நிலப்படம். ஊழல் சுட்டெண் என்பது, எந்த அளவுக்கு அரசு ஊழியர்கள், அரசியல்வாதிகள் ஆகியோர் மத்தியில் ஊழல் இருப்பதாக உணரப்படுகிறது என்பதைக் காட்டும் ஒரு அளவீடு. பெரிய எண்கள் (நீலம்) குறைந்த ஊழலையும், சிறிய எண்கள் (சிவப்பு) கூடிய ஊழலையும் குறிக்கின்றன.

ஊழல் (corruption) என்பது, வழங்கப்பட்ட அதிகாரத்தையோ, பதவியையோ தவறாகப் பயன்படுத்தி தனிப்பட்ட பயன்களைப் பெற்றுக்கொள்வதைக் குறிக்கும். உழல் என்பதில், லஞ்சம், கையாடல் போன்றவை உள்ளடங்கும். அரசாங்கத்தின் பொறுப்பான பதவியில் இருப்பவர்கள் அல்லது அரசுபணியில் இருக்கும் பிற ஊழியர்கள் அலுவல் முறையில் தனிப்பட்ட நலன்களுக்காகச் செயற்படும்போது அரசாங்க அல்லது அரசியல் ஊழல் இடம்பெறுகிறது. அரசியல்துறைப் பேராசிரியரான இசுட்டீபன் டி. மொரிசு,[1] அரசியல் ஊழல் என்பது, தனிப்பட்ட நலங்களுக்காகப் பொது அதிகாரத்தைச் சட்டத்துக்குப் புறம்பாகப் பயன்படுத்துவதாகும் என்கிறார்.

(அ)அதிகாரம் கொண்ட ஊழல் செய்பவர் ஒருவர், (ஆ) ஊழல் செய்பவரோ ஒரு மூன்றாம் தரப்போ அல்லது இருவருமோ பயன்பெறும் வகையில் (இ) செயல் ஒன்று நடைபெறும் பொருட்டுச் செல்வாக்குச் செலுத்துவதற்காக (ஈ) மூன்றாம் தரப்புக்குப் பொருளையோ சேவைகளையோ (உ) மறைவாக வழங்குதலே ஊழல் என பொருளியலாளரான இயன் சீனியர் வரைவிலக்கணம் கூறுகிறார்.[2] உலக வங்கியைச் சேர்ந்த டானியல் கவுஃப்மன்[3] என்பவர் இக்கருத்துரு சட்டத்துக்கு உட்பட்ட ஊழல் என்பதையும் உள்ளடக்கி விரிவாக்கி உள்ளார். சட்டத்துக்கு உட்பட்ட ஊழல் என்பது சட்டத்துக்குள் அடங்கக்கூடிய வகையில் அதிகாரத்தைத் தவறாகப் பயன்படுத்துவதைக் குறிக்கும். அதிகாரத்தைக் கையில் வைத்திருப்பவர்கள் தமது வசதிகளுக்காகச் சட்டங்களை உருவாக்கும் வல்லமை கொண்டிருப்பதால் இந்நிலை ஏற்படுகிறது.

ஊழலின் அளவு[தொகு]

ஊழல் பல அளவுகளில் இடம்பெறக்கூடும். பொதுவாக குறைவான எண்ணிக்கையான மக்களிடையே சிறு சலுகைகள் பெறுதல் என்ற அளவில் ஊழல்கள் இடம் பெறுவது உண்டு. இது சிறு ஊழல். அரசாங்கத்தைப் பாதிக்கக் கூடிய அளவுக்குப் பெரிய அளவில் ஊழல்கள் இடம்பெறலாம். இது பெரும் ஊழல். இவற்றை விட, நாளாந்த சமூக அமைப்பின் ஒரு பகுதியாக ஊழல்கள் இருப்பது உண்டு. இவை ஒழுங்கமைக்கப்பட்ட குற்றச் செயல்களுக்கான அறிகுறிகளாகவும் இருக்கின்றன. இது ஒழுங்கமைந்த ஊழல்

மேற்கோள்கள்[தொகு]

  1. Morris, S.D. (1991), Corruption and Politics in Contemporary Mexico. University of Alabama Press, Tuscaloosa
  2. Senior, I. (2006), Corruption - The World’s Big C., Institute of Economic Affairs, London
"https://ta.wikipedia.org/w/index.php?title=ஊழல்&oldid=1926846" இருந்து மீள்விக்கப்பட்டது