குன்றத்தூர் வட்டம்
குன்றத்தூர் வட்டம், தமிழ்நாட்டின் காஞ்சிபுரம் மாவட்டத்தில் நவம்பர், 2019-இல் புதிதாக நிறுவப்பட்ட வருவாய் வட்டம் ஆகும்.[1][2] இப்புதிய வட்டம் பல்லாவரம் வட்டத்தில் இருந்த குன்றத்தூர் ஊராட்சி ஒன்றியத்தின் 42 கிராம ஊராட்சிகளைக்[3] கொண்டு நிறுவப்பட்டது. இவ்வட்டத்தின் தலைமையிடம் குன்றத்தூர் பேரூராட்சியாகும்.
மக்கள் வகைப்பாடு[தொகு]
2011 ஆம் ஆண்டு இந்திய மக்கள் தொகை கணக்கெடுப்பின் படி, குன்றத்தூர் வட்டத்தின் மொத்த மக்கள் தொகை 2,47,452 ஆகும். அதில் பட்டியல் சமூக மக்களின் தொகை 73,790 ஆக உள்ளது. பட்டியல் பழங்குடி மக்களின் தொகை 2,258 ஆக உள்ளது. [4]