அலன் போடர்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

அலன் போடர் (Allan Robert Border பிறப்பு: சூலை 27, 1955) என்பவர் முன்னாள் ஆத்திரேலியத் துடுப்பாட்ட அணி வீரர் ஆவார். பல துடுப்பாட்டப் போட்டிகளுக்கு ஆத்திரேலியத் துடுப்பாட்ட அணியின் தலைவராக இருந்தார். இவர் ஏ. பி எனும் புனைபெயரால் அழைக்கப்படுகிறார். இவர் மொத்தம் 156 தேர்வுத் துடுப்பாட்டங்களில் விளையாடி சாதனை படைத்துள்ளார். இந்தச் சாதனையை இவரின் அணியைச் சார்ந்த ஸ்டீவ் வா முறியடித்தார்.[1]

இவர் இடது கை மட்டையாளராகவும் அவ்வப்போது இடது கை சுழற்பந்து வீச்சாளராகவும் செயல்பட்டார். தேர்வுத் துடுப்பாட்டப் போட்டிகளில் 11, 174 ஓட்டங்கள் எடுத்து சாதனை படைத்தார். பின் இந்தச் சாதனையானது மேற்கிந்தியத்தீவுகள் துடுப்பாட்ட அணியின் பிறயன் லாறா 2005 ஆம் ஆண்டில் முறியடித்தார். இவர் தேர்வுத் துடுப்பாட்டங்களில் 27 நூறு (துடுப்பாட்டம்) அடித்தார். ஓய்வு பெறும் தருணத்தில் தேர்வுத் துடுப்பாட்டம் மற்றும் ஒருநாள் பன்னாட்டுத் துடுப்பாட்டங்களில் அதிக ஓட்டங்கள் எடுத்த ஆத்திரேலிய வீரர் எனும் சாதனையைப் படைத்தார். இவரின் இந்தச் சாதனை15 ஆண்டு காலங்கள் முறியடிக்கப் படாது இருந்தது. பின் சூலை, 2009 இல் ஆஷஸ் தொடரில் இங்கிலாந்து துடுப்பாட்ட அணிக்கு எதிராக விளையாடிய போது ரிக்கி பாண்டிங் இந்தச் சாதனையை முறியடித்தார்.[2]

பன்னாட்டுத் துடுப்பாட்ட அவை இவரை ஹால் ஆஃப் ஃபேமாக அறிவித்தது.[3]

ஆரம்பகால வாழ்க்கை[தொகு]

அலன் போடர் சூலை 27, 1955 இல் சிட்னி, நியூ சவுத் வேல்ஸ்சில் பிறந்தார். இவரின் தந்தை ஜான் , நியூ சவுத் வேல்சில் உள்ள கிராமத்தைச் சார்ந்தவர், தாய் ஷீலா கடையின் உரிமையாளர் ஆவார்.[4] இவர்களுக்கு நான்கு குழந்தைகள் உள்ளனர். இவர் நார்த் சிட்னி ஆண்கள் உயர்நிலைப்பள்ளியில் பயின்றார். தனது பள்ளிப் படிப்பை 1972 ஆம் ஆண்டில் நிறைவு செய்தார்.[5][6]

தொழில் வாழ்க்கை[தொகு]

1975 முதல் 1976 ஆம் ஆண்டுகளில் இவர் விளையாடிய முதல் தரத் துடுப்பாட்டப் போட்டிகளில் 600 ஓட்டங்களுக்கும் மேலாக எடுத்தார். அதன் பின்பான ஆண்டுகளில் தொடர்ச்சியாக இருமுறை நூறு ஓட்டங்கள் எடுத்தார். இதன்மூலம் நியூ சவுத்து வேல்சு புளூசு அணியில் விளையாடும் வாய்ப்பு இவருக்கு கிடைத்தது.[7] சனவரி, 1977 ஆம் ஆண்டில் குயின்ஸ்லாந்து அணிக்கு எதிரான தேர்வுத் துடுப்பாட்டப் போட்டிகளில் அறிமுகமானார். இந்தப் போட்டியில் 36 ஓட்டங்கள் எடுத்தார்.[8] [9]மேலும் எதிரணியின் இறுதி மூன்று இலக்குகளை கேட்ச் பிடித்து வீழ்த்தி அணியின் வெற்றிக்கு உதவினார்[8]. கேம்பிரிச்சுப் பல்கலைக்கழக துடுப்பாட்ட அணிக்கு எதிரான போட்டியில் 159 ஓட்டங்கள் எடுத்து வீழாமலிருந்தார். செஃபீல்டு சீசன் போட்டித் தொடரில் 617 ஓட்டங்கள் எடுத்தார். இதில் இவரின் சராசரி 36.29 ஆகும்.[8] பின் இங்கிலாந்து சென்று ஈஸ்ட் லங்கஷயர் துடுப்பாட்ட சங்கத்திற்காக விளையாடி 1191 ஓட்டங்களை 56.71 சராசரியிலும், 54 இலக்குகளையும் வீழ்த்தினார். இவரின் பந்து வீச்சு சராசரி 18.60 ஆகும்.[10][11]

சாதனைகள்[தொகு]

265 தேர்வுத் துடுப்பாட்டங்களில் விளையாடியவர் எனும் சாதனையைப் படைத்தார். பின் இந்தச் சாதனையை சச்சின் டெண்டுல்கர் தகர்த்தார். தேர்வுத் துடுப்பாட்டப் போட்டிகளில் 50 முதல் 100 ஓட்டங்களை 63 முறையும் , 50 ஓட்டங்களுக்கும் அதிகமான ஓட்டங்களை 90 முறையும் எடுத்து சாதனை படைத்தார்.இந்தச் சாதனைகள் சச்சின் டெண்டுல்கர் மற்றும் ரிக்கி பாண்டிங் ஆகியோரால் தகர்க்கப்பட்டது. தேர்வுத் துடுப்பாட்டப் போட்டிகளில் 11, 174 ஓட்டங்கள் எடுத்து சாதனை படைத்தார். பின் இந்தச் சாதனையானது மேற்கிந்தியத்தீவுகள் துடுப்பாட்ட அணியின் பிறயன் லாறா 2005 ஆம் ஆண்டில் முறியடித்தார்.

வெளி இணைப்புக்கள்[தொகு]

சான்றுகள்[தொகு]

  1. "RECORDS / TEST MATCHES / INDIVIDUAL RECORDS (CAPTAINS, PLAYERS, UMPIRES) / MOST MATCHES AS CAPTAIN".
  2. "Ponting passes Border as highest Australian run getter".[தொடர்பிழந்த இணைப்பு]
  3. "Border, Harvey, Gower, Underwood inducted into Hall of Fame".
  4. Christison, p. 8.
  5. Christison, p. 9.
  6. "''Wisden, 1982 edition'': Allan Border — Cricketer of the year". Content-aus.cricinfo.com. பார்த்த நாள் 2013-08-16.
  7. Christison, p. 13–14.
  8. 8.0 8.1 8.2 Christison, p. 14–15.
  9. Christison, p. 14.
  10. "''Wisden, 1982 edition'': Allan Border — Cricketer of the year". Content-aus.cricinfo.com. பார்த்த நாள் 2013-08-16.
  11. Christison, p. 16.
"https://ta.wikipedia.org/w/index.php?title=அலன்_போடர்&oldid=2518994" இருந்து மீள்விக்கப்பட்டது